၇၀ခုနှစ် ကျွန်းပေါ်ရှိစုံတွဲ

21

21(uni)

၇၀ ခုနှစ် ကျွန်းပေါ်ရှိ စုံတွဲ

အပိုင်း ၂၁

မေ့မေ့က မုန့်ယန်နောက်ကနေ အပြင်ကို ခေါင်းထုတ်လိုက်ပြီး သူမရဲ့ လျှာကို ရွှတ်နောက်နောက်ထုတ်လိုက်ပြီး " ဒါပေါ့ အဒေါ်ဟုန် သမီး အစ်မကို ဒီခေါ်လာခဲ့တာ "

နေကြာပန်းလေးက ပြုံးပြီးပြောလိုက်သည်။ " အစ်မမုန့်ယန်ကို လိုက်ပတ်‌ခေါ်သွားပြီး လူတွေကို မှတ်မိအောင်အစ်မကို သင်ပေးစို့!"

" အိုး၊ မင်းတို့လေးတွေ " သူမက လှံကိုချလိုက်ပြီး လျှောက်လာကာ ပြောခဲ့သည်။ " ညီမမုန့်ယန် အစ်မက မင်းကို အစ်မတို့ကျွန်း ပတ်ပတ်လည် လိုက်ပို့ဖို့ ခွင့်ယူမလို့စဉ်းစားနေတာ။ မေ့မေ့ မင်းတို့လေးတွေ ကောင်းကောင်းလုပ်နေတာပဲ။ မင်းတို့ ငါ့အလုပ်ကိုခိုးလိုက်တာပဲ"

မေ့မေ့က‌ပြုံးပြီး ပြောလိုက်သည်။ " အဒေါ်ဟုန်၊ အဒေါ်က အဒေါ်ရဲ့အလုပ်တွေနဲ့ ရှုပ်နေတာ ဒီလိုအသေးအမွှားလေးတွေကို သမီးလုပ်နိုင်ပါတယ်"

စကားပြောနေတုန်း အနောက်က သေသေသပ်သပ်နဲ့ အမျိုးသမီးစစ်သားတွေက မုန့်ယန်ကို ပြိုင်တူ ကြည့်လာကြသည်။

ဒါက ဦးစီးအရာရှိကျန်းရဲ့ ကောလဟာလ လက်တွဲဖော်ကို ပထမဆုံးအကြိမ် သူမတို့တွေ့ရတာဖြစ်ပြီး ကောလဟာလအတိုင်းပဲ သူမက အရမ်းကြည့်ကောင်းသည်။

" အစ်မဟုန် ရှင် အခုဘာလုပ်မှာလဲ?" မုန့်ယန်က မြေပြင်ပေါ်က မရေမတွက်နိုင်တဲ ရေပုံးတွေကို ကြည့်ပြီး မေးလိုက်သည်။

" အခုတစ်လော နွေဦးမိုးခေါင်နေတာ မဟုတ်ဘူးလား? ရေက ခမ်းလာပြီလေ။ အစ်မက တောင်ပေါ်မှာ ရေသွားရှာဖို့ စီစဉ်နေတာ "

မုန့်ယန် ရင်ခုန်သွားပြီး "ဒါဆို ရေသယ်ဖို့ ကျွန်မလည်း အစ်မနဲ့သွားမယ် "

သူမ လုပ်စရာတစ်ခုခု ရှာမတွေ့မှာကို စိုးရိမ်နေတာ။

အဒေါ်ဟုန်က သူမကို မျက်ခွံအပေါ်ရော အောက်နဲ့ပါ ကြည့်လိုက်ပြီး နောက်ဆုံးမှာ အဓိပ္ပါယ်ပါပါနဲ့ပြုံးလိုက်ကာ ပြောခဲ့သည်။ " ညီမက? ညီမက အရမ်းအကောင်သေးတာ ညီမလုပ်နိုင်မှာမဟုတ်ဘူး "