من عيون الناس يا نجد اسرقيني

١١

تنهدت نجد وقامت تمسح دموعها اكيد ما راح تضل تبكي لازم تلقى حل لمشكلة اختها
بعد صلاة العشاء
الصالة
اللي كانت فيها الجدة والعمة منيرة والغالية والبنات
ليان: لا وتعرفين تستفزين
نجلاء: ترا كنت ماسكة يديني لا اقوم لك
ضحكت نجد وقالت: ترا حتى انا مستغربة من نفسي
مسكت يدها نجلاء وقالت: والله آسفة ما كنت اعرف انك تتحسسين والله
ضمتها نجد وقالت: معليش فيها خير
ناظرت فيهم الجدة وقالت: اجل عودة العلاقات ذي
ضحكت نجد وقالت: كنا زعلانين من بعض
منيرة: اها وانا اقول ليه ما كنت اشوفكم مع بعض
ضحكوا البنات وفي ذي اللحظة دخل عقاب
سلم عليهم عقاب وجلس جنب جدته ،، وقفت نجد تصب له القهوة تمد له الفنجال اخذ عقاب الفنجال وتلامست يدينهم، ابتسمت نجد ورفع عينه وشاف ابتسامتها وابتسم من ابتسامتها
ابتسمت ليان وقالت: شوفيهم يجننون
نجلاء: اي والله الله يخليهم لبعض ويزرع المحبة بينهم
ليان: آمين الله يشوف من حاااالي
ناظرتها نجلاء وقالت: اجل انا اللي عمري ٢٢ وش اقول يا البزرة
وسعت ليان عيونها وقالت بصوت مرتفع: انا البزرة يا العجوز
مسكتها نجلاء من اذنها وقالت: العجوز هي انتي يا الهبلة
جلست جنبهم نجد وقالت: خيير وش فيكم وطوا صوتكم
ليان بوجع: الحيوانة سبتني
نجلاء: انت الحيوانة
نجد: خلاص اثنينكم حيوانات
ليان و نجلاء بنفس الوقت: انت الحيوانة مو حنا
كملوا البنات حكيهم تحت ضحك
جناح عقاب
دخل عقاب وشافها جالسة على الكنب تقدم من الطاولة أخذ جواله ومفاتيحه
التفتت له نجد وقالت: رايح لمكان
هز راسه عقاب وكملت: وين ؟؟
ناظرها وقال: العزبة
نجد: بتنام هناك
هز راسه وقال بعد صمت: تخاويني؟
وقفت نجد وقالت: صدق
عقاب: اي جيبي معاك الأشياء اللي بتحتاجيها وتعالي
هزت راسها واسرعت تدخل الغرفة
نزلت من الدرج وخرجت من البيت ركبت السيارة،، التفت لها وقال: حزام الامان
نجد: حاضر
حرك عقاب السيارة وشغل تلفونه على أغنية هتان لماجد المهندس
ابتسمت نجد ورفعت عيونها تشوفه من قال ماجد المهندس:

ومن جمالك ما قدرت ابعد واتوب
كيف اتوب وربي اللي كمله
كأن في عينك نزاعات وحروب
ترمي القلب بسهمها وتقتله

التفتت عيونه لعيونها اللي تناظره ابتسمت نجد من تحت النقاب والتفتت تناظر الطريق
زفر عقاب وفتل شاربه وكمل طريق
**********************
في احد مطاعم الرياض

ملاذ: عطيني الشوكة اللي جنبك
اعطتها الشوكة الجود وقالت لها بهمس: تعرفين ذوك اللي يناظرونا
ردت ملاذ واللقمة في فمها : من
أشرت لها الجود بعيونها ونقلت عيونها ملاذ تنفي براسها تقول: لا ليه
اعتدلت الجود في جلستها وقالت: مدري من دخلنا دخلوا بعدنا وجلسوا يناظرون فينا
ملاذ: شوفي بس أشكالهم يقرفون
ضحكت الجود وقالت: أقول اسكتي واكلي
قاطع كلامهم ناصر اللي قال: بكرة بنرجع اشتقت لديرتي
احلام: اي حتى انا ما عجبني ضجيج المدينة
ملاذ: دامكم تبون نرجع فعادي مافي مشكله