من عيون الناس يا نجد اسرقيني

٧

عند ليان بعد ماشافت عقاب طالع من الجناح توجهت عند نجد
دخلت ولقتها جالسة فوق الكنب تقدمت منها وقالت: وش فيه
هزت راسها نجد وقالت بغصة: مدري اخوك الزفت لازم ينكد علي
انصدمت من جوابها وقالت: هوب هوب هوب اصبري وش سوا لك
جلست جنبها وقالت نجد: فيه شي فستاني
ردت: لا حلو
نجد: اجل قولي لاخوك انو الفستان عاجبني وما فيه شي وما بغيره ولا عاد يتأمر علي
ليان: ليه يعني ضروري يكون سبب ليقول لك غيريه
تذكرت نجد كلامه وقالت: مدري قال انه مايبي احد يشوف اللي شافه
وسعت ليان عيونها وقالت: ياااويلي وش شاف
ردت نجد : مدري ما يخليني اتكلم بس يقول غيري غيري
ليان: طيب انت سويتي وضعية مو زينة
نجد: من جدك انتي وش بسوي مثلا
ليان: مدري تذكري جلستي بطريقة غلط ولا انحنيتي
ردت نجد بعد ما تذكرت انحنائها قدامه: ايه لما طاح جوالي نزلت خدته
ضحكت ليان وقالت: اجل خلاص يا حبيبتي الفستان غيريه احسن لك
نجد بغصة : ليه اغيره طيب عاجبني
ليان: أقول غيريه لا يجي يشوفك لسا لابساه تدرين ما دريت ان عقاب بيغار صدق اكملت كلامها تغمز لنجد اللي استحت وقامت تطردها تخرج
************************
عند البنات
نجلاء: مابيسافرون
ملاذ: لا ما اظن سمعت انو عقاب عنده شغل يقولون مضغوط
ضحكت الجود وقالت: مضغوط ولا مندي هاهاهاها
ضحكوا البنات من سماجتهم و التفتوا لليان اللي جلست جنبهم
ليان: يا نجلاء امي تقول لك روحي جيبي أكياس الشاهي من المخزن
نجلاء: وانت ليه ما تروحين
ليان: أقول قومي ترى امي معصبة
تأففت نجلاء وقامت متوجهه للمخزن
بدت تدوره ولقته وخرجت واستوقفها صوته
خالد: نجلاء
التفتت نجلاء وانصدمت منه وقالت: خييير صد
صد خالد وقال: آسف على ذاك اليوم ما قدرت اتحكم في نفسي
ما ردت عليه تكمل مشيها متوجهه لأمها وهي فرحانة انه يكلمها لاكنها ما تبي تغضب ربها
*****************
العشاء
بعد ما كل واحد راح لبيته طلع عقاب لجناحه
فتح انوار الغرفة يدورها وما شافها عرف انها لسا مع البنات
تنهد يدخل الحمام يتروش خرج ولبس ملابسه و راح لمكتبه يبدى شغله مع سطام لبكرا
عند البنات
نجلاء: يلا يلا قومي لزوجك ازعجتينا
ليان: ترى نبي ننام
انصدمت نجد منهم وقالت: يا حيوانات اكملت كلامها بنبرة تترجاهم طيب انام معاكم
ليان: لو سمعتك جدتي هبدتك قومي روحي لزوجك
تأففت نجد تقوم تتمنى في داخلها تلقاه نايم
دخلت الجناح وشافت باب المكتب مفتوح واسرعت تدخل للغرفة تنهدت من ماشافته واسرعت تنزع الفستان قبل لا يدخل
عقاب: ما قلت غيريه
شهقت نجد وقالت: أعوذ بالله من وين طلعت انت
تقدم منها عقاب مسك ساعدها وضغط عليها بقوة وقال: انا ما قلت غيريه
نجد بعناد: مو انت اللي تقولي وش البس وش ما البس واخر مرة تتحكم فيني
عقاب: انا زوجك وبتحكم فيك فاقطعي الشر احسن لك
نجد: انت اللي اقطع الشر وخليني اسوي اللي ابيه
تقدم منها بعصبية لين ارتطم ظهرها بالجدار وقال: لا تخليني اسوي شي ما تبيه
دب في قلبها الرعب وقالت: عقاب وخر وخر
تقدم منها وحشر راسه في عنقها يستنشق عذابه وقالت بخوف: عقااااب تكفى وخّر
ابتعد عنها عقاب مقاوم لنفسه وقال: من زينك عاد
خرج عقاب من الغرفة واجهشت نجد تبكي
مر الوقت ولسا عقاب ما دخل الغرفة خرجت نجد تشوفه دخلت للمكتب وناظرت الأوراق الكثيرة دليل على كثرة شغله
تنهدت تشوفه نايم فوق الكنب قالت في نفسها اطلعي احسن لك خليه ينام هنا انت اساسا ليه تهتمين فيه
طلعت نجد من المكتب للغرفة تنام
**************************
الصباح
بيت الجد فلاح
في الحوش
سطام اللي يتكلم في الجوال مع عقاب
سطام: يا اخي ترى تأخرت
عقاب: لاتزعجني ما بقى شي و اوصل
سطام: قلت لأحد
عقاب: علمت ابوي وجدي
سطام: ايه احسن حتى انا ما علمتهم ما ابي اخوفهم
بس اتمنى تنجح خطتنا وما نلقى صعوبات
عقاب: اطلع اطلع انا برى
قفل عقاب الجوال وخرج سطام يركب جنب عقاب ويقول: الفريق يتصل وش اقول
عقاب: رد عليه وقل جايين
توجه عقاب للعمارة بعد ما كلّم سطام الفريق
*************************
عند نجد
قامت من نومها ودخلت الحمام تتروش لبس بجامتها
رطبت جسمها وعطرت نفسها لبست اكسسواراتها جمعت شعرها ولبست عبايتها تطلع عندهم
عند البنات في المطبخ
ليان: صح النوم اول مرة اشوفك صاحية بدري
نجد: اسكتي تراني ميتة نوم
ضحكت نجلاء وقالت: اجل تتعودين
نجد: عقاب برا؟؟
ردت ليان بنفي: لا خرج الصباح بدري ما قال لك
ردت نجد باستغراب: لا ما قال لي شي انتو قال لكم انه طالع
نجلاء: اي سمعته البارح يقول لأبوي وجدي
استنكرت نجد فعلته و ساعدت البنات في تجهيز الفطور
فطر الكل وجمعوا حوستهم وتوجه الكل لشغله
**********************
تركي اللي يكلم في الجوال: امرك
نايف: ايه تكفى تراني متأخر
تركي: اجل بتصل عليك تطلع اذا وصلت
نايف: تمام
قفل نايف الجوال وأسرع يتجهز قبل لا يوصل تركي بعد ١٠ دقايق لمحه من النافذة واسرع يلبس شوزه طلع من غرفته ينزل سريع من الدرج و يلتفتوا له وتقول امه: تعال يا ولدي كل لك شي
تقدم نايف يبوس راس امه ابوه ويقول: كثر الله خيركم بس تركي يستناني
ابو نايف: رح رح لا تتأخر على الولد وسلم عليه
نايف : ابشر يا يبه
الهنوف: لا تنسى تجيب لي الأغراض اللي برسلها لك
نايف: تم
طله نايف وركب مع تركي متوجهين للمستشفى
************************
نزل عقاب أمام عمارة وقال في الاسلكي: انا والعقيد سطام وصلنا
الفريق: اطلعوا فوق في الطابق الثالث جالس على الكرسي في الغرفة اليمين وخذوا حذركم ترا معاه حراس
عقاب: تم
الفريق: بنقولكم لو صار شي و بيلحقكم الدعم
صعد عقاب ووراه سطام مجهزين اسلحتهم وصلوا للطاقه الثال وقال الفريق: الدعم وصل
تقدم عقاب يفتح الباب وشاف قدامه حارس في اليمين وواحد في اليسار رجع عقاب خطوة لورا واشر لسطام وفهمه سطام وأسرعوا يدخلون
مع دخولهم التفتوا الحراس وسرعان ما ضربوهم يغمى عليهم
أشر عقاب لسطام يجي خلفه وقال الفريق: الغرفة اللي قدامك
التفتوا لطلوع الضباط وأسرع عقاب يفتح الباب ويقول بصوت مرتفع: وقف ارفع يدينك
التفت له احمد و صرخ على حراسه اللي رفعوا اسلحتهم صوبه
دخل الدعم و اسرعوا يمسكون الحراس وقال عقاب موجه كلامه لاحمد: ليه الهرب استسلم خلاص وريحنا معك
احمد بغضب : والله حتى لو مسكتوني ما بيخطبكم شري ابندمك يا عقاب على كل شي سويته لي
تقدم منه عقاب بغضب ولكمه في وجهه وقال: مو انا اللي تهددني يا حيوان
اخرج عقاب سكينه من جيبه وأسرع يضرب بها عقاب في كتفه وقال باستهزاء: ما باركت لك في الزواج
تقدم سطام يبعده عنه وكلبشوه ونزلوه متوجهين للمركز
فوق عند عقاب
سطام بغضب: انت اساسا ليه تقرب منه تراه بس يستفزك
عقاب: أقول خلاص لا تتكلم اللي فيني مكفيني
سطام: يلا يلا ما بتركك حتى اوديك المستشفى
عقاب: سطام انت تعرفني اكره المستشفيات
تقدم عقاب ينزل للسيارة يخرج علبة الاسعافات وتقدم منه سطام يساعده
**********************
بيت العم ناصر
في طاولة الغداء
ناصر: يسلموا يدينكم
ابتسمت ملاذ وقالت بعد تردد كبير: يبه
رد ناصر: نعم يا بنتي
ملاذ: ممكن نروح السوق
رفع عيونه لها وقال: اي عادي دامكم ما بتتأخرون وبيروح معاكم محمد
هز راسه محمد وقال: اي اوديكم
ملاذ: ممكن تودينا انت يا يبه
ناصر بابتسامه: ابشري يا بنتي كم عندي انا ملاذ
ابتسمت أحلام من تغير ناصر الجدري وقاموا يتجهزون
********************
مر الوقت و لسا عقاب ما اتصل على نجد اللي خلاها تستنكر فعلته يعني هو وش يقصد علّمها مثل ما علّمها يعني ،،حركته استفزت نجد
فتحت جوالها ما تدري هل تتصل عليه ولا تخليه ولا وش تنهدت تتصل عليه رن جواله وشاف مكالمتها تنهد وسكر الجوال
سكرت جوالها هي الثانيه وقامت للمطبخ تجهز الفشار تكمل مسلسلها
**************************
اعتذر عن أي خطأ إملائي بدر مني ولا تنسون ذكر الله
اتمنى تدعموني بتعليق ولا نجمة