#جُمان:
"مُكالمة هاتفيّة"
صباح الخيير ♡.
صباح النوور.
كيف أصبحتِ؟
كويسة الحمدلله، انتَ كيفك؟
تمام التمام الحمدلله، صليتِ الصبح حاضر، والأذكار والبقرة؟
أيّا.
تمام، أجهزي يلا أنا جاي عليكِ.
طيّب.
قُمت استحميت ولبست عباية، لفيت طرحتي وطلعت، أبوي كان طلَع الشُغل وأمي كانت في غُرفتها...
مشيت ليها كلمتها إني طالعة مع يُوسف على المُستشفى، أدتني نصيبي الحلو من الدعوات، وبعدها طلعت لما يُوسف اتصل لي.
ركبت السيارة وسلّمت عليه.
الزِّيينـة ♡.
رديت ليه بخجل، كيفك؟
كويس الحمدلله، وهسي بقيت أحسن طبعًا...
..............
انتِ عارفة؟
ها؟؟
الجميل طبعُه الخجل💙.
يُوسف ياخ، والله هسي بنزل ما تقول لي كلام كدا..
كلام كدا كيف؟
كدا عديل انتَ عارف
ما عارف فهميني؟
يا اللــــه، خلاص ياخ.
قال لي وهو بضحك، يابت جنيتِ؟🤣
عاين انسى.
نسيت.
سكت شوية بعدها قال لي أفتحي الدُرج القدامك..
عاينت ليهُ باستغراب وبعدها فتحت الدُرج لقيت جُواه شوكلاتة كِـتكات ♡.
قُلت ليه الله يا يُوسُف أنا بحب البتاعة دي شدددييييددددد.
وأنا بحبِّـك.
أجيييييييي، يا ود هيي انعدِل.
مسك بطنُه بالضحك وهو بقول لي، جُمان الله يهديك، القسيمة قاعدة في الدُرج القدامك ده زاتو...
قبّلت على الشُباك بخجل، هو كُل شوية يسكُت ويرجع يضحك تاني.
اتلفت عليه قُلت ليه يُوسُف خلاص!!
قال لي وهو بضحك، خلاص خلاص، قال تاني وهو بغيّر الموضوع، أها الجامعة كيف؟؟
ما عارفة، فاتني كتير إلا أعيد السنة.
باقي كم للسمستر؟
شهر ونص.
بتلحقي.
كيف يعني؟
عديييل، حتلحقي.
مُستحيل يا يُوسف، القراية ديك كُلها ألِمها في شهر ونص؟
ما بتجي خالِص.
