من عيون الناس يا نجد اسرقيني

١٣

لاتنسون الدعم
بيت العم عايض
المجلس
الجد : جمعتكم هنا ابي نقول لكم شي
غالية: نعم يا ابوي فيه شي
عايض بابتسامه: والله يا اختي البارح لما جا عمي فلاح طلبوا بنتنا ليان على سنه الله ورسوله
وسعت عيونها منيرة: ليان
هز راسه عايض وقالت الجدة: هاذي الساعة المباركة
منيرة: لمين خطبوها
عايض: لسطام
غالية: هالله هالله والنعم في سطام ولد ناس واجاود
منيرة: ما شاء الله الله يبارك لهم
الجد: انتم علموها ترا الرجال ينتظر نرد له خبر
وقفت منيرة وقالت: ابشر يا عمي
خرجت منيرة ولحقها عايض
عايض: احسك مو مرتاحه
منيرة: مدري يا عايض البنت لسا صغيره
مسكها عايض وقال: وشو اللي لسا صغيره يا منيرة البنت كبرت ولازم تتزوج بتوقفين نصيبها
منيرة: اكيد لا بس لساتها تدرس يا عايض
عايض: ذا الموضوع عندي بنسألها اذا تبي تكمل دراسة بتقول ايه بنشرط عليهم انها تكمل وانتهى الموضوع
تنهدت منيرة وقالت: يصير خير لما ترجع بتصل عليك نكلمها
عايض: تمام انا بروح مع ابوي العزبة يبي يشوف حلاله له اسبوعين ما راح
**********************
الثانوية
خرجت ليان و رفعت جوالها تتصل على عقاب
عقاب: نعم
ليان: عقاب ممكن تمرني
عقاب: ليه وينه تركي
ليان: مدري اظن راح يجيب نجلاء وانا مافيني انتظره تحت الشموس
عقاب: خلاص خلاص بلا هرج زايد ٥ دقايق وجاي
سكر عقاب والتفت لسطام اللي جنبه وقال: بمر ليان
هز راسه سطام يبتسم إبتسامه خفيفة
بعد مده وصل عقاب وشافته ليان واستغربت وجود سطام جنبه وركبت وراه
عقاب: مافي اي حركة جديده
هز راسه سطام بنفي وهو يشوف الحاسوب
رفعت عيونها على المراية وشافته يناظرها رفعت حاجبها بمعنى(شفيه) صد سطام منها يرد على جواله
سطام: ايوه معاي ليه ،، حاضر حاضر
التفت سطام على عقاب وقال بهمس: البنات جاو للمركز
عقاب: من مرام و ريما ولا مدري شسمهم؟؟
هز راسه سطام ورفعت عيونها ليان بشك من سمعت عقاب يقول اسماء بنات ما تعرفهم
اكمل كلامه يقول: وش فيهم
سطام: قالوا انه جا لهم قبل يومين وسمعوه يهدد بنت في الجوال
عقاب بعصبيه: الحيوان والله ان لقيته بقتله بيديني الخبيث
بعد مده وصل عقاب ليان اللي نزلت تدخل البيت
عقاب: انتظر هنا بجيب بعض الأوراق
هز راسه سطام ،، وطلع عقاب متوجه لمكتبه
فتح باب الغرفة وشافها جالسة تتابع مسلسلها
رفعت عيونها على دخوله واسرعت تتلحف في لحافها
عقاب: وش فيه
نجد: ها لا ولا شي
قرب منها وحط جواله ومفاتيحه على الطاولة وقال: وش عندك
نجد: قلت ولا شي يا عقاب
ناظرها بشك و وزع عيونه جنبها وشاف روبها على الأرض دليل انها خجلانه لأنها مو لابسة شي ساتر
ضحك عقاب و ابتعد عنها وقال: مصيري بشوف فتعودي من الحين
وسعت عيونها وقالت: وقح
اكمل ضحكته يدخل مكتبه
التفتت نجد لجواله اللي يرن مرة واثنين
اخذته وفتحت المكالمة
مرام: السلام عليكم
نجد:وعليكم السلام من معي
مرام: اظن اني غلطانة في الرقم انا اتصلت على رجل مو امرأة
نجد برفعة حاجب : لا لا وقفي انتي على مين تتصلين اساسا
رفعت عيونها على خروجه من المكتب
مرام: عقاب
ضحكت نجد وقالت وهي تناظره : عقاب هههه وش تقربين له
مرام: وانت شدخلك اذا كان جنبك عطيه جواله ابيه
وقفت نجد قدامه واخذت روبها من الارض واعطته الجوال وقالت: خذ جوالك يا عقاب وحدة تبيك
استغرب منها عقاب ورفع جواله على اذنه وقال: من معي
مرام: انا مرام اخت أحمد
مسك راسه عقاب وقال بحدة: من أعطاك حق تتصلين علي يا اخت انا مكاني في المركز اذا تبين تتكلمين تعالي المركز
سكر عقاب المكالمة يكبث غضبه دور عيونه في الغرفة وعرف انها طلعت اخذ نفس يعرف انها اكيد فهمت كل شي غلط
عند نجد
دخلت غرفة ليان وجلست جنبها في السرير
ليان: فيك شي
نجد بغصة: لا
قربت منها ليان وقالت: لا والله لاتقولين لي وش فيك
مسحت دموعها نجد: ليان بالله خليني لحالي
قاطع كلامهم دق الباب
قامت ليان فتحت وقالت: تبي شي
عقاب: نجد عندك
التفتت لنجد اللي تنفي براسها وقالت: ايوه صار بينكم شي
دخل عقاب وقال: ليان ممكن تخلينا لوحدنا دقيقة
عزت راسها واخذت جوالها تطلع
قرب منها وقال: ترا الموضوع مايستاهل دموعك
ناظرته نجد وقامت وقالت: اجل وش يستاهل ها اضحك مثلا ولا ايش اسوي انتَ قولي وحدة تتصل على زوجي وتقول لي ابيه ايش اسوي طيب اجهز لعرسكم
مسكها عقاب وقال: هدي ترا فاهمة الموضوع غلط
نجد بغصة: اطلع يا عقاب ما ابي اتكلم معاك خلاص
ضمها عقاب له وقال: اشش خلاص لا تخلين الموضوع يكبر وهو صغير
قطع كلامه من رن جواله وقال: اسمعي انا مشغول الحين ما اقدر ابقى هنا لما برجع بنروح من هنا تسمعين
تنهد عقاب من لفت راسها عنه وقام خرج متوجه للمركز
أسرعت ليان تدخل من شافته طلع وقالت: وش فيكم
نجد: ولا شي
ليان: ذي حالة انسانة ما فيها شي قولي لا تخلينه في خاطرك ضربك رفع يده صرخ عليك ايش سوى لك
هزت راسها نجد بنفي تقول بصوت متقطع اثر البكي: اتصلت عليه وحدة تقول انها تبيه ما ادري عنها
وسعت عيونها ليان وقالت: افااا عقاب لا لا اظن انك فاهمة الموضوع غلط طيب هي شسمها
نجد: انا الحين اللي فاهمة الموضوع غلط
ليان: خلاص يا نجد لا تكبرين الموضوع سمعته هو وش قال
هزت راسها نجد بنفي وقالت ليان: ممكن تكوني ظلمتيه
نجد: مدري يا ليان فكرة انو بنت تتصل عليه ما ابيها ما ابي اي وحدة تكلمه
دفتها ليلن بخفة وقالت: ايا الغيورة قولي انك تغارين عليه وخلاص
نجد: اسكتي يا ليان
ليان: ما عرفتي اسمها
هزت راسها وقالت: قالت مرام
ليان: اهااا مرام اخت ريما
نجد: من ذول
ليان: مدري سمعته يذكرهم في السيارة لما كان مع سطام
بدت نجد تبكي وقالت: شفتي طلع يعرفهم
ليان: يا ويلي ذي البنت اسكتي خلاص لما يجي افهمي منه الموضوع ، هو اصلا ما قال انكم بتروحون الرياض
نجد: ايوه قال لما يرجع بنمشي
ليان: خلاص انسي الموضوع روحي استانسي و ترا اعرف انوا صار بينكم شي
ناظرتها نجد وقالت بخجل: وش اللي صار يا قليلة الادب اساسا من دراك
ليان: حبيبتي ترا اشوف نظراتكم لبعض لما نكون مجمّعين
قامت نجد وقالت: لا لا انا اذا ضليت هنا دقيقة بنجن
التفتوا البنات لنجلاء اللي دخلت وارتمت على السرير : تعبببببت يا نااااس
ضحكت نجد وقالت: انا رايحه باااي
طلعت نجد والتفتت ليان لنجلاء اللي قالت: ماما وبابا يبونك تحت
ليان: ليه
نجلاء: مدري
وقفت ليان تخرج من الغرفة تنزل الدرج عند امها وابوها
***********************
المركز
مكتب عقاب
مرام: انا سمعته يهدد بنت بصور مدري صورها ولا صور احد ثاني لاكن اللي اسمعه البنت تترجاه وتبكي
عقاب : كا عرفتي مين
هزت راسها بلا واكملت: نسيت اقول لكم انو فيه رجال دايما يجي عنده البيت ولما اسأله من يقول صديقه
هز راسه عقاب يناظر بسطام
خرجت مرام بعد ما أمرها عقاب وقال سطام: احس في لخبطة بالمواضيع
تنهد عقاب وقال : مدري نصدقهم ولا لا
سطام: والله بحثنا عن ماضيهم لقينا كل شي صحيح انت ما لاحظت علامات على يدها
عقاب: يعني ممكن يكون يعنفهم
سطام: غير مستبعد
عقاب: المهم انتو حطوا عساكر قدام بيتهم اذا شافوه ولا شافوا احد غريب قريب من البيت يتصلون فورا
سطام: ذا الموضوع عندي لا تخاف انا اتصرف
عقاب: المهم انا طالع بروح يومين الرياض وا،جع اي شي صار علمني
هز راسه سطام ،، وخرج عقاب من المركز يركب سيارته
اخذ نفس يتصل عليها
********************
الصاله
جلست ليان جنب امها اللي مسكت يدها وقال ابوها: تدرين يا بنتي انو الزواج سنه وبركة ونعمة من الله
هزت راسها ليان واكمل ابوها: اسمعيني كويس
ترا اخو فرح سطام خطبك من عندي البارح على سنة الله ورسوله الولد يبيك وشاريك وان كنتي تبين رأيي يا بنتي فراع رجال والنعم فيه بيحفظك ويصونك
انصدمت ليان من كلام ابوها وقالت: بابا ودراستي
عايض: لا تخافين انا معك في كل شي تبينه اذا تبين تكملينها فبنشرط عليهم انك تكملين دراستك
***************
اعتذر عن أي خطأ إملائي بدر مني ولا تنسون ذكر الله
اتمنى تدعموني بتعليق ولا نجمة وتضيفوني انستا
قراءة ممتعه 🫶🫶