عند ملك وقاسي ..
قاسي :انتي طالعتيه صح
ملك بحياء هزت راسها ب ايه
ابتسم على حياء اخته وباس راسها :لا تستحين هذا حقك
بعد ما شافها مستحيه اكثر طلع وتركها على راحتها
.
.
- وشوي ودخلت امها والجده وفرح واختها عندها واللي غيرو من جو التوتر اللي كانت فيه.. هي موافقه على تركي تحس براحه معه بس بنفس الوقت خايفه وهذا الشي طبيعي بالنسبه لاي بنت.
ناديه :بشري يا بنتي عساك مرتااحه؟
الجده وهي تجلس على الكنبه :والله برأيي يا يمه تركي رح يصونك تراه رجال ينشد فيه الظهر يدرس وبنفس الوقت يشتغل يعني معتمد على نفسه.
ملاك :المهم الحين رأي ملك
فرح :وش رأيها مارح تلاقي افضل منه
ناديه بانزعاج بس ما وضحت :والله بنتي الف رجال يتمناها ولو مو مرتاحه معه انا بوقف معها
فرح بابتسامه :ترى مو قصدي وانتي تعرفيني حكيت من حبي لها واني ابغالها الخير، ربي مارزقني بنات والله احب بنااتك كنهم بناتي .
الجده :كلنا ندري يا بنتي ولفت على ملك :هاا يمه شفيك ساكته
ملك بهدوء :انا ببلغ ابوي قراري بنفسي والحين بعد اذنكم بروح ارتاح شوي والله نايمه يمكن ساعتين بس واحس عيوني بيتسكرو بروحهم
تقدمت لها ناديه وسلمت على راسها :الله يكتب لك للي فيه الخير يمه يالله روحي نامي.
طلعت وطلعت بعدها ملاك لعند بنات عمها رغد ورقيه
.
رغد بضحكه :والله كلهم رح يتزوجو باقي احنا بسس
رقيه بانزعاج من اختها المتسرعه :شفيك يا دب اخرك رح تتزوجي وتبتلشي عشان كذا حبيبتي ريلاكس
ملاك ضحكت على حركاتهم : ههههع خلاص خلاص وبغمزه لرغد : لو تبين تتزوجي الحين اخطبك لاخوي
رغد بنرفزه هي ماتبي تتزوج الحين بس تحب تجاكر اختها :اقول انطمي ما احد طلب رأيك كنت امزح بس لا تقلبو الموضوع جد
ضربتها على راسها بقووه :عشان تحترميني يا كلبه وهربتت بعدها وهي تضحكك
قامت رغد تلحقها بعد ما استوعبت الضربه :والله اردها لك يا حماره
رقيه بقله حيله من نضجهم قامت تروح لغرفتها وتدرس بدل بقائها هنا.
_________
بلندن..
بعد اسبوعين من اخر الاحداااث اللي صارت
ووضع الشركه صار ممتاز ، بنفس الوقت عين آسر واحد من المسؤولين القدامى واللي يعرفهم الجد وكل العيله انه تمام واخلاقه تشهد له كوكيل له اثناء غيابه عن لندن و خبره يرسل له كل التفاااصيل اللي تخص الشركه له وبسس ، وهو بنفسه رح يخبر جده واعمامه بالاخبار اللي لازم يعرفونها .
- ليال بالصااله قدام آسر اللي كان يتصل بأمه..
شوي وردت فرح .
آسر :حيالله الزين كله
ابتسمت فرح :هلا يمه هلا ببكري وغلاي
آسر بفرحه مو قادر يخبيها : ابشركك يمهه
الجده اللي كانت قدام فرح تسمع : وش صاير يا وليدي عساه خير ان شاءالله
آسر بضحكه يكلم ليال بهمس :هذي جدتي رح تجن لو قلت لها رح تصيرين جده للمره الثانيه
ضحكت ليال
و سمعته مروه يقول عليها رح تنجن بس ما سمعت الباقي :وش تقول يا ولد ضاري تراني ما سمعتك عدل
ضحكت ناديه وهي مستغربه من اسر قبل زواجه كانت شخصيته جاده ومنرفز من اي شي وما يتكلم كثير الا مع جده وابوه الحين يمكن مع جدته وفرحااان دعت بسرها"الله يكمل له ويرزق قاسي مثله"
فرح :هااا يمه محتاجين خبر يفرح بشرر
آسر اخذ نفس وهو يطالع ليال بحب :يمه هذي ليال رح تخليك تصيرين جده وكبرتك اكثررر
الجده و دموعها تلمع :كلولوووووش اخيرا يمهه
فرح مو مصدقه :والله؟؟
ليال بابتساامه :صحيح يمه ترى كنا جايينكم بس الدكتوره منعتنا تقول لزوم ننتظر شهر كمان عشان الحمل يثبت وكذااا
فرح بسعاده :الف مبروك يمهه الف مبروك يتربى بعزكم ان شاءالله والله مشتاقه لشوفتكم
آسر : باقي شوي بس ورح نكون عندكم
فرح :يا رب .. يمه اعطيني ليال ابغى اكلمها شوي
آسر :من عيوني ولف عليها :يمه تبغى تكلمك.
اخذت منه الجوال بابتساامه "صحيح انها حماتها بس تحبها مرره اصلا اللي يشوف كلام فرح معها وتصرفاتها يفكرها امها مو حماتها " عبست وقت تذكرت امها بس بسرعه مسحتت طاريها وحطت الجوال باذنها تسمع نصاايح فرح عشان الحمل..
