နေ့လည်စာ စားချိန်ဖြစ်ရင်ကျောင်းကန်တင်း၌ ကျောင်းသားများခြေရှုပ်နေကြသည်။ ခုံလွတ်သည့်စားပွဲကိုရှာရင်းမျက်လုံးကလည်း ပတ်ပတ်လည်အားမသိမသာ ကြည့်လျက်။
Noraသည် ခုံလွတ်နေသည့်နေရာတွင်ဝင်ထိုင်လိုက်ရင်း သူမ၏နေ့လည်စာဗန်းကိုစားပွဲပေါ်တွင်ကာ စားရန်ပြင်သည်။သို့သော်မထိုင်သေးပဲ ဟိုဟိုဒီဒီကြည့်နေသော Jungkookအား
"Jungkook....ထိုင်တော့လေ ဘယ်သူ့ကိုရှာနေတာလဲ"
ချက်ချင်းမျက်မှောင်ကျုံ့လိုက်ကာ မျက်နှာချင်းဆိုင်တွင်ဝင်ထိုင်လိုက်ပြီး
"မရှာပါဘူး"
"Jimin က ကျောင်းပြောင်းသွားပြီ"
ဆက်ကနဲမော့ကြည့်လာသော သူကြောင့်Noraက မျက်ခုံးတန်းပင့်တက်သွားပြီး
"နင်တို့ကျောင်းနားထားရတဲ့ရက်တွေတုန်းက သူ့အဖေကျောင်းကိုရောက်လာခဲ့တယ်"
အောက်နှုတ်ခမ်းကိုကိုက်၍ တူကိုကျစ်နေအောင်ဆုတ်ကိုင်ထားသော Jungkookကို Noraက သေချာကြည့်၍
"နင်ဝမ်းသာသွားတယ်မလား....နင့်ရန်သူတော်ကြီးကိုမမြင်ရတော့ဘူးဆိုတော့"
"................"
Nora က နေ့လည်စာကိုစားနေရင်းဖြင့်Jungkookထံမှအဖြေကိုစောင့်နေသော်လည်း အဖြေကပြန်ရမလာ။ ကမ္ဘာ့ရန်ဘက်နှစ်ယောက်မှ တစ်ယောက်မရှိတော့သောကန်တင်းတွင် အရာအားလုံးကတိတ်ဆိတ်ငြိမ်သက်လျက်။အရင်ရက်တွေကလို အစားအသောက်ဗန်းများပြုတ်ကျသံ၊ဆဲရေးတိုင်းထွာသံ၊ထိုးကြိတ်ကြသံများကိုမကြားရသဖြင့် တချို့ကျောင်းသူများကမူ Jiminကျောင်းပြောင်းသွားသည်ကို အပျော်လွန်နေကြသည်။
ကျောင်းခေါင်းလောင်းတီးသည်အထိ ငိုင်နေသောJungkookအား ပခုံးကိုပုတ်လိုက်ပြီး
"ကျောင်းပြန်တက်နေပြီ....ငါသွားတော့မယ်"
Jungkookက ခေါင်းညိတ်ပြ၍ သူ၏နေ့လည်စာကိုအမြန်စားနေသည်။ နေ့တိုင်းစားနေကြမီနူးနှင့်လက်ရာမှာ ဒီနေ့တွင်တော့အရသာမရှိလှပေ။ အကြောင်းအရင်းကိုတော့သူကိုယ်တိုင်ပဲသိလိမ့်မည်။
