جُوير قالت لي أوهوووووو!!!!!
قُلت ليها أسمعيني انتِ فاهمة غلط!!
سجّلت ريكورد لي يُوسف وهي بتقول:
يااااا عمّك؟
ما شنو لكن؟
كدا؟، روق وأصبر شوية كُلها سويعات وتتخطبوا، لكن جابت ليها أبيات شِعر وغزل كمان مُش كدا؟
ما اتعرفنا لكن، قلبًا في وصالك يرغب وبتاع آآ، حيّنا 🌚.
منو الحيخلصني من تشغيلاتهم الليلة؟
أبدًا ما وقفوا تشغيلات وتروني زيادة، لو ما اتكلموا معاي بخشمهم يقعدوا يشاغلوني بي حواجبهم، كُنت قرّبت أبكي.
بعد العصُر جات الخبيرة بتاعت الميكب وبدت تمكيجني، ولأني زولة ما بحب أعمل ميكب نهائيًا قدُر ما حنست البنات رفضوا وأصروا إلا أعمِل ميكب خفيف.
بعد خلصت عاينت لنفسي في المراية ما عرفتني، الميكب أبرز لي ملامحي زيادة وبقيت زولة زولة كدا🌞.
لبستَ فُستان بيج سااادة، فيهُ لمعات صغنونات، ولفيت طرحتي ولبست الهيلز وبقيت جاهزة خلاص.
صوروني وعملوا بي مُحتوى الليلة، شوية الباب دقّ قامت مُرام فتحت الباب، ( ناس مرام جو قبييل )، فجأة لقيت عائِشة قدامي!
ياخي ما صدقت نهائيًا...!!!!
جات علي قالت لي جُماااان!
يا بت ما عرفتك؟!
حضنتها وقلت ليها اشتقت ليكِ يا كلبببة.
ما شاء الله اللهم باااارك، ياخييي ياخي أنا ما قادرة على الجمال!!
حبيبتي والله🥺.
اتحصنتِ؟
ااي قبيل.
حضنتها وقالت لي، بالأكتترررر والله انا كمان اشتقت ليكِ يا عيوني.
لكن ما شاء الله قَمر بس!
قُلت ليها انتِ كمان احلويتِ ما شاء الله!
حبيبتيي.
جُوير قالت ليها الأميين شغال لكن.
عائِشة قالت ليها كيف بس ما يكون شغال وهو راجلي؟😔
جُوير قالت ليها أوووهههووووو طلع ليكِ لسااان!!
من زمان عندي.
ده كلام جديد والله.
اتونسنا واتصورنا تاني، عملت آخر اللمسات على شكلي، لأنُه المغرب قرّب يأذن وهم جايين بعد المغرب.
شوية الباب دقّ، مشت جُوير فتحت الباب، جات راجعة بعد مسافة وقالت ليهم، بنات معليش، ده يمان بيستأذن منكم عشان عايز جُمان ضروري.
البنات طلعوا كُلهم وخلوني براي، بعد شوية كدا جاني يمَان داخِل.
عاين لي من مكانُه وهو مخلوع، جا علي وهو بقول لي جُمان!!!
طالعة حلوة شديد شديد ما شاء الله، أميرة عديل!
