.. 💗🫀 ..
* قبل ما نبدأ يا بنات انشرو لينك الروايه باماكن ثانيه او تعليقات لروايات ثانيه عادي مافيها شي عشان تنشهر الروايه شوي لساتني بالبدايه وادري مو سهل وكمان تراني اتعب معها والله وبس احبكم يالله ندخل للبارت :)
.
.
.
.
ب الحديقه...
حاطه ايشارب على كتوفها عشان الريح الخفيفه وماسكه كوب النسكافيه الحار اللي انطبع عليه شكل يدينها النحيفه
ليال وهي تتأمل السماء :يعني غيرتو موعد السفر وصار يوم العرس؟! يعني بس يخلص العرس رح نسافر؟
آسر بدون ما يناظرها :جدي غيره بدون ما يرجع لي.. يقول لو تأخرنا اكثر يمكن يضيع لنا الفرع اللي بلندن
بس صدقيني يا ليلي لو ما تبغين مارح اجبرك تجين معي
ليال وذكريات حياتها باسبانيا قدام عيونها :الا انا عشت حياتي كلها برا عشان كذا ما ابغى اسافر بس لو عشانك انت مو بس اروح لندن! والله الف العالم كله ولا اتعب انت بس اشر لي
آسر :يا زينك يا ليلي وانتي تغازليني .. ترى صدقيني سفرتي انا وانتي رح تكون غير وبعدين ابغاك تدريسين سنه ثالث ثانوي بلندن رح اجهز لك اوراقك وكلشي لا تهتمين طيب؟
ليال وكأنه اعطاها سبب عشان تسافر :ايوه يقولون منهج بريطانيا من اصعب واقوى المناهج بخصوص التعليم يالله انت بس احكيلي عنك او عن الدراسه وانا اصير كإني شاربه منشطات
آسر : ههههه يا روحي بسس.. يالله قومي اوصلك وراك تجهيز شناط وكذا .. وبتذكر:صح حجزتي عند الكوافيره؟ او تبغيني اجيب لك الصالون كله عندك ماعندي مشكله ههههه
ليال :ههههه لا يا شيخ الحين بيكبر راسي.. لا تخاف بنات عمومي ما قصرو والله انهم جدعات على قوله اخواننا المصريين وبعدين ليش توصلني كله باب افتحه واقطع طريق اكون بالقصر
آسر بحزم : ولو هذا ما بيمشي معي يالله البسي عباتك اشوف
وطلع ينتظرها قدام الباب
شوي وطلعت له
...
بالصاله..
العمه :ملاك يالله قومي نرجع تأخرنا
ملاك :خلينا ننتظر ليال ابغى اسلم عليها وقت جيت كانت مو موجوده
العمه :والله يا بنتي تأخر الوقت وليال مردها هنا واكيد رح تلتقين فيها كثير وغمزت لها
تذكر ملاك اخر محادثه بينها وبين امها وحمرت خدودها
العمه :ادري ما يصير افتح الموضوع هنا ولزوم نتبع العادات بس ترانا خيات يا مروه صح وما بيننا كلف؟
مروه :اروح لك فدوه يا حبيبتي وش الموضوع اللي شاغل بالك؟
ساره وهي تطالع بنتها وتبتسم :موضوع خير خير
ابغى ابشركم ملاك وافقت على ولدكم وننتظركم تجون زياره رسميه بأقرب وقت
تعالت التبريكات لملاك من الجده وفرح..و ناديه بعلو صوتها :كلولولوووووووووش
على صوتهم نزلو البنات اللي فرحو معهم اكثر صحيح ليال رايحه و مسافره ما يدرون متى ترجع بس ملاك رح تنضم لعيلتهم وناسه...
رغد :الحين ملاك وقاسي؟ والله ما توقعت ابد
ملاك مستحيه :ليش وش فينا حتى ما تتوقعين
رغد: مو كذا بس احس قاسي بارد مره وما رح يناسبك
رقيه بحزم :رغد وش الكلام ذا؟
ملك بضحكه :رغد حدك اخوي ما اسمحلك.. وبعدين مين قالك انه بارد والله انه عسل
رغد يرفعه حاجب : اقول طيري بس قالت عسل قال مين اللي كل يوم تشتكي من اخوها ما ياخذها على السوق وووو بعدين صح احس انه اخر فتره مو على بعضه كأنه متمشكل مع آسر بس تصدقون احس انه المشكله كايده واعتقد فيها حرمه.
ملاك تناظرها بصدمه: وش تقولين؟ ترى آسر متزوج ليال.
رغد: مو شرط الحين يا غبيه يمكن سالفه حريم قديمه والحين طلعت
ملاك ووقع بقلبها الشك : الحين لو كلامك صح ليش تقدملي؟
رقيه وهي ترمي كاس البلاستك على رغد :قومي قامت قيامتك والله الحين انادي جدتي تسنعك وش الكلام الزفت ذا قدام وحده رح تتزوج؟ ما توزنين كلامك قبل انتي ؟
رغد بندم :والله مو قصدي وبعدين كنت امزح انتي تعرفيني.
رقيه :انا اعرفك بس ملاك ما تعرفك ومو مضطره تتحمل كلامك ذا اعتذري منها يالله بسرعه
رغد :اقول تراني مو بزر عندك تعامليني كذا
رقيه وهي تهز حواجبها بمكر تقهرها:تراني اكبر منك ولو ما نفذتي كلام والله اقول لابوي وجدي كلشي وفكيها لو قدرتي!
رغد تقدمت من ملاك بقهر وحبت راسها رقيه مسكتها من يدها اللي توجعها الجد ما يحب الكلام ذا ولو سمع شي اكيد رح ينكد عليها :هففف تسفه كنت امزح
ملاك وهي تضحك على شكلها :خلاص مافي مشكله
ملك :اقول خلونا نشرب شاهي؟
البنات :ايه
ملك قامت تخبر روز عشان تسويه لهم ورجعت شافت ليال جت خبرت روز تعمل حسابها
جلست عندهم ليال وخبروها عن الموضوع..
ليال..
اتصدمت والله... الحين قاسي يبي يتزوج ملاك عشان ينساني؟ اكيد رح ينكد عليها بس.. مستحيل اسمح له يأذي بنت عمتي الوحيده...
لالا تقولون غرت مستحيل اغار على شخص وفي قلبي شخص ثاني بس انا عارفه شعور قاسي و مستحيل اخلي ملاك تحس بنفس شعوره
باركت لها بدون نفس حسيتهم انصدمو من تصرفي وقمت ادور عليه الحين مصلحه ملاك فوق كلشي...
بدون وعي توجهت لغرفته وفتحت بدون ما ادق..
شفته قااعد على الكمبيوتر حقه وانصدم وقت شافني مسكين ما كان متوقع اني جريئه للدرجه ذي حتى انا ما كنت متوقعه هالتصرف من نفسي
كلمته بسرعه :ما ابغى اطول هنا ابيك تجاوبني بصراحه؟
قاسي ببعثره مو قادر يحدد مشاعره وقت شافها : كيف جيتي هنا ووش تبغين؟
ليال : رح تتزوج بنت عمتي عشان تنساني صح؟ انت متأكد انك ما رح تسمح لها تعيش الشي اللي عشته انت؟
قاسي : انا اخذت قراري وهذاني انتظر رد البنت و مستحيل اتراجع عنه الا في حاله وحده .
ليال بتساؤل : كمل ؟!!!
قاسي :تتطلقين من آسر واتزوجك انا.
صدمه
صدمه
صدمه
ليال :ايش!!!! كنت ادري اني غلطت وقت جيت هنا والحين بعد كلامك ذا انا تأكدت ولفت تبغى تطلع
مسك يدها يمنعها :ليلي اسمعيني
بعدت يدها بغضب : وش تبغى
اخذ نفس يهدي حاله : صحيح انك بقلبي وما ادري لو قدرت اطلعك منه بس انا انسان واعي لدرجه اني مستحيل اظلم انسان ثاني عشان نفسي وهذا وعدي لك يا بنت العم ويمكن يكون اخر كلام بيننا.
توقف ياخذ نفس و رجع تكلم بصوته الرجولي : مثل ما قلت لك هذا وعدي لك قدامك وقدام ربي اني مستحيل اظلمها معي ، ولو شفت مجرد شوفه اني رح اجرحها او ازعلها تأكدي اني انا بنفسي رح ابعد قبل ما تبعد هي. والحين استني اخذلك طريق عشان ترجعين لغرفتك..
طلع وشوي ورجع لها..
قاسي :يالله روحي الطريق امان بس قيل ما تطلعين خذي ذي معك وخليها ذكرى لك مني لا تفتحيها الا وقت تحسين انك محتاجه شي تهربين له من العالم ذا.
اخذت من يده بيد ترتجف وطلعت بدون ولا كلمه
هي عارفه انها تسرعت بجيتها هنا هي تدري انه قاسي مستحيل يسوي لبنت عمتها كذا بس غبائها خلاها تتصرف كذا او خلونا نقول خيالها .
تحركت بسرعه تخاف يجي آسر ويشوفها هني كيف رح تفسر له! الا كيف رح تفسر لربي هي كانت بغرفه شخص مو محرم لها ومسك يدها بعد مسحت يدها وكأنها تحاول تمسح أثار يده منها.
راحت لغرفتها ونامت عشان بكره الصبح رح تجي الحرمه اللي تحط لهم حنه ويسوون لها حفله صغيره للحنه بعد المغرب نامت وهي تتخيل اجواء بكره وحضره بقلبها انه امها بكره مارح تكون موجوده.
لقد طال بُعادك ، وأنا لا أتحمل قدر الأسى، فدعنا نخوض في أوجاع العتاب
