လွဲနေတဲ့ရထားမှာ မဆုံနိုင်တဲ့ဘူတာကို သိသွားပြီဖြစ်လို့ မင်းရှိမယ့်နေရာကို ကိုယ့်ခြေနဲ့ကိုယ် လျှောက်လာခွင့်ပေးပါလား ချစ်သူ။
တစ်ရက်ခြားတစ်ရက်ပို၍ ငိုင်ကာတွေဝေနေသည့်သားဖြစ်သူကိုကြည့်ကာ စိတ်မသက်သာလှ။အခုလည်းယောက္ခထီးဖြစ်သူက ကလေးယူဖို့တိုက်တွန်းနေသည်ကို အင်းမလုပ်၊အဲမလုပ်ဖြင့်။
"ChaeEun ကတော့ ပြီးခဲ့တဲ့အပတ်ကဆေးရုံမှာဆေးသွားစစ်ပြီးပြီ....ကလေးယူဖို့လုံးဝသင့်တော်ပြီးအဆင်ပြေတယ်တဲ့....ChaeEun ဘက်မှာဘာပြသနာမှမရှိဘူး"
ChaeEun က Jungkook အား အသွားမလွတ်သောစကားပြောလိုက်သော်လည်း သူမကိုတစ်ချက်သာကြည့်၍ထမင်းပန်းကန်ကိုသာစိုက်ကြည့်နေသည်။
"Jungkook!အန်ကယ်တို့ပြောတာကိုလည်းနည်းနည်းပြန်ပြောပါဦး....မင်းအခုလုပ်နေတဲ့ပုံကလုံးဝယဥ်ကျေးမှုမရှိဘူးနော်"
"တောင်းပန်ပါတယ်..... "
"အန်တီ့အနေနဲ့ တစ်ယောက်ထဲရှိတဲ့သမီးလေးကိုလူကောင်းလက်ထဲပဲထည့်ပြီးပျော်ရွှင်စေချင်တယ်....အခုသမီးလေးကပိန်ပိန်သွားတယ်....Jungkook မင်းဂရုမစိုက်ဘူးလား"
အန်တီတို့သမီးက ဖက်ရှင်ပြိုင်ပွဲအတွက်ဝိတ်ချနေတာပါလို့ ပြောလိုက်ချင်သော်လည်း သူမကိုယ်တိုင်ကိုကဘာမှမပြောတော့ သူကထုတ်ပြောလို့အဆင်မပြေ။
"ဟိုလေအစ်မ....."
ပူလောင်နေသောထမင်းဝိုင်းမှာ အေးချမ်းသောသူ၏မေမေ့အသံထွက်ပေါ်လာသည်။မေမေကသူ့ကိုတစ်ချက်ကြည့်၍ ChaeEun ၏ အမေကိုကြည့်ကာ
"ကျွန်မသားကလည်း တစ်ဦးတည်းသောသားပါ.....သမီးChaeEun တစ်ယောက်ထဲပိန်ကျသွားတာမဟုတ်ပဲ Jungkookieလည်းဒီရက်တွေထဲမျက်နှာလေးတော်တော်ချောင်ကျသွားတယ်.....ကလေးတွေအိမ်ထောင်ရေးမှာတစ်ခုခုအဖုအထစ်ရှိနေတယ်ဆိုရင်လည်း မျှမျှတတအကြံပေးပြီး လမ်းမှန်ကိုညွှန်ပေးရမယ်လေအခုကJungkookie ကိုပဲအပစ်တင်နေကြတာမဟုတ်သေးဘူးလို့မြင်တယ်"
"မဟုတ်ဘူးလေ ညီမ..... သူကအိမ်ထောင်ဦးစီးပဲလေ ဒီမိသားစုရဲ့ကောင်းခြင်းမကောင်းခြင်း၊ပျော်ခြင်း၊ဝမ်းနည်းခြင်းကသူ့အပေါ်ပဲမူတည်တယ်"
