- قبل ما نبدا خبروني تبغون الروايه تكون طويله؟؟!
حاليا مو مقرره شي يعني اكتب بدون اي خطط.. ابغى اشوف رأيكم قبل **
استمتعوا ولاتنسون التصويت والتعليق بكلمه حلوه يالله نكمل 🩷🩶
________
ببيت ثاني كان هادي مرره دخلت وسلمت على الحرمه الموجوده بعدها توجهت لغرفتها اللي دلتها عليها خاله قاسي غيرت ملابسها بهدوء ونيمت عيالها وطلعت..
شافت الحرمه ذيك جهزت دله القهوه والحلى وكأنها تأثر لها بيدها عشان تروح تتقهوى معها.
ابتسمت لها وهي مالها حيل تتبسم حتى وجلست تصب لهم قهوه.
كانت ماتدري شلون تتعامل معها اخذت تلفونها وكتبت بالمذكره... وش اسمك يا خاله؟
ردت عليها بنفس الطريقه وكتبت لها بنفس الجوال :مزنه.
ابتسمت لها وكتبت :عاشت الاسامي يا خاله
صحيح المحادثه بينهم كانت متعبه لانهم يكتبون وكذاا لكنها بنفس الوقت كانت تحس الحياه هنا افضل خاصه انه هالحرمه واضح انها طيوبه لانه لو ما كانت ثقه ماكان قاسي جابها عندها..
جا ببالها آسر تنهدت بحزن وهي تفكر كيف طاوعه قلبه يعمل فيها كذا؟ بالوقت اللي كانت محتاجه فيه دعمه راح طعنها؟ مو بس كذا الا كذب عليها بعد وخلاها مسخره للكل.. كلهم كانو يدرون الا هي يا ربي حطني بمحل الغبيه قدامهم انا مستحيل اسامحه.....
سمعت صوت ولدها يبكي قامت بسرعه تشوفه وهي مستغربه من نفسها هالايام نومها صاير معتدل لا تستغربون يمكن الصدمه اللي جتني صحتني من نومتي ايوه والسبب شارل حقي الاميره النايمه صحاها الامير بشي ثاني مارح اقوله ترى كلنا نعرفه هههه وانا صحاني البغل زوجي بصدمه مارح انساها بسهوله هههه سخيفه صح؟ من يوم يومي كذا حتى بأصعب اوقاتي انكت مدري يمكن يخف حزني بهذي الطريقه؟ ما بيخف صح ؟؟ يالله ما ابغى اتكلم اكثر
فتحت باب الغرفه وشافت غيث يبكي حملته بسرعه قبل ما يصحي اخوه وطلعت شافت الحرمه على نفس جلستها جلست قدامها وصارت تلاعبه وتضحك عشان يسكت وهو بس شوي وانسجم معها وصار يضحك الحين اعماار عيالها خمس شهور الوقت يمر بسرعه للحين تتذكر ايامها باسبانيا وكيف كانت تعاني عشان يجون لهذي الدنيا
رن جوالها شافت رقم ملاك ينور الشاشه ردت بسرعه يمكن تقسى على الكل لكن الا ملاك الا ملاك ما تقدر تقسى عليها حتى لو خبت عليها الموضوع اكيد فكرت لمصلحتها والله ما ادري ليه جالسه احط لها اعذار بس تستاهل انا بحياتي كلها ما احد وقف معي مثلها هي وعمتي ذي اختي اللي ما ولدتها امي ايوه صحيح ما خبرتكم ؟؟
امي من وقت ما رفض الدكتور اني اتبرع لاخوي وهي ما تتكلم معي تخيلوا؟؟؟
دمعوا عيونها يمكن لو ضلت تفكر الحين اكيد رح تبكي قدام الحرمه ترى مشاكلها تهد جبااال شلون بنت؟؟.. بعدت هالافكار وردت بشوق :ملاكي
سمعت صووت ما تبغى تسمعه بهذا الوقت هي هربت من الدنيا كلها عشان تبعد عنه ليش متصل فيها وكمان من رقم ملاك؟؟ وش صاير عندهم عشان يتصل من رقم ملاك
رد بشوق وصوت دافي :ليلي هذا انا.
بسرعه سكرتت الجوال ما تبغى تسمعه تخاف تضعف قدام صوته وترجع هي تبيه يحس بنفس المعاناه اللي حستها وقت سمعت عن زواجه.
هههه يمكن تقولون عني جبانه اي مشكله اهرب لكن مانقدر نسمي هذا هروب انا انسحب لاني اعرف نفسي وغضبي لو جلست هناك يمكن طلبت الطلاق عشان كذا احسن شي كان الابتعاد كان لازم تكون عندي مساحه صغيره عشان افكر بهدووء.
بعد ما سكرت الجوال عشان ما رجع يتصل عليها طلبت من الحرمه اللي قدامها الجوال تبي تتصل على قاسي يخبرها وش صاار. بس مارد عليها ذي اول مره يمكن مارد لانه مشغول مارح اصر عليه..
رسلت له مسج تسأله عن اخر الاحداث ووش صاير حتى يتصل عليها آسر من جوال ملاك...
