කළුවර මල් (Ongoing )

03

මේඝණ රධීෂ්වර  P. O. V:

මං car එක කළු පාට gate එකෙන් වත්ත ඇතුලට හැරෙව්ව. සුරියබණ්ඩාර වලව්වත්ත තනිකරම පොල් විමානයක්.. මං කොළඹ දි මීට කලින් දැකල නොතිබුන ගස් පවා වත්තේ සාරේට හැදිලා තිබුනා.. එහෙම්ම වත්ත උඩහට වාහනේ drive කරන් යනකොටම මං දැක්කේ  මුනටත් වඩා ලොකු පොල් ගෙඩියක්‌ අතේ කිටි කිටියට තද කරගෙන.. උගේ ඇඟවගේ දෙගුණයක් ලොකු පොල් මලු තුනක් ලග හිටන් ඉන්න චුටි කොල්ලෙක්.. උගේ පාට තනිකරම කිරි වැඩිඋන කැරමල් පුඩින් එකක් වගේ.......පාට ගියපු ලානිල් පාට සුදු පාට ඉරි වැටුන සරම් කැල්ලක්‌ ඇදල ඉස්සරහයින් හිල් දෙක තුනක් තියෙන බොර පාට බැනියමක්‌ ඇදන්.. කටත් බහිරව පැටියා වගේ ඇරැගෙන car එක දිහා බලන් හිටියා... මට ඒක දැකල කට කොනට හිනාවක් ආවත් car එකේ කළු පාට වීදුරු වලට ඒ කොල්ලට මාව පෙනුනේ නෑ...  තත්පරයක් දෙකක්... කට ඇරන් බලන් හිටිය කොල්ලා එක පාරට "දොහ්හ්හ් " ගාලා අර පොල් ගෙඩියක් බිමට අත ඇරලා පිස්සට හැතැම්ම නෑ වගේ වත්ත උඩට දිව්වා....මේකා මේ හොර පොල් කඩනවා වත් ද.........

මං වාහනේ මිදුලට දැම්මා විතරයි මං දැක්කේ කුතුහලය පිරුණු මුණකින් වලව්වේ මිදුලට වෙලා බලන් ඉන්න මහා මැණිකේ....මහා මැණිකේ කිව්වේ මගේ අත්තම්මා.. ලාකහ පාටට හුරු රේන්ද ඔසරියට අගස්ති මාල දාලා ඉනට මුතු හවඩියක් බැඳලා තෙල් ගාලා එක කෙස් ගහක් එහෙ මෙහෙ නොවෙන්න පීරලා පිටිපසට වෙන්න කොන්ඩේ ගෙඩියක් බැඳලා හිටිය මගේ අත්තම්මා තනිකරම මාව කතන්දර පොතක එකදාස් නවසිය බර ගණන්වල හිර කලා...මං දැන් ඉන්නේ ඒ කාලේ වත්ද..

Car එකෙන් බැහැපු මගේ දිහා මුලදී ටිකක් කුතුහලය පිරුණු ඇස් වලින් බලන් හිටිය මගේ අත්තම්මාගේ ඇස් එක පාරට කදුළු උනලා සතුටින් දිලිසෙන හැටි මං බලන් හිටියා..මං හිතන්නේ අත්තම්මා මාව අදුර ගත්ත..
"අත්තම්මේ..... " මං ඒ හැදිනිල්ල තවත් තහවුරු කරන්න අත්තම්මට කතා කලා....

"කන්දේ දෙයියන්ටම ඔප්පුවෙච්චාවෙ මයේ මුණුබුරා.... උබ මයේ කොල්ලගේ කපාපු පලුව මයේ රත්තරනේ... අපෙ මහත්තයෝ මේන් බලනට කව්ද ඇවිල්ලා ඉන්නේ කියලා....."

අත්තම්මා මාව පොඩි එකෙක් වගේ තුරුල් කරන් ඉබගෙන ඉබගෙන ගියා..මෙච්චර කාලෙකට අපෙ අප්පච්චි පෙන්නපු පින්තුරකින් විතරක් දැකපු සුරියබණ්ඩාර වලව්වේ මහා මැණිකේ උන මගේ අත්තම්මාගේ ආදරේ උණුහුම මං විදින ගමන් හිටියා ..ඇයි මට කලින් ගමට එන්න බැරි උනේ.....