කළුවර මල් (Ongoing )

12

මේඝණ රධීෂ්වර P. O. V:

මං හිටියේ මගේ කාමරේ...මෙසේ උඩ මගේ diary එක පෙරලගෙන.... ජනේලේන් පෙරිලා ආව ලා ඉර එලිය මගේ diary එකේ අකුරු වැල් රත්තරන් පාටට පාට කරන ගමන් බෙල්ල ගාවට ලිහල දාලා තිබුන මගේ කෙස් රැලිත් තඹ පාට කලා..ජනේලේ ඉස්සරහින් රූස්සේට හැදිලා තිබුන මැයිමාර ගහේ අතු අතරින් පෙරිලා ආව සනීප අව් රැල්ල හුලං රැලිත් එක්ක හාද වෙලා බාල නැටුම් නටද්දී මගේ ආත්මයම හරි සනීපෙට ඒ තාල එක්ක එනැලවෙනගමන් diary එකේ අකුරු වැල් මැව්වා.... ගෙවිලා ගිය දවස් දෙකට diary එකේ ලියන්න දේවල් මහා ගොඩක් මම මේ මායාකාර ගම ඇතුලේදි විඳල තිබුනා.....

ඇත්තටම ගමකින් ලැබෙන සැනසීම බිල්ඩින් ගොඩාක් අස්සේ කවදාවත් හොයන්න බැ.. මට මේ ගමට ආවට පස්සේ දැනුනේම මං ඉන්නේ ශයර් වල කියලා...
ඔයාලාට මතකද ශයර්..? ලෝකේ තුන් වන යුගයේ මිඩ්ල් අර්ත් වල තිබුන hobbits වරුන්ගේ මායාකාරගම.. එහෙත් මං වගේම අත්දැකීම් හොයාන් ගිහින් පොත් ලියපු මනුස්සයෙක් හිටියා....මනුස්සයෙක්මත් නෙවේ hobbit කෙනෙක්......"බිල්බෝ බැගින්ස්"... දුම් බටයක් උරන ගමන් පිටු අතරේ මායාවන් මවපු ඉන්ද්‍රජාලික කුරුමිට්ටා... ඔයාලට මතකද? ඔව් මං ඔයාලව එක්කන් ගියේ ඔයාලගේ ළමා කාලේට අර tv එකක් ඉස්සරහා ඉදන් මාරි කකා තේ බිව්වේ අන්න ඒ කාලේට... ඔයාලට ශයර් අමතක නම්....ඉක්මනට ගිහින් Lord of the ring පලවෙනි කොටසේ පලවෙනි විනාඩි 21 ඇතුලේ අතරමන් වෙන්න....කතාව..? එක ටිකක් නතර උනාට මං තරහ නැ.... මොකද ශයර් කියන්නේ ඔයා අයෙත් විඳලා එන්නනම ඕනේ හැගීමක්.....ඒ ගමේම සිංහල ආරේ කපාපු පළුවක්‌ ඇතුලේ මං දැන් හුස්ම ගන්නවා.. ශයර් තරමටම ලස්සනයි මේ ගම..ලොකු මිනිස්සුන්ගේ ලෝකයේ අවධානය ශයර් වලට ලැබුනේම නැ.. ඒ නිසා නපුර පතුරවන්න බැරුව කුරුමිට්ටෙක්ගේ කබා සාක්කුවක් ඇතුලේ අව්රුදු ගානක් බල මුද්ද හැංගිලා හිටියා.. ඉතිං අවධානය නොලැබෙන තැන් නේද සුන්දරම?...හරියට මගේ චූටි වගේ... හරියට කොබෙයිහේන වගේ....