The Savage Boys Series #3: Theo Alvarez

Chapter 34

ALES

"SIGURADO KA BANG ayos lang na hindi ako sumama sa engagement party?" nag-aalalang tanong sa 'kin ni Theo.

Napangiti ako nang mapait sabay hinawakan ang kamay niya habang nandito kami sa sasakyan. He drove me to my family's house tonight. Dito kasi gaganapin ang party ni Audrey.

"Everything will be fine, don't worry," I told him. "Gusto kitang kasama, pero baka uminit lang ulit ang mga mata ng nanay ko sa 'yo. I want to fix this mess first."

"Naiintindihan ko naman. Anong oras ka makakauwi?"

"I'm not sure, I'll just call you. Pero baka hindi mo na rin naman ako masundo kasi may trabaho ka. I'll just book a cab."

"Wag kang umuwi kapag alanganin ang oras. Diyan ka na muna sa inyo matulog. Bukas ka na nang umaga umuwi."

I smiled at him. "Thank you for being so understanding. Wag ka nang mag-alala."

Bumuntonghininga siya sabay umiwas ng tingin. "Ang hirap na hindi mag-alala. Baka may gawin na naman sa 'yo ang nanay mo nang hindi ko nalalaman."

"Audrey promised that she would help me."

"Akala ko hindi kayo close no'n."

"Hindi nga. But right now, she's my only hope. Malakas siya sa nanay namin kaya makikinig 'yon sa kanya." Hinaplos ko siya sa pisngi. "I'll be okay, hmm? Just trust me on this. Maaayos ko ang lahat at matatanggap din tayo ng pamilya ko."

Ngumiti na lang siya nang mapait. "Malaki naman ang tiwala ko sa 'yo." Nilapit niya ang mukha niya pagkatapos at hinalikan ako sa noo. "Sige na, late ka na sa party."

"Okay, I'll just text you later. I love you." Humalik ako sa kanya, tapos bumaba na ng kotse.

Inayos ko ang suot kong red dress at tinapangan ang loob ko, at saka tuluyang pumasok.

Sa garden ginanap ang engagement party ni Audrey. Medyo na-late nga ako ng dating. It's 8 PM now kaya marami-rami na ang mga bisita. Hanggang ngayon, ang hilig pa rin nila sa mga big parties.

I saw some familiar faces. Most of them, mga Chinese friends at business partners ng pamilya namin. I'm not good at socializing, so I just headed straight into the house.

Dito ko nakita si Audrey kasama ang fiancé niya.

"Audrey," tawag ko agad.

A quick grin flashed across her face the moment she saw me. Nagpaalam agad siya sa mga kausap niya bago ako nilapitan.

"Alessia. You made it." Marahan niya akong niyakap.

Nanibago ako kasi hindi niya naman ako normal na niyayakap, pero hinayaan ko na lang.

"I'm glad you're here," dagdag niya pa. "Akala ko hindi ka tutupad sa usapan."

I slightly rolled my eyes. "I have no choice, I need to be here. Basta siguraduhin mo lang na gagawin mo ang pinangako mo sa 'kin."

"Of course I will. I'm sure Mom will cooperate."

Tiningnan ko siya nang diretso. "I'm giving you my full trust on this one, Audrey."

"I know, and I won't let you down. Hayaan mo akong bumawi sa mga taon na hindi tayo nagpapansinan. Okay?" Hinaplos niya pa ang buhok ko. "O wait, ipakikilala kita kay Samuel."

Tinawag niya ang fiancé niya. Lumapit naman agad ito sa amin.

I know the Chens. They're good friends of my father. Pero ngayon ko lang talaga makakaharap itong Samuel na ito. I believe he works as a CEO.