"ကဲ စလိုက်ကြရအောင် "
"ဟုတ်ကဲ့ Boss "
"အစည်းအဝေးတွေကို ခေါင်းကိုက်လိုက်တာကွာ "
လင်းစွမ်းက ညည်းညူစွာ ပြောတော့ ကလေးတွေက ရယ်၏။ များပြားလာသော အလုပ်တွေကြောင့် အစည်းအဝေးပေါင်းများစွာကိုလည်း ပြုလုပ်ရပြီး ညှိနှိုင်းဆောင်ရွက်တာတွေ ကြိုတင်ပြင်တင်တာတွေ လုပ်ရသည်။ မထင်မှတ်ဘဲ သစ်ပင်စိုက်ခြင်းအနုပညာနှင့်အတူ နာမည်ကြီးလာတဲ့ Golden Phoenix ကြောင့် လင်းစွမ်းတို့မှာ အလုပ်တွေပိုများလာရသည်။ ပြည်ပက ပွဲတွေအတွက် ဖိတ်ခေါ်မှုတွေကိုပါ လက်ခံရရှိပြီး schedule တွေ အပြည့် ဖြစ်ကုန်ပြီ။ ကလေးတွေမှာလည်း နားချိန်တောင် သိပ်မရှိသလို လင်းစွမ်းမှာလည်း နားကိုမနားရပေ။
" အလုပ်တွေကို သေချာစီစစ်ထားတာတောင် အခွင့်အလမ်းကောင်းတွေ တွေ့ရင် လက်ထဲ ထည့်ပေးချင်နေတုန်းပဲ "
"ဟုတ်ကဲ့ Boss "
"လောဘကြီးတယ်ပဲဲပြောပြော နိုင်ငံတကာအထိ လှည့်လည်ဖျော်ဖြေရတဲ့ idol တွေအဖြစ် မြင်ချင်တယ်"
"ကျွန်တော်တို့လည်း အခွင့်အရေးရရင် လုပ်ချင်ပါတယ် "
" ဒီတစ်ခေါက် comeback ကို အားကုန်သုံးကြရအောင် "
"အဆင်သင့်ပါဘဲ Boss "
ကလေးတွေကတော့ album အတွက် တက်ကြွလို့နေပြီ။ ဒီတစ်ခေါက်ကိုတော့ အမိုက်စားဖြစ်အောင် သေချာလေး ပြင်ဆင်ရမည်။
"ဂျာကြီးတို့ ပြောပါအုံး "
"အရင်တစ်ခေါက်က သွားပေးဖူးတဲ့နေရာတွေက ထပ်ကမ်းလှမ်းလာတာတွေ ရှိတယ် Boss "
"အင်း ဘယ်သူတွေလဲ "
"P & K Jewelry ဆိုင်က "
"ပျောက်ရင် လျော်ရမှာနော်ဆိုပြီး ကလေးတွေကို မျက်နှာတင်းတင်းနဲ့ ပြောခဲ့တဲ့ဆိုင်မှတ်လား ငြင်းလိုက်!! "
"ဟုတ် ပြီးတော့ 7OW Cosmetics က "
"MLM စနစ်နဲ့သွားတဲ့ဟာမှတ်လား ငြင်းလိုက်!! "
"ကျားနှစ်ကောင် ရွှေဆိုင်ကရော Boss "
"ကလေးတွေကို နေရာထိုင်ခင်းတောင် မပေးတဲ့ဆိုင် ငြင်းလိုက်!!! "
YOU ARE READING
နှလုံးသားကို ချည်တဲ့ကြိုး
Romanceနေမြဲစေ လင်းစွမ်းရည်ပိုင် ပန်းဦးကဗျာ နှင်းသဲအလင်္ကာ
