أصبحت الدروب النوارة ظلام في وجه غلاب الخطاوي

35

-
طلع سعد وهو يتمتم بغضب ،
ريوف كشرت: يا قاعدين كفاكم شر الجايين الحين حنا وش علينا وش مسوين يهاوشنا
مناوي بحقد: العيال يسوون المصايب وحنا الي ناكل الهواش! وع بيت ذكوري
نوير ضحكت: وش بيت ذكوري انتي الثانيه
نور بتفاجئ رجعت لورا وهي تهمس لنوير: يمه الحمدلله ما تربينا هنا وشذا كله مصايب من اول يوم جيناهم للحين
نوير: على اساس بيتنا الخالي يعني وين نواره بس
نور: من رجعنا وهي صعدت تنام
ريوف بهمس لمناوي: عشتو يا صعدت مسويه حضريه هي وكشتها يعنني بنات جده
مناوي انفجرت ضحك: ريوف وش دخل وش فيك على البنت انتي
دانه مسكت جوالها وهي تدخل قروبها مع العيال "وش فيكم وش مهببين ليه أبوي معصب!؟"
دانه زفرت بقلق: محد يرد في القروب هذول وش صايبهم!!
ريوف نقزت وهي تدف وريف: كلمي اخوك انتي شوفي وش فيه
وريف رفعت حاجب: لا والله؟ وانتي ليه ما تكلمين اخوانك بدال الواحد اربع
نجوان دفت راس وريف: اذكري الله لا تبحصين اخواني بعدين بندر وضاوي في الجنوب ماهم هنا
مناوي بهمس: بتفضحين عمرك انتي على طول كلمي رايف اهجدي
ريوف كشرت وهي ترجع ظهرها بقلق وهي مقرره تزعج وريف تكلمه
رجاوي ناظرت جوالها وزفرت بغضب لأن بندر له يومين مختفي، إنزعجت كثير لأنه ثاني مره يسويها فيها .. يختفي فجأه وينقطع كل التواصل بينهم لاتشوفه عينها ولا تقرا محادثاته
ناظرت بريوف وهي تهمس: بندر وينه؟
ريوف: يعني انتي دريتي اني ادري وتبين تخربينها خلاص، شدراني عن زوجك فجأه امس قالوا انه راح للجنوب لأهله
رجاوي كشرت وهي تكش عليها: وش مرتجيه فايده منك يا دفشه
-
الجنـوب/
ضاوي عقد حاجب وهو يشوف رسايل دانه بالقروب: وش صاير!
بندر الي رجع يجلس جنبه وهو جايب دباب ماء ومجهز فرشهم بينامون في مزرعة جده
ناظره باستغراب: وش فيك؟
ضاوي: مافتحت القروب؟
بندر كشر: اي قروب وهو جوالي معي!؟
ضاوي وسع عيونه: حتى ذا مب معك !!
بندر بسخريه: زين بعد خلاني بثيابي
تنهد ضاوي وهو يلّف جواله على بندر الي عقد حواجبه بخوف: وش فيهم ما يردون طيب فتحوها؟
ضاوي بقلق: لا مافتحوها حتى! وش صاير
بندر: كلم كلم دانه
-
المستشفـى/
سعود بعصبيه: ما تفكر أنت قبل تتكلم ؟ الحين بيدري ابوي ويجي يكمّل على بدير ويتفقد ضاوي ويدري انه راح لبندر ويلا خذلك مشاكل لين الراس والي بياكل تبن انا خلنا على الاقل نتطمن على بدر بعدها نعلمهم
عدّال تربع وهو ينسف غترته: جدي ماراح يعلم ابوك لا تخاف ، يجي ويعطينا الهده وقت المشكله احسن من انه تاكلون هده مرتين عين خير بس .. مهمار ولد قم جب لنا شاهي ليلتنا طويله
رايف همس بحقد: متربع ويبي شاهي ومروق وحنا بالشين بأعمارنا اسالك بالله اخوك عنده قلب ويحس نفسنا؟ مستحيل ذي كلها دفاشه
مهمار وقف بدون رد وراح يجيب شاهي لكنه رجع لهم وهو يركض وبغى يطيح وسط سعود وعدّال الي مسكوه
سعود بتفاجئ: بسم الله وش فيك
مهمار بقمطه: جدي جا جا يمشي ميتين وعصاته تلوح
رايف وقف وهو يعرج وعدّال مسكه: على وين هازع انت وانت مكسر انثبر محلك بيشوفك مكسر مب مسويلك شي
رايف طقه بكوعه: انت انطم كله منك انت الي مناديه
سعد بحده: ماشاءلله شلة الانس متجمعه
مهمار بلع ريقه وهو يجلس وسط سعود وعدّال الي يسحب رايف يجلس
عدّال دف رايف: نعنبوك ابعد كتمتني بركت علي كنك بعير قم عني
رايف من الخرشه كان جالس على عدّال وقام وهو يعرج: السلام عليكم جدي
سعد خذا نفس: والي يشوفكم يشوف سلام في حياته؟ وين بدر
سعود اشر على غرفة العمليات: داخل
سعد بعصبيه ناظر رايف ومهمار: حابين ابدا في مين ؟
رايف تنهد: مهمار ماله دخل انا وبدر السبب
مهمار قاطعه: كذاب انا بعد لي دخل
سعد بسخريه: الله يبارك لي في احفادي يتعازمون على فعل الخير .. معجبكم الي مسوينه يعني عشان تتعازمون عليه بعد !؟
عدّال ابتسم وهو يعدل جلسته بهمس: ليت الشاهي قده هنا
سعد بحده: ها يا محامي العايله وش سويت ؟ محامي الفلس هذا وانت محامي وذي سواياك يا الخايب ، ولا انت استاذ رايف هذا رجال البيت الي مأمنه على امه واخته؟ الي قايل ماراح اخاف على موضي بعد عيني لان لها ولد بطولي بيصير سند لها؟
رايف بقهر: وانا سندها لا..
قاطعه سعد وهو يطقه بالمسباح: ولا حرف أسمع فاهم؟ لكم عين تراددون والله عجيب .. شغلي معكم خل يطلع التبن الثاني بخير واوريكم وش بسوي فيكم ابعد عن وجهي انت وياه رفعتو ضغطي وسكري منتم مرتاحين لين تشلون جنازتي بتذبحوني ناقص عمر وانت وينك عن الخمبق ذول
سعود بتفاجئ وسع عيونه: وانا وش دراني عنهم وش يسوون !
عدّال فلتت منه ضحكه وناظره سعد بحده: انت انطم بعد فاقع كبدي في البيت وفاقع كبدي في المستشفى وفي كل مكان يا مخلوع العقل
سكتوا العيال بقمطه من عصبية جدهم الي جلس وهو يستغفر بسبحته
-
الجنـوب/
ضاوي كلّم سعود اللي ما رد وتأفأف: دانه تقول مدري وسعود ما يرد وبدر جواله مقفل وعدّال جواله مشغول ورايف ومهمار مالهم زيله ! اكلم جدي ولا ظنك ما يدري ؟
بندر: لا تكلمه اخاف ننكبهم ، كلم عدّال من جديد جرب دامه مشغول
ضاوي عدل جلسته: رد رد .. الو عديل وش صاير وش فيكم!؟
عدّال وهو ياخذ شاهي من الكافيتريا: اوه فاتك والله اخوك المصرقع الحين بغرفة العمليات لانه هو والتبن اخوي والتبن رايف رايحين ساحة تفحيط ومتهادين مع شله هناك
ضاوي وسع عيونه: ابنك يا مصلح! انت صادق! وش صار الحين طيب عليهم؟ هم بخير!؟
بندر فز بخوف: وش صاير وش فيهم؟
عدّال: ما ندري رايف مفلوع ورافض يتحرك لين يقوم بدر وبدر للحين بالعمليات ما طلع والوضع مكركب
ضاوي تنهد بضيق: اي مستشفى انتم؟
عدّال بإستغراب: مو بالجنوب انت!
ضاوي: والله لو اني باخر الدنيا ماني قاعد واخوي بغرفة العمليات مدري عنه
عدّال اومئ: برسلك واتس بس ترفّق بالدرب ترا عمليته بسيطه
قفل ضاوي منه ولّف على بندر: بدر بغرفة العمليات متهاوشين هو ومهمار ورايف مع عرب والوضع مكركب بتروح معي؟
بندر فز: اكيد تستهبل تقول بدير في العمليات واقعد! بس ابوي!
ضاوي بعصبيه: تراك ساكت له واجد عمرك فوق الثلاثين ماهو ثلاث سنين يحطك ويجيبك على كيفه بتمشي معي الحين وان ما ضفك بيته يضفك بيت جدي وهو بكيفه طالت عاد
تنهد بندر بضيق وهو مايأيد الفكره بس سكّت وهو مقرر يتطمن على بدر والعيال ويرجع للجنوب
نزلوا من الجبل وهم يمشون رايحين لسيارة ضاوي الي موقفها برا المدخل بكثير لانه مرتفع
-
بيت سعـد/
وريف بإنزعاج قطت الجوال على ريوف: تبين تكلمينه كلميه انتي واسكتي عني من ازعاجك مو عارفه اكمل الحلقه
ريوف شهقت: تستهبلين تبغيني اكلمه عشان يثبّت صورتي الي رسمها في باله خلاص ! وريف تكفين عن النحاسه
وريف تنهدت: الحين اخوانك مب اثنين هنا؟ قومي اذلفي دقي عليهم وفكيني منك
ريوف كشرت: يعني بسألهم وش فيه رايف ؟ صاحيه انتي تبين تصلون علي الفجر؟
وريف شهقت وهي تناظر الساعه: ياتبن مو باقي الا نص ساعه على الاذان لهيتيني عن صلاة الوتر
ركضت وريف فوق بيتنا ريوف كشت عليها: تتابع ذا المسلسل لها ساعه واخر شي انا الي ملهيتها! اوف
ناظرت بجوال وريف بتردد قبل تسحبه: عادي بغير صوتي مو عارفني
إتصلت لكن تأفأفت بضجر من طلع الجوال مغلق،
تنهدت بخوف: اوف ياربي ليه جواله مغلق! ياربي يابرودك يادانه طيب يمكن ولد اختك بخطر وانتي مبرده كذا ولا تزعجين العيال عشان تعرفين وش فيهم!
وقفت وهي تتجّه لغرفة دانه الي جالسة فيها مع نجوان ورجاوي ونوير ،
فتحت الباب بقوه خلّت البنات يفزون قبل يصرخون فيها بغضب من شافوها وريف
وريف تجاهلتهم وهي تردّف: دانه محد رد عليك من العيال؟
دانه كشرت: انطمي مروعتنا عشان هالجن ما يجيهم شي يقول عدّال بس متهاوشين مع عيال ومافيهم الا الخير
ريوف بقلق: طيب ورايف اقصد بدر بخير يعني مافيه شيء؟
دانه ضيّقت عيونها بشك: ايه بخير اخوك لاتخافين
بلعت ريوف ريقها من نظرات دانه وأختها وطلعت على طول وهي تسكر الباب
ضربت راسها بالباب: غبيه يا ريوف غبيه شاطره خليك الحين خلي الكل يدري عنك كانك ناقصه مشاكل
ناظرت حولها بطفش: وين ذلفو مناوي والحضريه
نزلت وهي تدورهم لين لقتهم جالسين بالحديقه الخارجيه وهم حاطين ماسكات ويشربون قهوه وبإيديهم مناكير
رفعت حاجب وهي تقرّب منهم: سكنهم مساكنهم بسم الله الرحمن وش الأشكال ذي!
مناوي: رجاءًا ريوف حنا بجلسة إسترخاء لاتدوشينا
نور كشرت: وين يجينا الاسترخاء معه وذي بالبيت
ريوف خذت صحن الخيار الي بالوسط وهي تاكل منهي والخيار وش يسوي هنا بتخلونه يسترخي معكم؟
نور بعصبيه: وكسر يالدبه رجعيه هذا نحطه على وجهنا بعد الماسك
مناوي رفست ريوف: ياتبن الثلاجه وراك روحي اخذي خيار مناك واطفحي لين تقولين امين خلي خيارنا
ريوف بنذاله ركضت لداخل وبيدها الخيار: تبون قومو جيبو لأنفسكم ماني مخليته وهو مقطع وجاهز واروح اطلع من جديد عشان خرابيطكم
مناوي زفرت: ياصبر ايوب من وين اجيبك هذي اقوم ادفنها ولا شسوي !؟
نور وهي تحاول تسترخي: ماعليك من ذي الدفشه تحاول تخرب علينا ارجعي وروقي ريلاكس ريلاكس خلينا نطلع الطاقه السلبيه ماعليك فيها
مناوي اومئت وهي ترجع من جديد تسترخي على الكرسي وتاخذ نفس عميق بينما ريوف واقفه عند المدخل وهي تصورهم بضحك: قسم بالله اطلق ملصقات
-
المستشفـى/
سعد وقف بتعب: قومو نتوضى مابقى شي على الصلاة ، رايف ولد قم قدامي لا اخلاق ولا دين بعد!
رايف كشر: وانا وش قايل هالحين بجي اصلي ماقلت شي
سعد: انكتم انت ومحامي الفلس مابي اسمع اصواتكم
مهمار: وانا وش دخلني الحين !
سعود دقه: اسكت لاتناقشونه الحين ولا تراددونه بشي اسمعو وانتم ساكتين
طلعوا العيال ورا سعد للمصلى بينما الدكتور والممرضين طلعوا من غرفة العمليات
جا عدّال اللي كان بالكافتيريا ووسع عيونه بروعه من شاف مافيه احد والدكتور برا
بلع ريقه وهو يتكئ على الجدار: تكفى لا تقولها يادكتور! لايكون مات وراحوا يزينون امور الدفن! الموت حق لابد منه لكن تكفى خلاص مابي اسمع شي
الدكتور بتفاجئ مسكه: قل لا اله الا الله وش فيك الولد طيب وبخير وش يموت منه عمليته بسيطه بس نغلق الجرح والجرح ماكان بمكان عميق او خطر
عدّال تنفس براحه: الله ياخذ عقلك يا بدير كانك طيرت عقلي .. والجماعه وينهم وين راحو طلعتوه انتو؟
الدكتور: لا الحين بننقله الغرفه ويبقى تحت الملاحظه يومين وبعدها يقدر يطلع .. والجماعه والله مدري طلعت والمكان فاضي
عدّال مسح على وجهه: تمام يعطيك العافيه يادكتور اي غرفه بينقلونه؟
الدكتور: تقدر تسأل الممرض الي بيكون مشرف على حالته اسمه محمد ال***
عدّال اومئ والدكتور مشى بينما عدّال تلفت وهو يناظر ساعته: شكلهم يصلون شلون ماطرى على بالي انا بعد يالله الحمدلله محد فيه وشافني وسمعني ولا غديت فضيحه
راح المصلى وشافهم مخلصين وضوء وواقفين براء ينتظرون الأذان
ابتسم بخبث: خل العب فيهم شوي
عدل غترته وهو يتلثم وخذا دبة الماء وهو يقطر على عيونه
مر شايب وهو ينتظره بتعجّب بينما عدّال ابتسم: لاتخاف ياعم ماني مجنون
الشايب استغفر وهو يهز راسه من هالولد ومشى بينما عدّال كش عليه قبل يعدّل وقفته ويدخل عندهم
سعود انقبض قلبه من منظر عدّال وفز: وش فيك !
عدّال تنهد وهو يغير صوته: بدر
غمض عيونه بقوه ونزلت دموع الماء بينما كلهم فزو بخوف
رايف تركى على مهمار وهو يحس الدنيا دايره فيه وسعد يحس قلبه بيطلع من مكانه: وش فيه بدر وش فيه انطق ليه ساكت!؟
مهمار برجفه بانت بصوته: لا يكون صارله شي كايد ؟
عدّال فك لثمته وهو يبتسم ويمسح دموعه: طيب وبخير ونقلوه الحين غرفه عاديه وشوي وينتهي تاثير البنج ويصحى
سعد بعصبيه تقدم وهو ينزل عقاله: وهذا موضوع تمزح فيه يا*** يابن ال***
رايف بإنفعال وهو كان اقرب واحد جنبه دفه بقوه: مايضحك يا مريض يا سايكو طيحت قلوبنا وش يضحك في الموضوع تشوفنا خايفين واعصابنا تالفه وتزيد علينا!؟
سعود كشر بزعل وهو يدخل المصلى ولارد عليه بينما عدّال ضحك من قلب: قسم بالله ياوجيهكم تحفه اهخ ليتني مصوركم..خلاص خلاص ياجدي فخذي علّم من عقالك بعدين تراك سبيت ولدك معي فيه شي اسمه عقوق ابناء لاتنسى
تردد صوت الاذان لصلاة الفجر ودخلوا المصلى وهم متجاهلين عدّال الي للحين يضحك على أشكالهم
خلصوا صلاة وطلعوا من المصلى وسعد لّف على عدّال بكره: وين غرفة بدر؟
عدّال كتم ضحكته: شدعوه ياسعيدان نظره ابتسامه لو بالغلط طيب
مهمار ورايف مسكوا ضحكتهم من سعيدان حقت عدّال بينما سعد الي ارتفع ضغطه لف على سعود: تشلون ذا الكلب من وجهي ولا وشلون!؟
سعود تنهد وهو يسحب جده: تعال تعال نسأل الرسبشن منة الله ولا منته
عدّال ضحك: اثركم شايلين علي واجد .. تعالوا بس غرفته بالطابق الاول امشوا وراي
مشوا وراه وهم متلهفين على شوفة بدر ومشاعرهم مختلطه ما يدرون هم يتحمدون له بالسلامه ولا يهاوشونه ولا وش يسوون
دخلوا الغرفه وبدر كان توه صاحي من اثار البنج ومازال مرهق وواضح على وجهه التعب
رايف ركض له برجله الي تعرّج لاشعوريًا وهو يضمه بقوه: الله لايبين غلاك يا زفت ساعات مرت علي كانها سنين من ثقلها ياشينها يابدير ياشينها وانا واقف قدام غرفة العمليات انتظرك وانا قبلها بساعات واقف قدام باب البيت انتظرك تطلع!
بدر ابتسم بخفوت وهو يشّد على رايف: اهم شي انت طيب؟ ليه تعرج؟
رايف بعد عنه وهو يكشر بكذب: منك..قعدت طول الوقت برا انتظرك تقوم واجعتني رجلي بالوقفه
بدر تنهد: لاتكذب علي اكيد الزفت مشاري طاقك ومارحت للطوارئ يوم جينا صح!؟ قم قم اطلع قدامي لهم حتى وجهك متورم ورايح فيها!
رايف بعناد: مستحيل اطلع واخليك
عدّال رفع حاجب: اقول شنقل ومنقل خلصتوا جلستكم الرومانسيه؟ مالت عليك انت وياه اقول
بدر بلع ريقه يوم استوعب وجود سعود وجده وابتسم بوهقه: ماشاءلله انتم هنا!
سعد رفع حاجب: ماشاءلله عليك يا البطل وش هالاداء البطل وش هالحركات البطله وش دخول ساحات التفحيط والهواشات مع الدشير كيف قدرت يا القوي ممكن تعلمني ؟
بدر بهّت وجهه: كيف درى!!
رايف بهمس: السايكو عدّال معلمه
سعد: بتطلع بكره يا بدر وبتحضّر انت والزفتين الي معك عندي بالبيت وتشوفون وش بسوي فيكم والله العظيم الي ماهوب جاي لا يصير له تصرف ثاني معي وانتم مب تقولون خوياكم بيجون من قطر اكيد قدهم على وصول امشو خلو الابطال لحالهم مو هم زاحفين ويدخلون ساحات التفحيط رجال ماشاءلله عليهم فخور فيهم انا
زفرو مهمار ورايف بضيق من جدهم الي من جاهم وهو يدّق فيهم بالكلام
بينما بدر كشر بألم وهو فتح فمه بيتكلم لكن سعود سحّب سعد بدون مايتكلم وبدر بضيق: سعود ضايق علي!
عدّال سحب سعود: اجلس انت معهم وانا بروح لو اجلس انا بطلعهم لكم جنايز
سعود زفر بضيق: خلاص طيب
رجع للغرفة ودخل وهو يجلس على الكنب الي فيها وعدل جلسته وهو مقرر ينام
بدر بتكشيره: سعود وش دعوه مافيه حتى الحمدلله على السلامه؟
مارد سعود وبدر كمل: طيب والله العظيم ادري اني غلطان وحيوان وكلب بس تكفى لاتعاملني كذا
مارد سعود وبدر زفر بضيق: سعود تكفى انت تدري ان اضيق شي علي انك تتجاهلني ماحب ذا الطبع قوم عاتبني طقني لو تبي سبني حلالك انا موافق بس لاتسكت وتصد عني
مهمار بهمس: ترا خاطره ماهوب طيب من جا لو تحكي من اليوم لبكره ماهو راد
بدر تأوه بألم من حاول يقوم وفز سعود لا شعوري: ولد وش فيك!
ابتسم بدر بألم: لو داري بترد علي لاتوجعت كان انوجعت من زمان
سعود كشر: لاتستظرف دمك وخلك بمكانك وين بتفزع يوم تقوم!
بدر بهدوء: بجي احب راسك
سعود ابتسم بسخريه: ولاحبيت راسي بتمحي اللي صار ؟ نام يابدر وارتاح والله يا صدري انه فوقه جبال ولا فيني طاقه اتكلم خلني اريح ساعه على الاقل قبل اقوم اداوم
انسدح سعود من جديد ورايف همس: خلاص خله يرتاح دوامه بعد ساعتين طول الليل مانام
بدر تنهد بضيق ولّف على رايف: وانت ليه للحين مارحت! والله العظيم لاقوم اوديك بنفسي لو مارحت شوفني حلفت
رايف كشر: لاتحلف ياورع خلاص بروح بس انثبر جازت لك السالفه انت كل شوي تهدد فينا بقوم وبقوم
بدر لف على مهمار: رح معه لايطيح في الاسياب
وقف مهمار وهو يمسك جنب رايف: خل ثقلك علي
بدر بسرعه لمن تذكر: اصبروا وين سيارتي؟
مهمار بعصبيه: كل تبن انت وسيارتك القرمبع هذاهي برا ان ما دعستها انا ماكون ولد مبارك
كش عليه بدر وطلعوا بينما بدر ناظر سعود الي تنفسه منتظم: لهالدرجه مرهق لدرجة ينام بوسط ذا الازعاج على طول؟
تنهد وهو يحاول يكتم صوت المه وهو يحاول يقوم ويسحب المغذي معه
وقف لين راس سعود وسحب جواله الي بطرف مخباه وفتحه بابتسامه لان سعود مافيه رمز بجواله،
قفل المنبهات ودخل على محادثة مديره وهو يصور نفسه وكتب "اعتذر عن حضور سعود اليوم مرافق معي وبيجيب عذر طبي يسلمه لك بكره اجازة مرافق"
ارسلها ورجع جوال سعود وقفل اللمبات ورجع ينسدح وهو يتنفس بألم
-
مدخل الخبـر/
غلاب ضرب بوري خلا غالب وثاري يفزون من نومهم وضحك باستمتاع على ردة فعلهم: قومو وصلنا خلاص
غالب طقه بتكشيره: وجع طيب قومنا بهدوء وشوله تزمر
ثاري تثاوب وهو يتمغط: باقي فيني نوم كان خليتنا نحجز شقه ننام ونريح ونجيهم الظهر شايف الساعه انت؟ من يجي الفجر وش ذا الضيوف العلل والله تلاقيهم يدعون علينا!
غلاب ابتسم بشوق: لا بنروح لبيت جدهم عدّال داق علي أصلًا يسالني حنا وصلنا ولا باقي وحلفني مانحجز شي ونجيهم
غالب ضيّق عيونه: وانت كل ذي الوناسه يعني عشانك بتشوف عدّال؟
غلاب بتصريف: ودكم نوقف عند محطه نبدل ملابسنا ونصلي الفجر ونكمل لهم؟
ثاري: اي ثوبي توصخ من البطاطس
غالب: قومك بزر ومشفوح ماكل كيس كامل اقولك عطني وماغير تدغ
غلاب ضحك: خلاص بس بس اذيتوني انتم والاكل من مسكنا الخط وانتم تهاوشون عليه والله مدري من الكبير يا غالب انا ولا انت
غالب كشر: وش قصدك يعني ناقص عقل انا؟
ثاري بضحكه: قسم بالله مدير الشخصنه
غلاب وقف السياره: انزلو بس نبدل ونصلي صلاة ربي ونكمل دربنا
بيت سعـد/
سعد ناظر الساعه: الساعه قدها بتحكم ست المقلط رتبتوه خلاص ؟ وش باقي
عدّال: كل شي جاهز ياجدي باقي بس القهوه والشاهي احد قايم من البنات ولا ادخل ازينهم ؟
سعد: لا مابه احد اكيد رقود يوم دخلت ابدل ملابسي والبيت هدوء
عدّال اومئ: زين اجل
سعد: تعال والفطور منت مفطر العرب؟
عدّال: بوديهم مطعم يحبونه كل ماجونا نفطر فيه
سعد: على راحتكم اجل انا بجلس في المشب لاخلصت القهوه عطني منها
طلع الغوري وبدا يسوي القهوه وهو يدندن بإستمتاع: ياموتري شد عزمه الخل من دونه حزوم والعين ماذاقت النوم نبغيه ياتي يمه نجلس معه لو بعض يوم
وقف وهو يلعب بيدينه بروقان
بينما نوير الي داخله المطبخ وهي لابسه عبايتها ووقفت وهي تراقبه بدون تطلع صوت وضحكت بهمس: الحمدلله والشكر صدق العقل نعمه
فز عدّال من سمع صوت ضحك ولف وهو يبتسم بفشله: وش تسوين انت هنا!
نوير كتمت ضحكتها: سلامتك بس جايه اشرب ماء ولا يبي لها إستئذان بعد؟
عدّال: استغفرالله ومن يقول الحكي ذا تفضلي المطبخ مطبخك تبيني اعطيك الماء؟
نوير: لا شكرًا عندي يدين
عدّال: اشوف العبايه عليك على وين العزم يابنت عمي
نوير الي كانت بتروح تشوف الشقه اردفت بكذب:الشغل يطلب اهله ياولد عمي
عدّال اومئ: ايه اجل موفقه يا بنت عمي
نوير ماردت وخذت ماء وهي بتطلع لكن عدّال اردف بسرعه: اصبري دقيقه
نوير وقفت باستغراب تناظره..بينما عدّال خذا كوب حراري لدانه وهو يصب فيه من القهوه وحطه على طاولة الطعام من جهتها: خذي قهوه تصحصحين فيها لدوامك
نوير ابتسمت بتعجّب من حركته وهي تاخذ الكوب: يعطيك العافيه بس ان شاءلله ما يطلع فيها سم
عدّال كشر: جيبيها جيبيها بعض العرب ما يظفر فيه المعروف عزالله
نوير ضحكت وهي تطلع: خلاص جتني ماهي راجعه
عدّال ابتسم وهو يناظر زولها قبل يفز: الشاهي!
رّن جواله بإسم غالب وشهق وهو يطلع القدوع والطفريات بسرعه ويركض بهم للمجلس ، حطهم وجاب القهوه والشاهي وهو مكشر من حرق يده
وقف على الباب وهو يرد على غالب: لبيه يابو ضاحي وصلتو؟ حياكم الله وبياكم هذاني واقف عند الباب
ابتسم عدّال وهو ينزل جواله من شاف سيارة غلاب مقبله
توقفت سيارة غلاب ونزل غالب ووراه اخوانه
ابتسم عدّال وهو يردف بصوت جهوري: يامرحبا مليون ياضيفنا حياك يامرحبا ترحيبة الطيب من غلاك
غالب ابتسم وهو يحب خشمه: بقيت يامرحب
عدّال سلم عليهم كلهم وبعد عن الباب: حياكم الله اقلطو
دخلوا العيال للمجلس وعدّال ابتسم وهو يصب القهوه: والله الي مرحبا تو ما نورت الخبر ما بغيتوا يارجال
غلاب: منوره باهلها واتوقع الكلام مايشملني كل شوي عندكم
عدّال ضحك: صحيح اقصد الي يتغلون علينا بالجيّه
غالب ابتسم: والله لو علي يابو مبارك كان ماطلعت من هنا لكن الديار تطلب اهلها دايم
عدّال ابتسم وهو يردف: عاد انتم اخوانا واهلنا وخير من يعذّر العيال محد منهم هنا لان بدر ورايف بالمستشفى ومهمار وسعود معهم اما ضاوي وبندر مسافرين لاهل بندر بالجنوب وجايين بالطريق على وصول بيمرون على اهل المستشفى ويجونا
غالب بقلق: افا وراهم عسى ماشر ؟
عدّال: لاماعليك مافيهم الا العافيه وبيجونا اليوم ونكشت بكره مجهزين لكم جدول ، اصابات خفيفه
ضحك لمن انكب الشاهي الي بيد غلاب: اسلم كل هذا خوف عليهم؟ قم قم شف المغاسل هنا غسل يدك لاتحترق
نواره بتكشيره: دانه تكفين قومي معي بسلم على جدي ماشفته من امس
دانه زفرت: يختي روحي من ماسكك مافيه احد خليني ارقد تلاقينه بالمشب اكيد
نواره: تكفين امشي معي ترفضين طلبي!؟
دانه وهي تقوم: ممكن افهم وش له الخوف هذا يعني بياكلونك العيال حتى لو فيه!؟
نواره: غلاب قالّي انه بيجي هو واخوانه للعيال هنا اخاف يكونون جو
دانه ضيقت عيونها: وانتي صابتني صب عشان حبيب القلب؟
نواره كشرت وهي تدفها: ووجع وش حبيب قلبه! هذا وانا معلمتك كل شيء
دانه ضحكت وهي توقف: امشي بس نشوف الحبيب القطري هنا ولا لا
نزلوا دانه ونواره وطلعت ودانه طلّت براسها: المشب مافيه الا حذيان ابوي والمجلس برا البيت يعني مافيه احد روحي
نواره: روحي اول
دانه زفرت: اللهم طولك ياروح
نواره ابتسمت: يلا عشان نوارتك
دانه كشرت: صيري نوارة غلابك تصيرين نوارتي انا شدخلني
تركت على المغاسل الي داخل جنب المقلط وهي تنتظر دانه
بينما غلاب الي انخش بالحمام اول ما سمع اصوات طلع وهو يبتسم: والله يا الدنيا تبي تجمعنا يا نوارة غلاب
نواره فزت وهي تلّف عليه بصدمه وتحّس عروق جسمها كلها تجمدّت .. ناظرت فيه لثواني وهي مبحلقه عيونها
بينما غلاب ضحك: شوي شوي على عيونش لاتطير من مكانها هذا وانا معلمش ! لو مخليها مفجأة وش بيصير فيك؟
نواره صحت من صدمتها وهي تردف: وش تبي وش جايبك!
غلاب: انتي قلتي لي سافر وارتاح وانا لقيت راحتي هنا
نواره بلعت ريقها وهي تصّد عنه: وش هي راحتك الي ماتلقاها الا بالخبر! الدنيا مليانه اماكن مالقيت الا هنا
غلاب ابتسم: العيال مو انتي
نواره كشرت: من زينك عاد من قال ابي اصير راحتك واثق بزياده انت!
غلاب تنهد: ممكن نترك المناقر الحين ونسولف بجديه؟
نواره بربكه: وش نسولف فيه!
غلاب رفع حاجب: الزواج مثلًا ؟
نواره تنهدت: يا عفو الله .. كم مره تكلمنا بذا الموضوع؟ قلت لك انا ذي الفتره لا تنتظر مني اي شيء !
غلاب بضيق: طيب عطيني كلمه اخيره ، فيه امل ولالا ؟ انتي رافضتني عشانش ما تبغين الزواج ولا لانه انا؟ نواره خليش واضحه معي انا مقبل على حرب ابي اعرف انا احارب عشانش ولا ارفع الرايه البيضا وامشي
نواره عقدت حاجب: حرب ! وش حربه وش قاعد تخربط انت الي تكلم بوضوح وخلك واضح معي
غلاب سكت لثواني قبل يردف: وش ردش ؟
نواره تنهدت: مالي في الزواج يا غلاب ولو فكرت فيه ماني مبعده عن اهلي ولاني طالعه من داري انا مالي الا خواتي وهم مالهم الا انا كيف تبيني اطلع لدوله ثانيه واكمل حياتي بدونهم؟ كيف تمضي ايامي بدونهم؟ مستحيل يا غلاب مستحيل حتى لو كنت عزيز مافيه اعز من اهلي عندي
فزت وهي تشوف دانه مقبله ولفت: ادخل بسرعه
غلاب رجع الحمام ، جاي عشان يلقى رحابة صدره لكن حتى رحابته ضاقت فيه
دانه باستغراب: من تناظرين انتي!
نواره: محد .. هاه جدي فيه؟
دانه اومئت بتثاوب: ايه شوفيه في المشب وماعنده احد روحي له وفكيني خليني انام
ناظرتها لين دخلت واردفت: اطلع
انتبهت ليده وشهقت: ليش يدك مورمه كذا !
غلاب عض شفته: اذا ماتبيني يا نواره لاتعلقيني فيش اكثر لاتعلقيني وخليني لو انحرق قدامش لاتسألين
نواره بعصبيه: تبي تحوّر الموضوع الحين ؟ طيب وانت ليش ما تترك قطر و تجي السعوديه عشاني
غلاب وسع عيونه: وشغلي وش اسوي به؟ بتصرفين علينا من مكافاة جامعتش ؟
نواره كشرت: اجل اسكت دام ماعندك حلول ولا تقعد ترمي الذنب كله علي كاني الغلطانه وكاني المستغنيه والمعيفه
غلاب تنهد: يعني الوضع وش ، وش هالتعقيد!
نواره بهدوء: انا بطلع قبلك لاتطلع وراي على طول
مشّت نواره وغلاب واقف بمكانه بحيره ، هي تبيه ولا ما تبيه ؟ ما بعمره أحتار الا من هالبنت
نواره جرت خطاويها للمشب ووقفت بتوتر وهي تفرّك يدينها ببعض ، كل حماسها ولهفتها تلاشـى الحين من توترها
سعد الي حس بظل عند الباب فز بلهفه: نـواره؟
نواره دخلت وهي تبلع ريقها بتوتر ولاقدرت حتى تتكلم
ابتسم سعد وهو يشوفها الحين كأنه يشوفها وهي صغيـره..نفس الأطباع ونفس الوقفه ونفس الخجل ونفس الهدوء
فرد يدينه وهو يردف: يامرحبا ياحفيدة من طفح كيله إلين هدّه الشوق واللهفه
نواره دمعت وهي ترتمي بحضن جدها لا شعوريًا ماتدري شلون رجولها سحبتها له
سعد تنهد براحه وهو يدمع من فرط فرحه .. امنيته طول حياته يشوف حفيداته قبل تغفى عينه للأبـد .. اكبر مخاوفه إنه يموت وهو ماشافهم ولا ذاق فرحة شوفهم
غرفة وريـف/
رّن جوالها وجعدت وجهها بإنزعاج وهي تقوم تشوف مين المتصل ، ردت باستغراب: رايف وش تبي ! الباب مفتوح
رايف رفع حاجب: تستهبلين انتي الي داقه علي وجوابي كان مقفل
وريف تأفأفت: يوه هذي ريوف الدبه ازعجتني الا ادق اتطمن عليك وقطيت عليها الجوال ورحت اصلي خلاص اذلف خلني انام هذاك كانك قرد تلعلع
رايف فز: ريوف !؟ ليه وش قالت ؟
وريف تثاوبت: كل تبن انت وياها ماني فاضيه لكم برقد
قفلت بوجهه ورايف بعصبيه سبها وهو سرّح بفكره..ريوف؟ ليش خايفه عليه ووش تصرفاتها الغريبه هذي الي بدت تظهر عليها أخر فتره!
ناظر بالمغذي الي بيده بطفش وهو يرفع نظره لمهمار
اللي يكلم بالجوال ويبتسم كل شوي
مهمار بابتسامه: خفتي علي يعني ؟
نجوان كشرت: تستهبل من امس ارسلك من طلع جدي بس ماترد مارتحت الا لمن عدّال رد على دانه
مهمار تنهد: شسوي كنا في دوشه امس ماشحنت جوالي تو الحين نشحن جوالاتنا انا ورايف
نجوان: متى بترجعون؟
مهمار: بيكتبون خروج لبدر يا اليوم يا بكره
نجوان اومئت: تمام انتبهو على أنفسكم وطمني كل شوي لاتسحب علي
مهمار ابتسم: من عيوني يا عيوني
ابتسمت نجوان وهي تقفل منه
رايف ضحك: والله يا انت غارق بالعسل
مهمار ابتسم وهو يرجع عنده: وش عليك فيني ما خلص المغذي للحين؟
رايف تثاوب: مطول بنام لين يخلص روح انت غرفة بدر ونام لاخلص خليت الممرض يوديني ماني جاي لحالي لاتخاف
مهمار: لا بقعد عندك زحف لي
رايف ضحك وهو يزحف له: والله النشبه صدق
مهمار انسدح جنب رايف وهو يعدّل له المخده: انسدح زين لاتعور رقبتك
رايف ابتسم وهو مغمض عيونه وماهي الا ثواني ودخل بعالم النوم من قوة التعب والارهاق
وماطوّل مهمار الا هو نايم وراه
نويـر/
كانت تناظر الشقه الي اعجبتها وحست مكانها قريب من شغلها ومن مدرسة نور ،
ناظرت بالمقاول وهي تردف: متى اقدر استأجرها؟
المقاول: تقدرين من بكره
نوير اومئت: طيب خلاص خلينا نوقع العقد .. بس الجيران كيف ؟
المقاول: مافيه اي شكاوي عليهم الا واحد من الجيران لكنه بطابق غير طابقكم
نوير سكتت لثواني تفكر لكن تنهدت بعدها: خلاص تمام دامه مو بطابقنا
اومئ المقاول: خلاص نرجع للمكتب ونوقع العقد هناك
طلعت نوير وراه وهي تركب سيارتها وتلحقه للمكتب الي ماكان بعيد عن العماره
~
بيت طـامي/
كانت حصه متربعه على الكنب وهي تشرب شاهي بروقان ،
دخل طامي وكشر من شافها: وجيه تسد النفس وتقطع الرزق
حصه كشت عليه: والله مايسد النفس الا وجهك انت وصلعتك وين غترتك غطها سو في المسلمين خير
راكان دخل ورا ابوه وهو يتنهد: مستحيل يمر يوم بدون ماتتهاوشون اسالكم بالله ماتتعبون انتم؟
طامي: والله من طوالة لسان امك ماهي مني
حصه: اقول بس وين بناتك انت جايه ادور الاكشن اخر شي مقابله وجهك طول الوقت
طامي بعصبيه: وانتي وش عليك من بناتي ! تدور الشر ذا المره
حصه: مالت عليك بس انت وبناتك فوقك راكان تعال دورلنا اماكن ترفيهيه نروح ندوج فيها
طامي بحمق: مافيه طلعه انثبري انتي وياه
حصه ضحكت بإستفزاز: تسمع الشايب وش يقول؟ لاصار عمري عشر سنين تعال انهاني عن الطلعه رح وراك بس راكان قم جب الفصفص من المطبخ وبالمره جب ماء بارد بعض الناس شوي وينفقعون من الحمق
-
انتهى، ارائكم وتعليقاتكم ❤️؟