المسبحة (تراث الاجداد)
بقلمي أنا حوراء حسن
لاتنسون التصويت والتعليق على الفقرات
أضافة حسابي أنستا its_ho0rr
_____________________________
تعال ومَر على أحبابك
ترا مَر غيابك أذاهم
غير أنتَ العزيز الي محد ياخذ مكانك
حوراء حسن
_____________________________
«مهرة»
تبسمرت بمكاني وماعرفت شلون أرد عليه الغضب واضح بوجهه دمارات وجهه بارزه وقبضة أيده ترجف من كَثر الضغط عليها تقربت عليه وأردفت بهدوء
مهرة:- مسبحة أبوي هذه أرثه الوحيد الي.
عاط بصوت عالي
ديان:- هذه مسبحة جدي عدنان أبوه لجدي رضوان الي أهداها جدي بنفسه لأبوي بيوم خلافته
فتحت عيني بصدمة من كلامه ما مستوعبة الي يصير حاليًا همست بعدم وعي
مهرة:- مو معقولة!!!
لزمني من أيدي وبقوة وأردف وهو يرص على أسنانة ويشدد على كلامته بوضوح
ديان:- شلون وصلت مسبحة أبوي الي أنفقدت بيوم مقتله لأبوج ومن بعدها وصلت الج!!!
حررت أيدي من قبضته ونترت بقوة
مهرة:- شنو الي يثبت هالمسبحة ترجع لأبوك هنّ المسابح يتشابهن بالشكل يجوز مشبه عليها؟؟
سحبني من أيدي بدون لا ينطق بحرف واحد ودخلني لغرفة عمتي ربى وكفني كدام الصورة الجبيرة الي متوسطة غرفتها الي تخص عمي ذو الفقار وأشر الي على المسبحة الي بين أدين المرحوم وأردف بغضب
ديان:- هذه مسبحة أبوي وبكُل شاهود حافرين حرف اول شاهود محفور عليه حرف العين الي هو حرف جدي عدنان وبالشاهود الثانية محفور الراء الي هو حرف جدي رضوان وبهذا الشاهود جان لازم ينحفر حرف أبوي بس مالحك لأن بعد ليله بس من تسلمه الها أنقتل
أخذت المسبحة منه وركزت بيها زين طلع كلامه صحيح صح بكُل شاهود موجود حرف رفعت راسي عليه ونطقت بلا وعي
مهرة:- اذا كلامك صحيح شوصلها لأيد أبوي؟
عاط بصوت عالي
ديان:- ولججج هذااا الي راح يخبلنييي شوصلهاا لأيددد أبوج؟؟؟؟
أنهبطت من شفت وضعيته لديان أبد ما شايفته بهذا الوضع تدخل جدي رضوان بسرعة وحاول يحجي وياه والولد هم يحجون وياه بس هو قافل بلحظة تغيير وحسيت هذا الي واكف كدامي غريب عني وما اعرف عنه أي شي مو هذا ديان الي أعرفه
الشيخ رضوان:- كافي وأنه أبوك لا تكبر الموضوع هذه أمانة باقية عدها من أبوها شعرفها هي بالقصص القديمة
أيده قبيل وأردف بهدوء
قبيل:- كلام جدي صحيح يمكن عن طريق الصدفة وصلت لعمي باسم وأنتَ تعرفه كلش زين وأكيد وصولها اله بمحض الصدفة فقط لا أكثر
كُميل:- ولكم شمالكم أنتم تحجي من كَل عقلكم لو تخبلتوا؟؟؟
سكته قحطان بسرعة وحاول يتدارك الموضوع حتى لا يكبر
قحطان:- عمي ڪول يالله هذا الموضوع محد يعرف حقيقته غير الله وعمي الله يرحمه.
أنت تقرأ
المسبحة (تراث الاجداد )
Actionعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
