من عيون الناس يا نجد اسرقيني

٨

فتح الباب وسمع أصوات خارجة من التلفاز تقدم صوبها يشوفها نايمة فوق الكنب تقدم منها وجلس يشوفها كان يتأملها ومو قادر يقوم متى وكيف وليه يسوي كذا ما يدري لاكن اللي يعرفه انها ما تخرج من باله رغم تجاهله لها الصباح وصراخه عليها امبارح لكن يحس انه ظلمها مد يده يطفي التلفاز و يزيح خصل شعرها المتناثرة على وجهها يتأمل سحبة عيونها وحواجبها اللي تشبه السيف شعرها الاسود الحريري وثغرها التوتي كانت فعلا جذابة
وقف تأمله من تحركت دليل على عدم راحتها فالمكان
تقدم يحملها ويطفي الضو متوجه لغرفة النوم
دخل الغرفة وسكر الباب برجله حطها على السرير وغطاها لاكن سرعان ما مسكت يده تقول بنبرة نوم: عقاب
نزل لعندها عقاب وقال: نامي يا بنت ناصر الوقت متأخر
تقدمت منه و حطت اصبعها على كتفه وقالت: وش ذا
عقاب: ولاشي
نجد: الا اشوف دم
عقاب بحدة: قلت ولاشي يا بنت ناصر نامي
**************************
في المستشفى
نايف اللي طلع من قسم العمليات بعد ٣ساعات وهو لداخل يحاول ينقذ المريض باي طريقة كانت
التفتت لخروجه وقالت: كيفه
تقدم نحوها وقال: انتي بنت منصور
ردت باستعجال هي الحين بحالة لا يرثى لها دموعها في عينها من الصباح وهي تنتظر اي خبر عنه: اي اي انا هو بخير
رد عليها بابتسامه: الحمد لله هو الحين بخير رغم انو العملية كانت نسبة نجاحها قليلة لكنه قوي واستطاع يتغلب على المرض لاكن يمكن تصير اي مضاعفات
تمتمت مريم بالحمد لله لسامعها الخبر لكن قالت بخوف: كيف يعني اي نوع من المضاعفات
تنهد نايف وقال: يمكن تجيه غيبوبة وما نقدر نحدد الفترة يعني يمكن اسبوع شهر على حسب
ما قدرت تفرح بالخبر تخاف انه صدق يدخل في غيبوبه وش بتسوي ما عندها غيره وديارهم بعيدة ما تدري وش تسوي اذا راح ابوها فما بقى لها شي
نقل عيونه نياف جنبها وقال باستغراب: ما في احد من عائلتكم اخوك امك اي احد
ردت مريم بغصة: لا ما في احد غيري انا وابوي توفوا بحادث الله يرحمهم
حس نايف بمدى المها لذكره لهم وقال: آسف ما كنت ادري الله يجعل مثواهم الجنة
ردت بهدوء والدموع تنزل من عيونها : امين
ما كانت تدري وين تروح اكيد ما راح تبقى في المستشفى و زيادة امها ما اكلت شي من الصباح
التفتت لسؤاله: عندك مكان تروحين له
ردت: بدبر حالي
تنهد يفكر بالشي اللي بيسويه لكن قال: اذا مافي مانع عندي شقة جنب المستشفى تروحين لها وانا بكون في بيت اهلي ريتما يطلع ابوك
انصدمت من اللي قاله وقالت: لا لا شكرا صدق بدبر حالي
رد : يا بنت الناس وين بتروحين الفجر قرب يأذن وترى البيت ما فيه احد بس انتي لا تخافين ما بسوي لك شي انا
ما كان عندها خيار غير الموافقة اكيد ماراح تنام في الشارع وحتى ما معها فلوس لحتى تحجز غرفة في فندق فهزت راسها توافق
نايف: اجل انزلي تحت للمواقف انتظريني ببدل واجي
نزلت مريم هي خايفه منه لاكن هو إنسان ينقذ حياة الناس اكيد ما بيضرها
بعد ٥ دقيق نزل وشافها وركب سيارته وركبت وراه وصلوا بعد مدة وخرجوا من السيارة يطلع العمارة وهي وراه
تقدم يفتح الباب ويخليها تدخل
نايف: خذي هاذي المفاتيح الاحتياطية لا قدر الله وصار شي وهذا رقمي ان احتجت شي اتصلي وترى في اكل داري انك ما اكلتي ولا تفتحين لأي أحد
هزت راسها مريم وقفل الباب نايف ينزل الدرج
***********************
الفجر
عند أبطالنا
فتحت نجد عيونها تشوف نفسها فوق السرير تسأل نفسها كيف جاءت وحدها ومتى تنهدت تلف راسها تشوفه نايم
وقفت تتوجه للحمام تتوضى وتخرج لعقاب تصحيه
هزت كتفه ونادته فتح عيونه وقال: اذن
ردت بايجاب: اي اظن مرت ٥ دقايق على الأذان يمديك تروح للمسجد
وقف عقاب يمسح وجهه يدخل الحمام يتوضى ويلبس ثوبه متوجه للمسجد
عند نجد بعد ما صلت وقرأت وردها واذكارها قامت تكمل نومها
************************
الصباح
بيت الجد فلاح
غرفة سطام
فتح عيونه على رن جواله
عقاب: وينك عن الجوال لي ساعة ادق
سطام: ياااخي ابي انام
عقاب بحدة: قووم الحيوان احمد هرب
فز سطام من مكانه وقال: انت من جدك كيف
عقاب بعصبية: اتصل علي الفريق وقال انه هرب بكل بساطة
سطام: لا لا مو معقول انا بيدي دخلته التوقيف واصريت على الحراس يراقبونه
عقاب بحدة: سطام اعجل علي انا ٥ دقايق اكون عندك احس في شي في المركز ما نعرفه
*********************
عند البنات
ليان: اتصلت على ملاذ و الجود قالوا ما يقدرون يجون
قطبت نجد حجاجها وقالت: ليه
ليان: مدري قالت رايحين الرياض يومين ويرجعون
نجد: الخونة رايحين يستانسون و خلوني
ضحكت نجلاء وقالت: ههههه انت شكلك لسا مو مستوعبة انك متزوجة صدق
نجد بازدراء: خلاص يا بنات كل ما اقول شي تذكروني بذا الموضوع خلاص
ليان: يا ويلي حنا وش قلنا الحين
نجلاء: ترا اللي قلته صدق يعني خلاص تزوجتي وصار لازم تهتمين ببيتك
قامت نجد وقالت بغصة: صدق زودتوها
خرجت نجد من الغرفة متوجهه لغرفتها
نجلاء: ذي من جدها زعلت
ليان: مدري خلاص بنراضيها بعدين
قامت نجلاء وقالت: المهم قومي ساعديني بسوي الغداء
ليان : الله وش بتطبخين لنا
ضحكت نجلاء وقالت: كبسة اللي يحبها قلبك
قامت ليان وباست خدها وقالت: احببببك
************************
عند مريم
فتحت عيونها واستغربت المكان اللي هيا فيه وتذكرت اللي صار بالأمس وتنهدت تقوم تتروش تلبس عبايتها متوجهه للمستشفى
في المستشفى
التفت نايف للي تسأل عن غرفة العم منصور
وقال: يا بنت منصور
التفتت مريم وقرب منها نايف وقال: نمتي زين عسى ما صار لك شي
ابتسمت مريم وقالت: لا الحمد لله كل شي بخير ومشكور ما قصرت
نايف: بتروحين لابوك
ردت: اي
هز راسه نايف وتوجه لغرفة تركي دخل نايف وشافه مركز في الابتوب
نايف: تذكر البنت اللي قلت لك عنها البارح
رفع عيونه تركي وقال: ايه وش بها
نايف: جات تشوف ابوها
تركي: يعني صدق ما عندها احد
نايف: والله انا صدقتها يعني حالة ابوها حرجة و قالت امو ماعندها احد يعني لو كان عندها احد بيخليها كذا
تركي: سمعت
نايف: وش
وقف تركي وقال: ما تسمع صراخ بنت
سمع نايف الصوت واسرعوا يطلعون يشوفون وش صاير
**************************
بيت العم عايض
الجدة منيفة: ليه ما صحيتيها
ليان: المسكينة تعبت وقلنا نخليها تنام اساسا خلينا لها
الجدة: حتى ولو اذا جا وقت الغداء الكل لازم يكون حاضر
دخل عقاب يسلم وقال: وش صاير
الجدة: روح شوف زوجتك من الصباح وهي بالغرفة حتى الغدا ما نزلت له
التفت عقاب للبنات وقال: وش فيها
ناظرت ليان نجلاء وقالت: ولا شي
وقف عقاب يتوجه للغرفة
دخل وشافها نايمه تقدم وهز كتفها وقال: بنت ناصر قومي
فتحت عيونها نجد ورجعت تغمضها وقالت: اطلع ما بي اقوم
تنهد عقاب وقال: يا تقومين يا اقومك
فتحت عيونها وقالت: يا خي تعبانه ما فيني حيل اقوم
عقاب بنفاذ صبر: انا قلت قومي من الصباح وانت هنا ما تشبعين اساسا ليه ما تنزلين تساعدينهم ما غير نايمة لايكون مستنيتهم يخدمونك بعد
قامت نجد وقالت له بصدمة: انت من جدك سامع اللي تقوله
عقاب بحدة: ايه سامعه ولا يكثر هرجك وقومي انزلي وآخر مرة اعرف انك طول اليوم بالغرفة
تغورقت عيون نجد وقالت: وش فيكم علي انا اليوم وش سويت لتقولي ذا الكلام
ناظرها عقاب وقرب منها وقال: احد قايل لك شي
ناظرت عيونها وقالت: اطلع يا عقاب
مسك ذراعها عقاب وقال: وش فيك مين قايل لك شي
نجد بصوت مرتفع: اطلع يااا عقاااب خلييني
مسكها بقوة وقال: لا عاد يرتفع صوتك اوزني حكيك يا بنا ناصر احسن لك
قربت له نجد وقالت: وش بتسوي ها بتضربني اضرب ما فرقت معاي
تنهد عقاب وقال: شكلك مو بوعيك
خرج عقاب من الغرفة و اجهشت نجد تبكي
*******************
عند البنات
نجلاء: شكلها زعلت صدق
ليان: اي والله
نجلاء: نروح لها
ليان: استني اشوف
ناظرت ليان عقاب نازل الدرج والتفتت لنجلاء وقالت: يلا
طلعوا البنات عند نجد وفتحوا الباب ودخلوا الغرفة وقالت: وينها
سمعوا صوت الماء دليل انها تتروش وقالت نجلاء: شكلها دخلت تتروش
ليان: اي يلا ننزل اكيد عقاب يكون راضاها
***********************
اعتذر عن أي خطأ إملائي بدر مني ولا تنسون ذكر الله
اتمنى تدعموني باي شي نجمة تعليق اي شي تبونه ممكن يشجعني