من عيون الناس يا نجد اسرقيني

٣٥

بسم الله
لا تنسون تقيمون البارت
قراءة ممتعه
اعتذر عن أي خطأ إملائي بدر مني
***********************
سكرت عيونها بقوة تمد كفها لبطنها تمسح عليه وقالت: كنت هنا وانا ما دريت
رفعت يدها لفمها تكتم شهقتها تنزل دموعها
قرت التقرير كامل وازدادت صدمتها من شافت سبب نزول جنينها واللي كانت تحسب انها الدورة
ليان بدموع: تكفيين ردي ردي
نجلاء اللي كانت نايمه فتحت عيونها على اتصال في جوالها
اخذت الجوال وردت بصوت فيه نوم: نعم ليان وش تبغين ما تشوفين الساعه كم
سكتت ليان تناظر لسطام النايم وخرجت من الغرفه تطلع السطح
جلست على الكرسي وقالت ببكا: نجلاااااء
فزت نجلاء وقالت: ليان وش فيك ليه تبكين شصار
بكت ليان بحرقه وشهقات آلمت صدرها ونجلاء اللي كانت تصارخ عليها تقول لها السبب
بعد مده هدت ليان وقالت بهدوء: نجلاء
نجلاء: وش فيك يا روحي وش صار سطام سوا لك شي
هزت راسها ليان بنفي وقالت بتلعثم: ك ك كنت حا حام..
قطعت كلامها من داهمتها الدموع وشهقت نجلاء تقول: ليااان وش تقولين
اخذت نفس ليان وقالت: كنت حاااامل يا نجلاء كنت حااامل وانا مو داريه بطفلي اللي كان في بطني
سكتت نجلاء وقالت: وش تقولين انتي مو جاتك الدورة
ليان بنفي ودموع: لا سقط يااا نجلاء سقط راااح موووو دم دورة
سكتت نجلاء بصدمه وقالت: كيف سقط وش سويتي يا بنت
ليان: مدريي اهههخ والله مدريييي ما اكلت شي والاسوء انوا في التقرير يقولون اكلت حبوب تسقيط
شهقت نجلاء وقالت: من جدك تتكلمين وش حبوب
ليان: والله العظيم امبارح لما كنت راجعه مع سطام للبيت حسيت بألم في بطني يوووجع يقطعني فعلا وسطام حس ووداني المستشفى واليوم ارسلوا لي التقرير
سكتت نجلاء ما تدري وش تقول لها ولا كيف تواسيها وقالت: بتقولين له
ليان: مدرييي للحين مو مستوعبه وانا كنت احسب انها الدورة ااهههخ كيف اتقبل يااا نجلاااااء كيييف
نجلاء: خلاص يا روحي انتي هذا قدر الله ولازم تتقبلينه ما تدري وش مخبي لك الزمان وتجيبوا عشر اطفال ان شاء الله
سكتت ليان بحرقه وقالت: نجلااء حطي نفسك مكاني والله ما اقدر استوعب مااا اقدر
نجلاء: طيب تشكين في احد يعني اللي اكلك الحبوب
ليان بتفكير: مدري خالتي آخر وحدة اشك فيها يعني
نجلاء: طيب احد جاكم البيت
سكتت ليان وفزت من مكانها وقالت بغضب: الخسيسه بقتلها والله العظيم
نجلاء: وش من هي بنت بنت ويييينك
سكرت ليان المكالمه تطلع من السطح وقفت قدام غرفتها وقالت: ياااارب
دخلت بهدوء وناظرتها نايمه وسكرت عيونها بغضب تنفي كل الأفكار الشيطانيه االي تجي في راسها
توجهت للكوميدينه تفتحها وتوسعت عيونها من شافت الدوا نفسه اللي فالتقرير
التفتت لها وقالت: والله لاندمك يا حيوانه
اخذت جوالها بهدوء تفتحه وحمدت ربها انه بلا رمز
دخلت لسجل مكالماتها وناظرت للدكتورة اللي كانوا يتواصلون طول الاسبوع اللي راح
وحتى في الواتس اللي كان كله رسايل بينهم وضحت واكدت انوا الجازي سبب فاللي صار لليان
حذفت الجوال بقوة تمسك راسها بصدمه وغضب
اخدت جوالها تفتحه اتصلت لعقاب
عقاب: يا هلا بليان وش صار صرتي تصبحين علينا
ليان بغصه: عقاب تقدر تجيني الحين
عقاب باستغراب: ليه وش صاير
ليان: عقاب تكفى تعال
وقف بسرعه عقاب وقال: انا جايك انتظريي
قفلت الجوال وتوجهت لها تشدها من شعرها بقوة بحكم انها ما قدرت تمسك نفسها زياده وهي تشوف اللي كان سبب في موت جنينها نايمه كأنها ما سوت شي
فتحت عيونها بالم وقالت: هيييي يا بنت وش فيكككك بعديييي
ليان: والله لاربيك يالخسيسه انا تشربيني الدوا انا تقتلين لي ولدي انااااا
الجازي اللي كانت تتألم من ليان اللي تنتف شعرها بقوة وتضربها
الجازي: ابعدييي عنييييي سطاااااااام عمييييي خااالتي
صحوا كلهم على صوت صراخها وركضوا للغرفه يشوفون ليان نازلة على الجازي ضرب وتنتيف
قرب منها سطام وقال: وش فيكم لياااااان ابعدي عنها
التفتت له ليان ولصراخه وقالت: لااااا تصاااارخ علي وانت ما تدري وش سوت الخسيسه ذيي ******* لاااااا تصاااارخ
مسكها سطام يبعدها عن الجازي وقال: وش فيييك انت تسبينها وش سووووت لك
ضحكت ليان وقالت: تداااافع عنها
ام سطام؛ يمه ليان وش صاير
الجازي بصراخ: لا تصدقووووها تفتري علي ذي لا تصدقها سطام يا اخوي لا تصدقها
ابو سطام: خلاااص اسكتوا نفهم السالفه
سكتت ليان تمسح دموعها بقوة وقالت بغصه: شفتوا ذي تبون تعرفون وش سوت هااا
نزلت للارض تاخذ الدوا وقالت: هذا هو شوفو فعايلها
قربت منها ام سطام تاخذ الدوا وقالت:وش ذا
سكتت وشهقت بعدها وقالت: لااا الجازي ليااان صادقه
سطام: يمه وش
ام سطام بدموع: دوااا تسقيط ذاا
سطام: كييف يعني لا تتكلمون بالغاز يرحم امكم
ليان: ذي قتلت ولدنا يااا سطااام فهمت الحين ولدنا اللي كان في بطني الحيوانة كانت تشربني الدوا لين طاااح
وسع عيونه وقال: لا لا اكيد تكذبين ما تسويها
قربت منه بهدوء تناظره بتمعن: وش تقصد انت
قرب منها بغضب وقال: من انتي حتى تفترين عليييييها وتبيني اصدقك مستحييييل تسويها الجازي مستحيل
انصدمت ليان منه وقالت بانكسار ودموع: سطام تدافع عنها
سطام: اييي لانه مو معقول اصدقك وش دليلك
الجازي: شفت قلت لكم تكذب عليكم وش بغيت انا فيها واللي فبطنها
ضحكت ليان من قوة ألمها وخيبتها في سطام وقالت: ما صدقتوني صح
سكتت تاخذ الجوال تمده لسطام وقالت برفعه حاجب وحدة: ورقة طلاقي تجيني لين باب بيتنا
قالت كلامها تطلع من الغرفه تتوجه لغرفتها تلبس عبايتها ونقابها وقالت: خلااااص لا تبكين ماااا يستاهل ماااا يستااااهل
خرجت من الغرفه من اتصل عليها عقاب وقال لها انه تحت
وسع عيونه يناظر لأهله من قرأ كل شي وتوضح له كل شي والتفت لابوه وقال؛ يبه
نزل راسه ابو سطام وقال: الحق البنت يا سطااام الحقها
خرج سطام يركض يشوفها طالعه من البيت وقرب منها يسحبها بقوة لعنده وقال: ليااان تكفين آسف والله ما صدقت
سكتت ليان تناظره بحده في عيونها وقالت بهدوء عكس اللي داخلها: سطام ورقة طلاقي ابيها بكرة
بعدت عنه لكنه رجع يسحبها وقال: لا لا ما توصل يا ليان والله لاربيها وآخذ حقك منها لكن مو كذا
سكتت ليان وقالت: سطام اللي دافعت عنها قتلت ولدك تفهم ولا لا انا اللي زوجتك ما صدقتني وكذبتني قدام اهلك كلهم وتبيني ارجع لك كذا بسهولة
سكتت ورفعت اصبعها تضرب صدره وقالت بخيبه امل: خسارة فيك حبي يا سطام
قالت كلامها تبتعد عنه تركب مع عقاب اللي شافهم وعرف انه صار شي وقال: سواااا لك شييي
التفتت له برعب وقالت: من
عقاب: سطام سوا لك شي
هزت راسها بنفي وقالت: عقاب حرك الحين نرجع للبيت اقولك كل شي
حرك عقاب وقال: الحين تقولين وش اللي شفته انا
سكتت ليان وقالت بغصه: عقاب كنت بتصير خال
وسع عيونه يلتفت لها وقال: كيف كنت
سكتت ترفع نقابها تمسح دموعها وحكت له كل شي
ناظرها بصدمه وقال: متى وانت عارفه بذا الشي
ليان: اليوم عرفت
سكت عقاب بحكم انه ما يعرف كيف يواسيها واللي صار لها ماهو بسهل وبيوقف معاها بكل قرار اتخذته
مسك يدها يرفعها يقبلها وقال: والله اني معك في كل شي تبينه وهذا قدر الله
سكتت ليان تنزل دموعها بألم وخيبه امل من سطام وقالت: ما ابي احد يعرف
هز راسه عقاب وقال: ما عليك يا روحي
***************************
بيت مساعد
غرفة نايف
فتحت عيونها بهدوء تشوف نفسها نايمه في صدره العاري ترفع عيونها لوجهه تتأمله بابتسامه عجزت تكتمها وقالت في داخلها: والله انه عوض ربي صدق
ابتسمت بخجل تشوفه يفتح عيونه وقال: خلصتي
مريم باستغراب: وش
غمز لها وقال: تتأملين وجهي وانا نايم
ابتسمت بخجل تصد عنه وقالت: لا من قال
ضحك يقربها لها يقبل خدها وقال: جهزي ملابسنا بنروح اليوم
توترت من قربه وقالت: طيب
ضحك يبتعد عنها يشوفها تاخذ روبها من الأرض تلبسه على جسمها تتوجه للحمام
السويد
الفندق
جالسه على الاريكه تقلب في جوالها رفعت نظرها لطلوعه من الغرفه وقال: فطرتي
هزت راسها وقال: من جابه
صدت عنه تناظر جوالها وقالت بهدوء: انا طلبته
قرب منها وسحب جوالها وقال بحده: لما اكلمك ناظري فيني ومن أعطاك الاذن تطلبين بغيابي
ضحكت بصدمه وقالت: حااازم هات جوالي وثاني شي ما ني محتاجه اخذ الأذن منك
حازم: بتاخذين الأذن وغصبن عليك
فرح بصرااخ: مننن انت حتى آخذ اذنك من انتننت
زووجي تخسييي تكون ولا مرة شفت واااحد زيك وزي برووودك ذا لو كنت ما تبيني ليييه تتزوجني ليييه تخليني اترك جامعتي ودراستي لاجل وااااحد زيك آخر همه آخذ الأذن
وسع عيونه بغضب ومسك فكها بقوة وقال وهو راص على اسنانه: فررح اضبطييي كلامك واعرفي وش تقولين
فرح بألم: وووخر عني لا تمسكني كذااا
شدها بقوة وقال: لااا تصارخييين وطي صوتك
ابعد عنها بقوة وحذف جوالها بغضب وقال: آخر مرة أحذرك يا فرح
ابعد عنها يدخل للغرفه يمسك راسه بألم متوجه للحمام
ناظرت لجوالها اللي تكسر فعلا وانحنت للارض تحاول تشغله لكنه كان متكسر مسحت دموعها بقوة تاخذه ترميه في الزباله (أكرمكم الله) وقالت: ماا يستاهل فرح لا تبكين
قالت كلامها تنزل دموعها غصبن عنها
بعد ساعات
لندن
الهنوف: مو اليوم بنجي بكرة ان شاء الله
ام نايف: اي خلاص يلا يا بنتي مع السلامه
ودعت الهنوف امها تسكر الجوال تتصل على فرح
الهنوف: وينها عن جوالها ذي
اتصلت على حازم اللي كان في السيارة متجهين للمطار
تنحنح حازم ورد: يا هلا كيف الحال
ناظرت فيه فرح بنص عين تشوف انقلاب حاله تصد عنه تناظر الطريق
الهنوف: كيف الحال انتوا بخير
ابتسم حازم يقول: الحمد لله وانتوا طيبين
الهنوف: الحمد لله اسمع انا اتصلت على فرح جوالها ما يرن
بلع ريقه حازم يتذكر حال جوالها وقال: هاا ما اسمع تقولين شي
الهنوف: الووو حازم تسمعني
ابعد الجوال عن اذنه يسكره يرسل لها انو الشبكه مرره ضعيفه
التفت لفرح اللي تناظر الشباك واخذ جواله يشغل شيلة الضحك زين لبندر بن عوير
اشتغلت الشيله يسمعون لها والتفت حازم لفرح من قال بندر