من عيون الناس يا نجد اسرقيني

١٢

لا تنسون تقيمون البارت
العصر
دخلت سيارات عائلة العم فلاح حوش بيت العم مسفر
دخلوا الرجال المجلس وبدوا يسلمون على بعض ويسولفون
عند الحريم بعد ما دخلوا وسلموا تجمعوا البنات في ركن
ليان: اجل لازم كل وحدة تخبرنا بعلومها
فرح: تخيلوا مين يدرسنا في الجامعة
التفتت ليان لنجلاء اللي تشرب قهوتها
نحد: مين
فرح: خالد
ملاذ: والله كثر الرجال اللس نعرفهم في حياتنا حبيبتي من ذا خالد
فرح: يا غبيه خالد اخو الجود
اعتدلت الجود في جلستها وقالت: أحلفي
فرح: والله
الجود: ما خبرني
فرح: ليه ما قالت لكم نجلاء
التفتو لنجلاء اللي كانت سرحانه
نجلاء: احح يا حيوانة ليه تضربي
ليان: لنا ساعه نناديك
نجلاء بالم: طيب ما سمعتكم
نجد: المهم يا بنات لازم نسوي شي تعبت من الجلسة هاذي
فرح: نلعب صراحه ولا جرأة
ضربت كفها ليان وقالت: معك
نجلاء: وانا
ايدوا البنات فكرتها وبدوا يلعبون
فرح: بنبدا بمين
هزت يدها ملاذ وقالت: انا
فرح: طيب صراحه ولا جرأة
ملاذ: صراحه
اتفقوا البنات على سؤال وقالت الجود: وش اليوم اللي قلب حياتك كلها للاحسن
ملاذ: الليله اللي قبل زواج نجد وعقاب
نجد: اتفق معاها
ليان: طيب وش صار
ملاذ: انتوا سألتو اليوم مو الأحداث
فرح: طيب جانا فضول قولي لنا
ملاذ: مرة ثانية اسألوا اجاوب
نجد: اوك المهم دوري
ليان: جرأة ولا
قاطعتها وقالت: جرأة جرأة
ضربتها نجلاء وقالت: البنت جريئة
ضحكوا البنات واتفقوا
ليان: احم بتتصلين على عقاب وتقولين له احبك
وسعت عيونها نجد وقالت: لا لا تمزحون آخر شي اسويه
نجلاء: يلا يلا يا الجريئة
نجد: بنات لا تكفون
بدوا البنات يجبرونها
اخذت نفس نجد واتصلت عليه
قطع كلامه عقاب مع محمد والتفت لجواله
عقاب: هلا
نجد بنبرة خفيفة: عقاب
تنحنح وقال: سمي يا بنت ناصر
زفرت نجد وقالت بصوت خافت : انت لحالك
همسوا لها البنات تفك سبيكر ونفت براسها
تشتت عقاب من نبرتها وقال: سمي
نجد بصوت خافت وخجل: طيب احبك
سكرت نجد الجوال وزفرت وصار وجهها كله احمر
ضحكوا البنات عليها وقالوا: وين الجريئة اللي كانت قبل
نجد بخجل: اسكتوا تكفون مو قادرة
ضحكوا البنات وكملوا سوالف
عند عقاب اللي تخدر من كلمتها وصوتها اللي عذبه
وقال في نفسه: وش البنت ذي صدق ناويه علي يا ويلي
قام عقاب يخرج من المجلس متوجه لجلسته اللي في الحوش الخلفي
جلس على كرسيه وأشعل سيجارته يحطها في فمه
عند نجد
صعدت لغرفتها متوترة من ردة فعله
نجد: طيب عادي خلاص انا اساسا ما كذبت
لا لا وشو اااخ ليه تقولينها اممم طيب لو جينا للصراحه ما كذبت انا احبه
اكملت كلامها تقرب من النافذة تشوفه جالس على كرسيه يدخن ابتسمت بحب تتأمله لين رفع عيونه وتلاقت عيونهم مع بعض اسرعت نجد تسكر الدريشة تنط فوق السرير تصرخ بين المخدات دليل على خجلها ، تحس بفراشات تتوزع في بطنها
****************
بعد مدة في مجلس الرجال
ابو سطام: والله يا ابو عقاب جيناكم اليوم طامعين في نسبكم وقربكم ،، نبي ابنتكم ليان لولدي سطام على سنة الله ورسوله
انصدم عقاب والتفت على سطام اللي يناظرها مبتسم
ابو عقاب: هاذي الساعة المباركة يا اخوي ولكم مني اللي تبونه لكن لازم نشاور البنت ولا يا ابوي
تنحنح ابو عايض وقال: لازم نشاور بنتي حفيدتي ونرد لكم خبر واللي فيه الخير يصير
أشر عقاب على سطام اللي تبعه للخارج
سطام: آسف اني ماعلمتك يعني ما كنت ادري بردة فعلك الصراحة
عقاب: انا ما قلت لك شي الحين بس يعني صدمتني
سطام: والله خلاص يعني لازم اكمل نص ديني ولا
ابتسم عقاب وقال: معك حق
*********************
تعشوا الرجال والحريم وكل واحد راح لبيته الا ملاذ قررت تبقى عند البنات
غرفة ليان
نجلاء: والله اليوم تعبت
نجد: انت اكثر وحدة تتعب فينا صدق
ملاذ: المهم بوريكم شي
التفتوا لها واخرجت شنط من وراها
ليان: وش ذا
قامت نجد تضمها وقالت: ما نستنا
ملاذ: اكيد ما بنساكم
ابتسموا البنات ووزعت عليهم ملاذ الهدايا اللي جابتها لهم واسرعوا يضموها
صعدت نجد الدرج وهي تدعي تلقاه نايم
فتحت باب الغرفة و شافته واقف و يدينه على زجاج البلكونة
تشجعت نجد واتجهت نحوه
التفت على دخولها ،، شافته ونزلت انظارها على سيجارته اللي بين ثغره ،، تقدم منه ورفعت اناملها تمسك السيجاره بيدها ،، حط عقاب يده على خصرها يقربها له وانصدم من قربت السيجارة على فمها
أسرع يشيلها من يده الثانية بينما الأخرى تضغط على خصرها
عقاب: انت من جدك
نجد: ليه
عقاب: وشو اللي ليه اشك انك شاربة شي من امبارح وانت مو بنت ناصر اللي اعرفها
ابتسمت وقالت: من انا
عقاب: وش
نجد: وش اسمي
عقاب: نجد
نجد: طيب ناديني باسمي ليه تقول لي بنت ناصر
ابتسم عقاب وانحنى لها يقرب منها لين حست بخشمه على خشمها ،، توترت من قربه وقالت بصوت خافت: عقاب
عقاب: تسمحين
رفعت يدها على اكتافه وقالت: عقاب لا تتهور
تقدم منها لين حست بثغره اللي على ثغرها وأسرع يقبلها بشغف من زمان وهو منتظر ذي اللحظة رغم ثقله وصراخه عليها لكن اليوم تأكد من مشاعره لها واتخذ اول خطواته (القبلة) ابتعد عنها من حس انها تحتاج تتنفس
عضت ثغرها اثر خجلها منه ومن حركته ما بتنكر انها تبيه وتبي قربه لكنها خايفة من مستقبلها معاه ومن كل شي
ابتسم عقاب وحملها متوجه للسرير انسدح جنبها وضمها له يدري انها تعبانه ما يبي يضغط عليها
******************
الصباح
غرفة نجلاء
فتحت عيونها على رنين المنبه قامت تدخل الحمام تتروش خرجت رطبت جسمها لبست عبايتها مع نقابها حملت شنطتها في يدها وخرجت تنزل الدرج التفتت على امها اللي قالت: تعالي سويت لك قهوة
تقدمت منها وابتسمت: مشكورة يا أمي
منيرة: تركي ينتظرك برا لا تتأخرين،، استودعتك الله
خرجت نجلاء تركب مع تركي
تركي: تبين قهوة
نجلاء: لا شربتها سوتها لي يمة
تركي: شغلي شي
نجلاء: حاضر
شغلت نجلاء اغنية لماجد المهندس
**************
فتحت عيونها تتذكر القبلة اللي صارت بينهم البارح تحمر خدودها
قامت اخذت دوش وخرجت تلبس ملاسها تتعطر وتحط القليل من المكياج مع بعض الاساور
تنهدت تتخذ قرار تتصل عليه
فتح جواله ورد على اتصالها وقال: حي الله بنت ناصر صحيتي
ردت بصوت خافت: اي وينك
فتل شاربه وقال: انا في المركز خرجت بدري عندي أشغال كثيرة
نجد: اها اجل اخليك تركز في شغلك
عقاب: لا تسكرين خليك معاي
ابتسمت وقالت: طيب
عقاب: باتصل عليك بعد كم ساعة بننزل للرياض
نجد: ليه في شي
عقاب: لا بس نغير جو ما تبين
نجد: الا ابي بس استغربت يعني
ابتسم عقاب وقال: اجل بسكر الحين استودعتك الله
نجد: مع السلامة
سكرت منه تنزل عند عماتها تفطر لانو البنات مداومات
في الجامعه
بعد انتهاء الحصة خرجوا البنات وضلت نجلاء تجمع ادواتها
نزلت الدرج والتفتت له من قال: تحسبين ما عرفتك
نجلاء: عفوا
تقدم منها خالد وقال: اعرفك من عيونك
توترت نجلاء وقالت: خير وش اللي من عيونك
قرب منها لين صارت قدامه وقال: على مين تسوقينها يا نجلاء بنت عايض
نجلاء: دامك عرفتني يا ولد العم خلني اروح احسن لنا
خالد: انا ابيك وبتقدم لك
اندهشت منه وقالت بغيرة: اسأل جدتي تراها تعرف عروستك
مسكها من يدها وقال: وش
نجلاء: وخر يا خالد
خالد: انا مالي دخل فاللي تبيه جدتي انا ابيك انتي وشاريك
ابتسمت نجلاء من تحت النقاب وقالت: يصير خير با ولد العم تركي ينتظرني تحت
خرجت نجلاء من الجامعة تنتظر تركي ، تحس بفرحة من كلامه وأخيرا بيتحقق حلمها من يوم كانت صغيرة وهي تحبه لاكن رغم ذلك تحس بأن جدتها عائق لفرحتها
*******************
المستشفى
غرفة منصور
دخل نايف يتفحصه وشافه صاحي قرب منه نايف وقال: السلام عليكم
رد منصور بصوت خافت: ابي موية
مد له نايف الموية وقال: كيفك يا عم انت بخير
منصور: مريم وين؟؟
استغرب نايف وقال: مريم مين مريم
قام منصور وقال: اخذوها صح اخذو لي بنتي اااخ ماقدرت احافظ عليها اخذوها مني وانا حي
مسكه نايف يحاول يهديه: اذكر الله يا عمي بنتك بخير وبأمان
منصور: طيب وينها
نايف: اصبر اعاينك اول لأنك كنت في غيبوبه ولا تخاف من شي
تنهد منصور يستلقي على السرير يفكر في بنته ووين كانت المدة اللي كان فيها في غيبوبة
خرج نايف من الغرفة وصادف مريم االي جاية
نايف: مريم
التفتت واستغربت معرفته باسمها وقالت: نعم
قرب منها وقال: عندي لك بشارة
ابتسمت وقالت: وش هي
نايف: ابوك فاق من غيبوبته وسألني عنك
مسكت يده وقالت: احلف
تنحنح نايف وانصدم من ملمس يدها على يده واسرعت تشيلها تعتذر منه
دخلت عند ابوها اللي أسرعت تضمه بقوة
مريم: وحشتني يا بوي كل يوم اجي واقول بتقوم وما تقوم اااخ
ابتعد منها يمسح دموعها ويقول: اسف يا بنيتي انتي كيفك بخير وين كنتي المدة هاذي علميني كل شي لا تخافين جا لك ولد عمك قولي الصدق
مسكت يدينه وقالت : انا بخير يا ابوي ولا تخاف علي لقيت ولد ناس واجاود ساعدني
منصور: من
مريم: الدكتور اللي سوى لك عمليه
اكملت مريم كلامها تخبره عن كل شي ولا تخفي عنه شي واحد
***********************
فرح: انت وينك لنا ساعة ننتظر تحت الشموس
فيصل: أقول لا تصارخين علي لنا على اساس انت وحدك من معك
فرح بطفش: يا ليل ترا تعبنا المسكينة الهنوف السائق مشغول وقلت نوصلها معانا
فيصل: أقول وصلت وصلت
سكرت منه والتفتت للهنوف وقالت: يلا يقول انه وصل
زفرت الهنوف تلحق فرح ماتبي تشوفه ابدا كل ما تشوفه تتذكر ذاك اليوم اللي نزلت فيه المطبخ
************************
اعتذر عن أي خطأ إملائي بدر مني ولا تنسون ذكر الله
اتمنى تدعموني بتعليق ولا نجمة وتضيفوني انستا