.
.
.
ضحكت بهدوء كانت تحس بالحزن لزواجها بهدي الطريقه لكن مكالمتها مع اخوها حسنت نفسيتها شوي سكرت منه ولفت لتركي اللي يكلمها عشان تجي تتعشى.
اسر اللي صحى على صوته :وش صاير
قاسي بابتساامه :هذي ملك اليوم عرسها واتصلت تخبرني وزعلانه اني ما جيت لعرسها
اسر بابتساامه :الله يهنيها وتركي ماشاء الله ما ينخاف عليه رح يصونها ان شاءالله.
رجع حط راسه على المخده وهو يدعي لاخته وبنفس الوقت يتمنى يلاقون البنات بسرعه عشان يرتاحون .
قطع تفكيرهم هالمره جوال آسر
رفع تلفونه وكان من الشرطه الاسبانيه
رد بسرعه واللي كان يكلمه كان مترجم ..
حط الجوال على الكنبه وفز واقف بسرعه وهو مصدوم .. تفاجئ قاسي وفز معه :عرفت شي؟؟؟
آسر بربكه :بسرعه يقولون شاكين ببنتين وصلوا اسبانيا من اسبوع تقريبا ووحده منهم حامل ورح يرسلون لي الموقع الحين هياا تحرككك بسرعه رح نروح نتأكد بنفسنا .
استغرب لهجه ولد عمه لكنه ما دقق بالموضوع لانه هو بعد يحس بنفس الضغط اللي يحس فيه قاسي..
شغل السيااااره وتحركوو.
_____
باسبانيا ..
وقفت بصعووبه ويدها على بطنها كانت خايفه على الجنين مرره ذي اول ولاده لها لانها بكريه واللي خلاها تخاف اكثر انها بالبيت و لوحدها ..
تأخرت ملاك مرره وينها. طلعت منها ااااه تحس ظهرها رح يطق..
الطلق ما وقف لبست عبايتها بصعوبه تحس ما فيها تتحمل اكثر رح تروح المشفى واللي يصير يصير ماعاد يهمها شي الالم يهلككك مرره..
فتحت الباب وتفاجأت بشخص كانت تدعي كل يووم انه يرجع لها بخير كان آسر وقاسي واقفين بالباب ورح يدقون لكن وقفت يده بالهواء وهو يشوفها كيف متحامله على نفسها.
** آسر ..
كنت زعلان منها مرره والسبب انها سافرت وبدون علم اهلي ، ادري انها كانت خايفه من جدها لكنه ما يشفع لها تروح وتاخذ ابني .
الدنيا الحين مو امان العالم مرره يخووف وهي بنت لساتها ما طقت ١٧ من عمرها بس الغلط مو عليها بس حتى جدي واهلي يتحملون الغلط بعد...
تخيلوا انا من اسبوع لا نومي نوم ولا اكلي اكل حتى اني ماتعافيت من الاصابه بالتمام وكل وقتي ادور عليهاا وبقلبي كل مره سيناريو شكله اسوء من الثاني ....
لكني وقت شفتها احس كل الزعل اللي كان بقلبي من جهتها طار بالهواء كانت واقفه بصعوبه ويدها على ظهرها .. وكانت مكشره من الالم اللي واضح بوجهها لاحظت وقت شافتني ارتاحت لكنها رجعت عضت شفايفها من الالم ما استنيت اكثر ورحت سندتها كانت ضعيفه مرره وقلبي مو متحمل شوفتها وهي تتعذب بهذا الشكل .
دخلت بعدنا ملاك مع بنت ثانيه ما اعرفها.. سكتت وانا اشوف نظرات قاسي اللي واضح الغضب من وجهه لملاك الله يستر بس ، انا اعرف ولد عمي لو غضب ..
وصلتها للاريكه ..
طالعت ملاك اللي نطقت بتوتر..
ملاك :انتم هنا؟؟
قاسي بسخريه :لا هناك
ملاك بربكه : اطلعوا بسررعه ما عندنا وقتت البنت رح تولد
طلعوا عيون اسر من الصدمه : وش تقولين؟؟ وليه رح تولد هنا؟ وش خصه المشفى!؟
قاسي :روحي عدلي عبايتها رح ناخذها للمشفى بدون هدرت زايده.
ملاك بغضب منهم جايين الحين يفسرون ويتحكون على كيفهم : ولا كلمه اقول ، وينكم عننا واحنا هنا ما ادري كم من الوقت؟؟ وينكم شهور مختفيين وتوكم تجون..
خففت عصبيتها شوي وكملت : اولا هذي البنت ممرضه ونعرف امها من زمان وثانيا ليال ماتقدر تروح للمشفى بدون اوراقها لانها نسيتهم بالمملكه وثالثا ماعندنا وقت حتى لو رحنا للمشفى رح تكون ولدت وخلصت. والحين ما ابغى اشوفكم هنا يالله روحي لوحده من الغرف وبس نخلص رح نناديكم.
كان رح يرد آسر بس سكت وقت سمع صراااخ ليال من الغرفه حط يده على راسه وهو خااايف عليها كان يدعي لها بسره ما قدر يتحرك من هنا من خوفه خايف يروح وترجع تختفي مره ثانيه
جاب له قاسي كرسي وجلس وجلس معه.
كان خوف قاسي ما يقل عن آسر هذي اول مره يشوفون ولاده قدامهم..
قاسي :الله يقومها على خير
انزعج آسر من فكره وجود قاسي معه هنا لكنه ماحب يتكلم او بالاحرى ما عنده قوه يتناقش بشي ثاني كل تفكيره الحين كان هي وبس يبقى يشوف ولده و ياخذه بحضنه.
