من عيون الناس يا نجد اسرقيني

٢٦

بسم الله
آسفه على التأخير وتفاعلوا عشان اكمل
لا تنسون تقيمون البارت تقديرا لتعبي
قراءة ممتعه
اعتذر عن أي خطأ إملائي بدر مني
***********************
بيت العم صالح ابو سطام
فرح: تدرين انوا عرس سطام بعد ٣ ايام
الهنوف: اووو احلفي
فرح: والله
الهنوف: ابوي قال لي الأسبوع الجاي
فرح: يا حبيبتي ترا حنا في بدايه الأسبوع
الهنوف: خلاص المهم ابي ارقص فيني طاقه غريبه
ضحكت فرح وقالت: كنت باستغرب لو ما طلبتي ترقصين
الهنوف: وين السماعه
وقفت فرح وقالت: ابشوف هنا اذا مو موجودة بتكون في غرفة فيصل
هزت راسها الهنوف وقالت فرح بعد ما بحثت: لا ماهي بموجوده هنا
الهنوف: روحي جيبيها
جلست فرح وقالت: ما فيني حييل وثقيله
الهنوف: لا يكون تنتظريني اجيبها انا
فرح: اي
الهنوف: من جدك واخوك
فرح: لا مو موجود
وقفت الهنوف وقالت: الشكوى لله انتي دايما تعبانه
ضحكت فرح وخرجت الهنوف ودخلت لغرفته
نقلت عيونها للغرفة اللي كانت نظيفة ومرتبة وابتسمت وتوجهت جنب الدولاب اللي كانت السماعه قربه
توترت من سمعت خطوات احد عند الغرفة وفتحت الدولاب ودخلت بين ملابسه
فتح الباب وسكره وضحك وقال: اي والله صح ، وأنا اشتقت ، اووووه انا جاااي بأقرب وقت
فتحت عيونها بصدمه من كلامه وقبضت على يدها بغضب
سكر الجوال وفتح دولابه وتوترت الهنوف وقالت بارتباك: ف فيصل ووقف
نزل عيونه وشافها لابسه كعب وقال: من
فيصل اللي ابعد ملابسه عشان يشوفها لكن استوقفته اليد اللي مسكته وقالت: تكفى يا فيصل لا
قطع كلامها فتح الباب واللي كان سطام وقال: وين الشاحن
توتر فيصل وسوى نفسه يرتب ملابسه وقال: مدري
دخل سطام وجلس فوق السرير والتفت له فيصل وقال: وش فيك
ابتسمت بخبث ومررت يدها على يده اللي كانت على احد الملابس وقرصته بخفه وحاول انه ما يلتفت لها
سطام: ابد جاي انام عندك
فيصل: لا والله أقول اطلع
سطام: والله سريرك مريح اكثر
التفت فيصل للدولاب من قرصته بقوة ورص على أسنانه وابعد الملابس وانصدمت منه وهي تناظر في عيونه وتحاول ترجع الملابس عشان تغطيها عنه لكنه كان أقوى
سطام: وش تسوي
فيصل بحده: وش تشوف انت
ضحك سطام وقال: ايا النفسيه
ابتسمت تكتم ضحكتها من ملامح وجهه وتجرأت وقربت منه تمسكه من ثوبه
ارتخى من لمستها وهو يناظرها بتعجب ومررت يدها على وجهه تشوف تغير ملامحه واعطته كف خفيف واحتدت ملامحه يناظرها بحده
سطام: ساعه وانت تبحث على ملابسك
التفت له فيصل وقال بحده: بالله اطلع ولا اتوطى ببطنك الحين
ضحك سطام وقال: شكلي جيت في وقت غلط
تنهد فيصل يشوفه يطلع وسحبها من الدولاب يطلعها ويحاصرها في الجدار وقال وهو راص على اسنانه: قدها يا بنت مساعد
احتدت ملامحها وقالت: اييه قدها
مرر عيونه على وجهها واسرعت تضربه على صدره
تبعده عنها وقالت: ابعد يا فيصل ترا بس كنت امزح
اخذت السماعه بصعوبة وقالت: ما شفتني ولا شفتك مابي مشاكل
ضحكت وخرجت تنزل عند فرح
فرح: ساعه يا بنت ساعه
الهنوف: ما كنت ادري اي غرفة
************************
بيت العم عايض
الحوش
نجد:والله ملل
ليان: اتفق احس كل شي في الحياه سويته
نجد: نروح نتمشى
ناظروا فيها البنات وقالت نجلاء: تبين ابوي يكفخنا
ليان: اي والله
نجد: يا بنات بنرجع بسرعه
نجلاء: لا
ليان: صراحه نفسي
نجد: تكفين نجلاء
نجلاء: من جدك تستهبلون ما بقى شي وتظلم الدنيا
نجد: بنرجع قبل اوعدك
هزت راسها بلا وقالت ليان: ترا اذا ما تبين عادي بنروح حنا
نجد: اي
نجلاء: لا والله ما اخليكم
ليان: اجل قومي
نجد: اسمعوا بنقول لهم حنا في الغرفة ونروح بدون لا يحسون فينا
نجلاء: والله يا بنات بيقتلونا
ليان: لا لا بنرجع قبل لا يحسون فينا
دخلت نجد للمطبخ وناظرت في عقاب اللي يتكلم مع امه وقالت ليان: يمه حنا في الغرفة ما نبي ازعاج
هزت راسها منيرة وقالت: اذا اذن المغرب انزلوا
هزت راسها ليان وخرجوا من المطبخ وخرج عقاب وسحب نجد وقال: وين رايحه
ضحكت وقالت: معاهم
ابتسم وقال: انتظرك فوق
بوزت وقالت: عقاااب تكفى
قرب منها وقال: لا تقولين تكفى
التفت لابوه اللي تنحنح يناظره بطريقة عجز يفهمها وقال عقاب: هلا ابوي بغيت شي
هربت نجد تدخل عند البنات وقالت: اووووه
ليان: وين كنتي
نجد: اخوكم
ضحكت نجلاء وقالت: خذي البسي ذي ما يحتاج تطلعين فوق
ليان: يووو اتخيل لو مسكونا
نجلاء: والله انا رايحه لحمايتكم
ليان: وشووو حمايتنا أقول اسكتي بس
لبسوا البنات وقالت ليان: ابعدوا بشوف الوضع
فتحت الباب ليان وقالت بهمس: يلا
خرجوا البنات والتفتت نجلاء للدريشه وقالت: بنات يتقهوون في المجلس
ليان: يا زين حظنا يا زينه
خرجوا البنات من البيت وقالت نجد: شفتوا ما صار شي طلعنا بكل سهولة
نجلاء: والله لو يدري جدي ولا ابوي ما بنام الليله بخير
ضحكوا البنات وقالت نجد: يلا بنات عشان نرجع قبل لا يحسون
*************************
بيت العم مساعد
دخل حازم ومعه الهنوف وقال: السلام عليكم
ردوا: وعليكم السلام
جلست الهنوف جنب امها وقالت: خالتي تسلم عليك
ام نايف: كيفها من زمان ما شفتها
الهنوف: بيجون لعرس ليان
حازم: يمه انا طالع اريح تصبحون على خير
ردوا: وانت من اهله
طلع حازم الدرج وتوجه لغرفته يفتح الباب يدخل الحمام يفرغ كل همومه وطاقته السلبيه
خرج ولبس ملابسه للنوم ونشف شعره يتوسط السرير وقال: خلاص يا حازم انسى
تنهد ينفي كل أفكاره اللي تدور في راسه وأهمها فرح اللي صورتها لسا راسخة في دماغه عجز يطلعها واستسلم للنوم بعد تعب وتفكير طويل
عند البنات
نجد: يمه بنات في قطو هناك
ليان: وين
أشرت لها نجد وقالت نجلاء: بنات ترا طولنا يلا
نجد: تعالوا ابي العب معاه
نجلاء: من جدك انتي وهي اقول يلا تبين تودينا لين هناك
ليان: خلاص يا نجلاء بس بنروح له ونرجع
نجلاء: لا يا بنات الدنيا بدت تظلم والعشا قرب وانت تبين تروحين هناك
نجد: انا رايحه اللي يبي يجي معي يجي
سرعت نجد خطواتها وتبعتها ليان وقالت: شكلها نجلاء ما بتجي
نجد: خلاص خليها
قربوا البنات له ونزلت نجد وبدت تلاعبه وقالت ليان برعب: نجد يا نجد
رفعت عيونها نجد وقالت : وش فيه
أشرت لها ليان لرجلين جالسين يراقبونهم من بعيد وقالت: شفتيهم
وقفت نجد وقالت: عادي يا بنت
ليان: يا حماره ما تشوفينهم كيف يطالعون
نجد: خلاااص يا ليان
شهقت ليان وقالت: قاموا قاموا
التفتت نجد قالت: كأنهم جايين عندنا
ليان: ايي امانه يلا والله ما عاد اسمع كلامك بس تكفين يلا
سرعوا البنات خطواتهم والتفتت ليان وشهقت وقالت: نجد يجرون نجد
التفتت نجد وقالت: اركضيييي
عند نجلاء اللي توجهت للبيت وفتحت الباب بهدوء ودخلت الحوش وناظرت المجلس كان فاضي
دخلت البيت والتفتت لعقاب اللي كان طالع من غرفتهم وقال: يا سلام وينكم
ناظرته نجلاء برعب وقالت بتوتر: هاا
قرب منها عقاب وقال: وينهم
توترت نجلاء وقالت: تعال اكلمك بس اهدى اول
ناظرها عقاب وتبعها للغرفة وقال: ليه لابسه عبايتك ووين نجد وليان
نجلاء: اسمع عقاب بس لا تعصب
هنا عقاب عصب لانوا يدري الموضوع بيعصبه دامها تحاول تهديه وقال بحده: تكلمييي
نجلاء: كنا نبي نتمشى بس البنات طولوا الطريق وانا ما عاد قدرت اتحمل ورجعت
قرب منها وقال: من جدكم تطلعووون بدون لا تقولون
نجلاء: والله يا عقاب بس كنا نبي نتمشى
عقاب بغضب: وينننهم
نجلاء: مدري خليتهم عند بدايه الطريق
فقد عقله وقال بحده: من جدكم رحتوا لين هناك
نجلاء: والله مدري كيف كنا نسولف لين لقينا نفسنا هنيك
عقاب بحده: حسابكم بعدين لما يعلم ابوي
مسكت يده وقالت: تكفى لا تعلمه تكفى
عقاب: ابعدي يا نجلاء ما بي اضرك ابعدييي
بعدت عنه وخرح عقاب وركب سيارته علشان يوصل بسرعه
ليان: الله يسامحك ليتني ما تبعتك
نجد: اسكتي يا بنت الحلال واجري
التفتت ليان وقالت: قربوااا
التفتت نجد وقالت: امسكي يدي
مسكتها واسرعت تركض وليان اللي كل شوي تلتفت
نجد: ليااان ناظري الطريق كأنه عقاب
ناظرت وقالت في ركضها: اي والله هو تعالي نروح له تعبت من الركض
نجد: بيقتلنا والله بيقتلنا
ليان: يا بنت هو اهون من ذو اللي يركضون ورانا
التفت عقاب يناظر الطريق وشافهم يركضون امعن النظر وشافهم متوجهين صوبه
وقف موتره ونزل بسرعه
وقف قدامهم وقال بحده: قدااااامي
ناظروا البنات في بعضهم وهم عطشانين وتعبانين من الركض
التفتت نجد وراهم وقالت لليان بهمس: وينهم
التفتت ليان وشهقت برعب من خلو المكان
مشوا وراه ركبوا السيارة و ولا واحد تكلم
عقاب االي كان راص على اسنانه بقوة والبنات خايفين من ردة فعله وهدوئه
حطت يدها نجد على اسفل بطنها بألم اجتاحها بقوة معقده حجاجها
ناظرها عقاب والتفت لها يناظرها رافعه حواجبها تتألم
سكت يناظر تغير ملامحها ما بغى يتكلم قدام ليان
وصلوا للبيت نزل عقاب يسكر الباب بقوة ونزلوا البنات ودخلوا للبيت لفت ليان لنجد اللي وراها وقالت: وين
نجد: معاكم
ليان: انقلعي لزوجك
نجد: بيقتلني
التفتت نجد لعقاب اللي دخل وزفرت تطلع الدرج وهو وراها
ناظرها وناظر في مشيتها وتمايل جسمها وحتى ارتباكها وتوترها اللي باين على يدها
فتحت الباب وسكره عقاب ودخلت الغرفة تدخل الحمام خرجت بعدما بدلت ملابسها وجمعت شعرها وناظرت فيه وكان منسدح على السرير مسكر عيونه
انت بألم من أسفل بطنها اللي لسا يوجعها واخذت جوالها ترسل لدكتورتها
اخذت كماده ( مدري اذا عرفتوها او وش تسمونها بس هاذي اللي نحطها على بطننا يوم نحس بوجع زي الدورة الشهرية ) كبت فيها مويه ساخنه وطفت الاضواء وانسدحت على السرير ترفع بجامتها وحطت الكمادة
فتح عيونه وناظرها وقال بهمس: وش فيك
توترت وقالت: ولا شي
عقاب بفقدان صبر: تكلمييي
ارتبكت نجد من نبرته وقالت: توجعني بطني بس
عقاب: نروح المستشفى
هزت راسها بلا وقالت: تكلمت مع الدكتورة قالت احط ذي ألم عادي
هز راسه يسكر عيونه يرتاح من كلامها ويستسلم للنوم وتتبعه نجد بعد دقايق من التفكير
غرفة البنات
نجلاء: يااا ويلي قلت لكم وانتوا ما سمعتوا
ليان: خايفه على نجد
نجلاء: ما أظن يسوي لها شي
ليان: انا تعبت بنام
وقفت نجلاء وقالت: بجيب مويه واجي
نزلت نجلاء بعدما لبست جلالها ودخلت المطبخ تفتح الثلاجه تاخذ منها علبه مويه
دخل للمطبخ وقال: نجلاء
التفتت وقالت: نعم
خالد: وش تسوين
رفعت العلبه وقالت: جيت آخذ مويه
هز راسه تمر من جنبه يستنشق عطرها يغرق قي تفاصيلها زيادة
***********************
آسفة على التأخير بس ما كنت في البيت
ولا تنسون تقيمون البارت
لاتنسون ذكر الله