"ဒူ ဒူ ဒူ "
အိပ်ပျော်ကာစ ရှိသေး တဒူဒူဖြင့် မြည်လာတဲ့ ဖုန်းကြောင့် လင်းစွမ်းမှာ ကိုကို့ရင်ခွင်ထဲကနေ လူးလဲထလိုက်ရသည်။ ဖုန်းကိုကြည့်လိုက်တော့ ပန်းဦးဆီက။ အရေးကြီးကိစ္စဖြစ်နေမှာစိုး၍ လူးလဲထထိုင်တော့ ကိုကိုပါ နိုးလာပြီး ထထိုင်လာသည်။
"အေး သူငယ်ချင်း ပြော "
"လင်းစွမ်း "
"အေး ပန်းဦး "
ပန်းဦးရဲ့ ဆောက်တည်မရဖြစ်နေတဲ့ အသံက လင်းစွမ်းကို ရင်ပူသွားစေသည်။တစ်ဆက်တည်းစ်ဆက်တည်း မတ်တပ်ရပ်လိုက်ပြီး ပန်းဦးပြောလာမယ့်စကားကို နားစွင့်နေမိသည်။
"ငါ ပြောစရာရှိတယ် "
"ပြောလေ ငါနားထောင်နေတယ် "
လင်းစွမ်းပါ လှုပ်လှုပ်ရွရွဖြစ်လာတော့ ကိုကိုကလည်း စိုးရိမ်တကြီးဖြင့် ကြည့်နေသည်။လင်းစွမ်းမှာ ခေါင်းလေးခါပြလိုက်ရင်း မစိုးရိမ်ဖို့ ပြောလိုက်ရသည်။ ပန်းဦးဆီက အသက်ပြင်းပြင်းရှုသံတစ်ချက်ကြားလိုက်ရပြီးမှ
"ငါနဲ့ နှင်းသဲ ချစ်သူတွေ ဖြစ်သွားပြီ "
"ဘယ်လို "
"ငါတို့တရား၀င်တွဲလိုက်ပြီ လင်းစွမ်းရ "
"တကယ်ကြီး တကယ်ကြီးလား "
လင်းစွမ်းရဲ့ စိတ်လှုပ်ရှားစွာပြန်မေးတဲ့အသံကြောင့် ကိုကိုကပါ သိချင်တဲ့ဟန် လှုပ်လှုပ်ရွရွဖြစ်လာပြီး လင်းစွမ်းအနား ကပ်လာသည်။ လင်းစွမ်းလည်း ဖုန်းကို စပီကာဖွင့်လိုက်ပြီး ကိုကို့ပါ နားထောင်စေည်။
"ဟုတ်တယ် ဒီညနေဘဲ ငါဖွင့်ပြောလိုက်တာ သူလည်း ထပ်တူဘဲတဲ့ ငါ့ကို ချစ်တယ်တဲ့ လင်းစွမ်းရ "
"အား မိုက်တယ်ဟေး "
"ငါ့မှာ အိမ်မက်လို့တောင် ထင်နေတာ မနည်းရဲဆေးတင်ပြီး ပြောရတာ "
"ဟား ဒါဆို အဆင်ပြေသွားပြီပေါ့ "
သူငယ်ချင်းနှစ်ယောက်ရဲ့ အခြေအနေကို ရိပ်စားမိနေပေမယ့် နှစ်ယောက်သား အချင်းချင်း အဆင်ပြေစေချင်တာမို့ ၀င်မပါခဲ့တာ ဖြစ်သည်။ အထူးသဖြင့် ပန်းဦးဖြစ်သည်။ နှင်းသဲကို ငေးကြည့်နေတတ်တဲ့ အကြည့်တွေ၊ အသေးစိတ်ကအစ ဂရုစိုက်တတ်တာတွေ၊နှင်းသဲအတွက် အဆင်သင့်ရှိနေတာမျိုးတွေကို ဘေးနားက လင်းစွမ်းက မြင်နေခဲ့ရသည်။ အခုလိုကြားလိုက်ရတော့ လင်းစွမ်း တကယ်ကို ပျော်နေမိသည်။
YOU ARE READING
နှလုံးသားကို ချည်တဲ့ကြိုး
Roman d'amourနေမြဲစေ လင်းစွမ်းရည်ပိုင် ပန်းဦးကဗျာ နှင်းသဲအလင်္ကာ
