من عيون الناس يا نجد اسرقيني

٣٢

بسم الله
لا تنسون تقيمون البارت تقديرا لتعبي
قراءة ممتعه
اعتذر عن أي خطأ إملائي بدر مني
***********************
فتحت عيونها تحس بأياديه الملتفة حول خصرها ابتسمت بهدوء تبعدهم تلتفت عليه ناظرت لعيونه الناعسه ورموشه الكثيفه ودقنه الحاد ابتسمت من شافته يفتح عينه وقالت: صباح الخير
فتح عيونه يناظرها يضمها وقال: متى قمتي
نجد: الحين
هز راسه يبعدها وقالت: مداوم اليوم
هز راسه بنفي وقال: اليوم اجازة نروح لمكان
نجد: اي تعبت من البيت
اعتدل عقاب وقال: يلا ننزل نفطر ونروح
هزت راسها تقوم للحمام
دخل الحمام بعدما طلعت وراحت تلبس تتعطر وتلبس جلالها تنتظره عشان ينزلون
عقاب: قربي قربي
نجد: ليه
ناظرها وقال: اقولك قربي
قربت منه ونزل راسه يشم عطرها اللي أسر قلبه وقال: وش العطر ذا
نجد: ليه وش فيه
عقاب: لا تقولين لي بتنزلين الحين ويشمونه فيك
ضحكت بقوة وقالت: تراه عطر عطر يا عقاب
احتضن خصرها بيدينه وقال: والله لو تشوفين وش يسوي فيني العطر ذا اكمل كلامه يحشر راسه في نحرها يقبلها بقوة يطبع علامات ملكيته يضعف أمامها وراضي بضعفه احتلت قلبه وشرايينه يتذكر اول أيامهم مع بعض وتغيرهم الحين وكيف انوا الحب غيره والحين ينتظر منها ثمرة حبهم ونور عيونهم
*****************************
فتحت عيونها وقالت: وين حنا
ضحك وقال: لسا في وقت نامي
اعتدلت في جلستها وقالت: اااخ جسمي يوجعني
حط جواله على جنب وقال: قلت لك نامي عندي احسن
ناظرت فيه بحده وقال: امزح
ضحكت ورفعوا عيونهم على الموظفه اللي قالت: تحتاجون شي
هزت راسها ليان بنفي واكملت الموظفه: تحتاجون شي
ناظرت فيها ليان وشافت انظارها اللي على سطام وحركت يدها بطريقه خلت الموظفه تلتفت لها وقالت: قلت لك ما نحتاج شي
ابتسمت الموظفه وقالت: اسأل السيد انا
رفعت حواجبها ليان تلتفت لسطام اللي مبتسم صاد عنهم وقالت: جاوب يا سيد تسألك انت
التفت لها سطام وارتفعت ضحكته من ملامحها الحاده وقال للموظفه وهو يناظر معشوقته وحبيبه قلبه: اظن جاوبتك السيده ولا
ابتعدت الموظفه تناظر في ليان نظرات عجزت تفسرهم
اخذت جوالها وقال: خمني وين رايحين
ردت بهدوء بدون لا تناظره: مدري
سطام: طيب على الأقل ناظري فيني
ردت: خلي الموظفه تناظر فيك احسن
ضحك سطام واخذ الجوال من يدها والتفتت له وقالت: هات الجوال
سطام: لا
ليان: سطام لا تعصبني
سطام: طيب أحبك واحب عصبيتك
ناظرت فيه تمنع ابتسامتها من الظهور وقالت بغرور ونرجسيه: اكيد دامني أجمل فتاة
ضحك سطام وقال بابتسامه يتأمل عيونها السودة ورموشها الكثيفه:

قالت اصلاً أنا أجمل وأعظم فتاة
قلت هذا الغرور اللي مخليش غير

هيبة الكبرياء وعنفوان الذهاة
روعت كل من هو حول زولك يسير

لا حكيتي تغني الأرض حب وحياة
ولا سكتي يفوح الجو مسك وعبير

ولا مشيتي حسنك العف يتعب من وراه
ولا وقفتي كل الأعين حولك تستدير