وصلوا لقصر رضا بس كانت ورود مسافره هي وزوجها عشان شغله وما يدرون متى رح ترجع
طالعته ليال بصدمه :اللي سمعته صح؟!! طيب ليش ما خبرتني
مسكت يدها ورجعنا عالسياره ما ابغاها اتعذب اكثر امها ما عندها مسؤوليه ولا مفروض لو بنتك على وجه زواج ما تتركنيها بروحها المهم ركبنا وطول الطريق ما تكلمت بحرف واحد اخذت طريق لبيت العمه
آسر :لا تزعلي نفسك ولاشي هذي امك الحقيقيه هنا يالله انزلي جيبيها عشان تروح معنا انا انتظرك هنا
ابتسمت له :تسلم ما رح اطول عليك
نزلت ودقت الباب.. شوي وفتحت لها العمه
ااااااه حضنتها بقوه كثير اشتاقت لها
ليال...
احس الروح ردت لي يوم شفتها من زمان عنها والله اني ماكنت مرتاحه وانا بعيده عنها صحيح اهلي ما خلوني احتاج شي بس اللي كان ناقصني شوفتها يالله لاتحرمني ريحتها واحفظها لنا من كل شر
. دخلت معها وخبرتها انه آسر ينتظرنا برا بس ما كلمتها عن العرس بخليه مفاجأه لها بخبرها وقت نوصل
لبست عبايتها معي بدون حتى ما تسألني وين رايحين تعجبني ثقتها فيني مره يا نااس احبهااا وطلعت معي تمشي شوي شوي احسها تعبانه بس مو راضيه تخبرني..
اخذنا آسر لاكثر محلات العرايس شهره بالمملكه ولفينا عليهم واحد واحد لين اخترت محل طاحت عيني فيه على فستان ساده حلو يجنن ماسك عالجسم وفيه شوي كرستالات بنهايه الفستان حسيته يعطي الفايب حق الاميرات كتوفه بعد كرستالات ومعه قفازات لونهم شفاف قلت لكم يشبه فساتين الاميرات ترى ما كذبت المهم حتى عمتي خقت عليه رحت جربته وطلع علي خيال على حسب كلام الموضفات وعيون عمتي اللي تملت دموع ما قدرت احكي شي قربت منها وضميتها بقووه وقلبي مو مطمني ما ادري ليه... بعدت عليها لانه جات المصممه وتبغى تعدل فيه شوي عشان يصير يناسبني تماما
بس خلصنا قمت و اعطيتها عنوان القصر قلت لها ترسله لي بالليل ما اقدر اخذه معي الحين لاني ابغى اشتري شوز واكسسوارات الفستان ما اعجبوني الاكسسوارات اللي عرضتهم علي موضفه الفستان ولانه ثقيل ادري رح اتعب فيه كثير عشان كذا اختصرت وما اخذته الحين فهمتو!!!
طبعا كل هذا وآسر مو موجود انا طردته مع انه كان يبغى يبقى و يختار معي الفستان بس رفضت بعد ما خبرتني عمتي انه فأل مو حلو لو شافني العريس قبل الزفه
وهو راح على اساس زعلان
خخخخ ما علينا اتركونا منه ابغى احكيلكم عن شعوري وعرسي اللي بعد يومين بس يد عمتي كانت اسرع و طلعتني من خيالي تبغاني اسرع معها تقول ما بقالنا وقت... يالله وش ورانا اخبركم بعدين لازم نخلص الحين..
تبعتها وصرنا نلف بالمحلات لين لقينا حذاء يناسب الفستان مرره وكان زجاجي حبيته كثير.. ما ادري كيف اوصف اكثر تخيلوه انتم.
...
بالقصر ضاري وفرح كانو بالحديقه وكل واحد فيهم يكتب لائحه الناس اللي رح يعزمونهم فرح تكفلت بالحريم وضاري بالرجال..
فرح :اسمع تذكر بنت عم امك نويريه؟!! اكتب اسمها؟ سمعت انها بالكويت ما اضنها تجي؟
ضاري بتذكر :لا اكتبي وبس ندخل لا تتصلي انتي خلي امي تتصل عليها لانها ما تعرفك
فرح بموافقه وكتبت الاسم :اجل كذا انا خلصت.. و الحين قايمه ادخل على مود نبدا العزايم واللي ما نوصل لهم اخلي رامي يوصل لهم كروت العزيمه
ضاري :لا لا خليهم ياخذ لهم كلهم
فرح :طيب يالله اخليك الحين عندي شغل بالقصر
على وقفتها انفتحت البوابه ودخلت جيب آسر
وقف ونزلت ليال والعمه اللي اصرت عليها ليال ترجع معها
تقدموا لهم يسلمون بهدوء
ضاري وهو يسلم على خالته ساره :كيفك يمه عساك بخير
العمه :بخير يمه كيفك انت وكيف مرتك؟
ردو مع بعض :يسرك الحال
فرح :يمه ليال وين بنت عمتك؟
ليال بتذكر : والله انا اخذت عمتي عشان تختار معي الفستان وملاك فكرت انه نرسل لها احد يجيبها
ضاري :ولا يهمك يا بنتي الحين اروح اجيبها اصلا عندي شغل قريب من هناك
هززت راسها :تسلم يا عمي
دخلوا داخل وجلسو مع الجده اللي كانت تختار أطقم الطاولات والكراسي للقاعه.. يبغون كلشي مميز
وقفت وقت شافتهم وراحت تسلم على اختها ساره بحراره
