The Savage Boys Series #3: Theo Alvarez

Chapter 17

ALES

"TOUCHDOWN, BALER!" ANG lakas na naman ng boses ni Charlie.

Ewan ko kung bakit kailangan niya palaging sumigaw ng gano'n kapag nakakarating na kami sa destination namin. Natatawa na lang kami sa kanya.

But yes, we just arrived here in Baler. Maaga pa, wala pang alas-otso.

Ilang linggo rin naming pinlano 'tong trip namin, at nakakatuwa na natuloy talaga. Ang layo lang ng byahe. Umatake na nga ang back pain ko dahil ilang oras kaming nakaupo. We rented a private van. Sulit na rin kasi puro kwentuhan lang kami ni Theo at kakulitan namin sila Charlie. Ang ingay nilang lahat sa loob, pero nag-enjoy naman ako.

"Masakit pa likod mo?" tanong sa 'kin ni Theo habang naglalakad kami papunta sa tutuluyan naming travellers inn.

"A little, but I'll be fine," I said.

"Gusto mo wag na tayong sumama sa tour nila Charlie? Magpahinga ka na lang muna."

"Hindi ba sayang?"

"Sayang talaga. Maganda pa naman 'yung pupuntahan nilang waterfalls. Nakita ko na dati 'yon, pero gusto kong makita mo rin."

Napangiti ako. "Okay, I'll just rest for a bit, then join you guys."

Hinawakan na niya ang kamay ko pagkatapos. Sinita ko na siya na wag masyadong makipag-holding hands sa 'kin kasi sinabi ko kila Charlie na hindi naman kami, pero gustong-gusto niya pa rin talagang hinahawakan ang kamay ko.

Buti na nga lang hindi na nang-aasar ang mga kaibigan niya. Sa umpisa lang pala sila gano'n. Ngayon hinahayaan na nila kami.

Huminto muna ako sa tapat ng inn para pagmasdan ang lugar. I feel alive to be in Theo's world. Sobrang ganda rito. We're just in front of one of the popular surf spots. Si Rena, 'yung isa naming kasamahan, ang pumili nitong lugar. Siya pala ang palaging nag-oorganize at gumagawa ng itinerary kapag may trip.

May open restaurant sa labas. Iniisip ko nang magsusulat ako ro'n mamaya habang pinanonood ang mga nagsu-surf sa dagat. Feeling ko dito ko matatapos ang manuscript ko.

"Ales, tara!" Bigla na akong tinawag ni Charlie para pumasok.

I just took a photo of the beach, then I went inside.

Dalawang rooms ang kinuha namin. Magkakasama kaming mga girls, tapos ang mga boys sa kabila.

"Ayos ka lang dito? Hindi mo ako kasama," sabi ni Theo na katabi ko pa rin na nag-aayos.

I chuckled. "Oo naman. Ano ako, bata na hindi makakagalaw kapag wala ka?"

Natawa rin siya. "Iniisip lang kita kasi baka hindi ka kumportable. I-text mo na lang ako mamaya kapag hindi ka makatulog."

"Why, papasukin mo ako rito?"

"Oo. Gagapangin kita."

Pinalo ko agad siya sa dibdib sabay tingin ko kila Charlie. "Kapag tayo narinig ng mga kaibigan mo, ha."

"Ayos lang 'yan, matatanda na 'yang mga 'yan. Sige na, maghanda ka na. Magte-trek pa tayo papunta sa falls."

"Ha? May trekking pa muna?"

"Oo. Malayo-layo rin, pero promise, sulit ang pagod mo sa makikita mo."

Hindi ko naman alam kung mae-excite ako sa sinabi niya. Napahinga na lang ako nang malalim. "Okay, I trust you. O sige na, lumabas ka na. Puro girls na kami rito, binabantayan mo pa ako."

Napangisi na lang siya, tapos lumabas na ng kwarto namin.

To be honest, parang nagsisisi ako sa pinasok ko. Nag-breakfast lang kami saglit at nagpahinga, tapos nag-umpisa nang mag-trek papunta sa waterfalls.