ယောက္ခထီး၏နားပူနားဆာလုပ်နေခြင်းတို့ကြောင့် တနင်္ဂနွေပိတ်ရက်တစ်ခုတွင် သူအိမ်သို့ပြန်လာခဲ့ရသည်။ password ကိုရိုက်နှိပ်ကာအိမ်ထဲသို့ဝင်လာတော့ တစ်အိမ်လုံးတိတ်ဆိတ်နေကာမီးများလည်းပိတ်ထားပုံအရ ChaeEunအိမ်မှာရှိမနေသည်ကိုသိလိုက်ရတော့ အသက်ရှုချောင်သွားခဲ့သည်။အလျင်အမြန်ပင် သူတို့၏အခန်းထဲသို့ဝင်လိုက်ပြီး ဘီဒီုထဲမှရှပ်အင်္ကျီတစ်ထည်နှင့်စတိုင်ပန့်တစ်ထည်ကိုယူလိုက်ပြီး ဘေးအခန်းထဲသို့ဝင်ကာရေချိုးခန်းထဲဝင်လိုက်သည်။ ChaeEunနှင့်ရေချိုးခန်းကိုအတူတူမသုံးချင်ပေ။
သူရေချိုးပြိီး၍အောက်ပြန်ဆင်းလာသည်အထိChaeEun ရောက်မလာသေး။ထို့ကြောင့်မီးခလုတ်တို့ကိုဖွင့်လိုက်ကာ မီးဖိုဆောင်ထဲသို့သွား၍ကော်ဖီတစ်ခွက်ဖျော်လိုက်သည်။ ဧည့်ခန်းတွင်ကော်ဖီတစ်ခွက်ဖြင့်ထိုင်လိုက်ပြီး တီဗီမှလာသည့်ရုပ်ရှင်ကိုသာကြည့်နေလိုက်သည်။
ဇာတ်လမ်းမှာ အမေရိကန်နိုင်ငံသမ္မတ၏သားနှင့်လန်ဒန်နိုင်ငံတော်ဝင်မင်းသားတို့၏ အချစ်အကြောင်းကိုရိုက်ကူးထားသောဇာတ်လမ်းဖြစ်သည်။အစပိုင်းကြည့်ရတာ ကသိကအောက်ဖြစ်နေပင်မယ့်တဖြေးဖြေးစိတ်ဝင်စားလာပြီး မင်းသားနှစ်ယောက်အဆုံးထိလက်တွဲသွားနိုင်မလားကိုသိချင်မိသည်။
ဆင်ဆာအခန်းတွေပါလာသောအခါ ကော်ဖီခွက်ကိုကိုင်ထားသောလက်များအနည်းငယ် တုန်ရိီလာပြီး သူ၏စိတ်က တစ်ယောက်သောသူကိုတမ်းတမိသွားသည်။ တစ်ခနလေးအတွင်းယောကျာ်းတစ်ယောက်အပေါ်ညစ်ညမ်းသောအတွေးများနှင့်ကျူးလွန်မိခဲ့သည့်သူ့ကိုယ်သူ မယုံနိုင်ခြင်းများစွာဖြင့်ရှက်ရွံမိသည်။
သို့သော်သူ၏အတွေးတို့ကိုရပ်တန့်လို့မရ။မြင်ကွင်းတွေက ကြည်လင်ပြတ်သားလွန်းနေကာတကယ်ဖြစ်ပျက်ခဲ့သလိုပင်။
"Jungkook!!!"
ရုတ်တရက် ChaeEun၏ အော်သံကြောင့်အနည်းငယ်လန့်သွားပြီး သူမကိုမော့ကြည့်လိုက်တော့ထိတ်လန့်နေသည့်ပုံဖြင့် တီဗွီကိုကြည့်လိုက်သူ့ကိုကြည့်လိုက်ဖြင့်။
ChaeEun က သူ၏ဘေးမှ ရီမုဒ်ကိုယူကာ တီဗွီကိုပိတ်လ်ိုက်ပြီး
"နင်ဘာလုပ်နေတာလဲ!!ဘာလို့အဲ့ဒီ့ကားကိုကြည့်နေရတာလဲ!!"
