من عيون الناس يا نجد اسرقيني

١٦

قراءة ممتعه
بسم الله
لاتنسون تقيمون البارت تقديرا لتعبي رغم انكم ما وصلتم العدد
***************
في احد سيارات الأجرة
متوترة خايفة تفكر في حياتها ما تدري وش بيسون فيها عائلتها اذا دروا لكن ما عندها حل ان ضلت في ذاك البيت بتعيش الأسوأ تنهدت و عدلت طرحتها ونقابها اللي اختبصوا من كثر جريها هزت نظرها للسايق اللي يشوفها من المراية
هزت حاجبها بمعنى(نعم في شي) وازاح بنظره وقال: وين ماما انتي روحي مكان بعيد وحدك
ردت بحده: مالك دخل سوق وانت ساكت
ناظرها وانزعج من كلامها وقال: احترام وين
ردت: يا ليل الليل ذا النشبه كمان اقول لك ما عندي وقت اسرع
ناظرت الطريق اللي بدت توضح لها
**************************
عند ليان
خرجت من الغرفة ونزلت عند امها في الصالة تجلس جنبها
ليان: يمه ابي اكلمك في موضوع
منيرة: وش هو
ليان: تذكرين العنود
منيرة: اي المسكينه وينها من زمان ما جات
ليان بكذب: والله تعرفين امها وكذا بس يعني هي بتجيني اليوم تقدر تبقى عندي يومين
منيرة: ليه صار لها شي
ليان: لا بس امها مسافرة وانت تعرفين معاملة امها معاها
منيرة: خلاص ما في مشكلة اساسا من زمان ما شفتها
التفتوا لدخول عقاب ونجد واسرعت نجد تجلس جنب ليان اللي ضحكت وقالت بهمس: آسفة كنت جايه اعلمك بس ما لقيتك
قرصتها بالخفيف وبوزت وقالت: ولو اتصلي علي ترضي اني اسمع من احد غيرك
ليان: يا عقاب امسك علي زوجتك
ناظرتها بصدمه وقالت بخجل: لا يا ليان انتي هبله
ناظرت في عقاب اللي يناظرهم ويتكلم مع امه ووقفت تطلع لغرفتها
تبعتها ليان وقالت بصوت مرتفع نسبيا: لا يكون زعلتي
نجد بنفس الصوت: اي زعلت
ليان: اجل بقول لعقاب يراضيك
ضحكت ليان ونزلت عند امها تشرب معها قهوة
*******************
المستشفى
وقف منصور وقال بغصة وغضب : انا ادري وينه بروح له وبقتله بيديني الحيوان ااااه يا مريم وينك
التفت ابو نايف للجوال اللي يرن وقال: هذا جوالك
منصور: اي اي هو مريم تتصل
قرب نايف منه وقال: رد يا عمي
رد منصور ووصله صوتها الباكي: يبه تكفى الحقني يا يبه تكفى بيقتلوني
منصور: يا بنت فينك لا تخوفيني
استجمعت طاقتها وناظرت في المكان اللي هيا فيه وقالت بهمس: انا في بيتهم جابني هنا يبه تعال بسرعة بيزوجوني له غصب يبه
وسع عيونه وشد يده بقوة من سمع كلماتها (نايف)
اسرعت تحط الجوال وراها بعد ما سكرت الخط من فتح الباب ودخلت جميله
جميلة: يلا نص ساعة ويجي الشيخ
مريم بغصة: يا جميلة اذكري الله كيف نسيتي اللي كان بينا
جميلة بابتسامه: ما كان بينا شي يا بنت العم مو ذنبي اذا كنتي انتي غبيه ووثقتي فيني
مريم: تكفين يا جميلة خليني اروح ما بقول لهم والله اني ما افتح فمي بشي لا تخربين مستقبلي تكفيين
جميلة: مدري ليه ما تقتنعين انك لماهر وماهر لك اساسا كيف بتحصلين واحد مثله
اكملت كلامها بشك: وش اللي وراك
مريم بتوتر: ها ولا شي
قربت منها وشدت ذراعها بقوة وقالت: طلعيه وصرخت بقوة: مااااااااهر
أسرع ماهر عندهم ودخل وشاف جميلة اللي رافعة الجوال بيدها وتقول: شوف الحيوانة
عصب ماهر واخذ الجوال وشاف انوا المكالمة انتهت التفت لجميله وقال: اطلعيييي
طلعت بعد ما ابتسمت لمريم بسخرية قرب من مريم
بغضب وحاوطت يدينه عنقها يخنقها بقوة وقال: اذا تبين تطلعين من هذا البيت فيا تطلعي وانت زوجة لي ولا تطلعي جثة
كمل كلامه يدفها على السرير تطيح
عند نايف
التقت منصور لنايف وقال: طالبك يا ولدي ابي اروح عند بنتي
نايف: ابشر ابشر يا عم
خرجوا من المستشفى والتفت نايف لابوهوقال: يبه اذا تبي اودي..
قاطع كلامه وقال: رجلي برجلكم ما برتاح الين اشوف البنت معانا
***********
عند العنود
تناظر في الطريق اللي بدت تظلم تفكر بحياتها بوضع عائلتها الحين دمعت عيونها وسرعان ما مسحتهم
التفت لها السايق وقال: مدام انا خلاص ما في لين هناك
مريم بدهشة: وش لا لا
رد: آسف بس ما في بنزين يكفي
مريم: مقدر لا الدنيا ظلام
السايق: خلاص لا فلوس بس انزلي
مريم: كيف بكمل الطريق انا من جدك تتكلم واذا ما في بنزين مشكلتك
السايق: لا صراخ وين احترام قلت انزل خلاص
نزلت مريم من السيارة متوترة وخايفة دايما حظها كذا ولا مره في حياتها ضحكت لها الدنيا بدأت تجيها وساوس في ذاك الظلام وتتخيل أصوات
استجمعت طاقتها و فتحت جوالها وشافت العديد من الرسائل والاتصالات من عائلتها طفّت الجوال والتفتت تشوف الظلام ولا سيارة تمر اللي تشوفه صحراء قاحلة بعدها الديرة لكن مو معقول انها بتقطع ذيك المسافة كلها بنفسها في الليل
بدأت تتمشى وتسمع نبح الكلاب وتبكي في صمت
يمر شريط حياتها في عقلها بالكامل
عند تركي
فتح سبيكر وقال: نعم يا خالد
خالد: انت في الطريق
تركي: ايوة قربت
خالد: المهم ترى ملكة سطام اليوم عجل
تركي: يااهو مسرعين
ضحك خالد وقال: والله كنت جالس لين جا ابوي عايض وقال لي اروح العزبة اجيب ذبايح
تركي: اي خلاص لا يكون محتاجين شي
خالد: سلامتك
قفل تركي الخط وناظر فاللي تمشي في الطريق وتلتفت يمين يسار
وقف جنبها وفتح الدريشة وقال: انس ولا جن
صرخت بقوة وجلست على الارض تمسك راسها بحكم انها ما لاحظت أضواء السيارة وقالت: أعوذ بالله من الشيطان الرجيم يا رب سكنهم مساكنهم ياا رب
استغرب من نصرفها وفتح الباب ونزل والتفتت له وصرخت: لا تقرب لا تقرب يا ربي انا وش سويت يا ربي أعوذ بالله أعوذ بالله
رد: يا بنت انا انس وش تسوين في نص الظلام وين اهلك
تنهدت وناظرت ارجله وقالت: الحمد لله
ضحك وقال: لا يكون تحسبيني جن
ردت: ما يضحك
تركي: وش تسوين هنا يا بنت الناس
ردت بتلعثم: جاية عند صحبتي
رد: وحدك
العنود: لا كنت جايه مع سيارة أجرة وحطني هنا يقول ما عاد في بنزين
رد: صحبتك في الديرة اللي قدام
ردت: اي
رد: تسمحين اوصلك
وقفت وقالت: احلف
ابتسم وقال: انا بيتي هناك اذا تبين اطلعي
العنود: شكرا مرة
***********************
جناح عقاب
الغرفة
خرجت من الدش بعدما رطبت جسمها وحطت مناكيرها ولبست فستانها الحريري الوردي الضبابي الماسك على جسدها وتنورته طويله مع فتحة جانبية عالية وظهر مكشوف مربوط بالعرض على الخصر
سرحت شعرها الاسود وحطت قلوس خفيف على شفايفها المملوئة التوتية حطت مسكرتها على رموشها و البلاشر الخفيف الوردي على وجنتيها
التفتت لدخوله الغرفة ناظرته تبي تعرف ردة فعله على طلتها ناظرها ثواني بعدين صد عنها يدخل الحمام
نجد في نفسها: حتى كلمه وحدة ما قالها لا يكون شكلي سيئ ولا زعلان من كلامي الصباح
التفتت لجوالها اللي يرن وردت: هلا هلا بالجود
الجود: لي ساعه اتصل
ضحكت نجد وقالت: كنت اتجهز ما سمعته
الجود: المهم اسمعي ذاك اليوم نسيت عندك رضاعة فهد شوفيها وش عندك
نجد: اي اي تذكرت موجودة اذا وصلتوا تعالي عندي
الجزد: خلاص تم انا بروح
نجد: با الجود اسمعي ابي أسألك ويبقى بيننا
الجود: وش فيه
نجد: طيب مثلا اذا احد قرب منك وصديتي عنه وقلتي كلام مو كويس وبعدين كانوا تغير عليك
شهقت الجود وقالت: يااا ويلي عقاب قرب منك
نجد: اسكتي يا بنت جاوبيني على سؤالي طيب
ضحكت الجود وقالت: على حسب وش قلتي يعني لو صديتي بدون لا تقولين شي فلحاله سبب يمكن يزعله انتي اساس وش قلتي
نجد: ما ابي قربه
الجود: افااا هاذي كبيرة
نجد: خلاااااص لاتحسسيني ظالمة
الجود: أقول روحي راضيه الواضح قلبه يوجعه
نجد: يا ليتني ما كلمتك
الجود: افا يا بنت انقلعي عني
سكرت الجود الخط والتفتت نجد لخروجه من الحمام يدخل غرفة الملابس
تنهدت ومسكت شنطتها الصغيرة ونزلت عند البنات
سيارة تركي
تركي: أوصفي البيت
بدت العنود توصف له البيت ووقف قدامه وقال: هذا
ناظرت وقالت: اي مشكور يا اخ
نزل معها وقال: لا تدقين عندي المفاتيح
العنود: ليه من انت
تركي: انا من سكان هذا البيت
العنود: اهااا اسفة ما كنت ادري
تركي: صحبة مين انتي
العنود: ليان
هز راسه وفتح الباب وأشر لها تدخل عند الحريم
دخلت متوترة من ردة فعلهم ما تبي تثقل عليهم التفتت لمنيرة اللي ماسكه البحور وقالت: أرحبي با العنود وش الغيبه هاذي كلها
قربت منها وضمتها تسلم عليها وقالت: كيفك خالتي انتي بخير
منيرة: الحمد لله وانتي
العنود: الحمد لله
منيرة: اشتقنا لك
العنود: والله حتى انا وانتي دارية بحالتي يا خاله
منيرة: الله يسامحها يا بنتي المهم انتي دارية بغرفة البنات
العنود: اي
ابتعدت عنها تطلع الدرج متوجهه عند البنات
غرفة ليان
نجد: المهم هاذي السالفة كلها
ليان: والله وعمي ناصر طلع حنيين
التفتت نجد لنجلاء اللي قالت: يا نجد جيبي لي مسكرتك الواضح انو ذي خلصت
وقفت نجد وقالت: اوك
خرجت نجد من الغرفة وشافت العنود طابعة الدرج : يا اخت
ناظرتها العنود وقالت: انتي نجد ولا ملاذ
نجد: نجد بس انتي مين
ابتسمت العنود ورفعت نقابها وقالت: يمكن تكوني نسيتيني انا العنود
نجد: اهاااا اخت الخبيثة كريمه
ضحكت العنود وقالت: اي انا بشحمها ولحمها
ضمتها نجد وقالت: من زمان عنك سنتين يا العنود متخيلة
العنود: والله الأوضاع ما تسمح
نجد: البنات بالغرفة انا بطلع وبنزل عندكم
ابتعدت عنها تتوجه للغرفة
دخلت وفتحت الغرفة توجهت لتسريحتها اخذت اللي تحتاجه والتفتت له من قرب جنبها يلبس ساعته ويحط من عطره
ناظرته وهي حاسمه انها ما تنزل الا وهو راضي وقالت: عقاب
همهم لها بدون لا يناظرها وقالت: يا عقاب خلاص ناظرني
ناظرها وبسرعة صد عنها تغريييه وبشدة لكنه متحملها لطلبها بأنها ما تبي قربه
نجد: عقاب تكفى خلاص مقدر اصبر ليه صرت كذا
عقاب بهدوء: انفذ طلبك يا بنت العم
نجد: أسمي نجد يا عقاب نجد
هز رأيه لها والتفت يخرج من الغرفة مسكت يدها وميل راسها ناحيتها وقال: نعم خييير
رفعت رجولها تمسك وجهه بيديها تقبله بشوق ما تدري من وين جاتها الجرأة لكنها تبيه وبنفس الوقت خايفة من خطوتها
فتح عيونها يناظرها مسكرة عيونها تقبله بلهفة حب واشتياق يحاول يستوعب حركتها ابعدت عنه من حست بنفسها تحتاج للنفس حطت خشمها على خشمه وهي رافعة رجلها مرر يديه حوالين خصرها يشدها له يدخلها بين ضلوعه
نجد بهدوء: عقاب
فتح عيونه لعيونها اللي تناظره وكملت: آسفة
بتر كلماتها من لفها على الجدار وحاصرها يكمل اللي بدته يقبلها يعض شفايفها يبين لها انه زعلان منها بقوة عقاب بكبره زعلان منها وشايل على خاطره منها
بادرته القبلة وابتعد من حس انها تبي تتنفس وقال بصوت مخدر: لا تتأسفين
استجمعت شجاعتها وقالت بخجل وهدوء: احبك يا عقاب
ابتسم لين بانت غمازاته وترى في باله ابيات وقال:

يشهد الله اني احبك لين ضاقت ضلوعي
وصوتي وصاحت عيوني من الوجع

من روحي احبك ومن روحي افديك
يا من غرامه و الحسن فيه ثاير

نجد بخجل: صح لسانك
نزلت عيونه على ثغرها وأسرع يلبي رغبته يقبلها بكل حب يتناسى كلامها وكل شي
ابعدت من سمعت نجلاء اللي تصارخ: يااااا نجد ويينك اطلعي
نجد: يا ويلي نسيتها
ضحك عقاب وابتعد عنها وقال: ابيك الليله
انصدمت منه وابتسمت ورفعت رجولها تقبل طرف شنبه مع ثغره واسرعت تطلع سكرت الباب وسمعت ضحكته وقالت: فديت الضحكه يا ناس
***********************
البارت قصير احاول اني أطول البارتات لكن الغالب الله
وصلوا البارت ١٥ نجمة ونكمل كالعادة لاتنسون ذكر الله واعطوني ارائكم