من عيون الناس يا نجد اسرقيني

١٩

بسم الله
لاتنسون تقيمون البارت تقديرا لتعبي
قراءة ممتعه 🫶
**************************
بيت العم عايض
الصباح
فتحت عيونها وابتسمت من تذكرت ليلة امس لفّت راسها ناحيته وشافته غاط في نومه واخذت روبها من الأرض تستر به جسمها ودخلت الحمام
خرجت بعدما رطبت جسمها ولبست ملابسها
تقدمت منه وقالت: عقاب يا عقاب
قربت زيادة وهزت كتفه بيدها وقالت: عقاب تأخر الوقت يلا قوم
شهقت من سحبها له واعتلاها وضربت كتفه وقالت: وخر انت صاير تفجعني
ابتسم وقرب منها وباس جبينها وقالت: صباح الخير
رد: والله لو كل يوم أصبح على وجهك هذا هو الخير
ضحكت وقالت: يلا بتتأخر على شغلك
ابتسم ووقف متوجه للحمام ، خرج ولبس بدلته وشوزه (أكرمكم الله) ولبس ساعته وقال من شافها تلبس جلالها : بتنزلين تحت
هزت راسها بايه وقالت: بفطر معهم
ابتسم وفتح لها الباب و مسك يدها من بغت تخرج وقال: ابي شي يصبرني عليك لين اجي
عقدت حجاجها وقالت: كيف
ابتسم يقرب منها وقبلها من ثغرها وقال: كذا
ضحكت وهزت رجلها ومسكت وجهه بيدينها تقربه منها تقبله بحنية
ابتعدت عنه واسرعت تنزل الدرج
**********************
الجامعة
الظهر
بعد ما انتهت الحصة خرجوا البنات من الجامعة وودعوا بعض وجلست نجلاء على احد الكراسي تنتظر تركي
التفت وقالت: نعم
سعود: آسف لكن ابي منك طلب
هزت راسها وقالت: نعم وش بغيت
سعود: لو ما عندك مشكله ممكن تعطيني رقم الوالد
نجلاء: ليه
سعود: اعطيني وبتعرفين بعدين
أعطته نجلاء الرقم وابتعد عنها الرجال ووقفت تتصل على تركي
رد وقال: نعم نعم ازعجتيني
نجلاء: أقول وييينك من الصباح وانا انتظر
تركي: تراني لسا متأخر مقدر اجي الحين
نجلاء: مو منجدك ليه ما قلت من زمان
اركي: يرحم امك يا نجلاء لا تزيديني مضغوط شوفي لك اي حل
قفل المكالمه وتنهدت وقالت: بقتله بقتله
التفتت لخالد اللي قال: من
ردت بغضب: انت ان ما بعدت عني بقتلك انت الحين
خالد بابتسامه: وش فيك منفسة
ردت بغضب: الخبل تركي ما يقدر يجيني
خالد: بس هذا اللي معصبك
نجلاء: انت اساسا شدخلك
خالد: لا حرام لا تقولين كذا وانا اللي كنت ابي اوصلك
نجلاء: لا توصلني لا اوصلك
ابتعد عنها واتصل على عمه واخذ الأذن وقال لها: اطلعي بوصلك
نجلاء بعناد: قلت لك ما ابييي
خالد: وانا اقول خلي العناد على جنب وتعالي
قربت منه وقالت: لا تحسب اني ابي اجي معك ترا بس ابي اروح البيت بسرعة
دخلت السيارة وسكرت الباب وجاتها لحظة ادراك لكلامها واسلوبها معاه
***************
الثانوية
مكتب المديرة
ليان: قسم بالله ما سويت لها شي
وصايف: انتي اللي بديتي
ليان: والله العظيم ما سويت لها شي هي اللي بدت تسب
المديرة: جبتكم تحلون المشكلة لا تزيدونها
ليان: يا مديرة والله كانت معي زميلتي واسأليها هي اللي جت وبدت تسبني وانا ما اعطيتها وجه والظاهر انها تحسست من ما عطيتها وجه وجات ومسكتني من يدي وانا دافعت على نفسي بس
المديرة: وينها ذي
ليان: برا
المديرة: ناديها
ليان: ريناااد
دخلت ريناد المكتب وقالت كل شي شافته واللي يطابق كلام ليان وقالت المديرة: اجل يا وصايف برري موقفك
وصايف: يا مديرة تراهم صحبات اكيد بيقولون نفس الكلام ومتفقين
المديرة: اجل اعطوني رقم أولياء اموركم ما تبون تعترفون من بدت انا بحلها بطريقتي
تنهدت ليان وخطر في بالها سطام وعطتها رقمه
رد سطام على الاتصال وقالت المديرة: هلا انا مديرة ثانوية........ انت ولي أمر الطالبة ليان
سطام باستغراب: ايه ليه وش صاير
المديرة: لا بس اذا ما كنت مشغول تعال ليان داخلة في مشكلة
قفلت الخط من سمعت موافقته بالمجيء واتصلت على ولي أمر وصايف
قدام الثانوية
سطام: غيث؟؟
غيث: يا هلا سطام خليتك في المركز وش تسوي هنا
سطام: والله حرمي مسوية مشكلة وانت
ضحك غيث وقال: وانا خطيبتي مسوية مشكلة
سطام: اجل شكلهم الاثنين متورطات
غيث: يلا يلا ندخل ونشوف الله يستر
دخلوا للإدارة وأسرعت المديرة تقول لهم اللي صاير
رفعت حواجبها ليان لسطام اللي يناظرها بحدة وقال غيث لسطام: شكلهم مو متضررين
سطام: الظاهر اي
غيث: اجل يا أستاذة المديرة ما في اي شي سكري السالفة
تنهد سطام ومسكها من يدها يجرها برا
ليان: وخر ترا توجعني
ما اهتم لها وخرج من الثانوية وركبها السيارة
ليان: وش فيك انت انجنييت
سطام بحده: ليه تمدين يدك على البنت
ليان: مامديت يدي عليها هي اللي بدت تسبني
سطام: حتى لو سبتك لا تمدين يدك افهمي لو ما كنت ما اعرف غيث يمكن ترفع عليك قضية اعتداء
ليان: من جدك انت لا تصعد الأمور ترا كلها نتفة شعر وصفعات
سطام: شلتي للبنت شعرها وتقولين لا تصعد الأمور
ليان: اساسا انت ليه تصارخ علي ترا لو كنت ابي اللي يصارخ علي اتصلت على عقاب او ابوي
سطام: تراكي مو مستوعبة فعلتك
ليان: ليه ما تفهمون انها سبتني ليييه
اكملت كلامها تجلس في المرتبة اللي ورى
سطام: وش فيك انتي
ليان: لا تكلمنيييي فهمت
سطام: أقول تعالي قدام
ليان بغصة: ماني جاية ابعد عني ولا تكلمني
لاحظ سطام تغير نبرة صوتها وقال: ليان
صدت عنه تناظر الطريق وقال: ليان كلميني
زفرت بقوة تحاول تمسك دموعها من زمان ما صرخ عليها احد او حاسبها علي شي سوته وهي مو مسوية ولاشي
نزل سطام من السيارة وفتح بابها وقال: انزلي
ليان: بتخليني هنا صح
نزلت ليان وضمها له وقال: ما كنت ابي اصارخ عليك
شدت عليه بقوة وقالت: لاعاد تصارخ علي انا اصلا ما سويت لها شي هي اللي بدت
ضحك وقال: لا تزعلين مني ترا
ابتعدت عنه وقالت بخجل: ما زعلت
ضحك وقالت بادراك: انت من أعطاك الحق تضمني
سطام: يا ليل الليل أقول اطلعي
********************
المركز
دخل عقاب لغرفة التحقيق وجلس قدامه وحط الأوراق فوق الطاولة وقال: اجل يا استاذ احمد قالوا لي انك ما تبي تعترف مين أعطاك الأوراق
احمد: ايه
عقاب: واضح انك ما تبي تعترف
احمد: ايه والاسوأ لما تعرف انت مين
استغرب عقاب وقال: اجل خلينا جميلين مع بعض وقول لنا مين
احمد بابتسامه: الصراحه يعني لقيتهم
ضحك عقاب ووقف وقرب منه وحط يدينه على اكتافه وقال: مابي استعمل معاك طرق سيئة
احمد: وانا ما ابي اخرب حياتك
قومه عقاب وقال: صبري له حدود فاستعجل
احمد: وش رايك اعطيك تلميحات
دفعه عقاب على الجدار وحط يده على عنقها وقال له: لا تلعب معي
احمد: وخر عني
شد عليه عقاب وقال: لا تخليني اطلعك جثة من هنا تكلمممممم
قرب منه احمد وقال بابتسامه خبيثة: اسأل زوجتك تعرف كل شي
انصدم من كلامه وقال بحدة: وش تقول انت من جدك
احمد: اسألها وبتعرف كل شي
لكمه بقوة عقاب وقال بحده: وش دخلها بالموضوع هااا
احمد بضحكة ساخرة: اسألها لا تسألني
نزل عليه عقاب و بدأ يلكمه بجنون
اسرعوا الضباط يدخلون يفكونه قبل لا يقتله
وقف عقاب يحاول يامالك اعصابه ايش دخل حرمه فالموضوع
خرج من المركز بسرعة متوجه للبيت
**********************
بيت العم طلال
الصالة
نزلت فرح جري وقالت: يمههههه
خرجت ام سطام من المطبخ وقالت: وش فيك
مسحت فرح دموعها وقالت: يمه ليو ما يتحرك
ام سطام: وش تقولين من جدك
فرح بغصة: قسم بالله دخلت اتروش خرجت علشان اطعميه ما يتحرك يمه لا يكون مات
التفتوا لفيصل النازل من الدرج وقالت فرح ببكي: تكفى يا فيصل ليو ماااااات
جلست على الأرض فرح وبدأت تبكي بحرقة أسرع لها فيصل وقال: وش تقولين هبلة انتي
فرح: والله العظيم ما يتحرك والله
طلع الدرج وراح لغرفتها وحمله ونزله لتحت وقال: مو منجدك تراه نايم بس
التفتت له وحركته بيدها وقالت: هاااا شوف ما يتحرك لو كان نايم كان تحرك ولا شي ااااااااخ ماماااااا
ام سطام: يا هبله اسكتي ما مات
فيصل: لا ما مات شوفي قلبه يدق
لمسته فرح وقالت: ما برتاح لين تودوني عند طبيييييييب
ام سطام: يا ويلي وش هالحال يا فيصل وديها عند بيطري تتأكد يمكن يكون مريض ولا شي
[نسيت ما علمتكم ليو هو قطو فرح]
فيصل: يلا اسرعي البسي عبايتك انا في السيارة
أسرعت تلبس عبايتها وخرجت من البيت ركبت السيارة وحرك متوجه لأي بيطري في الطريق
بعد ١٥ دقيقة
فيصل: خلاااااص ازعجتيني ببكائك ترا كله حيوان
فرح: انت الحيواااان يا الحيواااان هذا ليووو ما هو بحيواااان تسمع
فيصل: أقول انزلي يلااا
نزلت فرح واخذ فيصل ليو ودخلوا للعيادة
نجوى: السلام عليكم
فرح: تكفين قولي انو ليو ما مات
فيصل: يا فرح اسكتي خليني اتكلم المهم يا اختي هذا القطو مدري اذا نايم ولا وشفيه بس ما يتحرك ولاكن قلبه يدق يعني
نجوى: تم يا اخوي هاته وادخلوا من هنا انتظروا لين يكشف عليه الطبيب
فرح: والله ما اجلس والله رجلي برجلك اشوووف بعيني ما اصدق
فيصل: يا بنت اذكري الله
خرج حازم اثر الضجيج وقال: وش فيه
نجوى: البنت تبي تدخل وانت تكشف على القطو
ناظرها حازم وعيونها المغورقة بالدموع وما قدر ينفي طلبها وقال: ما في مشكلة خلوها تدخل
تبعته فرح من دخل وفيصل وراها وبدأ يعاينه حازم
************************
بيت العم عايض
دخل البيت وطلع الدرج والتفت لها من خرجت من عند البنات
ابتسمت من شافته وأسرعت تضمه وقالت: كنت احسب انك بتتأخر
ابعدها عنه ومسك يدها وجرها للغرفة وسكر الباب
نجد: عقاب وش فيه
عقاب بمحاولة تهدئة نفسه قال: نجد لا تختبرين صبري وقولي ايش علاقتك باحمد
نجد: وشش من احمد
عقاب: تراني لسا صابر وهادئ لا تخليني اقلب عليك
نجد: عقاب وش قاعد تقول
مسك الفازة اللي جنبه وضربها على الأرض لين تفتت كل ها
وقال بصراخ: لا تجنيني من احمد ووش علاقتك بالاوراق اللي عنده
انصدمت نجد من اللي يقوله ما تقدر تعترف له باي شي
************************
اعطوني رأيكم لنكون صريحين البارتات الجاية فعلا بتحزن ليكون بعلمكم عشان ما تنصدمون
ولاتنسونا ذكر الله
قراءة ممتعه🫶🫶