قبل اي شي خلينا نتفق على شي، تفاعلكم ماهوب عاجبني تمام! يعني مو اكتب واتعب وانتم بس تقرأون عالاقل الواحد يخلي كلمه حلوه وكذا صح!! يلا مارح اطول عليكم نرجع للروايه... 💗
.
.
مضت ايام الاسبوع عليهم فالتجهيز لملكه آسر وليال والكل يسوي وش يقدر عليه خاصه انها ملكه وريث مالك واللي الكل داري بهالشي
- يوم الخميس ..
الجد : طيب جهزي نفسك وانا بوصلك بنفسي شوفي لو وحده من البنات بعد تبي تجي معك بعدها رح اخذك لامك مع البنات وانتم تسوقوا براحتكم
ليال :تم يا غالي بعدها قامت وسلمت على راسه وطلعت..
بغرفه البنات اتفقوا ملك ورغد ورقيه يروحون معها هي وامها عشان يجيبون الفستان اللي تم تصميمه عشانها هي وبعده يشترون اشياء ناقصين من اجل الملكه اللي بكره و يسهرون مع بعض
بسياره الجد ركبوا البنات وحرك مالك السياره وصلهم لقصر رضا وتوجه للشركه..
رغد :ليال والله اني مستحيه مره الحين رح نقابل امك صح؟
ملك :وانا بعد مستحيه مارح نطول هنا صح؟
ضحكت عليهم وهزت راسها بمعنى انهم مارح يطولون
عدلت رقيه والبنات نقابهم خوف انه يكون فيه شباب وكذا بعدها دقت ليال الباب وفتحت الخدامه اللي دخلتهم للصاله
ورود تقدمت وسلمت على بنتها بحرااره وبعدها على البنات لانه وقت كانت على ذمه ايهم كانت علاقتها مع سلفاتها طيبه ومابينهم مشاكل جلسوا وطلبت ورود من الخدامه تجيب الحلا و القهوه
ورود بابتسامه :بنات لا تستحون ارفعوا نقابكم ابغى اشوفكم
رفعوا البنات نقابهم وهم مستحين من ورود كان يعتقدون انها مرا كبيره بس تفاجأو بالواقع كانت صغيره وحلوه مرره
ليال : يمه مارح نطول هنا صح؟ خبرت جدي انه رح نطلع للسوق مثل ما اتفقنا عشان نتسوق
ورود : تمام الحين تجيب الخدامه الحلا ذوقوه انا سويته لين اروح اكلم احمد ما كلمته عشان الطلعه
هزت راسها : تمام يمه
...
كلمت ورود احمد اللي وافق على الطلعه بشرط انه يروح معهم أثير او الجراح لانه ما يأمن في احد غيرهم
عند البنات اللي كانو يأكلون وهم مستمتعين
رقيه وهي تبلع اخر لقمه :ما شاء الله امك مو بس حلوه الا طباخه شاطره وش ذا
رغد :صح ليال خبريها تعطيك الوصفه تعرفين انتي الحين على وجه زواج وغمزت لها
ليال استحت :اقول ما خلصتم الحين تجي امي وانتم لساتكم ما غير تبلعون
ملك :يممه منك حاسديتنا عالاكل كولي معنا ولا تناظري كذا وضحكت بعدها
ليال :والله كلامك صح واخذت صحن الحلا و اكلت منه بعدها عجبها وصارت تاكل بسرعه عشان ما يتأخرون
أثير بالسياره ينتظر بملل بعد ما طلب منه زوج عمته احمد يوصلهم :هفف مدري ليه ما طلب من الجراح او حسام يعني ما لقى احد غيري يعني يشوفني فاضي الحين؟
...
رقيه :ليال انا طالعه انتظركم براا وانتم لا تتأخرون
طلعت للحوش ولفت عشان تحط نقابها بس شافته بالسياره ويطالع فيها وبنفسها كسسسر شكلي وقعت وما احد سمى علي يممه ودخلت بسرعه
بالداخل....
ليال تطالع فيها وهي منتبهه لسرحانها :رقيه خير وشفيك؟
رقيه اللي ما انتبهت لها بس فزت من ضربتها ملك على راسها :وووجع يا بقره
ضحكت ملك وهي تتأسف: مو بقصدي افجعك والله المقصد كان اصحيك من سبحانك
نزلت ورود وطلعت والبنات معها ركبو ورقيه بنفسها :يعني هذا من عيلتهم شكل الجمال وراثه عنهم حتى ام ليال وجميله اخخ بس
بالسياره.
اثير وهو يفكر كيف بيعتذر من ليال عشان ليله الخطف وكذا نزلهم بالمول وقبل ما تطلع ليال
أثير :بنت عمتي!
لفت ليال وهي مكشره :وش بغيت
أثير وهو ملاحظ شراستها :بغيت اعتذر منك عشان ذيك الليله ما ادري كيف طاوعني قلبي ومشيت معهم بخطتهم
ليال وهي منفسه :يصير خير ولفت تطلع
أثير وبسرعه قبل ما تطلع :بغيت اسألك شي واتمنى تجاوبيني
عزت راسها بملل منه تنتظره يخلص
هو :البنت اللي كانت معكم واللي طلعت قبلكم مين هي؟
ليال :وش تبغى فيها؟
اثير :لا بس يمكن يكون شي خير انتي جاوبيني وما عليك
ليال :بنت عمي نادر واسمها رقيه لو عجبتك تدل باب بيتنا وطلعت قبل ما تسمع جوابه
اما هو جلس يفكر
...
بالمول...
جابو الفستان ولبسته عشان تشوف لو فيه اخطاء او شي وكان تحفه (مارح اوصفه الحين)
بعدها طلعو يتسوقون وكل وحده من البنات اشترت شي يناسبها حتى ورود طلبت من البنات يختارون لها فستان ووقع الاختيار على فستان ابيض مخصر مافيه اي شي ساده بس حلوو عليها وطالعه تهبل فيه
بعد ما خلصو جلسو يتعشون بمحل حلو بعد ما عزمتهم ورود وكل وحده طلبت عشاها خلصو وراحو لكوفيه ينتظرون أثير
ورود :ليال يا عمري فستانك جميل مره وناسبك بشكل مو طبيعي
رغد :وحتى انتي يا خاله ما شاء الله الابيض زاد حلاتك
استحت ورود وتكلمت تغير الموضوع :الملكه رح تكون بفيله آسر صح!
رقيه :صح عشان كذا لازم تكونون هناك بدري
ورود طالعت ليال :اكيد رح اجي بدري عشان اكون معك
ابتسمت لامها وتنوعت الاحاديث لين يوصل الاخ أثير
...
وصلوهم للقصر وبعدها رجعو لقصرهم هم بعد نامو البنات علطول عشن يصحون بدري بكره.
