من عيون الناس يا نجد اسرقيني

٢٢

بسم الله
لا تنسون تقيمون البارت تقديرا لتعبي
قراءة ممتعه 🫶🫶
اعتذر عن أي خطأ إملائي بدر مني
**********************
زفر ينفي الأفكار اللي فراسه انها ممكن تكون لغيره وأسرع يدخل البيت يطلع الدرج شافها خارجة من الغرفة وراح عندها يجرها لعنده لين فتح باب غرفته ودخلها وسكر الباب وحاصرها بينه وبين الباب
انصدمت من فعلته وضربت صدره تقول: وش ذي الجرأة انجنيت انت تدور مشاكل بعد عني
رص على أسنانه وقال بحده: اسمعيني
حطت يدها على صدرها تبعده وقالت: وش فيك انت بعد عني لا تنسى نفسك
قرب منها زيادة وقال بحدة وغيرة واضحه: ما بتوافقين على غيري تسمعين
استغربت كلامه وقالت: طيب اوكي بس بعد
بعد عنها يدور حول الغرفة يكبث غيرته وغضبه وقرب منها وقال: ما بتوافقين ما بتوافقين
ناظرته وقالت: وش فيك قول وش صاير
قرب منها وقال بحدة: بيجون يخطبونك ناس بكرة
وسعت عيونها وابتسمت من عرفت سبب غيرته وقال: تبتسمين اجل انتي صاحيه أقول بياخذونك مني
ضحكت بخفة وقالت: طيب اهدى عادي واذا خطبوني
خالد بغيرة: ما بياخذك غيري تفهمين انتي لي انا بس ما بيحق لاحد يشوفك غيري
ناظرت في عيونه وقالت: ترا حتى انت ما بيحقق لك تشوفني بس مادري وش مصبرني هنا معاك
ناظرها وقال: متأكدة انك ما بتوافقي
ابتسمت ونزلت عيونها لاظافرها تلعب بهم وقالت: مدري اذا كان حلو بوافق
انجن خالد من كلامها وقال: وش تقولين انتي انا ابيك يا نجلاء
ضحكت وقالت: اللي فيه الخير بيصير يا خالد
قرب منها وقال: لا تقولين كذا انتي لي انا بس ما لك أحد غيري
شهقت من سمعت نداء ليان وقالت بسرعة: لا تخاف ما بوافق على حد من غيرك يا خالد
أسرعت تخرج تتفقد المكان ونزلت الدرج عند ليان
ابتسم من كلامها وغير ملابسه..
**************************
العشاء
الحوش الخلفي
جلسوا البنات بشكل دائري يتوسطهم النار وبراد الشاهي
ملاذ: يوووه يا بنات من زمان عن ذي الأجواء
نجد: اتفق
نجلاء: ليه ما جات الجود معاك
ملاذ: قلت لها قالت تعبانه اشك انها حامل
نجد: يا ويلي احلفي
ملاذ: والله كل صباح اشوفها تستفرغ
ليان: عادي عادي يمكن مريضة او تعبانه صدق
نجلاء: اي صح لو كانت حامل كانت تقول لنا
نجد: خلاص غيروا الموضوع
ملاذ: تدرون ان ابوي كلمني ادخل جامعه
التفتت لها نجد وقالت: أحلفي
ملاذ: والله
ليان: والله ان عمي ناصر تغير صدق
ملاذ: اي والله أقول لك يا نجد فاتك الكثييير
نجد: خلاص بجي عندكم اسبوع اشتقت لأمي وابوي
نجلاء: وش رايكم نلعب
حطت الفنجان ملاذ وقالت: جرأة ولا صراحه
ليان: اي حتى انا ابي
نجد: اجل خلاص ما لي رأي دامكم اتفقتوا
نجلاء: من تبدأ
ليان: انا
نجلاء: طيب صراحه ولا جرأة
ليان: احب الصراحه يا بنات
اتفقوا البنات على سؤال وقالت نجد: طيب قولي لنا وش رايك بسطام
ابتسمت ليان من تذكرته واسرعت تنفي اللي فبالها وقالت: حيوان خسيس عصبي كل شي فيه سيء
ملاذ: لا لا انتي قاعده تظلمين الولد
ليان: شفتيه انتي لتقولين اني ظلمته
نجد: ترا باين عليك خلي الثقل على جنب
لعبت بشعرها ليان وقالت بغنج: الصدق انه ما يستاهلني انا كثيره عليه
كحت نجلاء وقالت: من فين ذي الثقة
ضحكوا البنات وقالت نجد: خلاص دوري ابي صراحه
اتفقوا البنات على سؤال وقالت نجلاء: شي في خاطرك تقوليه ولا احساسك في ذي اللحظة
نزلت عيونها على شبة النار وقالت بحزن: يستاهل البرد من ضيع دفاه
ملاذ: يااااهوووو زعلكم شين
نجلاء: صح انكم زعلانين من بعض
هزت راسها نجد تمنع دموعها من السقوط وقالت بغصة واضحه: اي
ليان: من السبب
نجد: انا السبب لكني كنت مجبورة
نجلاء: خلاص بنات ما لنا حق نسأل بس لا تحاتين عقاب ما بيرضى زعلك
ضحكت نجد وقالت بتغيير للموضوع: طيب يلا نسأل ملاذ
ملاذ: وانا صراحه
نجلاء: ذكرى من شخص
ابتسمت وقالت: درب ما يعز ممشاك اقصر خطاك عنه
ليان: شكلك عندك ماضي اليم
ضحكوا البنات والتفتوا لابو عايض اللي قال: ما شاء الله أقول تأخر الوقت قوموا
وقفوا البنات يحبون راسه وقالت نجلاء: اي صح بنات تأخر الوقت يلا ننام
ابو عايض: يلا عشان تنامون زين وتقومون للفجر
وضبوا البنات المكان وتوجهو للداخل ينامون
طلعت نجد الدرج وتبعتها ملاذ دخلوا الجناح وقالت نجد: تنامين معي
ملاذ: لا انا ما فيني نوم بجلس اتابع مسلسلي هنا واذا جاني نوم بجي جنبك
هزت راسها نجد تدخل الغرفة تتوجه لسريرها تتوسطه اخذت جوالها تنتظر اي رسالة منه او اتصال لكن تنهدت من ما شافت شي وقررت انها تتصل
عند عقاب اللي كان برا مع المتدربين
سالم: حضرة العميد جوالك يرن داخل
دخل عقاب المكتب واخذ جواله وسكره من شاف اتصالها، ذكر ربه واستغفر ما يبي يكلمها اكيد بتكون زعلانه منه ومو وقت انه يواجهها
********************
الثلاثاء
العصر
المجلس
ابو عايض بهمس لعايض: اشوف ذا جا وحده وين اهله
تنحنح عايض ورد على ابوه: مدري ما ارتحت لهم ريحتهم دخان
ابو عايض: اجل يا ولدي ابو سعود وين الاهل
رد ابو سعود ببحه: والله عندنا مشاكل في العائلة فجيت انا وولدي
ناظر سعود في تركي وخالد اللي يتفحصونه بعيونهم وصد عنهم يسمع للسوالف
بعد مده
وقف ابو سعود يودع ابو عقاب اللي قال: بنسأل البنت وبنرد لكم خبر
خرجوا من البيت والتفتوا لابو عايض اللي قال: من الحين علمهم ما عندنا بنات نعطيهم ولا تسأل نجلاء ولا شي
ابو عقاب: ليه
ابو عايض: ما ارتحت لهم ابدا وانا مو قاعد اعطي بناتي للرايح والجاي
تنهد خالد وارتاح من كلام جده
******************
الخميس
نجد اللي راحت عند اهلها للبيت تزورهم بحكم انو عقاب مو موجود
غرفة البنات
نجد: اسمعي يا ليان ما عندك خبر
ضحكت ليان وقالت: مدري سألت سطام قال انه بخير بيجي بعد اسبوعين
ابتسمت وقالت: اجل بيكلمكم
ليان: اي يكلم امي وابوي ليه
نجد: لا ولاشي
ضحكت ليان وقالت: وش رايك نروح اليوم للمول
نجد: مدري بقول لمحمد لانو ابوي مو موجود
ليان: خلاص لما تسأليه كلميني علشان نتجهز انا ونجلاء
سكرت المكالمه نجد و قامت عند محمد اللي وافق واتصلت على ليان تخبرها انهم رايحين
وكذلك ليان اللي قامت عند تركي يوصلهم للمول
بعد مده
وصل محمد للمول وقالت الجود: يلا خذ بالك من فهد لا تزعله واعطيه اكله اللي في الثلاجه
خرجت الجود من السيارة تلحق البنات اللي دخلوا لكوفي ينتظرون ليان ونجلاء
وصلوا البنات وراحوا الكوفي وقالت ملاذ: البنات جو
سلموا على بعض وقالت ليان: انا تعبت خلاص نجلاء خذي لي قهوة نجلس نريح شوي بعدين نقوم
راحت نجلاء تطلب لها ولليان بينما البنات يسولفون
عند تركي اللي كان طالع من المول وناظر لفارس اللي قدامه والبنت اللي شاده في يده
قرب منه فارس وقال: هلا تركي كيف الحال
رد تركي وسلم علبه وناظر للعنود اللي كانت تناظره وأسرعت تصد عنه
فارس: اشوفك لحالك
تركي: اي وصلت البنات وبروح اتقهوى في مكان
ناظرته العنود وهمست: روح معاه وانا بروح للبنات لما اخلص باتصل عليك
هز راسه فارس وقال لتركي: اجل بخاويك واختي بتروح عند البنات
ابتسم تركي وقال: البنات في الكوفي....
ناظرته وابتسمت وتوجهت عند البنات
بعد مده
عند البنات
نجد: وش رايكم بذا الفستان
ملاذ: حلو بس عاري شوي
ناظرتها نجد وقالت: حبيبتي بلبسه لزوجي عندك مشكل
ضحكوا البنات وقالت ليان: ارخفي على اخوي
ضحكت نجد وقالت: باخذه عجبني
خرجت نجد عند العنود ونجلاء اللي حاسبوا وجلسوا على احد الكراسي ينتظرون
نجلاء: لسا متأخرات
نجد: مدري عنهم انا أخذت اللي عجبني وخليتهم
العنود: تبون نروح لمحل العطور هذاك
وافقوا البنات ودخلوا للمحل
نجلاء: هاتي اشم
شمت نجلاء وقالت: حلو بس يخنق
ضحكت العنود وقالت: ايه صح
نجد: طيب وذا
شموا البنات وقالت العنود: لا ذا حلو
نجلاء: اي خفيف وصيفي
نجد: اجل باخذه وانتوا
أشرت العنود على احد العطور وقالت: باخذ هذا
******************
بيت العم طلال
فيصل: يااااا فرح أسرعي
نزلت فرح وقالت: هياا
التفتوا لسطام اللي قال: وين رايحين
فرح اللي تلاعب ليو: ليو عنده موعد مع دكتوره صح يا حبيبي
ناظر فيصل لسطام اللي قال: عادي يا فيصل لك اجر تحمل
تنهد فيصل وقال: الشكوى لله يا خوي اقول اسرعي انتي
ناظرته فرح وقالت بتقليد: اسرعي انتي
العياده
دخلت فرح وناظرت في نجوى اللي صافحتها وقالت بمزح: تبين تدخلين ثاني
ضحكت فرح وقالت: اكيد
دخلت فرح وطاحت عيونها على عيونه ووقف يستقبلهم بينما انظاره عليها
حازم اللي قال وهو يتفحصه: عطيتيه الأدوية كلها اللي وصيتك عليها
هزت راسها فرح وقالت: اي
رفع انظاره وقال وهو صاد عنها: كل شي تمام بعطيكم فيتامينات عطيهم له في اوقات محددة
عزت راسها وشافت في فيصل اللي أمرها تخرج تنتظره
مد يده حازم يصافح فيصل وقال: اي شي احتجتوه انا في الخدمه
هز راسه فيصل وقال: ابد مشكور يا اخوي
خرج فيصل من العيادة يطلع السيارة يحرك لاقرب صيدليه يشتري الفيتامينات
**********************
البنات
المول
نجد: وش فيك يا العنود
فتحت عيونها بقوة وقالت: بنات ما اشوف زين
مسكت يدها ملاذ وقالت: وش اللي ما تشوفين تشوفيني انا
العنود بغصة: بنات ضباب ما اشوف شي
نجلاء: نتصل على اخوك
اخذت ملاذ جوال العنود واتصلت على فارس اللي رد وقال: خلصتي اجي
ردت ملاذ بسرعة: اسمع انا صحبتها تعال بسرعة
وقف فارس وقال: ليه وش صار وينها العنود
وقف تركي من سمع اسم العنود وقال: وش فيه يا فارس
أشر له ينتظر وقالت ملاذ: مدري تقول انها ما تشوف زين
أشر فارس لتركي بيلاا وقالت: اسرعوا قبل لا تفقد الوعي
************************
بعد مده
ركن السيارة فارس ونزل بسرعة يدخل عندهم يتبع تركي
فارس: وينها
مسكها فارس وقال: وين شنطتها
مدت ملاذ الشنطة وفتحها وقال بحدة: وييييين دواك
اخذت الشنطة وكبتها كلها في الارض ونزل اخذ الدواء فارس واعطاه لها وقال: مووويه
مد تركي له الموية وكحت العنود وقالت: خلاااص فارس عبيتني مويه
فارس: انتي بخييير
هزت راسها وقال بحدة: دامك حسيتي بدوخان ليييه ما شربتي دواك
ردت تتكي على كتفه وتقول: نسيت اول مرة يصير لي كذا
تنحنح فارس وقال لتركي: بعتذر منك انا بروح الحين نلتقي مرة ثانيه
هز راسه تركي وقال: ابد ما تشوف شر
راح فارس بعدما ودعت العنود البنات
وكذلك تركي اللي راح وودعوا البنات بعض وجلست نجد والجود وملاذ ينتظرون محمد
**************************
تسريع الأحداث
بعد اسبوعين
الثلاثاء
بيت العم ناصر
خرجت نجد من البيت وطلعت السيارة مع محمد اللي حرك
محمد: مو ناوية تخبريهم
نجد: مدري بس احس عقاب أولى
ضحك محمد وقال: وانا
ضحكت وردت: انت لازم يعني عشان توديني وتجيبني
ضحك محمد يكمل الطريق
بيت العم طلال
خرجت فرح من غرفتها وقالت: خلاااااااص انا جيت
نزلت الدرج وقالت: وش فيك تصارخ
سطام بنفاذ صبر: لك ساااعه وتقولين ليه اصارخ أقول قدامي لاوريك
ناظرته وزفرت تتبعه تركب السيارة
بعد مده وصل سطان وقال: انزلي
نزلت من السيارة وسكرت الباب بقوة وهربت من سطام اللي نزل يتوعد فيها
تركي: هلا هلا بالنسيب
صافحه سطام وقال: هلا فيك كيف الاخبار
تركي: الحمد لله حياك ادخل
دخل سطام مع تركي وراحوا للمجلس
عند البنات
دخلت فرح وسلمت على البنات وتنهدت وقالت لليان: طالبتك ولا ترديني
ابتسمت ليان: انتي آمري وانا أنفذ
فرح: تكفين سطام بيقتلني
ضحكت ليان وقالت: وش سويتي
فرح: اولا تأخرت وثانيا سكرت باب السيارة بقوة والله اني دارية انه بيقتلني
ضحكت ليان وقالت: ابد الموضوع عندي لا تخافين
ضمتها فرح وقالت: احبهااااا يااا ناااس
ضحكت ليان وابتعدت تتصل على سطام
رد عليها وقال: نعم
ليان: ابي اشوفك من معك في المجلس
سطام: انا الحين وحدي تركي خرج يتكلم في الجوال وش صار
ليان: طيب انا جايه
سكرت المكالمه تطلع غرفتها تلبس مخور إماراتي يبرز جسمها وانوثتها وتعدل شعرها خرجت من الغرفة ونزلت الدرج متوجهه للمجلس
دخلت وطاحت انظارها عليها ووقف وقرب منها وقال: وش صار حتى تبيني ما عهدت ليان كذا
ضحكت وقالت: كيفك
ابتسم وناظرها من عيونها وقال: انا بخير دامك بخير
ضحكت بخجل وحطت يدينها على صدره من قرب منها زياده لين حاصرها بالجدار وحشر راسه في عنقها يقول بتخدر: ريحتك حلوة
توسعت عيونها وقالت: سطام ابعد
قرب منها زيادة وعض عنقها وقال: لا
ليان بصدمه من فعلته: سطام اخاف يجي احد ابعد
رد: مقدر
ابتسمت وتذكرت فرح وقالت بتلعب وهي تمسك رقبته: وش سوت لك فرح
رفع راسه وناظر لعيونها وقال بحدة: من قال لك
ناظرت تغير ملامحه وصوته وقالت وهي تقرب منه: تبيك تسامحها البنت ما كانت قاصده
ناظر لها ولقربها وقال: انت جيتيني لذا الموضوع
تشجعت و حطت يدينها تمسك وجهه وقالت: لا اشتقت
ابتسم من تحركاتها وصوتها وريحتها اللي خدرته وقال: تعرفين كيف تلعبين فيني انتي
ضحكت بخفة وقال: فديت الضحكه يا ناس
ابتسمت وقالت: لا تسوي لها شي على شاني
ضحك وقال: الطلب غير متوفر الحين
بوزت بعبس ونزلت انظارها لثغرها وقربت منه وقالت لين تلاصق شفايفهم: لا تردني طلبتك بعد عنها
ابتسم من جرأتها وقال: ما طلبتي شي
أبتسمت و بغت تبتعد عنه لكنه ردها له وقال: اجل تبين تهربين
ضحكت وقالت: امي تناديني
الجمها بقبله يسكتها يتلذذ ويجدد روحه من ريقها
***********************
البارت تعويض فلا تنسون تقيمون البارت تقديرا لتعبي
واحتمال ما انزل بكرا لكن بحاول 🫶🫶