လွန်ခဲ့သောသုံးနှစ်။
"ဟေ့ကောင်တွေရေ ကျောင်းခေါင်မိုးအပေါ်မှာရန်ဖြစ်နေကြပြန်ပြီ!"
အတန်းထဲသို့ ပြေးဝင်လာသောကျောင်းသားလေးမှာ အခန်းအပေါက်ဝမှနေ၍အော်ပြောလိုက်သော်လည်းအတန်းထဲရှိ ကျောင်းသားများမှာမထူးဆန်းသည့်နှယ် လုပ်စရာရှိသည်ကိုသာဆက်လုပ်နေကြသည်။
"သူတို့နှစ်ယောက်ကလည်း ရန် ဖြစ်ကိုဖြစ်နိုင်လွန်းတယ်"
ကျောင်းသူတစ်ယောက်ကညီးညူလိုက်သည်။
"အေးလေ သူတို့ရန်ဖြစ်တာအဆန်းမှမဟုတ်တာ"
"ဆန်းတယ်!ဒိီတစ်ခါတော့ဆန်းတယ်...ဒီတစ်ခါစထိုးတဲ့သူက Jungkook!"
ထိုစကားကြောင့်ကျောင်းသားကျောင်းသူတို့မှာတစ်ယောက်မျက်နှာတစ်ယောက်ကြည့်၍ အခန်းထဲမှဝရုန်းသုန်းကားပြေးထွက်လာကြပြီးကျောင်းခေါင်မိုးထပ်ဆီသို့။
အလယ်တန်းကျောင်းသားအရွယ်ကတည်းက တစ်ပတ်မှာ၄ကြိမ်လောက်ရန်ဖြစ်နေကြသော Jiminနှင့်Jungkook အားကျောင်းတွင်မသိသူမရှိ။ ပြသနာဖြစ်တိုင်းရုံးခန်းထဲရောက်သော်လည်းအကြောင်းအမျိုးမျိုးကြောင့် ကျောင်းနားရုံသာရှိခဲ့ပြီးပြသနာရဲ့အစမှာ အမြဲတမ်းJiminဘက်ကအရင် လက်ပါခဲ့ခြင်းဖြစ်သည်။ ယခုအခါတွင်တော့Jungkookမှ အရင်လက်ပါခဲ့သည်ဆိုသောကြောင့် အထူးအဆန်းဖြစ်နေကြသည်။
ကျောင်းခေါင်မိုးထပ်သို့ရောက်သည့်အခါ တစ်ယောက်နှင့်တစ်ယောက်အသေအကြေထိုးကြိတ်နေကြသော လူနှစ်ဦးမှာMFC ဖိုက်တာများလားပင်အောက်မေ့ရသည်။ ကျောင်းသားဝတ်စုံဖရိုဖရဲဖြင့်ထိခိုက်ဒါဏ်ရာများ ရနေကြသောကျောင်းသားနှစ်ဦးမှာ တစ်စုံတစ်ယောက်မှဝင်မဆွဲလျှင်ဆက်တိုက်ထိုးကြိတ်နေကြဦးမည့်ပုံပင်။
"ဟဲ့Nora!!!ဝင်ဆွဲဦးလေ!!"
ကျောင်းသူတစ်ဦးက ရန်ပွဲအားရပ်ကြည့်နေသောကျောင်းသူတစ်ဦးဖြစ်သည့် Noraအားလှမ်းအော်ပြောလ်ိုက်သည်။ Noraက သက်ပြင်းချကာ ရန်ပွဲအားကျောခိုင်းလိုက်ပြီး ခေါင်မိုးထပ်၏ဝရံတာအကာအနားသို့သွားကာ လေညှင်းခံနေလိုက်သည်။
