ما قادرة أتحمل الأيام بدون جُمان، الليلة اسبوع كامِل ما شُفتها وما سمعتَ صوتها، قررت إني امشي ليها بما إني بقيت كويسة، وهي لما جاتني في المُستشفى كلامها لي كان واضح إنُه لما عقلي يرجع لي أرجع ليها...
وهسي انا ندمتَ وسفيت التُراب على العملته، لو رجع بي الزمن ما حأعمل كدا تاني، بس ربنا يغفر لي.
أُمي أخدَت إجازة من شُغلها وبقت قاعدة معاي في البيت، أبوي الأيام الما بحتاج يمشي فيها بقضيها شُغل من البيت، وحتى في الأيام البشتغل فيها بقى يرجع بدري، لكن لسة في حواجز بيناتنا وفي حاجات ما قادرة أتجاوزها...
بعد ما فطرنا أنا وامي قُلت ليها أرح معاي لناس جُمان، قالت لي طوالي..
قُمنا لبسنا وطلعنا، لما دقيت الجرَس كُنت خايفة منها ومُشتاقة ليها ومشاعر كتييرة في نفس الوقت، فتحت لينا الباب خالتو ورحبّت بينا شديد وحضنتني عليها مسسااافة وهي بتقول لي حمدلله على سلامتك يا بتي، خالتو دي حنينة شدددييييدددد شديد.. ♡.
دخلنا وكُنت بفتش على جُمان، لحد ما جات طالعة من غُرفتها، ابتسمت بفرحة لما شافتنا وجات سلمت على أُمي، انا وقفت وانا بعاين ليها، جات علي ضمتني مسسااافة وهي بتقول لي حمدلله على السلامة يا حبيبة أُختِك..
ضميتها أكتر وقُلت ليها الله يسلمك، اشتقت ليك وافتقدتك، فكتني وهي بتقول لي الشوق حاصل والله، قعدت جمبي في الكُرسي وكُنا بنتونس كُلنا مع بعض، لحد ما قالت لي أرح الغُرفة..
دخلنا غُرفتها عشان نتونس براحتنا، قالت لي ها خبرك؟
_ قُلت ليها انا كويسة بس مُحتاجة شديد اتكلم معاكِ، مُحتاجة نصايحك والله..!
= كُلي آذان صاغية، وريني؟
_ ما عارفة أبدا ليكِ من وين والله، لخبطة لخبطة.
= محل ما عايزة تبدي أبدي، المُهم أحكي لي.
_ أول شيء حسان..
دخَل السجن ومن وقتها ما اتكلمت معاه، أي هو كذاب ومُستهبل ولعيب وأي شيء، لكن ما قادرة أنساهُ وأركز في حياتي!
ديل سنتين يا جُمان فاهماني؟
= فاهماكِ، لكن الكان بينكم ده أساسًا ما حُب متين حتستوعبي النُقطة دي؟
انتِ بس اتعلقتِ بيهُ عشان تسدّي فراغ جواكِ، وهو كان بلعب بيك، يعني ولا واحد فيكُم ما حبّ التاني.
_ طيب والأنا حاسة بيه ده شنو؟
= انتِ كُنتِ مُتعلقة بيه وهسي اختفى فجأة، عشان كدا بتحسي بالحاجة دي لكن ساهِل تتخلصي منها..
_ كيف بالله عليكِ وريني!
= أول شيء تطلعي من بالِك كلمة "ماقادرة" دي، ماف حاجة اسمها ما قادرة، حتى لو ما قادرة حتقدري غصبًا عنك اتفقنا؟
_ اتفقنا.
= توبي إلى الله وادعي إنُه يغفر ليكِ ذنوبك كُلها ويهديكِ ويصلح حالك ولا يُعلّق قلبكِ بسواه.
