ခေါင်းစဥ်တပ်မရသောအခြေအနေအောက်တွင် ဒေါသကိုချုပ်တည်းလို့မရခဲ့ပေ။အကြောင်းပြချက်ရေရေရာရာမရှိပဲ စိတ်အလိုလိုက်၍တရွတ်တိုက်နည်းပါးဆွဲခေါ်လာသည့်အခါ ရုန်းကန်းသူဆဲနည်းပေါင်းများစွာဖြင့်တစ်လမ်းလုံးအော်ဟစ်လာသဖြင့်လမ်းသွားလမ်းလာများကလည်းကွက်ကြည့်ကွက်ကြည့်။
"အရူးကောင် ငါ့ကိုလွှတ်!!!!!"
Jiminသည် အိမ်နှင့်နီးလာလေလေငိုချင်လာလေလေ။ အဖေဆူမှာကိုသူကြောက်သည်။အဖေစိတ်ဆိုးသွားမှာကိုသူကြောက်သည်။လောလောဆယ်တော့ သူ့လက်အားပြုတ်ထွက်မတတ်ဆောင့်ဆွဲထားသောသူကိုပိုကြောက်သည် ။ ခြံတံခါးကိုတွန်းဖွင့်၍ဦးတည်သွားသည့်နေရာက Jimin၏ အိမ်ဘက်ခြမ်းသို့။တိတ်ဆိတ်နေသောအနေအထားအရ အဖေအိမ်မှာမရှိမှန်းကို Jiminရောသူပါရိပ်မိလိုက်သည်။အလိုလိုကြောက်စိတ်ဝင်လာသည့်အတွက် အကူအညီရလိုရငြား တစ်ဘက်အိမ်သို့အော်ခေါ်လိုက်သည်။
"ဒေါ်လေး!!!!!"
"ပါးစပ်ကိုပိတ်ထားစမ်း!!!!"
"ဒေါ်လေး ကျွန်တော့်ကိုကယ်ပါဦး!!!!ဒေါ်လေး!!!!!"
"Jungkookie!!!ဘာတွေဖြစ်တာလဲ!!"
Jungkook၏ မေမေသည် သူမ၏ရင်ဘက်ကိုလက်ဖြင့်ဖိ၍ အလန့်တကြားသူတို့ထံသို့ပြေးလာသည်။သို့သော်ခြေလှမ်းပိုသွက်သည့်Jungkookက တစ်ယောက်မှမရှိသောJimin၏အိမ်ထဲသို့ဝင်၍အထဲမှ လော့ချလိုက်သည့်အခါ အပြင်မှမေမေ့၏အော်ခေါ်သံကတညံညံ။
"သောက် အတတ်ကောင်းတွေတတ်နေတယ်ပေါ့ဟုတ်လား!!!!"
ကြမ်းပြင်ပေါ်သို့တွန်းချ၍ပါးစောင်ကိုလက်ဖြင့်ညှစ်ကာ မျက်ထောက်နီဖြင့်စိုက်ကြည့်လာသူအားတွန်းကန်ပါသော်လည်း သူ့အပေါ်မှတက်ဖိထားသောကြောင့် ရုန်းရန်မလွယ်ကူ။
"သောက်ဦးမလား ဆေးလိပ်!!!!"
"ငါ့ကိုလွှတ်!!!!"
"ဖြေစမ်း!!!!ဆေးလိပ်သောက်ဦးမလား!!!"
ပါးကိုညှစ်ထားသောအားကြောင့်ကြောင်ရိုင်းလေးမှာ ဒဏ်မခံနိုင်စွာငိုကြွေးလာပြီးမျက်နှာကိုရှောင်တိမ်းကာရုန်း၍
