_________ :
قبل ما نبدا كيفني معكم والبارتات الطويله ؟؟ عجبكم البارت اللي فات ؟ ترى كنت مقرره اني اسوي هذا البارت تسريب لكني فكرت اسرع عشان ننهي الروايه احسن ، والحين يالله نبدأ... 💗🌷
&&
نامت ذيك الليله والكوابيس محاوطتها بس تغفى شوي ترجع تصحى، تحس خدودها نااار انجرحوا من كثر الدموع طول يومها تصلي وتتحسب عليه وعلى القدر اللي رماها هنا ، فكرت انها ما ترضخ له بهذي السهوله رح تسوي اي شي وما تستسلم بسهوله هي ماهي بضاعه رخيصه عشان يسوي فيها كذاا ..
- يقولون بس يجي الصباااح بيجي معه الربح والخير لكن الا اليوووم مستبعده يكون فيه خير بس صحيت غسلت وجهي بسرعه واخذت تلفوني رنيت على عمتي وطلبت منها تجي وتاخذني عندها واعطيتها العنوان ما حاولت حتى تعرف السبب، خبرتني انه مسافه الطريقه وتكون عندي احبها يا ناس ، حسيت بالراحه وقت سمعت صوتها لكني خايفه من رده فعلها وقت تعرف اللي صار معي اكيد رح تعصب لكن وقت تعرف انه مالي ذنب رح توقف معي ، وسعود مو متخيله رده فعله اكيد رح يقلب عليهم المزرعه الخايسه ذي ...
ما نزلت تحت حتى بعد النداءات اللي كل شوي توصلني منهم كنت منتظره توصل عمتي رح اطلع معها علطول ومستحيل يرجعون يشوفوا وجهي خلاص ذي اخر مره ، هذي المره اللي دخلت عندي كانت عمتي وسديم ، وصلت ؟؟
وقفت بدون ما احكي وضميتها ، ابغى احكي لها ظلم ذي العيله لي وكيف شوهوا فتره شبابي ابغى احكي لها عن شوقي لها ولاخوي ابغى احكي كثير اشياء لكن الوقت مو مساعدني ...
تكلمت بغصه :يمه خلينا نطلع من هنا ، مسكت يدها ومشيت جهه الباب ، سحبت يدها بعنف ولفت جهه سديم بحده وهي ناويه شر :ايش مسويين لبنتي يا عيله ال مالك ؟؟؟ انطقي ايش مسويين لها ؟؟
على صوتها العالي كانت كل العيله عندي بالغرفه .
الجده تحاول تهدي الوضع وهي تشوف اختها كيف منفعله :يا ساره استهدي بالله وش مسويه لك سديم عشان تصارخين عليها بهدي الطريقه ؟
عمتي وكأنها ما تشوف شي قدامها لفت على الجده وهي معصبه :ما سمعت؟؟ قلتيلي ايش مسويه ؟ طيب انتم ايش مسويين لليال ؟ ما جلست عندكم الا شهر خلاص تبون تخلصون عليها ؟ شوفي وجهها كيف ذبلان وعيونها مليانه دمووع .
دخل سعود بين الجموع ومسك يد ليال يطلعها بدون ما يسوي مشاكل لكن - وقفه ضاري بعصبيه :لوين طالع انت وماخذها معك مفكر الدنيا سايبه ؟؟
- سعود دف يده بعنف :شوفني طالع وانا ساكت لو ما بعدتو عني وعن عيلتي مارح اجلس ساكت كثير تفهم ؟؟
- اثير ومولعه معه كيف اخذها ،وبنفس الوقت كيف دف يد ابوه وكيف جالس يكلمه بسرعه مسكه من قميصه وهو يتكلم بحده :شلون شلون يا ولد ابوك ؟؟ انت احمد ربك اننا بوسط حريم ولا كان الوضع غير الحين .
سعود وقف يناظر أثير بعين مليانه تحدي، ورغم إن كلام أثير كان قوي ، إلا إن سعود ما تراجعولا خاف ، رفع يده وابتعد شوي عشان يفصل بينه وبين أثير مايبي يتهاوش معه هنا وسط الحريم اكيد الكلام اللي اتقال له رح يرده له بيوم بس مو الحين ،نطق بصوت ثابت: "اعتقد اسمك أثيرصح ؟؟؟ ،المهم عارف إنك تبغى تدافع عن أهلك، لكن ليال أختي، ومهما كان، ما رح أتركها هنا خاصه بعد اللي شفته عليها. أنتم خليتوها تحس إنها غريبه بينكم، والآن جا وقت إني أخذها لمكان تحس فيه بالأمان ،ابعد من طريقي ."
