فرح بقهر من اختها ولا مره اتصلت فيها تسأل عنها والحين تبي ولدها بكل بساطه يتزوج غرور ؟؟؟ : بنشوف شلون نحله، الله يجيب اللي فيه الخير
______
كانت الأجواء ببيت ابو مساعد متوتره، خاصه بعد ما جات غرور تجيب الضيافه وكيف كانت تتكلم مع فرح وتبي رضاها.. هالشي خلاها تحزن على بنت اختها وقلبها كان محتار ما تبغى تظلم احد. استأذنت وطلعت.
**
بعد ما طلعت فرح نقززت غرور وهي تضحك :شفتيها يمه كيف كانت تتبسم لي؟؟ اعجبتها اكيد
- اسرار مقهوره من غباء اختها وكيف تتلصق برجل ما يبيها :تبسمت معك يا غبيه لانك بنت اختها تبين تكشر بوجهك مثلا؟؟ وبعدين انتي ماعندك كرامه!! انا خجلت بمكانك وش ذا شوي وتجلسين بحضن الحرمه ؟ واضح انهم ما يبونك اختشي يختي.
- غرور بغبن :يممه شوفيهااا ... لفت لاسرار وقت شافت امها مو معبرتها :هذي خالتي مالك دخل بيننا وبعدين هذي مو امك بالرضاعه؟؟ ليش ما تروحين عندها او تزورينهم روحي كرهت منك ومن تعليقاتك الزفت
- سماح كرهت من هواشهم الدايم :انا قايمه الحين لو رجعت وشفت المكان معفوس رح تشوفون شي مارح يعجبكم يالله قوموا ساعدوا الشغاله احسن من جلستكم اللي ما فيها فايده .
اسرار بحنكه :انا عندي امتحان بكره بعتذر منكم لاني مارح اقدر اساعدكم.. وكملت وهي تلعب بشعرها : اصلا امي فرح جت عشان الاخت ذي صح؟واشرت على غرور. اجل خليها هي تشتغل وتلم ورا ضيوفها انا مالي دخل وانسحبت بسرعه قبل ما تجيها ضربه من امها اللي شافتها معصبه.
سماح بغضب :تتكلم كانها مو خالتها ولا امها الثانيه؟ انا ليش ابتليت بهالبنات يا ربي؟ انا بحياتي ما شفت بنات كذا. استسلم تراني استسلمت خلاص وتوجهت لغرفتها تحت نظرات غرور المصدومه منهم وكيف تركوا لها الشغل لحالها. قههههر.
صارت تلم مع الخدامه وهي معصبه منهم بس فيه شي يخفف عنها. هوو .... آسر اصلا من زمان تحبه كان حبها طفولي والحين صار حبها حقيقي ابتسمت وكملت وهي تدعي يتحقق حلمها.
________
بقصر مالك.
كانوا الحريم جالسين بالصاله ويتكلمون عادي لين انتبهت فرح لليال اللي نايمه وهي ضامه ولدها ..
فرح باستغراب :معقول نايمه هنا؟؟ وولدها بحضنها
الجده بحنان :اكيد ما نامت مسكينه من العيال.
ملاك :انا رايحه اقومها تنام بغرفتها .
حاولت تصحيها لكن لاحياه لمن تنادي زاد استغرابهم اكثر اخذت منها ناديه الطفل وحطته على الكنبه كان يبكي لكن ماحد كان منتبه له.
جابت فرح كاس مويه وصارت تمسح على وجهها وهي تقرأ عليها ويدها ترعش،
الشي اللي كان مطمنهم هو انها تتنفس عادي لكن.
لكن ليش مو راضيه تقوم؟؟! وقفوها غصب تطلع لغرفتها وتكمل نومتها هناك. وتركوا العيال تحت عشان ما يزعجونها.
اتصلت فرح على ولدها لكنه مارد عليها.
كملوا حديثهم ونسوها.
_________
بقصر رضا..
كان الكل يبكي والجو كان حزين مرره لانه ولد ورود الصغير "ريان " واللي عمره اربع سنوات كان مسوي حادث وحالته حرجه مرره .
دهسته سياره وهو رايح مع ابوه للبقاله واللي ما انتبه له يوم ترك يده وراح يجري ورا البسه كان مشغول مع الرجال و ما شاف غير ولده طاير بالهواء المنظر ضل محفور بذاكرته كان منظر بشع مرره .
الكلى عنده تضررت ولزوم يزرع كبد وللاسف الشخص الوحيد اللي كان متطابق معه هو ابوه (زوج ورود ) لكنه سبق وتبرع له من قبل وهو عايش الحين بكليه وحده يعني مافي امل انه يقدر يتبرع له ..
صرخت ورود ببكاء : وش العمل؟؟نترك الولد يموت!!!
راضيه بتذكر وهي خايفه على حفيدها :اسمعوا خلو ورود تسوي التحاليل لو فيه تطابق يعني عشان تتبرع له .
ورود وكأنه الروح ردت لها :انا رايحه عندها.
مسكها رضا :استني يا بنتي ترى مارح يخلونك تشوفينها بعد اخر مشكله صارت بيننا.
دفت يده بقوه :شلووون !!!!!
ما احد منهم له دخل هذي بنتي وخلي واحد منهم يكلمني عشان امسح فيه الارض ..
نطقت راضيه بتسليك :بنتك.. ايه صح بنتك وكملت تغير الموضوع : استني انا جايه معك لاتروحين لحالك.
ورود بجنون و دموعها شلالات على خدها :بسرعه يمه ترى مارح استنى اكثر من دقيقتين .
لبست راضيه عبايتها بسرعه وتوجهوا لقصر مالك..
