من عيون الناس يا نجد اسرقيني

١٤

بسم الله
لاتنسون الدعم

ما قدرت ليان تجاوب ابوها ابدا تدري انه سعيد بذا الشي لكنها ما تبي تتزوج وطاردة الفكرة من راسها وخصوصا انها ما تعرف سطام ولا شخصيته
تنهدت وقالت: باستخير ويصير خير
ضمها له عايض وقال: والله اني فرحان بالخبر هذا و بتزيد فرحتي بقبولك
حبست ليان دموعها وقامت مبتعده عنهم
منيرة: اسمع يا عايض اذا البنت ما وافقت لاتجبرها
عايض: لا لا اكيد اني ما رح اجبرها لكن بنحاول نقنعها بالموضوع تدرين ما بي ارد عمي
********************
بيت العم مساعد
المجلس
نايف: اسمعني زين يا يبه
مساعد: أقول تكلم
نايف: قبل اسبوع تقريبا سويت لاحد الأشخاص عملية الصراحه كانت عمليته صعبة بس الحمد لله خرج منها سليم
مساعد: طيب
تنهد نايف وقال: المهم هو عنده بنت وحدة تقريبا نقدر نقول عمرها ٢٠ او اكثر
مساعد: طيب كمل لا توقف
نايف: عائلتهم توفت في حادث والبنت ما كان عندها احد فأنا قلت اوديها تبقى في شقتي لين يفيق ابوها
وقف كلامه نايف من انقلاب وجه ابوه وقال: اسمعني زين يبه اقسم بالله اني ما سويت لها شي ولا قربت لها حتى اسمها ما كنت عارفه كانت الدنيا ظلام وهي بنت وما عندها احد فقلت اساعدها
مرت لحظات صمت وقال مساعد: ما ادري اش اقول لك يعني صح اللي سويته لكن ابوها يعرف يعني راضي
نايف: مدري لكن اكيد انو بنته قالت له
مساعد: اجل بكرة بروح معك اشوفه
نايف: طيب لسا في شي
ناظره وقال: لا إله إلا الله وش فيه ثاني
نايف: البنت عندها عمها طيب وولده كانت مخطوبه له لكن فسخوا الخطوبة لما درت بفعايله
مساعد: وانت وش علمك
نايف: جا عندها للمستشفى وهددها مدري ايش قال بس البنت خافت
مساعد: لا إله الا الله ما يخافون الله ذول
نايف: يبه انا ابي اخطبها من ابوها
التفت له مساعد بسرعة وقال: انت من جدك
نايف: والله يا يبه اني ما شفتها ولا شي بس يعني من معاملتها معي عرفت انها بنت ناس وانا يعني كبرت فلازم اتزوج
زفر مساعد وقال: بكرة بنروح له ويصير خير
****************************
غرفة البنات
دخلت ليان والتفتت لها نجلاء وقالت: وش يبغونك
ابتعدت عنها ليان وراحت لسريرها وجلست
حطت كفوفها على وجهها تبكي
قربت منها نجلاء وقالت: يا بنت وش فيك وش قالوا لك
لفتها نجلاء وقالت: ليان لا تخوفيني وش صاير
اكملت كلامها تقول: باتصل على نجد
اتصلت نجلاء على نجد
ردت: نعم نجلاء
نجلاء: نجد انزلي عندنا بسرعة
نجد: ليه عسى ما شر وش فيه صوتك
نجلاء: يا نجد انزلي وبتعرفين اسرعي
سكرت نجلاء المكالمه ووقفت نجد تخرج من الغرفة تنزل عند البنات
فتحت الباب وقالت: وش فيه كملت كلامها من شافت ليان وقربت منهم وجلست جنبهم على السرير وقالت: ليان وش فيك لا تخوفيني
ناظرت في نجلاء وكملت حكيها: وش صار ليه تبكي
نجلاء بحزن: مدري نزلت عند امي وابوي وطلعت تركي اسألها تهز راسها بلا وبس
تنهدت نجد ورفعت راسها تمسح لها دموعها وقالت:ليان ناظري فيني وقولي وش فيك لا تخافين
مو قلنا لا نصير نخبي على بعض
ليان بغصة: ما ابي اتزوج مااابيييي
اكملت كلامها تبكي ، التفتوا البنات لبعض وقالت نجلاء: طيب لا تتزوجين من قال لك تزوجي
سكتت ليان تتجمع طاقتها وقالت: تذكرون يوم جا جدي فلاح
هزو البنات رأسهم باي واكملت: خطبني عمي صلاح لولده سطام
ضمتها نجلاء وقالت: خلاص هذا الموضوع اللي تبكين عليه
نجد: سهله يا ليان اذا ما تبين لا توافقين
ليان: المشكله مو هنا يا بنات المشكله فابوي
نجد: لا يكون بيجبرك لا لا مايسويها عمي
لبان: انا شفت فرحته في عيونه وابتسامته لما كان يحاكيني في الموضوع ما اقدر اقول لا وانا دارية بأن زواجي بيفرحه
نجلاء: ليان ابوي ما راح يجبرك اذا استخرتي وما ارتحتي فبيوقف جنبك لا تدخلين افكار سلبية في مخك الزواج مو لعبة تراها مسؤولية
نجد: اللي تقوله نجلاء صح لازم تكونين قد المسؤولية
ليان: مدري يا بنات انا بس ابي اشوف فرحتهم فيني لا غير المهم انا باستخير واذا ارتحت يصير خير
نجد: ايوا ذي ليان اللي نعرف
ضحكت ليان وقالت: شكلي تحسست
نجلاء: هههههه كثيييير
**********************
في الديرة
في احد البيوت المهجورة
احمد: اسمع انا وصلت وبجلس هنا تقريبا اسبوع على حسب
رد فارس: لا تخاف انا ضابط كل شي واللي ظاهر لي انو موقعك لسا في الرياض ان صار شي جديد فبعلمك
احمد: ايوة كذا تمام المهم ترا نسيت الجوال اللي فيه كل شي
فارس: اللي فيه الصور والمحادثات
احمد: ايوة هو
رد: وينه
احمد: في الا ستراحة اللي نمشي لها دايم كنت خليته عند العامل
فارس: انت من جدك تخليه عند العامل وفيه اشياء تدينك
احمد: أقول لا تكلمني كذا عندي أسبابي المهم اني ابيه روح جيبه ولما اتصل عليك تجي تعطيني ياه
فارس: تم
سكر احمد الجوال والتفت يشوف البيت يفكر بخطته
*********************
بيت العم فلاح
سطام: فرح اعطيني الشاحن اللي جنبك
ناظرته فرح وصدت وقال فيصل: ههههه لسا زعلانه
قامت فرح وقالت: انتو بالذات لا عاد تكلموني خلاااااااص ما عادني اختكم
سطام: افااا يا فرح وش سوينا لك
فرح: لا لا ما سويتو اي شي ابدا انا اللي سويت
قرب منها وقال: وش فيه الحلو زعلان
فرح: ابعد يا سطام
فيصل: ترا اللي سويناه صح يعني لو علمناك ما كنتي سكرتي فمك
رمقته فرح بنظرة و رمت عليه المخدة وقالت: وتسبني كمان
تنهد سطام وقال: طيب اسمعي حنا اساسا ما ندري هل بيوافقون ولا لا لو قلنا لك كان يمكن يزل لسانك وتقولين يعني انتو بنات وما بتخبوا على بعض ولا
بوزت فرح وقالت: عذرك اقنعني الصراحه
وقف فيصل وقال: انا اللي اعرف وش تبين يا المصلحجية
ضحكت فرح كمل فيصل: الصراحه نفسي اطلع فقلت تخاويني
وقفت فرح وقالت: امرك سيدي
خرجت من عندهم تجري تلبس عبايتها
بعد برهة نزلت فرح من الدرج والتفتت لنداء امها
فرح: نعم
ام سطام: وين رايحه
فرح: ليه ما قال لك فيصل
هزت راسها بلا وقالت: لا ما قال لي شي
قربت منها فرح وباست راسها وقالت: بنطلع تبين اجيب معاي اغراض
ام سطام: اي تم برسلهم لك
عزت راسها فرح واسرعت تخرج من البيت
فكت باب السيارة وقال: لا والله لو تأخرتي كمان
فرح: فيصل والله ما تأخرت بس ماما كانت تكلمني
صد فيصل بعيونه وحرك السيارة وقال: سألتيها اذا تبي شي
فرح: ايوة قالت بترسلهم
شغلت فرح اغنية من اغانيها المفضلة تكسر الصمت
*********************
بيت العم عايض
جلست نجلاء جنب عمتها الغالية اللي كانت تطبق الملابس وقالت نجلاء: اساعدك
هزت راسها بلا وقالت: قربت اكمل
نجلاء: الا ابسألك كيف تشوفين شموخ
شهقت الغالية وقالت: اسكتي حومتي كبدي الله يكفينا شرها هي وامها
ضحكت نجلاء وقالت: والله احسب انا والبنات بس اللي ما نحبها
ضحكت الغالية وقالت: والله مدري يمه وش تحب فيها
نجلاء: كأني سمعت جدتي تبي تزوجها لواحد من العيال
غالية: والله انا مدري لكن ولدي ما بزوجه لمثلها اساسا من يوافق عليها
ارتاحت نجلاء من اللي سمعته من عمتها واكملت الغالية: اذا ما عندك شي تسويه خذي ذيالملابس حطيها في غرفة تركي اخوك وذول لغرفة خالد
نجلاء: هو مو موجود صح يمدي اروح كذا
غالية: لا لا مو موجود لسا في محله
هزت راسها نجلاء تحمل الملابس
دخلت غرفة تركي حطت له ملابسه فوق السرير وخرجت بعدما سكرت الباب
دخلت غرفة خالد أشعلت الانوار ومررت عيونها على الغرفة اللي كانت ريحتها عود ومرتبة
اقتربت من السرير وحطت الملابس والتفتت على صوت فتح الباب
شهقت من شافته خارج من الحمام لاف المنشفة على خصرو والثانية ينشف فيها شعره
ابتسم خالد من منظرها قدامه وقال: هلا والله
انصدمت منه وقالت: صد يا حيوان ماني من محارمك
قرب منها وقال بابتسامه: والله لو تبين من بكرة تصيرين من محارمي انا ابي انت تبين؟؟
بعدته عنها وقالت: الزم حدودك يا خالد لا تخليني اكرهك
اكملت كلامها تقول: انت اساسا وش تسوي هنا
ضحك وقال: انت اللي وش تسوين في غرفتي
سكتت نجلاء ابتعد عنها يفتح خزانته وقال: لا يكون تبين تقعدين زيادة ترا ما انصحك
انصدمت من جرائته وقالت: صدق وقح
ضحك وقال: اصبري بس
خرجت نجلاء من الغرفة وسكرت الباب بقوة وقالت وهي تمسك قلبها: خلاص ما صار شي خلاااص
اكملت كلامها تبتسم
**********************
جناح عقاب
فتح الباب عقاب ودخل ينزع جزمته (أكرمكم الله) حط مفاتيحه وجواله على على الطاولة
تقدم من الغرفة وفتحها وشافها جالسة تتمكيج وتدندن و تتميلح مع اغنية ماجد المهندس:

ضمني بالهون يا عذب السلوب قبل
تاخذني ثواني المقبلة والله ان الوقت
في عيوني كذوب يسرق العشاق ويزيد
اعجله ودي اعلمك يا اغلى محبوب عن مثل
تضرب عليه الأمثلة من جهل قدرك عرف معنى
الرسوب ومن عرف قدرك ضمن مستقبله

التفتت من قال: مروقه
سكرت الجوال وقالت بخجل: متى جيت
عقاب بهدوء: دوبني وصلت
هزت راسها وسرعان ما تذكرت مرام وقالت بغيييرة: كيف كان اللقاء هاا
قرب منها وقال: نجد اعقلي احسن لك البنت اخو واحد نبحث عنه وان تبين تتأكدين بكلم سطام قدامك
رفعت صوتها وقالت: ولييه تتصل عليك
عقاب بحدة: يا بنت ناصر عدلي نبرة صوتك
وقفت نجد قدامه وقالت: الحين ما عجبتك نبرة صوتي ولا عجبتك نبرة صوتها هي اكملت كلامها تقلدها وييين عقاب اذا كان جنبك عطيني اياه
تقدم منها و رفع كفوفه لوجهها يقبلها بقوة
**********************
المول
خرجت فرح من المتجر وقال فيصل: ها تكفيين قولي كملتي
تكتفت وقالت: اسكت ترا امثالك يبون بس كلمة مني
انصدم منها وقال: وش قلتي
ضحكت وقالت: خييير امزح لا تشدها يا خي
فيصل: بنشوف في البيت
التفتت فرح من سمعت احد يناديها واسرعت تركض تضمها وقالت: ليه ما قلتي لي انك طالعه
*******************
اعتذر عن أي خطأ إملائي بدر مني ولا تنسون ذكر الله
اتمنى تدعموني وتضيفوني انستا ونلتقي الاسبوع اللي بعد العيد ومقدما مبارك عيدكم ينعاد عليكم بالصحة والعافية
اذا صار البارت اكثر من ١٥ نجمة نكمل