من عيون الناس يا نجد اسرقيني

٢٥

بسم الله
لا تنسون تقيمون البارت تقديرا لتعبي
قراءة ممتعه
اعتذر عن أي خطأ إملائي بدر مني
***********************
حازم: متى تبين تروحين
الهنوف بفرح: احلف
حازم: قولي قبل لا اغير رأيي
أبتسمت الهنوف وقالت: العصر
حازم: اجل يأذن العصر وبوديك
بيت العم عايض
ليان: كانت تكلمني وفجأة طاحت
مسفر: لا إله إلا الله
العم عايض: خلاص لا تقولون لاحد حتى يكلمنا عقاب عشان لا نخوفهم
عند عقاب
وصل للمستشفى وأسرع يدخل بها شافته إحدى الممرضات وقالت له يدخلها لاحد الغرف
دخلها عقاب واسندها على السرير وقال: نجد
فتحت عيونها بالم رغم توقف النزيف الا انها تحس بالم ما تقدر تتمشى
همهمت له وقال: اصبري يا سما عيوني اصبري
دخلت الممرضة وامرت عقاب يخرج تنهد عقاب وطلع ودخلت الدكتورة اللي كانت تشرف على نجد من بداية حملها
الدكتورة: هلا بنجد وش صار لك
حكت لها كل شي نجد وقالت: تكفين لا يكون راح ولدي
ابتسمت الدكتورة وقالت: ان شاء الله لا اعرفك قويه وطفلك كذلك
وقفت الدكتورة وساعدتها تنزل عبايتها وترفع بلوزتها وقالت: بمرر يدي على بطنك اذا حسيتي بالم قوي قولي
هزت راسها نجد ومررت الدكتورة يدها على بطنها لين وصلت لاسفل بطنها وانّت نجد بالم واخذت الدكتورة الكريم او الجل وحطته على بطنها واخذت الجهاز تمرره على بطنها
اخذت نفس نجد ما تبي تسمع انها فقدت جنينها ونزلت دموعها وقالت الدكتورة: لا تبكين نجد ولدك بصحه وسلامه
ابتسمت نجد وقالت: احلفييي
ضحكت الدكتورة وقالت: والله شوفي
شافت نجد شاشة السونار وضحكت بفرح وقالت: الحمد لله
ابتسمت الدكتورة وقالت: زوجك اللي برا
هزت راسها بايه وقالت الدكتورة: اسمعي الحين وضعك شبه خطير لانو لسا الجنين ما ثبت فحاولي تتفادين اي شي يضرك وبالنسبة للنزيف فعادي لانو سببه الطيحه واظن انه وقف
هزت راسها نجد بتأييد لكلامها وقالت: اجل بخليك تكلمين زوجك
خرجت الدكتورة وقالت: انت زوجها
هز راسه وقالت: تفضل
دخل عقاب وسكر الباب من وراه وقال: نجد
رفعت عيونها له ووقفت تمشي رغم المها ضمته لها وقال: لا تخوفيني يا نجد
ابتسمت من خوفه عليها وعلى ولدهم وثمرة حبهم اللي داخل رحمها وقالت: لا تخاف لسا موجود وبيجينا بعد ٨ شهور واسبوعين
ابتسم بفرحه اول مرة يحس بذا الاحساس اختلاف مشاعر لسا مو مصدق انها حامل وتحمل ولده بطنها شدها له بقوة وقال: احلى خبر اسمعه في حياتي والله
ضحكت وابتعدت عنه ورفع كفوفه لوجهها يشدها له وهي كذلك اللي حطت يدينها على رقبته
ناظرت فيه وقالت بشك: انت تبكي
ابتسم وابتعد يمسح دموعه اللي نزلت من عيونه وقال: لا
ضحكت وقالت: لا تكذب شفتك
ابتسم وقرب منها يقبلها بحنيه يعبر لها عن حبه وشوقه واحساسه اللي ما قدر يوصلهم لها عبر الكلام
ابتعدت عنه وقالت: تبي تشوفه
هز راسه واخذت السونار اللي اعطتهم لها الدكتورة واعطتهم له اللي ابتسم من شاف ثمرة حبهم وابنه المستقبلي او ابنته المستقبليه صد عنها يحاول يمسك دموعه ولأول مرة يحس بذا الاحساس والمشاعر المختلفة رغم كل محاولاته انه يمسك دموعه إلا أن الخبر وفرحته كانت أقوى
ابتسمت بحنيه ومسكت وجهه بكفوفها تمسح دموعه ابتعد عنها وضحك وقالت: عادي عقاب
ابتسم وناظرها وقال: نروح
هزت راسها بايه واخذ عبايتها يساعدها وقال: تقدرين تتمشين
ابتسمت وقالت: ايه حتى لو ماكنت ما بخليك تحملني
ابتسم ومد يده لها وقال: بنشوف
خرجوا من المستشفى وركبوا السيارة وقال: تبين نعلمهم
زفرت وقالت: اللي تبيه بس انا اشوف نخلي حتى يثبت الحمل
هز راسه لها ورفع كفها يبوسها وقال: بعلمهم انك بخير
أبتسمت واتصل على ابوه اللي رد وقال: وش صار لنجد
ابتسم وناظرها وقال: الحمد لله كل شي بخير وتراها تسمعك
ابتسمت وقالت: انا بخير عمي
عايض: الحمد لله الحمد لله خوفتينا عليك يا بنت
ابتسمت من حنيتهم وخوفهم عليها وسكر المكالمه عقاب وحرك متوجه للبيت
عقاب: ودك بشي
ضحكت وقالت: تدلعني يعني
ضحك وقال: من متى وانت داريه
ابتسمت وقالت: لما رحت للمهمة بعدها باسبوع
هز راسه وقال: من يدري غيري
نجد: محمد هو اللي وداني لما حسيت بالاعراض
زفر عقاب وقالت: لا يكون زعلان اني ما قلت لك
عقاب: لا بس
ضحكت وقالت: اساسا ما كنت مستعده وكنت ابي اسوي لك مفاجأة بس اظن اللي صار اليوم خرّب كل شي
***************************
شقة فارس
سمعت العنود فتح الباب وقالت: فارس
دخل فارس وقال بهمس: ابوي
تنهدت ووقفت وقالت بابتسامه من شافته: هلا ابوي
قربت منه وباست يده وراسه وقالت: كيفك يبه
ابو فارس: الحمد لله يا بنيتي وانتي
ردت بالحمد لله
جلست وجلس جنبها ومدت له فنجان قهوة واخذه منها وفارس اللي كان يناظر بتصرفاتها وملامح وجهها وقال ابو فارس: اسمعي يا بنتي انا داري انك ما تبين ترجعين لذاك البيت ولا تفكرين انك ترجعين لكن والله انوا البيت بدونك ولا شي ادري بمعاملتهم لك لكن والله
قاطعت كلامه من وقفت وقالت: يبه انا آسفة لكن ذاك البيت ماعاد بطبه
وقف فارس وسحبها له وقال: يبه دقيقة
دخلها للمطبخ وقال: اسمعي
العنود بحده: فااارس آخر شي اسويه هو اني ارجع لذاك البيت فلا تحاول معي
فارس: اسمعيني اول
تكتفت بقهر وقالت: اعلمك من الآن لا تحاول
فارس: طيب يا بنت الناس بس اسمعي
ناظرت فيه وقال: ترا حتى انا ابيك ترجعين وابوي كذلك ولك وعد مني والله ما عاد يسوون لك شي
العنود: فارس ترا ولا واحد فيكم يعرف وش يسوون فيني كفايه اللي عشته معهم
فارس: ابوي مريض يا العنود
اعتدلت في وقفتها وقالت بخوف: وش فيه
فارس: فيه المرض الخبيث
شهقت تحط كفها على فمها وقالت بغصة: احلف
فارس: والله لي اسبوع واشوفه يروح المستشفى لما سألت عرفت وش فيه وانه مو راضي يتعافى رغم انه في بداياته
اكمل كلامه من شاف دموعها وقال: انا ما ابيك تبكين ولا قلت ذا الكلام عشان تتأثرين لكنه يحتاجك ويحتاجنا كلنا واوعدك اني بوقفهم عند حدهم اذا سووا لك شي ترا اتفقت مع ابوي
العنود بغصة: بس ليه مو راضي يتعافى
فارس: مدري
ناظر فيها واكمل: وش تقولين
العنود: مدري يا فارس بس لو كان صح انه مريض ويبيني ارجع لذاك البيت برجع بشرط انه يتعافى لكن ما برضى اعيش ذيك العيشة االي كنت اعيشها زمان
باس راسها فارس وقال: تم والله ما تعيشينها وانت اخت فارس
العنود: بشرط
فارس: آمري ولبيه وسمّي
ابتسمت وقالت: بتعيش معانا
فارس: تم والله انه تم يلا تعالي نقول لأبوي
خرجوا عنده وخبروه بكل شي ووافق ابو فارس
بيت العم فارس
نزلت من السيارة وسكرت الباب واخذت شنطتها وقال فارس: تعالي
وقفت جنبه وفتح الباب ودخلوا وخرجت ام فارس من المطبخ وقالت بابتسامه ساخرة: اقبلت الشيخة الحين جايه
طلال (ابو فارس): اقطعي الشر يا وفاء وكلمي بنتك تنزل ابي اقول شي
نزلت كريمه وقالت: انا هنا ما يحتاج
ناظرهم طلال ورفع أصبعه في وجيههم وقال: قسم بمن احل القسم لو اشوفكم تسمعونها كلام ولا تتأمرون عليها ما يحصلكم طيب تسمعووووون
ارتعبت كريمه من حدة نبرته وقال من ما شاف منهم رد: تسمعووووون
وفاء: سمعنا يا طلال سمعنا
ناظروا في كريمه وقالت بتأفف: وانا سمعت
طلال: اجل انقلعوا عن وجهي
ابتسمت كريمه في وجه العنود بسخرية وطلعت الدرج والتفت طلال للعنود وقال: اسمعيني يا بنتي اي شي ضايقك تعالي عندي وقولي لا تخلينهم يطاوّلوا عليك
هزت راسها وناظرت في فارس اللي ابتسم لها وطلعت الدرج تتوجه لغرفتها
فتحت الباب وشافت غرفتها اللي ولا شي تحرك منها
زي ما كانت من يوم هربت تنهدت ووقفت توضب اشيائها
**************************
بيت العم عايض
نزلت نجد ودخلت البيت بعد عقاب وسلموا عليها وتحمدوا لها بالسلامه
الصاله عند البنات
ليان: خوفتينا عليك والله
نجلاء: اي والله انا صرت اتخيل انك متي
نجد: يااااهووو ترا كلها طيحه
ضحكت ليان وقالت: اها والدم
نجد: عادي قالت لي سببه الطيحه
نجلاء: ما يوجعك شي
هزت راسها بلا وقالت ليان: بجيب جوالي من الغرفة
طلعت الدرج والتفتت نجلاء لنجد اللي قالت: وانا انتظري
خرجت من الصاله والتفتت لعقاب اللي حط يده اسفل ساقها ووحده على ظهرها ورفعها من الأرض وقال: والله ما تطلعين وحدك
ضربته من كتفه وقالت: عقاب نزّلني بيشوفونا
ابتسم وقال: والله ما انزلك واللي يبي يشوف يشوف
التفتوا لليان اللي كانت تبي تنزل وشهقت وقالت: ما عدتوا تستحون
طلع الدرج عقاب وضربها على جبينها وقال: وانت شدخلك زوج و زوجته
حشرت نجد راسها في صدره بخجل وفشله وقالت ليان: اااح يا اخوي زوج وزوجه بغرفتكم مو وسط البيت
هربت ليان تنزل الدرج وقال عقاب: هييين يا ليان هييين
ضحك وقال: اشوا دغري استحتي
ضربته من صدره وقالت: نزلني عقاب ما يضحك نزلني
ضحك واكمل طريقه لين وصل للجناح وفتح الباب ودفعه برجله وقال: الحين انزلك
نزلها وصدت عنه ودخلت الغرفة تبحث عن جوالها
اخدته من شافته مرمي فوق السرير وقال: وين رايحه
نجد: عند البنات تحت
هز راسه ونزل ثوبه وانسدح فوق السرير وقال: اذا اذن الظهر صحيني
هزت راسها وقربت منه من شافته مسكر عيونه وباسته من خده واسرعت تهرب لكنه مسكها يطيحها على السرير يعتليها وقال بابتسامه: لا تخليني اندمك
ضحكت من فهمت قصده وقالت: ترا ولدك يسمعك ابعد
ضحك يرجع لمكانه وقال: بتاخذينه سبب اني ما أقرب لك
ضحكت وناظرته واعتلته وفتح عيونه بسرعة وصدمه وقال: والله يا نجد ان ما بعدتي عني الحين ما بتطلعين من الغرفة لين آخذ اللي ابيه
ضحكت بقوة وقالت: هههه احسن لي اروح
ابتسم وقال: احسن لك والله
ابتسمت ووقفت وقالت: يلا مع السلامه
خرجت من الغرفة مبتسمه وصادفت ليان اللي قالت: همممم اخمن سبب الابتسامه
ناظرتها نجد وقالت: اخجلي يا بنت وش ذا الكلام
ضحكت ليان وقالت: انتوا اللي ما عدتوا تستحون
نجد: أقول انزلي ولا اوريك
ضحكت ليان تنزل وقالت: تعالي امسكي يدي لا تطيحين
نجد: ترا اعرف انزل يعني ما ني ورعه
ضحكت ليان وقالت: كيف عرفتي
ضربتها نجد وقالت: ايا الحيوانة تقولين اني ورعه
****************************
العصر
خرجت الهنوف وركبت السيارة وقالت: مر كوفي باخذ قهوة وحلا
هز راسه حازم وحرك متوجه لكوفي بعدها بيت العم ابو سطام
نزلت من السيارة وقالت: مقدر امسك الحلا
حازم: ليه
هزت يدها وشاف القهوة ونزل بعدما اخذ الحلا في يده تقدمت من الباب ترن الجرس وقالت: يووووه نسيت الجوال انتظر
رجعت للسيارة تنزل القهوة على الأرض وتنحنح حازم ينتظرها وفي ذي اللحظة فتحت فرح الباب وضمته بقوة تعتقد انه الهنوف ابتعدت بصدمه من حست بجسمه وصلابته ومن قال بارتباك وصدمه: ف فرح!!
انصدمت وبعدت عنه تناظره واسرعت تسكر الباب
التفت للهنوف اللي لسا تبحث وحط الحلا على الأرض وقال بعدما شاف الهنوف مقبله عليه: انا رايح
الهنوف: وش فيك حازم
حازم بتوتر: لا ولا شي تأخرت
ركب السيارة واخذ نفس يزفره بقوة من تذكر شكلها بالفستان الاسود الماسك على جسمها يبرز تفاصيل جسمها وشعرها اللي يأسر القلب وحضنها له وتلامس شعرها على وجهه وريحتها اللي خدرته
مسح راسه يذكر الله ينفي أفكاره وتخيلاته يحاول يمسح صورتها من باله
وعند فرح اللي بعد ما سكرت الباب في وجهه واسندت ظهرها على الباب وتنفست بقوة تتذكر ريحته الممزوجه بين العطر والعود وشكله وعضلاته البارزة
عضت شفتها تهف على نفسها تحاول تسيطر على خجلها وفتحت الباب من سمعت الهنوف تنادي عليها
************************
بيت العم طلال
خرجت من غرفتها تنزل الدرج ودخلت المطبخ تستغرب من شافت العامله اللي مو كانت راضيه وفاء تجيبها من قبل
العنود: وش تسويين
العامله: شاهي لماما وفاء
هزت راسها العنود واخذت كاسه تبي تصب لها لكن وقفت من سحبت وفاء براد الشاهي وقالت بحده: اللي يبي شي يسويه بنفسه ما حنا خدامين عند أحد
خرجت وفاء بعد ما قالت كلامها وزفرت العنود تسوي لها براد شاهي
دخل فارس وقال: وش تسويين
العنود بابتسامه: براد شاهي
فارس: ليه والعامله موجودة
العنود: ابيه من يدي يا فارس
ضحك وقال: ابي اصارحك بشي
التفتت له وقالت: اسلم وش فيه
ضحك وقال: ......
بيت العم عايض
خرجت من المطبخ تجلس على الكرسي اللي فالحوش وقالت: هلا هلا العنود
ضحكت العنود وقالت: هلا ليان كيفك
ليان: الحمد لله وانتي
العنود: الحمد لله المهم ابي اقولك شي
ليان: وش صار
العنود: انا رجعت البيت
وقفت ليان وقال: احلفييي
العنود: والله
ليان: ليه يا بنت
العنود: اجا عندي ابوي وطلبني وعرفت انه مريض وما يبي يتعافى فشرطت عليه ارجع ويصير يروح ياخذ علاجه
ليان: من جدك يا بنت وأذيتهم لك وإذا أجبروك تتزوجي عماد
هزت راسها بنفي وقالت: لا ابوي معي ما تتخيلين كيف تحدث معهم ابوي المهم حتى انا ما ني سهله واي شي سووه لي بقوله لأبوي وفارس
ليان: والله ما عندي وش اقول لكن ان كنتي مرتاحه فحريتك ذيك المهم انهم ما عاد يأذونك زي قبل عشان لا تهربين ههه
ضحكت العنود وقالت: والله اني مستعده اهرب مرة ثانيه نغير جو هههه
ضحكت ليان وقالت العنود بعدما تذكرت كلام فارس: ليان عند رقم جوال العم ناصر ابو ملاذ
ليان باستغراب: مدري اظن ايه ليه
العنود: بقولك لكن بيننا.....
ابتسمت ليان وقالت: اجل برسله لك
العنود: يلا سلام
سكرت المكالمه وارسلت لها رقمه بعدما لقته
انصدم من الحديث اللي دار بينهم واللي فهمه انو العنود ما جات زيارة لكنها هربت من بيتهم بحكم انهم يأذونها واجبارهم لها تتزوج عماد واللي مايدري هو مين
ذكر الله واستغفر ينفي أفكاره من اللي يقدر تكون عاشته
***************************
تفاعلوا عشان نكمل واعتذر عن أي خطأ إملائي بدر مني
لاتنسون ذكر الله
قراءة ممتعه 🫶🫶