من عيون الناس يا نجد اسرقيني

١٥

لاتنسون تقيمون البارت تقديرا لتعبي
بسم الله الرحمن الرحيم

الرياض
بيت اول مرة نزوره(العم طلال)
*****************
تعريف الشخصيات
طلال: عمره ٥٥ متقاعد كان متزوج من العنود لكنها توفت وما جابت له عيال بعدها تزوج وفاء
وفاء: عمرها ٤٥ تحب أولادها ما عدى العنود
أولادهم
فارس: عمره ٢٦ حنون على خواته هادئ بنكتشف شغله بالبارتات الجايه
العنود: عمرها ٢٢ انسانة هادئة جدا تتفادى امها ودايما ما تهاوشها من صغرها وهي اللي تشتغل في البيت
كريمه: عمرها ٢٠ أقرب وحدة لأمها راعية مشاكل وما تسكت ابدا دايما ما تلقاها داخلة في مصايب
***************************
دخلت وفاء الغرفة وبدت تصارخ
وفاء: يا حيوانة قومي الساعة ١٢ ايش قلت لك امبارح
قربت من السرير وبدت تهز العنود من كتفها وتقول: قومي ترا ادري انك صاحية
تنهدت العنود وقامت تقول: يمه ابي انام البارح كله وانا اشتغل تكفيين روحي عند كريمه
ضحكت وفاء وقالت: تشتغلين وش سويتي انتي اساسا قسم بالله ان ما قمتي الحين وسويتي الغداء اني بكنّس فيك الارض
زفرت ووقفت تقول بصوت مرتفع : دايما انا اللي اسوي دايما وين كريمه ليه ما تشغلينها كيف ما تشغليني انا ولا جيبوا شغالة احسن
قربت منها وشدتها من ذراعها تقول: آخر مرة ترفعين صوتك علي وكريمه ولا عمرها بتحط يدها في أشغال البيت دامك موجودة انتي
ردت بغصة: ليه انا ليش مو هية الاثنين بناتك ليه تسوين معاي كذا
ناظرتها وفاء وابتعدت عنها وقالت: انا قلت اللي عندي خالاتك بيجون اليوم انزلي سوي الغدا واتجهزي خالتك بتخطبك لولدها عماد
خرجت وفاء بدون ما تسمع رد بنتها
انصدمت من كلام امها مستحيل تتزوج من واحد مثل عماد ابدا تنهدت وقالت: اصبري اصبري تراها امك
اجهشت بعدها بالبكاء.....
المجلس
دخلت وفاء وجلست جنب طلال وقالت: تدري انوا خواتي بيجون اليوم
طلال: ايوة
وفاء: لطيفة تبي العنود لولدها عماد
عقد حاجبه طلال وقال: انا كلمني راشد وقال انهم يبون كريمه
توترت وفاء وقالت: لا لا كلمتني البارح وقالت انهم يبون الكبيرة
طلال: اللي فيه الخير بيصير دام العنود موافقة
مسحت على كتفه وقالت: لا لا العنود موافقة
المطبخ
زفرت العنود و بدت تقطع الطماطم التفتت لكريمه اللي حطت الصحن والفنجان في الحوض وقالت: غسليهم معاك
ضحكت كريمه وقالت: عيدي وش قلتي
احتدت ملامح العنود وقالت: قلت لك غسليهم معاك دامك انتي اللي استعملتيهم
ضحكت كريمه وقالت باحتقار: لا يكون نسيتي هاذا شغلك يا حبيبتي مو كريمه اللي تغسل مواعين
اتبعت كلامها بضحة ساخرة و خرجت من المطبخ
العنود في نفسها: لا تبكين لا تبكين ما يستاهلون ابدا
غرفة كريمه
دخلت الغرفة والتفت لجوالها اللي يرن
ردت: هلا بالحبيب اكملت كلامها بنبرة حزينة: من زمان ما اتصلت
ضحك وقال: والله المكان اللي انا فيه ما يساعد ولا كل يوم ابتصل عليك
كريمه: امممم انت في البيت
رد: لا عندي أشغال طيب قولي لي وش سويتي في اليومين ذي
ضحكت وقالت: ابرسل لك صورة وعطيني رأيك فيها البارح رحت السوق واشتريت لي فستان
ضحك وقال: الله الله
**************************
بيت العم عايض
غرفة نجلاء
هزت راسها لدخول ليان اللي جلست جنبها
نجلاء: وش فيك
ليان: خايفة
عقدت حواجبها وقالت: من وش
ليان: استخرت
اعتدلت نجلاء وقالت: ايوة
ناظرت ليان في اظافرها وقالت: احس اني مرتاحه
ضربتها نجلاء على كتفها بالخفيف و قالت: خوفتني حسبت انك مو مرتاحة
نجلاء: بس انا ما ابيه
نجلاء: من سطام؟؟
ليان: ايوة
نجلاء: عادي الرجال بشغله ونعرفه والله من كلام فرح عنه احس انه رجال وبيصونك
ليان: بس غثييييث لدرجة
نجلاء: ليه انتي كلمتيه
توترت وقالت: لا لا بس احس
ضحكت نجلاء وقالت: لا تحسيت تأكدي
ليان باستهبال : والله كيف أتأكد
نجلاء: يا غبيه وافقي وان ملّك عليك شوفيه و شوفي معاملته معك وبتعرفين ان كان غثيث كيف ما تقولين اطلبي الطلاق
ليان: الكلام سهل جدا يا اخت
نجلاء: والله ابوي يبيه زوج لك وانت استخرتي وارتحتي فما في سبب لعدم موافقتك
جناح عقاب
غرفتهم
انصدمت من حركته وحاولت تبعده لاكنها ولا شي أمام قوته
حاصرها بالجدار ونزل على عنقها يطبع قبلاته،، تجمعت الدموع في محاجرها وقالت: عقاب
رفع عيونه لها واستوعب حركته مايدري كيف اتجرأ و قرب منها لكن اللي يعرفه انوا رغبته فيها تزيد
ناظرت في عيونه وقالت: تكفى يا عقاب ابعد ما ابي
قربك
انصدم من كلماتها اللي جرحته وجرحت مشاعره لكن ما بيّن في ملامح وجهه ابتعد وقال: بنتظرك تحت في السيارة
خرج من الغرفة وترددت في عقله كلماتها انها ماتبيه ولا تبي قربه وقال في نفسه: تحمل يا عقاب دام البنت ما تبيك خليها
ولع سيجارته يشرب سمها لعل وعسى ينسى
نزل من الدرج وشاف أمه اللي جالية تتقهوى
منيرة : متى بتترك الدخان يا ولدي
ناظرها عقاب وقال: انا رايح الرياض
خرج من البيت بدون لا يسمع اي كلام مو قادر يكلم احد اساسا
عند نجد
اخذت نفس وزفرته ما تدري وش تسوي ما تعرف حقيقة مشاعرها نحوه تخاف منه رغم أنها ما كانت خايفة من قبل
تنهدت وقامت تلبس عبايتها تنزل الدرج
التفتت لمنيرة اللي قالت: يا نجد
ابتسمت من تحت النقاب وقالت: سمي يا خاله
منيرة: بتروحين مع عقاب الرياض
نجد: ايوة
قربت منها ومسكت يدينها وقالت: مدري يا بنتي لكن اعرف انك غاليه عند ولدي ودايما ما احاول فيه يترك الدخان لكن الغالب الله واحس انك الوحيدة اللي تقدرين تقنعيه
ابتسمت وقالت: بحاول يا خالتي
اخذت خطواتها لخارج البيت وركبت السيارة وشافته ينفث الدخان
ربطت حزام الامان وقالت بصوت هادي: ممكن تشيله ما احبه
قال ببحه: الدخان؟؟
هزت راسها ورماه عقاب من الدريشة وحرك متوجه للرياض
************************
المستشفى
غرفة منصور
دخل ابو نايف وسلم على منصور وقال: كيف حالك
منصور: الحمد لله والله مدري كيف اشكركم على ضيافة بنتي
ربت على كتفه ابو نايف وقال: ما بيننا هذا الكلام اليوم موعد خروجك وبتجي عندي البيت لين تتحسن أحوالك
منصور: لا لا انا بشوف لي مكان
ابو نايف: يا رجال ما بينا كلام
منصور: والله اني استحيت منك لكن بنتي لها يومين ما جتني هي عندكم
عقد حجاجه وقال: لا ما شفتها انا
منصور: من جدك اتصلت عليها ورسلت لي انها عندك في البيت
ابو نايف: استهدي ابسأل ولدي
رفع صوته وقال: نااايف
دخل نايف وقال: نعم يا ابوي
ابو نايف: البنت تقول انها عندنا في البيت
استغرب نايف وقال: ما اعرف لكن بسأل الحارس اذا شافها جات
فتح جواله واتصل على حارس الشقة
رد: السلام عليكم استاذ نايف آمرني
قرب نايف منهم وفتح سبيكر : جات البنت ألبوم للشقة
رد: لا خرجت امبارح جا عندها واحد ودخل الشقة و نزلت معاه بعدين ركبوا السيارة وراحوا
وسع عيونه نايف وقال: وش قلت
انتفض منصور وقال: اخذوووها مني اخدذوووها
ابو نايف: اذكر الله يا رجال
اخد الجوال وقال: اسمع يا ولدي نبي تسجيلات الكاميرا
رد: ابشر يا عمي برسلها لك الحين
قفل المكالمه وقال منصور: وش اسوي الحين أخذها مني ولد الكلب ما قدرت احميها
ربت على كتفه ابو نايف وقال: ما بيصير لها شي لا تخاف بنشوف مين أخذها وبنلقاها
منصور: اكيد هو ما في غيره ولد عمها ماهر
نايف: اللي جا عندها هنا
منصور: اكيد بيسوي لها شي
دب في قلب نايف الخوف واخذ الجوال بعد ما جته اشعار من الواتس
فتح الفيديو وشافوا ماهر اللي كان طالع الدرج دق الباب وفتحت مريم واسرعت تحاول تسكر الباب لكن حط رجله يمنعها ودخل الشقة وسكر وراه
انتهى المقطع وفتح المقطع الثاني اللي ظهرت فيه مريم نازلة معه الدرج وهو شادها من يدها بقوة يدخلها السيارة
قتم منصور وقال: ولد الكلب اليوم بقتله ما بخليه حي دقيييقه وحدة
نايف: استهدي بالله يا عم بنروح المركز اعرف ناس هناك اكيد بيساعدونا
***********************
بيت العم طلال
غرفة العنود ناظرت العنود في المرايه وشافت فستانها والمكياج اللي اجبرتها امها تحطه وقالت: هاذي حياتك يا العنود تقبليها
التفتت لجوالها اللي يرن وردت وقالت: مين معي
ضحك وقال: زوجك المستقبلي
ردت بحده: احلم اني اكون زوجتك يا عماد احلم ومن الحين اقول لك اني ابدا مو موافقة اساسا مين يقبل بواحد مثلك حيوان ورخيص ومتعاطي
رد بغضب: عدلي اسلوبك يا بنت ولا قسم انك ما تشوفي الخير في حياتك
ردت: متى شفت الخير انا اساسا اذا كان بتضرب اضرب ما عاد يهمني اساسا لكن اللي بقوله لك اني آخر وحده بتقبل في واحد مثلك ولا عاد تتصل علي احسن لك
قفلت الخط و تنهدت ترفع يدها تمسك جبينها تخفف من توترها
اخذت جوالها واتصلت على صحبتها
ليان: هلا والله من زمان عنك كيفك
العنود بغصة: هلا كيفك انتي
ليان: الحمد لله وش فيه صوتك
العنود: ولا شي
ليان: يا بنت قولي لا تخوفيني عليك امك سوت لك شي ثاني تراني اعرفك من زمان
العنود: آآآخ يا ليان يا ليت سوت لي شي ولا هذا الشي اللي بيصير الحين
ليان: العنود تكفين قلبي بيوجعني وش صاير
العنود: بتجي امه تخطبني اليوووم
ليان: من عماد
العنود: ايوة هو ما ابيه يا ليان كم مرة كلمتك عنه ما استاهل واحد زيه وما ابيه
ليان: خلاص يا روحي انتي اقنعي امك
العنود: ما اقدر ما اقدر بيقتلوني يا ليان ابهرب انا
ليان: وش تهربين من جدك
العنود : ما عندي اي حل ثاني كرهت العيشة فالبيت هاذا كرهتها
التفتت العنود لنداء امها وقالت بهمس: امي تناديني ايش اسوي
ليان: اسمعيني كويس شوفي لك اي طريقة واخرجي من البيت هذا و شوفي احد يجيبك لعندي بكلم امي عنك
العنود: خايفه
ليان: لا تخافين ما بيصير شي
قفلت الخط العنود من دخلت امها مسحت دموعها وقالت وفاء: لي ساعه اناديك
العنود: بضبط المكياج وانزل
وفاء: اسرعي
خرجت من الغرفة و زفرت العنود تاخذ عبايتها ونقابها تلبسهم فتحت الدريشة واستجمعت طاقتها وحاولت تنزل بشويش علشان ما تطيح بقوة وتنكسر رجلها رغم انو دريشتها مو بعيدة عن الأرض لكن ان طاحت بقوة ممكن يصيبها كسر
تشجعت و ارتبكت من سمعت احد يفتح باب غرفتها ووقعت على الأرض مسكت رجلها بألم وحاولت توقف ووقفت لكن كانت تعرج اخذت نفس واسرعت للباب تخرج بدون لا أحد يشوفها خرجت من البيت واسرعت تاخذ سيارة أجرة توصلها لطريق ديرة ليان
***********************
في غرفة فارس
رد على المكالمه وقال: ايوة عندي كل شي
رد: الصور؟؟ والمكالمات والرسايل
ضحك فارس وقال: الجوال بكبره معي
رد: والله اني وثقت بالشخص الصح متى قال لك جيبه
فارس: للحين ما قال لكن انا بجيب لك الجوال تاخذ كل شي فيه
رد: طيب اي صح نسيت أسألك
فارس: آمرني
رد: خواته عندهم علاقة فالاشياء اللي يسويها
فارس: على حسب خبرتي فلا ولا عمره كلمهم في شي اساسا علاقته معاهم جد سيئة
رد: اي تمام بنتظرك تجيني اسمع لا يكون عنده جوال ثاني فيه الصور والمحادثات
فارس: اي عنده ولحد لاكن خو اللي يتصل فيه على حرم عقاب لكني مهكر الجوال وعندي كل شي بجيب الجوال والحاسوب معي
***********************
بيت العم ناصر
الحوش الخلفي
كانت جالسه ملاذ تشرب الشاهي وترسم في دفترها
التفتت للخيال اللي ظهر لها وشافته واقف شماغه على اكتافه وقالت رغم انصدامها وشوقها : وش جابك
رد: الشوق
ضحكت ووقفت: احسن لك تروح ما ابي مشاكل مع اهلي
رد: ادري انهم مو موجودين
ملاذ: طيب انا الحين بقول لك اطلع احسن لك
رد: افا وين ملاذ اللي تشتاق لي
ملاذ: قلتها بنفسك كنت اشتاق الحين اطلع ولا ابي اشوف وجهك وآخر مرة تجيني لأنك ما عاد تهمني
قرب منها وحط أصبعه على قلبها وقال: هذا يبني
دفت يدها ورفعت سبابتها وقالت بحده: آخر مرة تحاول تلمسني سمعت
رد: السموحه لكن هاذي الحقيقة
ملاذ: افهم اني ما عاد إبيك
رد: انا ابيك
ملاذ: وانا عفتك
رد: وش سويت لك انا
ضحكت ملاذ وقالت: انا
وش اللي ما سويت انت ، وثقت فيك وحبيتك لكن انت اللي ضيعتني خنتني كذبت علي في كل شي
رد: وش اللي كذبت عليك فيه انا احبك يا ملاذ ولا عمري نسيتك
ملاذ: كذبت علي في شغلك عائلتك كل شي حتى مشاعرك وانا زي المهبولة صدقت
رد: انا احبك يا ملاذ افهمي اني ابيك
ملاذ: تحبني بعد ما أذيتني في حياتي وكذبت علي و كرهتني في نفسي اللي سويته مو قليل
رد: انا اللي اعرفه الحين اني ابيك ولا ابي غيرك
ملاذ: وانا ابي غيرك ولا ابيك
رد: بتندمين يا ملاذ
ضحكت وقالت: تهددني الحين اي هدد كيف ما كنت تسوي من زمان
رد: بتشوفين يا ملاذ
ملاذ بغضب: اطلع ولا عاد تجيني اكرهك واكره شوفتك واكره كل شي فيك
اخذت نفس تبتعد عنه تدخل البيت تسكر الباب وراها تأمن نفسها وتطلع غرفتها
اجهشت بالبكي وقالت: ااااااخ الحين يجيني بعد ما تخطيته لا لا لا ما اقدر خلاااااااص يا ملاذ نسيتيييه
*****************
سيارة عقاب
رفعت جوالها من وصلها اشعار دخلت المحادثة وشافته مرسل العديد من الصور وقايل: والله اختك تجنن
ارتبكت وحاولت تخفي توترها عن عقاب اللي كان مندمج مع المسجل ويشوف الطريق اخذت نفس تكتب: قلي اي شي اسويه وامسح الصور
رد: ابي ملفات
كتبت: اي ملفات
رد: اللي موجودة في مكتب زوجك
كتبت: كيف تعرفه مين انت
رد: اذا تبيني أمسح الصور سوي الأشياء اللي اقولها ولا تسألين
كتبت: اي تمام لكني ما اعرف اي ملفات تتكلم عنهم
رد: داري انك في الطريق للرياض اختلقي اي عذر وارجعي ابي الملفات بكرة
كتبت: اي ملفات عن وش تتكلم
رد: لما ترجعي ارسليلي وانا اقولك لك خرجت من المحادثه والتفتت لعقاب تشوفه تفكر فاللي بتسويه
اخذت نفس وقالت: كم باقي
عقاب: الكثير تونا ما دخلنا الطريق
نجد : وشرايك نرجع
لف لها وقال: ليش
نجد: مدري احس بصداع اساسا نسيت أشيائي في البيت
عقاب: من جدك
نجد: عقاب راسي يوجعني من الصباح وانا مستحمله أقول انه بيخف ولا خف
تنهد وقال: ليه ما قلتي من الاول
قطع كلامه اتصال ابوه
رد وقال: نعم يبه
عايض: انت في طريق الرياض
عقاب: لسا ما دخلتها
عايض: اجل ارجع للبيت اليوم ملكة ليان
عقاب: مسرع يا بوي هي موافقة
عايض: ايه موافقة وابوي يقول خير البر عاجله
عقاب: اجل تم انا راجع
سكر المكالمه وقال : بنرجع اليله ملكة ليان وسطام
*********************
اذا وصل البارت ١٥ نجمة نكمل
البارت كان جاهز فما حبيت أطول عليكم
اعتذر عن أي خطأ إملائي بدر مني ولا تنسون ذكر الله
لاتنسون تقيمون البارت تقديرا لتعبي استقبل كل الأسئلة في التعليقــات