شافت آسر راجع وسمع هو بعد صرختها
قام اسرع بخطواته للغرفه لكن ملاك كانت اسرع و اوقفته قبل ما يدخل.
ملاك بجديه وهي تطالع السقف :اتركها تطلع اللي بداخلها من زمااان كان لازم تبكي وتطلع احزانها لا تسكتها.
طالعها وبنفسه معها حق
جلس على الكرسي اللي قدام الغرفه وهو يفكر وبنفس الوقت حزين على عمه وبنت عمه اللي ماتت بصغرها.
ملاك بتوتر :آسر فيه موضوع ثاني انتم ماتعرفونه
طالعها بتوتر :ايش فيه؟
ملاك بدموع :يمه... يمه ماتت
- وقف ويده فوق راااسه وش هالابتلاء ياا ربي المصايب وقت تجي تجي ورا بعض.
الحين كيف رح يخبرها وبعد ماتعرف وش رح تعمل كيف رح تستقبل خبر وفاه الحرمه اللي ربتها حياتها كلها ، هي كانت تستنى وقت رجوعنا بس عشان ترتمي بحضن عمتها كانت مشتاقه لها حيل .
الله يستر رجع يجلس على الكراسي وفوق ظهره جبل من الهموم.
آسر ببعثره وصوره ليال مرسومه بين عيونه : مهما كان او صار لازم اوقف معها لاتبعدوني عنها... ،
بعدها طالع ملاك : انا ابغى اكون معها لو بكت تبكي على كتفي ابغى اكون سندها لو حست بالتعب والحين انا داخل عندها
ملاك :رح تخبرها
هز راسه : اصلا غلطتو خبيتوا عليها الموضوع لو خبرتونا كان جينا وحضرنا العزاء كان شافت عمتها والحزن كان اخف...
رفع راسه لفوق ما يبقى يطالعها يحسهم حطوه بموقف بشع معها الحين مفروض تحزن على ابوها واختها تحزن على حياتها اللي ما عاشتها معهم مو على عمتها اللي ماتت من ثلاث شهور تقريبا.
- دخل وتركها وراااه ويحس بالغضب منهم.
&&
آسر...
وقت دخلت شفتها نايمه اكيد نامت من التعب كان وجهها شاحب و هالشي واضح حتى بنومها جلست قدامها وانا امسح على شعرها بيد واليد الثانيه ماسك فيها يدها .
غمضت عيوني على نفس الجلسه وما حسيت بنفسي الا وانا نايم. التعب هلكني ما ارتحت من السفر جينا هنا علطول.
_____
.
-الجده وقت سمعت بموت ولدها و حفيدتها تعبت عليهم واخوها للمشفى ومن وقتها ما وقفت بكي.
-ساره زوجه ايهم جنت بعد خبر موت بنتها وهي الحين بمعنى الامراض العقليه.
-ضاري واحمد ونادر مهتمين بأمور العزاء واللي رح يتم بقصر مالك
-ورود رجعت من سفرها وسمعت الخبر تذكرت حياتها مع ايهم وحزنت عليه .
نوره وملك وملاك ورغد والبنات جو للمشفى وحاولوا يطلعو بنت عمهم من حزنها لكن ماتغير شي وطلب منهم ضاري يرجعون عشان يوقفون مع الخدم بالهواء لان الكل مشغول.
&&&
بعد يوم واحد.
و بقصر مالك اتملت المجالس من الناس ومعارف ايهم والجد
كلهم جو يعزون الجد بوفاه ولده منهم اللي جا مصلحه ومنهم اللي جد حزين .
- بالصاله...
دخلت وهي مستحيه من ١٥ سنه ما دخلت هذا المكان..
سلمت على الموجودين بهدوء وجلست.
شوي ودخلت مروه..
قامت ورود وسلمت عليها بحياء وهي تعزيها تحس نفسها غريبه بينهم على الرغم انها كانت بيوم من الايام فرد من ذي العيله تحسرت على ذلك الايام .
طالعتها الجده بحزن :راح يا بنتي رااح
راح وبرقبته ذنبك وذنب بنتكم بكت وهي تتكلم :سامحيه يمه ترى ما كان بوعيه كان م س ح و ر نطقتها بتقطع وتحس قلبها يتقطع لحزنها على وفاه ولدها.
ورود بصدمه ما كانت تعرف شي نطقت بسرعه وهي تشوف حاله مروه :مسامحته والله مسامحته اصلا بحياتي ما كرهته او حقدت عليه الله يغفر له ما تقدم من ذنبه وما تأخر.
جلست وهي تسندها
كان صوت القرآن يضج بالمكان كله.
دخلت مع زوجها وتحس الدنيا قفلت كل ابوابها بوجهها خاصه بعد ما سمعت بموت العمه تمشي بالشويش كان وجهها خالي من اي تعابير تغيرت مرره صار عندها هالات تحت عيونها ونحفت كثير كانت تطالع بالمكان بهدوء وتحس صوت القرآن يلمس روحها الميته.
شاف رغد وناداها..
آسر بسرعه وهو ماسك يد لياال :رغد تعالي.
تقدمت منهم بصمت مستغربه اول مره يناديها آسر.
آسر :ساعديها تطلع غرفتها اخاف امر وتطلع بوجهي وحده من الحريم .
هزت راسها ومسكتها تساعدها ، لكن ليال رفضت تطلع غرفتها.
ليال بهدوء :ابغى اروح الصاله
آسر برفض :انتي تعبانه ارتاحي وبعدها اطلعي للحريم
:ما ابغى خليني على راحتي
آسر يطالعها بصمت ما يبغى يصر عليها وهي بهالوضع لكن الدكتور نبهه عليهم ما يضغطون عليها او يزعلونها لان الجنين وضعه تعبان .
بعدت يده وصارت تمشي بالشويش متوجهه لصاله العزاء.
لحقتها رغد وصارت تسندها.
دخلت الصاله وكانت مليانه حريم وتحس البرد يجمد اطرافها.. لفت بعيونها المكان كانت تدور جدتها هي الوحيده اللي ممكن تحس فيها.
طاحت عيونها على جدتها لكن لمحت آخر انسان تتمنى تشوفه حاليا. كانو الحريم يسلمون عليها ويعزونها بأهلها لكنها كانت مو معهم.
كانت تفكر بأي وجه جايه هنا؟؟ بعد ما تركتها وسافرت مع زوجها؟!!! صحيح انها وقفت معها بعرسها وكانت رح تغطي موضوع تركها لها بولادتها بس كرهها لها رجع عشش بقلبها من جديد. لو جات قبل وفاه ابوها كانت سامحتها ونست كلشي لكنها جت وقت غلط تقدمت منهم وهي ناويه شر نست البر بالوالدين ونست الاحترام نست انه امور الدين ما ببالها شي غير انه امها جايه تبرز نفسها وبس
وينها عنها وقت كانت بالمشفى وينها يوم عرسها؟!!
كل البنات يوم عرسهمتكون امهم معهم وتخفف عنهم الا هي تزوجت بسرعه وكأنها عجوز بقبرها بدون امها ولا ابوها كأنها يتيمه طالعتهم بشر
ليال وعيونها مركزه بأمها :وش تسوين هنا؟؟
ورود بفشله من تصرف بنتها معها
الجده :عيب تكلمين امك كذا.
ليال بجنون :مانها اني مو امي يااعالم متى تصرفت معي مثل ام وبنتها عشان اعاملها كنها امي. وينها بيوم عرسي؟ وينها وانا بالمشفى فاقده وعيي؟؟
انا امي ماتت.. ماتت تفهمون مااتت وخبيتوا عني وصارت تبكي بدون وعي :مااتت انا ماما مااتت انتم خبيتوا عني كانت تعيد هالكلام بصوت منخفض وهي راخيه جسمها حاسه نفسها رح تفقد وعيها فزت رغد تمسكها وطلعتها غرفتها.
ما سمعوها الحريم كانو منشغلين بالكلام والحش سبحان الله هذا حال جنائزنا بدل الدعاء للميت والترحم عليه تلاقي اغلب الحضور يحشون بخلق الله ويتكلمون .
- بعد ما طلعت .
وقفت ورود بفشله :اسمحولي انا طالعه تأخرت عالاولاد.
وطلعت بسرعه مستحيه من نفسها وتصرفاتها بأي جرأة رجعت هنا؟؟ كيف سمعت لقلبها وجت؟ مفروض تروح لبنتها مو تجي هنا علطول. غبيه غبيه وطول عمري بضل غبيه.
-
