කළුවර මල් (Ongoing )

29

"මහත්තයෝ......ඔන්න ඔන්න.. ඔය පැත්තේන් එනවා.....ඕන් ඕකාව අල්ල ගන්ට......!"

"අනේ මට බ්බ්බ්...... හැහ්හ්........ මං මනාප නැතුවා... අනේ මේඝ......යෝ..... එපා නේ...."

ඇටය පණ එපා කියන් හූ තියාන වලව්වේ පිලිකන්න පැත්තට දුවනකොට කාන්ති ඒකා පස්සේන් පැන්නුවා... මං අනික් පැත්තට වෙලා සරම් කොනක් අතේ දවටන් බලන් උන්නේ ඕකා දැන් හූ තියන් මෙතනින් යනවා කියලා දන්න නිසා....ඔය එන්නේ.....

"බොලාලා ඔක්කොලාම දඩු කඳේ ලාන්ට ඕනෙ මට කොරන අපරාද වලට .....ඉරිසියාව... බොලලාගේ ඉරිසියාව....හුහ්....."

අරූ දෙස් තියාන මගේ මුනත් බල බල ඇබිති කකුල් දෙකන් දුවගෙන යනකොට...මම බඩ මැද්දෙන් අත දාලා ඇටයාව අල්ල ගත්ත..... පොර කකුල් ගස ගස ඔරොප්පු වෙනවා පැනල දුවන්න...

"කොහෙද දුවන්නේ චුටි මහත්තයා.. ම්ම්..."

"අන්... න්නේහ්හ්හ්... අත ඇරපියෝ... අනේ මේඝයෝ... මට බ්බ්බ්... බැහ්හ්හ්.... අත..... අනේ..... අත.... ඇරපල්ලා......"

"හ්....හපේ හ්හ්....අප්පේ ම...හත්තයෝ.. මේකාව අල්ල ගන්ට විඳපු දුකක්......."

කාන්ති ඉනේ අත් දෙකත් තියාගෙන හති අරිනව.... මහන්සි නැතුවද මුව දැන් අල්ල ගන්න කාන්ති මායි මේ වලව්ව වටේ රවුම් කීයක් දිව්ව කියලාද..... ඉස්සාවගේ එහෙට පනිනවා මෙහෙට පනිනවා..... එක්කෝ ගහක් උඩ නැග ගෙන නටනවා......මට කියන්න බැරි උනානේ මොකද වෙන්නේ කියලා..... මේ පොඩි පරයා එක්ක කියන්නවත් වෙලාවක් හම්බුනේ නැ...

උදේ පාන්දරම කඩ මන්ඩියට ගිය ගුණයා වලව්වට ආවෙ පයින්ඩයකුත් අරගෙන.....ටවුමේ බාබර් මාමා ගමට ඇවිල්ලලු....මේ ගමට ටවුමේ ඉදන් බාබර් කෙනෙක් එහෙම නැත්තම් කොන්ඩේ කපන රැවුල කපන මනුස්සයෙක් එන්නේ මාසෙටම දෙපාරයි.... ඉතිං එදාට ගමේ ඉස්කෝලේ යන ඇච්චො බැච්චො, ඉලන්දාරි ඔක්කොම කොන්ඩේ රැවුල කපාගන්න ගමේ කඩ මන්ඩියට යනවා.......මායි කාන්තිත් මේ උදේ ඉදන් ඉලන්දාරියෙක්‌ අල්ලන්න ඔට්ටුවෙනවා කොන්ඩේ කපන්න එක්කන් යන්න.....මේකා තනිකරම කෙලි පොඩ්ඩක්‌ වගේ... කොන්ඩේ බෙල්ලෙන් පහලටත් වැවිලා.......කොන්ඩේ කපනව කිව්වා විතරයි ඇටයා හූ තියාන වලව්ව වටේ දිව්ව උගේ ලස්සන කොන්ඩේට අපි ඉරිසියයි කිය කිය.... ඒක තනිකරම වලස් තොප්පිය වගේ... තව ටික කාලෙකින් දළු බණ්ඩාගේ මැක්කෝ ඔක්කොම මුගේ කොන්ඩේ පදිංචි වෙනවා...