.
دخلت غرفتها وهي مستغربه منه انتظرها سنه كامله؟ وقت خبرها جدها انه خطبها السنه الماضيه اتصدمت انه للحين يبغاها! تذكرت ووقت انقذها هو وقاسي وكلامه معها وقتها كان يحاول يخفف عنها..
هي تدري انه رجال ينشد فيه الظهر بس حياتها اللي عاشتها علمتها ما تستعجل ابدا ورح تاخذ وقتها في التفكير.. ابتسمت وهي تتذكر امها اليوم بعدها دخلت بعالم الاحلام وهي مبسووطه تحسنت علاقتها بأمها الحمدلله بنظرها امورها جالسه تتيسر شوي شوي
.
بعد مرور اسبوع كانت تحاول فيه ما تحتك بأحد وتاخذ راحتها بالتفكير وخصوصا وقت قال لها جدها انه آسر بنى فيلا ورح يكتبها باسمها .. الحين هي مو طامعه فيه بس ماتدري الحياه وش مخبيه لها زفرت بهدوء ودقت باب جدها
بعد السلام والسؤال عن الحال والاحوال..
الجد: هااه بشريني بردك وخليني ابشر اللي يبغاك
استحت من كلامه وهزت رأسها بالموافقه :بس يا جدي انا عندي شروط لو وافق عليها رح يكون كلشي تمام بس لو رفض شروطي الله يسهل له ومارح يكون نصيب بيننا..
هز راسه ومو عاجبه : وش شروطك يا بنت ايهم
اخذت نفس تحاول ترتب كلامها :اول شي انا ابغى امي واهلها يحضرون ملكتي وزفافي وتكون امي معي بالتجهيز يعني ما ابغى اسمع كلام لا من ايهم ولا من آسر واعتقد انه رح يوافق لانه ماعنده مشكله مع امي او اهلها صح؟
هز راسه : هذا حقك.. وغيره؟
ليال : ابغى اكمل دراستي والجامعه بعد واريد يوم الشوفه الشرعيه اكلمه بنفسي بهالخصوص بعد اذنك طبعا
واخر شي ما ابغاه منه هو ابغاه منك انت :ابغى اعرف وين راح ابوي من اسبوع ما شفته وماحد راضي يقولي شي
الجد : سافر لسويسرا عشان يتعالج ويشخصون الدكاتره وش عنده لان للحين ماحد عرف وش علته
شهقت بصدمه : رح يكون بخير صح؟ وبتردد :ابغى احسن علاقتي معه قبل زواجي عشان اروح وبالي متهني وقبل ما ينطق كملت :ادري انه علاقتي معه ما فيها مشاكل الا احيانا بس البرود غالب على مشاعره اتجاهي وما ادري ليه احس فيه شي بيننا يا جدي وما ادري وش هو؟
الجد :وش تقصدين
ليال : ما ابغى اظلم احد بس احس انه ابوي ما تعافى من سالفه السحر
الجد بصدمه الموضوع صار عليه سنوات وش عرفها فيه :مين خبرك انتي
طالعته بنظره ما فهمها:مو مهم مين خبرني انا قلت لك احساسي واحساسي عمره ما خاب يعني اتمنى انك تتكلف بهالموضوع انت بالذات لو كنت فاضي
الجد بغضب :حتى لو كنت مشغول بفضي نفسي لكن ... وبتوعد :والله لو كان كلامك صحيح الااااا وسكت ونظراته كلها وعيد
استأذنت وطلعت وهي مرتاحه
,,,,
قاعد فوق مكتبه بالشركه ويفكر فيها ويتذكر سالفه الخطف اللي يومها صحيح شافها بس ماقدر قدر يكلمها عدل لوجود آسر معهم...
عدل نفسه وهو يشوف طيف عيونها الخايفه تحسر وقتها ما كان قادر يسوي شي خاصه انها ما تحل له والحين جالس ينتظر رجوع عمه عشان يخطبها منه هو متأكد من قراره له مده وهو يفكر فيه قطع تفكير دق عالباب
