واقفين قدام الباب وداخلي توتر وتردد مرره بس حاولت اني اتصرف بأصلي و بطبيعيه مارح اخليهم يلقوون ولا سبب حتى ينتقدوني واوريهم اني حتى لو عشت حياتي ببلد اجنبيه بس تربيت احسن تربيه
دقت العمه الباب وفتحت الخدامه الباب الخارجي وهلت ورحبت بعدها دخلو للحوش كانت الجده والجد والاعمام ينتظرونهم سلمت عالكل بهدوء ووقفت قدام عمتها انتظرت احد يقول لها هذا ابوك بس ماحد تكلم يعني ابوها ماجاء يشوفها؟ مو مشتاق لها؟
تكلم الجد برويه : اللي سلمتي عليهم اعمامك محمد وضاري ونادر.. ايهم ما جا كان عندو ظروف
شافت معه بهدوء وداخلها نااار كيف ماجاء يشوفها لذي الدرجه مو معتبرها بنته؟
شافت بنت ورا جدتها الظاهر مستحيه قربت منها وسلمت عليها بهدوء
الجده :شوق وتكون اختك الصغيره عمرها 10 سنوات
حضنتها وهي بعد ماتعرف ليش هالحضن يمكن لانها من زمان تتمنى يكون عندها اخت
ليال :ترى انا اختك الكبيره واسمي ليال
شوق مستحيه : هلا انا شوق
وهرببت
الكل ضحك على حياها.. بعدها دخل الكل وانقسموا الرجال راحو للمجلس ..
بمجلس الحريم..
سلمت على حريم اعمامها وبنات عمها وهي تجاوب على اسئلتهم بهدوء
جات ساره سلمت وجلست وهي مبوزه
بعد السؤال عن الحال والاحوال نطقت ساره : مارحتي عند امك؟ ولا حتى هي مثل ابوك ما تبغاك؟
ليال..
انصدمت لثواني بس مستحيل اخليها تتشمت فيني
تبغين امي هذا هي واشرت على العمه.. بس لو كان ودك تشوفين زوجه زوجك الاولى هذا شي ثاني واضنك تعرفين عنوان بيت رضااا اااه قصدي بيت اعداءكم
شحبت ساره ووجهت كلامها للعمه:هذي التربيه اللي قلتي عليها؟ ما تحترم الاكبر منها؟ اكيد وش نرتجي من وحده عاشت حياتها كلها باسبانيا
ليال بمكر :بعتذر لو حسيتي اني قللت ادبي معك بس تراني حكيت معك بأسلوب يشبه اسلوبك يا خالتي .. وبعدين صحيح اني عشت باسبانيا بس حافظت على نفسي وتربيت احسن تربيه.. ايووه ترى سمعت انه اختك يا خاله بأمريكا يعني لو مشينا بكلامك يعني اختك كماان
قاطعتها ساره بجنون :تخسين انتي وامك وكل عيلتك اختي اشرف منكم كلكم وراحت وهي معصبه
ليال بهدوء اعتذرت من الجده عالمسخره اللي صارت وبينت بنفس الوقت انها مارح تسكت لاي شخص يحاول يقلل منها
تعشوو وحاولت الجده تخليهم يباتون بس مافي فايده بعدها طلعو
بغرفه البنات ..
نوره :يمه تجنن شفتو عيونها؟ ما عندنا شخص بالعيله عيونه اخضر
رغد :صح وبتذكر هي مو عاشت باسبانيا ليش منتقبه؟!
ملاك :يا غبيه تراها مسلمه واذا عاشت باسبانيا يعني تغير دينها؟!
ملك :شخصيتها قوويه مره حبيتها
نوره :حسيت فيها غرور شوي بس يحق لها البنت تجنن وجلسوو يحشوون...
//
عند ايهم.
ساره كل مالها وهي تعيد وتزيد بنفس السالفه لدرجه اني مليت منها
ايهم :وبعدين يعني؟ لمتى الحال ذا؟ ترى طقت نفسي قلت لك مالي دخل فيها ليش جالسه تشتكين عندي روحي لابوي وخبريه انا مالي دخل.. مو هو اللي جابها عندنا ؟
ساره :يعني هذا اللي طلع معك؟ ولا تذكرت امها عشان كذا ساكت عن تصرفاتها؟؟
ايهم: حسبي الله ونعم الوكيل وقام وتركها
..
وصلو للبيت..
كانت العمه تبي تجلس مع ليال وتسألها عن رأيها بس وقت شافت وجهها التعبان قررت تتركها على راحتها ..
ليال بغرفتها تبكي بعد ما مسكت نفسها عند عيله ابوها.. حزت بنفسها انه راحت برجلينها عند ابوها بس ما رضى يستقبلها وهي متأكده انه ما عنده ظروف ولا شي خاصه بعد كلام ساره لما قالت لها امها ماتبغاها مثل ابوها!
تنفست وهي تقول بنفسها انها مارح تسمح لاحد يزعلها حتى لو كان ابوها بنفسه او امها
عبست اكثر بعد ما جات امها ببالها؟ يا ترى امها بعد ما تحبها؟
