من عيون الناس يا نجد اسرقيني

٣١

بسم الله
لا تنسون تقيمون البارت تقديرا لتعبي
قراءة ممتعه
اعتذر عن أي خطأ إملائي بدر مني
***********************
غرفة نجلاء
نجلاء: بنات تكفون خلاص لا تزيدون علي
نجد: انتي من جدك خلاص
جلست نجلاء تتكتف وقالت: ايش اسوي طيب خلاااص دام ابوي وافق وجدي خلاص ما لي رأي افهموا
ليان: ولو لا توقعين
نجلاء: بنات خلاص يرحم امكم لا تزيدون الطين بله
دخلت ملاذ وقالت: نجلاء يبونك تحت
ابتسمت نجلاء وقالت: تم
هزت راسها ملاذ تطلع تتبعها نجلاء
نجد: مو من جدها بتوقع
ليان: والله من الصباح احاول فيها تسوي اي شي
نجد: تغيرت والله كأنها تبيه
ليان: المشكله انو ابوي فهم كل شي غلط ومهددها لو عرفوا الناس انها مجبورة ليكفر فيها
نجد: خلاص خلاص يلا ننزل
الصاله
فرح: ابطيتي يا نجلاء
أبتسمت نجلاء وقالت: كنت اتجهز كيفكم بخير
الهنوف: الحمد لله
التفتت الهنوف لأبوها اللي يناديها ودخلت المطبخ
وقال: وقعي
الهنوف: الشيخ جا
هز راسه ابوها واخذت القلم تناظر توقيعه واسمه الكامل زفرت بقوة تطرد التوتر والخوف اللي احتل قلبها
ضمها وقال: مبروك يا حبيبة ابوها
ابتعدت تضم نايف: منك المال ومنه العيال
ضربه حازم وقال: منها العيال ومنه المال
نايف: اوبس غلطت المهم الله يسعدكم
ضحكت تبتعد عنه وقالت بغرور: شكرا شكرا
مساعد: طيب حنا بنطلع وبيجي ابو سطام عشان توقع فرح وانتي تعالي معي
هزت راسها تناظر في حازم اللي مو كان فرحان ابدا او بالأخص ملامحه
خرجت مع ابوها وقالت: وين
فتح باب المجلس وقال: ادخلي
دخلت الهنوف تناظر في فيصل الجالس على جواله لكن رفع عيونه لها من سمع فتح الباب والتفتت لابوها اللي سكره
تقدمت منه تجلس جنبه وقالت: السلام عليكم
ناظر فيها ورد: وعليكم السلام كيفك
تمتمت بالحمد لله وقال: لا داعي للخجل ترا شايفك زمان وعارفك
التفتت له بملامح حاده وقالت: تعترف انت
ضحك وقال: اي عادي
وقفت وقالت: لا والله ما هو بعادي لو سمع كلامك ابوي
مسك يدها يجلسوا وقال: اجلسي اجلسي
دخل يده في جيبه وأخرج الخواتم يلبسها دبلتها وهي كذلك
فيصل: معك جوالك
هزت راسها بلا وقال: طيب باخذ رقمك من فرح
ردت: ما بكلمك
فيصل: وش رايك تلعني الشر احسن لك
ناظرت فيه تحاول تخفي توترها وخجلها منه وقال: وش فيك تناظرين كذا
الهنوف: انت فيصل صدق
ضحك وقال: لا يكون تبين فيصل ثاني
الهنوف: والله اشوفك متغير
قرب منها زياده يمرر انامله على وجهها لكنها قاطعته من مسكت يده وقالت: الزم حدودك
ضحك فيصل وقال: زوجتي وش تبين
الهنوف بتوتر: ولو ابعد
مسك يدها يرجعها ورا وقال: انتي اللي تبين تعرفين فيصل الثاني
الهنوف: ابعد ابعد تكفى
فيصل: لا تقولين تكفى
الهنوف: بيدخل احد ابعد
ابعد فيصل من سمع فتح الباب وناظر فيهم نايف وقال: يلا يلا طولتوا
ناظرت في فيصل توقف بسرعه وخرجت
ضحك نايف وقال: وش سويت للبنت انت
وقف فيصل يقول: شكلي بموت من اول ليله مع اختك
نايف: عاد حدك على اختي
ضحك فيصل يقول نايف: والله حنا آسفين بتتحمل اشياااء ترا الصبح متهاوشه مع حازم
ضحك فيصل وقال: لنا الله
***********************
فرح: يبه وين
ابو سطام: هنا
هزت راسها توقع ورفعت عيونها لأمها اللي ضمتها وقالت: مبروك حبيبتي
ابتسمت ترد: الله يبارك فيك
ابعدت عنها تضم ابوها وإخوانها وقالت ام سطام: بيشوفها
هز راسه بنفي ابو سطام وقالت فرح: انا بدخل عند البنات
دخلت فرح تستغرب من انه ما بغى يشوفها لكن سرعان ما طردت أفكارها تجلس جنبهم وقالت: نجلاء قومي اظن بتوقعين الحين
ابتسمت نجلاء توقف والتفتت لليان اللي قالت: نجلاااء
ابتسمت لها نجلاء وناظرت في نجد اللي تناظرها خلاص ما لها حيل ترفض دام ابوها قال كلمته وخالد ما له حس وتحاول تغصب نفسها على الفكرة
اخذت خطواتها للمطبخ تبتسم لعقاب وتركي اللي صاد عنها
عايض: وقعيي
اخذت القلم من يد ابوها تسيطر على توترها وعدم اقتناعها ورفضها انها تصير حليلته وقعت جنب توقيعه ترفع نظرها لابوها اللي قال: مبروك
تقدمت لعقاب اللي فتح صدره لها تستغرب حنيته تتغير معاملته وابعد من قال: بتجين معي
هزت راسها تميله لتركي اللي يناظرها وتقدم عندها يضمها وقال بهمس: انا آسف خليتك توقعين مره آسف يا نجلاء
ابتسمت تبي تريحه وقالت: خلاص يا تركي ولا واحد يقدر يوقف النصيب دامه من الله مرحبا به
ابعد عنها تتقدم لعقاب اللي مشى معاها لين المجلس وقال: مهند داخل
هزت راسها تاخذ نفس وفتحت الباب
رفع نظره لها وقال: يا هلا يا هلا نورتي
ناظرت فيه تسكر الباب وجلست بعيد عنه وقال: ما تسلمين
رفعت نظرها له وقالت بهدوء: لا
ضحك مهند وقال: اووف صريحه
ضلت تناظر في عيونه ما تبي تضعف قدامه وبتخليه يكرها ويعيفها بنفسه
وقف يتقدم لها وقال: هاتي يدك
نجلاء: ليه
رفع الدبله وقالت: ما احتاجها
ابتسم و اخذ يدها يلبسها وقال: بتحتاجينها
ناظرت فيه ومسكت يده بقوة ودخلت الدبله في أصبعه وقال: بشويش يا حلوه
وقفت قدامه وقالت: مع السلامة
سحبها لعنده وقالت بحده: فك يدي
ناظر فيها وقال: ايش المعامله ذي
ناظرت فيه وقالت باستهزاء: وش تقصد
مهند: لا تستغبين ما تعلمتي الاحترام انتي
نجلاء بهدوء: لا والله تعلمته اكملت كلامها تناظر فيه بطريقه شفقه واستهزاء: لكن ما اطبقه مع الكل
مهند بحده: وش تقصدين
ضحكت تستفزه وقالت: سلامتك
فكت يدها بقوة من يده وخرجت
***********************
ركن سيارته ينزل منها بسرعه وشاف فيصل اللي يدخن وقال: يا هلا خالد وين كنت
ابتسم خالد وقال: أشغال
ضحك فيصل يرمي دخانه وصافحه وقال خالد: مبروك عليكم عساني لحقت
ضحك فيصل وقال: تو الشيخ طلع
سكر خالد عيونه بقوة وخيبة امل وقال: بسلم على الاهل
هز راسه فيصل ودخل خالد يسلم على أهله وطلع من المجلس
رفع نظره للي طلعت وسكرت الباب والتفتت له
طالت انظارهم لبعض وكل واحد يعاتب الثاني بعيونه الكلام اللي عجزوا يقولونه لبعض عيونهم تحكيه
ناظر في لمعة عيونها ودمعتها اللي نزلت على خدها تحرق بشرتها الناعمه نفسها تبكي بين ذراعه وتعاتبه
على كل شي صار لها وهو مو موجود
صد عنها تنزل دمعته عجز يحبسها داخل عيونه عجز يخفي ضيقته مو مستوعب انها صارت لغيره كيف وليه ومن اخذها منه ولا اجابه في راسه اخذ خطواته يطلع من البيت يركب سيارته
سكرت عيونها بقوة من شافت ملامح الخذلان واليأس والحزن منه ودمعته اللي نزلت وابتعاده عنها تتمنى لو يرجع وتضمه وتقول له أسبابها
ركن سيارته وسط الطريق يطلع منها يصرخ بكل قوته يطلع عضبه وقهره وخيبته من قلبه يجلس على الأرض يبكي ويبكي بحرقه آلمت صدره وحلقه يشهق كأنه طفل ابعدوه عن أهله لحد الان ما عرف من أخذها منه يدري انها حاولت وحاولت لكن ما قدرت ما يدري بالحقيقه الكامله لكن يعرف انها ما تسويها دامها وثقت فيه وتكلمت معه وكسرت حاجز بينه وبينها مو بسهوله انها تمشي وتوافق على احد وهي داريه انو في واحد يبيها ويا كثر غلاتها بقلبه
اخذ دخانه من جيبه يشعله يطفي نار صدره وغيرته وعجزه انه يسوي شي بس فكرة انها بتكون لغيره توجعه وتوجعه حييييل
********************************
عقاب: يا ولد طرييييق
التفتت ملاذ لنجد اللي تضحك وقالت: يا بنت زوجك
ناظرتها وقالت: وش فيه
فرح: يناديك قومي
وقفت وتوجهت للمطبخ
رفع عيونه لها وقال: جددي القهوه
ناظرت فيه بحده وقالت: وشووو
عقد حاجبه وقال: جددي القهوه
قربت منه وقال: ما تسلم وتآمر بعد
ابتسم وقال: اي آمر وانتي نفذي
ضحكت بقهر واخذت الدله بقوة من يده
ابتسم يناظر عصبيتها المكبوته وطريقتها في تجديد القهوه
مدت الدله وقالت: خذ قهوتك
سحبهامن يدها وقال: وش فيك
ابعدت عنه وقالت: البنات ينتظروني
ناظر فيها لين طلعت واخذ الدله يرجع للمجلس
منيرة: نجلاء تعالي
نجلاء: نعم يمه
التفتت لابوها اللي قال: متى تبين العرس
نجلاء: ما ابيه
ناظر فيها عايض واستغفر وقال: اجل جهزي ملابسك
وسعت عيونها وقالت: ليه
عايض: دامك ما تبين العرس لاداعي تبقين هنا عندي روحي لزوجك احسن لك
نجلاء بغصه: يبه وش فيك يبه بتقطني لهم من اول يوم لي يا يبه
عايض: انا قلت كلامي ولما يروحوا المعازيم بتروحين مع زوجك
التفتت لأمها اللي تناظر بهدوء وقالت: بينكم انا مالي دخل
عايض: لا تخليني اعيد كلامي
ناظرت فيه تهز راسها وطلعت لغرفتها بسرعه
مريم: وش فيها طلعت بسرعه ما جلست معنا
فرح: لا يكون فيها شي بنات
ناظرت نجد في ليان وقالت ليان: نجلاء مغصوبه عليه
ملاذ: احلفي
نجد: والله
الهنوف: طيب كان سوت شي
ليان: والله اسمعوا الموضوع بيننا والسالفه طويييله وفيها سوء فهم فما كان عندها خيار ما توافق
هزوا رؤوسهم البنات بأسى ووقفت ليان وقالت: انا بشوفها
وقفت معها نجد وطلعوا عندها
التفتت لهم تمسح دمعتها وقالت بابتسامه مزيفة: وش صار بنات راحوا المعازيم
نجد: نجلاء يرحم امك لا تمثلين علينا
ليان: وش قال لك ابوي
ناظرت فيهم وقالت بهدوء عكس اللي داخلها من ألم وقهر من تغير ابوها عليها: بروح معاه
توسعت عيونهم وقالت نجد: وش وش عيدي
ليان: من جدهم
نجلاء بغصه: سألني ابوي متى تبين العرس قلت ما ابي قال اجل تروحين مع زوجك
قربت منها نجد وضمتها وقالت: خلاص حبيبتي
ليان: مو معقول ابوي مو كذا
ابتعدت نجلاء وقالت: بجمع ملابسي في الشنطة
قربت منها ليان وقالت: وانتي ناويه تروحين
هزت راسها نجلاء وقالت ليان: وخال..
قاطعت كلامها نظرة نجلاء والتفتوا لنجد وقالت: من ذا
ليان: ها ولاشي
نجد: بنااات ترا ماني هبله
نجلاء: خالد
نجد: وش فيه
نجلاء بمحاوله كبث دموعها: يبيني وابيه
رفعت كفها لفمها وقالت: وش
نجلاء بأسى: ليان بتعلمك انا بشوف اغراضي
************************
الحوش
ابعد يده مهند وقال: ولا عليك يا عمي في أمانتي
ابتسم عايض يبتعد عنه والتفت مهند لتركي وعقاب
قرب منه عقاب ورفع يده لكتف مهند وقال بابتسامه: ما يحتاج نوصيك ولا
ابتسم مهند وقال: لا لا نجلاء في عيوني
ناظر فيه تركي يصد عنه يدخل البيت
ركن سيارته يحاول يهدي انفاسه ونزل من سيارته
رفع عيونه لنجلاء اللي طلعت مع شنطتها ومهند اللي قرب منها يحملها
وسع عيونه وقال: مهند
التفت مهند بسرعه وقال بتلعثم: خاا خالد
قرب منه خالد ومسكه من ثوبه يشده بقوة وقال: كييييف تسويييهاا
ناظر فيه مهند وقال: ابعد ابعد
رفع يده لعنقه يخنقه بقوة وقال: كيييف ولييه
قربت منه تلمس يده تقول: تكفى خالد بعد عنه لا توصخ يدك فيه ما يستاهل خاااالد
ناظر فيها خالد وقال: ابعدي يا نجلاء ما بي أأذيك
مسكته بقوة وقالت وهي تناظر عيونه: تكفى طالبتك خالد فكه
ناظر في عيونها وقال: ما اقدر ماااا اقدر كيييف يسويها ويخطبك ويدري انييي ابييييك كييييف
ضحك مهند ودفه بقوة يكح وقال: ماهي من نصيبك
نجلاء: خالد لا تسمع له خااالد
مهند: اركبي يااااا بنت
خالد بحده: لا تصاااارخ عليها
مهند: زوجتي مالك دخل
لكمه خالد بقوة وقال: تخسي وتعقب تكون زوجتك فاااهم تخسي يا نذل يااا حيوان هذي جزاة ثقتي فيك
تفل مهند الدم ومسك يدها بقوة يركبها السيارة وقال لخالد بضحك: يا زينها بس
ركب سيارته بسرعه يحرك يبتعد عن المكان
رمى خالد مسبحته بقوة على الأرض وقال وهو راص على اسنانه؛ والله ما اخليها لك
*****************************
بيت ابو مهند
دخلوا للبيت وقالت صبحيه: من الحين بحذرك يا شموخ قسم بالله لاسمعك تولولين ولا تقولين للبنت شي بيصير لك اللي ما يعجبك
ناظرت في امها وقالت: وانا اقول اني ما بسكت لحقي
نواف: اسمعي الكلام يااا بنت
شموخ: انت مالك دخل بسوالف الحريم
ناظر فيها بحده وقال: والله لسانك ذا لو ما مسكتيه واحترمتي اللي اكبر منك ما تشوفين خيييير
صدت عنه شموخ تتوجه لغرفتها
سياره مهند
مهند: انزليييي
ناظرت فيه تقول: ما بنروح الفندق
ضحك بخبث وقال: ليه خايفه يسمعون صراخك
ناظرت فيه بحده وقالت: قليل ادب
نزلت من السياره تناظر فيه يحمل شنطتها تمسي وراه
عليا: وش قاعده تناظرين
شموخ بحقد: جو
عليا: واذا جو وش تبين فيهم
التفتت لها وقالت: من جدك ما بخليهم يتهنون
عليا: وش سويتي يا بنت
ضحكت شموخ وقالت: بتشوفين
ما مر الا ٥ دقايق واعتلى البيت صراخ نجلاء
طلعوا من البيت متوجهين لغرفة مهند اللي كانت في آخر الحوش
ابو مهند: مهند يا مهند وش صاير
خرجت نجلاء وقالت: عمي فيران يا عمي فيراااان
ابتسمت بخبث شموخ وهي تدري بكره نجلاء للطيران وقالت بتمثيل: عسى ما شر حبيبتي تخافين من الفيران
ناظرت فيها نجلاء تصد عنها وطلع من الغرفه مهند وقال: كثيرين يبع وش جابهم
ابو مهند: والله ما ادري
صبحيه: توي الصباح منظفتها ما كان بها شي
التفتت عليا لشموخ اللي تناظر فيهم بابتسامه وقال نواف: حصل خير حصل خير
ابو مهند: اي والله تعال انت للمجلس تنام وخلي البنت تروح مغ البنات لين يصبح الحال ونشوف الوضع
هز راسه مهند يناظر في نجلاء ونجلاء اللي كانت في قمة السعاده انها بتبعد عنه وتشكر الفيران رغم تقززها منهم
ناظرت عليا في نجلاء وقالت بابتسامه: جيبي ملابسك وتعالي معانا
هزت راسها واخذت شنطتها تدخل معهم
فتحت الباب شموخ وانسدحت على سريرها تناظر في عليا اللي أعطت لنجلاء سريرها تناظرها بحقد وكره
عليا بابتسامه: اذا محتاجه شي ناديني
هزت راسها نجلاء تناظر في عليا اللي تعدل مكان لها في الارض
**************************
بيت العم عايض
دخل لغرفته وناظر في ظلمة المكان اخذ خطواته للكوميدينه يشعل الضو الخفيف يشوفها منسدحه على السرير متكورة اثر شعورها بالبرد
مسك اللحاف يغطيها وفتحت عيونها بهدوء وقالت: عقاب
ابتسم لها وقال: نامي انا هنا
سكرت عيونها وابعد عنها يبدل ملابسه انسدح جنبها والتفتت له تناظر فيه وقال: ما نمتي
هزت راسها بلا وفتح يده تبتسم بخجل وتقرب منه حطت راسها على صدره يمرر كفه على شعرها وقال: اطفي الضو
نجد: لا خليه كذا خفيف
هز راسه وقالت: خايفه
عقاب: من وش
نجد: ما ابي اولد
ضحك وقال: كم لك الحين
ضحكت وقالت: ما تعرف عمر ولدك
ابتسم بهدوء وقال: نسيت
ضحكت ترد: قريب ادخل الشهر ٢
مرر يده على بطنها ترفع يدها لكفه وقالت: وش بتسميه لو كان ولد ووش بتسميها لو كانت بنت
ابتسم وقال: مدري
نجد: فكر
عقاب: اذا ولد بسمي انا واذا بنت تسمي انتي
هزت راسها بموافقه وقال: نهيان
ابتسمت وقالت: ليه
ضحك وقال: من كنت صغير كان ودي اسمي ولدي ذا الاسم وحتى لما كبرت كانت تجيني افكار اغير اسمي لنهيان
ضحكت وقالت: حلو يا ابو نهيان
نزل راسه لها وطبع قبله على جبينها وقال: انتي الحلوة يا ام نهيان
ابتسمت بخجل وقالت: وتين ولا لتين
ابتسم وقال: والله لتين لو بتكون جميله زي امها هذا اللي ابيه
ضحكت بخجل وقالت: انا جميله
عقاب: اووووف
اكمل كلامه يناظر في عيونها: