واقفه قدام بيت ابوها بعد ما وصلهم هادي ومتردده هي تدري وش ينتظرها بس تحاول تقوي نفسها بنظرها ماسوت شي غلط اللي صار كان غصب عنها والاحداث تطورت بسرعه ووصلت هنا
تقدم آسر من شافها صافنه وانحنى يهمس فأذنها:لا تخافين انا وراك مارح اسمح لاحد يزعلك بكلمه وانا ولد ابوي وابتسم معها
هدأت شوي بعد شوي بعد كلامه بس بنفس الوقت منصدمه منه ومن قوته ما بينهم كلام حتى يقرب منها ويحكي هالكلام... هي ما تنكر اعجابها فيه ك شكل بس للحين ماتعرف خيره من شره ماتبي تخلي قلبها يتعلق فيه وهي اللي تبي تبعد عن اهل ابوها قدر الامكان
دقة قاسي الباب بعد ما شاف ترددها.. وشوي وانفتح الباب اول شخص شافته كان عمتها اللي رمت نفسها عليها ومن ثقلها طاحت معها عالارض وهي حاظنتها: ياااه وش كثر محتاجه حضنك الدافي يمممه ... بغصه :يقولون الام اللي تربي مو اللي تولد ومعهم حق والله معهم حق يمهه طول الليله وانا منتظره ارجع بس عشان اشوف وجهك واحس بدفئ حنانك يالغاليه وببكت وبكت معها العمه
وقت شافوهم كذا سبقوهم للصاله عشان ياخدون راحتهم.. لحقتهم الجده ودموعها بخدودها من شوفه ليال حبتها بسرعه وهي اللي كانت معارضه زواج ولدها من ورود (ام ليال) زفرت بحزن :الله يا ورود ما حن قلبك على هاليتيمه نزلت منها دمعه قهر وكملت طريقها للصاله
.
.
عند العمه بعدت عن ليال وهي تسألها عن حالها
ليال ببحه من كثر بكاها :يمه انا بخييير
العمه تناظرها ماقدرت تحكي
ليال :يمه طلبتك ابغى انام عندك اليوم ما ابغى اجلس هنا
العمه :ما طلبتي شي يالغاليه الحين اروح اخبرهم ونطلع لا تخافين
قربت ملاك من ليال وحظنتها بقوووه: عساك بخير يا روحي متت خووف وانا بفكر فيك انا وامي
حظنتهم العمه اثنينهم وهي تتنهد: الله ما رزقني الا ب ملاك بس انتي يا ليال بنت قلبي اللي رزقني ربي فيها بعد هالعمر مستحيل اتخلى عنك
وقفت معها بالشويش عشان رجلها وتوجهو للصاله..
شافت الكل ينتظرها اخذت نفس بهدوء وهي تمسح دموعها رح تحاول ترد بهدوء وما تقلل ادب خصوصا مع ابوها اللي واضح من نظرته انه ما ناوي خير
تقدمت وماسكه بيد العمه تسند حالها وسلمت عليهم من بعيد
الجد وهو ماسك نفسه : احكيلي اللي صار من الاول
جلستها العمه وطالعت الجد وهي تتذكر كلشي بدت تقص عليهم الاحداث ودموعها يهددون بالسقوط
فلاش باك..
(عند البنات..
يرقصون وزهو وهي جالسه تتفرج فيهم مو متعوده ترقص قدام النااس رزانتها ما تسمح لها لفت على الحرمه اللي تكلمها
الحرمه :يا بنتي ولدي من نص ساعه وهو يدق وماقدرت اكلمه من صوت الحريم ما عليك كلافه توصليني عالمطبخ عشان اقدر اكلمه
قامت معها برحابه صدر وماتدري وش ينتظرها وصلو المطبخ وطلبت منها الحرمه تنتظرها شوي لانها ماتدل طريق الروعه
قعدت فوق الكرسي تنتظرها تتكلم
الحرمه :ايوه يا ولدي الحين وطلبت من بنت ايهم توصلني
فهم عليها :ان شاءالله خير وسكرت
قبل ما تطلع من المطبخ شافت الباب اللي يفتح عالحديقه الخارجيه انفتح وطلع شاب معضل ومغطي وجهه مسكها قبل ما تطلع وحط على انفها مخدر شوي ودخلت عالم الاحلام
..
الجارح :روحي يا حرمه طريقك امان وطلع من القصر من الباب الخلفي متوجه لطريق مجهول)
وبعدها ما حسيت بشي.. لين صحيت على المويه فوق وجهي... لقيتني ف بيت فوسسط الغابه لحالي معه طلبت منه ابقى بغرفه لحالي واعطاني المفتاح .. بعدها قفزت من الشباك وانكسرت رجلي قمت اتحامل على نفسي وهربت بس مسكني
قاطعها ايهم وعيونه حمر من العصبيه :سوالك شي؟ انطقي عساكك بالموت انتي وهو
رفعت عيونها له وتحس كلامه قسمها نصين وقفت بثقه وتوجهت لجدها :لو تبغى تسمع الباقي لفت واشرت على آسر وقاسي رح يكملون لك الباقي مشت وقبل ما تطلع :يا جدي لو سمحت اليوم تعبت مرره وابقى انام ببيت عمتي
هو راسه وهو يتوعد ب أيهم
طلعت ولف على ولده :انت ماتعرف توزن كلامك؟؟
آسر بغضب من ايهم :يا عمي بنتك اشرف من الشرف وانا اشهد لها كانت بمكان كله شباب وصانت نفسها
تقدم قاسي يوافقه الرأي وهو يدافع عنها بعد
الجد :الحين الكل يروح ينام تأخر الوقت طلع الكل غير قاسي واسر والجد
الجد :مين الكلب اللي عملها؟
قاسي بغيره مخفيه:هذا ولد خالها الجارح ومعه أثير
الجد :وكبر الورع وصار يخطف بناتنا
آسر :ترى اخذ اللي فيه النصيب ولو تسمح لي ابغى اربيه من اول وجديد
الجد وهو عارف جنون حفيده :لا انا رح اتولاه انتم لا تبعدون عيونكم عن البيت يمكن يهاجم رضا بأي وقت خاصه بعد الدق اللي خذوه احفاده وقام يضحك بسوريا
.
.
وصلو البيت ونزلت ملاك تساعدها وتوجهت العمه تسوي لها كاس اعشاب يريح اعصابها عشان تقدر تنام
...
بالغرفه منسدحه على رجلين ملاك اللي تمسح على شعرها ودموعها تنزل بصمت .. دخلت العمه وحاولت تغير مزاجها هي وملاك وبس تحسنت شوي شربت الاعشاب وطلعو وخلوها تنام
نامت وماتهنت بالنومه اللي ما خلت من الكوابيس اللي راودتها طيله الليل.
.
.
.
صحت بدري ونزلت تسلم على عمتها وجوها حلو مو كأنها اللي نامت ودموعها على خدودها امس :صباااااحو جمال
العمه متفاجئه:صباحك ورد مثلك يا وردتي انتي
ملاك فزت من شافتها وركضت تضمها
العمه بنهر تكلم ملاك : شوي شوي يا غبيه رجلها مكسوره رح تكملين عليها انتبهي
ملاك تضحك: يمه هذي جنيه بسبع ارواح مايصيبها شي
ضحكت ليال بهدوء ووجهت كلامها لعمتها :يمه اليوم بروح اسجل ابواب الثانويات فتحت تجين معي.؟
العمه ومو عاجبها طلعتها و رجلها مكسوره :خليك يمه انا بروح واسجلك لا تتعبين نفسك
هزت راسها برفض :لا ابغى اروح بنفسي يالله انا جاهزه
العمه :طيب بس تعالي تقهوي بالاول شوفي ملاك عملت لنا فطور يفتح النفس
خجلت ملاك وجلست ليال وهي تضحك على خجل بنت عمتها .. خلصو وطلعو للثانويه اللي يدرسون فيها بنات اعمامها سجلت وهي فرحانه وتبي تخلص دراسه بسرعه عشان تصير طبيبه حلمها تدرس طب بس تدري اهل ابوها متشددين من هالتخصص.. وهي مستحيل ترد على واحد فيهم وتدري انه عمتها رح تدعمها
رجعت للبيت ونفسيها افضل من ليله امس
بالحوش
ملاك :يمه احس ليال تضغط على نفسها وهي مب بخير
العمه :والله ادري يا امك بس وش تبغين اعمل هي مسكره كل ابواب النقاش
ملاك :كلمي جدها يخليها تجلس عندنا لين تتعافى رجلها
هزت راسها وهي تشرب من قهوتها المره :وانا افكر بنفس الطريقه بعد المغرب بتصل عليه واخبره عالاقل لين تتعافى
اتصلت فيه العمه وعطته خبر وسكرت، قامت ملاك عشان تخبرها ويجهزون اشياء السهره مع بعض مثل ايام زمان شقد اشتقت لذيك الايام..
بغرفه ليال...
جالسه على الكرسي قدام لوحه رسمها وترسم بشكل عشوائي مجرد الوان تدمجهم مع بعض يغلب عليه اللون الاسود هي ما تنكر نظرتها السوداويه للعالم بس تحاول تغيرها
دخلت ملاك ووقفت لما شافت رسمتها اللي ما قدرت تفهمها
ملاك : وش ذا؟
ليال :لا تهتمي مجرد خربشات.. الا تعالي وش جابك عندي وانتي اللي قلتي انك طالعه مع صديقتك
ملاك :غيرت رايي بجلس معك وكمان عندي لك خبر حلو
ليال تأثر لها عشان تنطق
ملاك :امي كلمت جدك عشان تجلسين عندنا لين تتعافين
ليال بفرحه ومو مصدقتها تحسبها مزحه من مزحاتها :احلفي
ضحكت بقوووه:والله يا دبه واصلا جيتك عشان نتفق على اشياء السهره ترى بكلم ليلي تطلع مع السواق ويشترون لنا يالله تكلمي وش تبين من برا؟
ليال غمضت عيونها تتذكر لحظاتهم وسهراتهم مع بعض وبدت تذكر لها كلشي جا ببالها عشان تشتريه
..
آسر دق على جده..
الجد :ارحب يالغالي
آسر سلم على راس جده : جيتك وانا طالبك واتمنى ما تردني يا عزوتي ..
الجد فزز وضرب صدره يفزع له : تم يا ولد الغالي وابشر بعزك بس خبرني وش طلبك!
آسر :يبه بغيت اتزوج وسكت ما كمل
تهلل وجه الجد ونطق بفرحه : هذا مو طلب هذي فرحه العمر يا ولدي والحين اكلم جدتك تخطب لك اللي تسواااهم
آسر بسرعه :لا يا جدي انا عارف من البنت اللي بتزوجها
الجد بذهول: منهي بنته؟
آسر :البنت بنتنا وانا ابغاها على سنه الله ورسوله.. ابغى بنت عمي ايهم الكبيره
انصددم الجد :وش تقول؟ طيب قدامك بنات عمك محمد واكبر منها بعد ليش ابغاها
نطق بعد تردد :حبيتها ولا تسألني متى لاني بنفسي ما ادري متى ولا كيف
الجد تنهد كان يبغى يزوجها غريبه بي ما يقدر يرفض طلب حفيده :تم وابشر يا بكر ضاري
تهلل وجه آسر وقام يسلم على راس جده وهو فرحان
الجد : شوف يا آسر انا عطيتك البنت وايهم مارح يقول كلام فوق كلامي ان شاءالله بس اللي ابغاه منك تكون الخطبه بيننا بس لين تقطع البنت شوط بدراستها وتتأقلم علينا شوي
آسر انزعج من طلب جده بس ما رفض : ان شاءالله يا جدي تأمرني بشي؟ رايح عالشركه اتفقد الموظفين اليوم قاسي يقول انهم صارو يتهاونون فالعمل خصوصا بوقت غيابك عن الشركه
الجد وهو يوقف :والله ينشد فيكم الظهر يا اسود المالك روح الله يوفقك ويسدد خطاك
.
.
مرت سنه مافيها احداث تذكر غير انه نوره تقدم لها ابن شريك الجد ووافقت بعد الاستخاره وليال رجعت ع بيت الجد وعايشه بهدوء بعيد عن ايهم واستغربت انها ما طلبت تشوف امها للحين تحس ببرود اجتاحها من جهه امها
وبكره عرس نوره والبيت مقلوب تجهيزات عشان بكره ..
عند البنات..
رغد وهي ترفع فستانها : بنات شرايكم اقصه شوي؟ احسه طويل مرره
ليال :اتصلي على الحاله ربيعه تضبطه لك اخاف تخربينه لو سويتيه انتي
رغد :والله معك حق وراحت تتصل عليها
ملاك وهي تطلع من الحمام بعد ما اخذت دش ملك وين المرطب حقك.. مالقيت مرطبي
قامت ملك وجابت لها المرطب ووجهت كلامها لليال :صح تذكرت عمتك بكره جايه؟
ابتسمت من طاري عمتها :اكيد حتى اتصلت فيني ملاك عشان اروح معها الكوافيره اللي حجزت عندها
رغد بعد ما خلصت اتصالها : ليه تحجز خليها تجي عندنا هنا مع حريم العروس جاييين خمس كوافيرات ورح يخلصونا بكير بعد
ليال وهي تهز راسها بأوك اتصلت عليها وكلمتها...
في مكان ثاني..
- ، تمررررغ بالفراش من الم راسه اللي مو راضي يوقف من سنوات وهو مو عارف السبب قام وتوجه لمكتب ابوه يخبره
الجد واللي تواصل مع الدكاتره وجهز اوراق ايهم عشان يسافر للعلاج لان الاطباء هنا ماعرفو وش علته..
وقفه... 💗______________________________
الجد قلب المستشفيات عشان يلاقي علاج لابنه بس نسى اعظم شي يقدر الانسان يتعالج فيه وهو القرآن
فقد جاء في صحيح ابن حبان عن عائشة -رضي الله عنها-: أن رسول الله صلى الله عليه وسلم دخل عليها وامرأة تعالجها, فقال: عالجيها بكتاب الله. صححه الألباني.
______________________________________
نرجع...
بيوم العرس الجميع كان صاحي من الفجر يجهزون للعرس ولرجعه نادر (اب نوره) مع ابنه احمد اللي يشتغل طيار ورقيه اللي كانو مسافرين عشان دراسه احمد ورقيه
كانت نوره بغرفتها وتناظر نفسها بالفستان والتسريحه قطع لحظتها ذي طرق خفيف عالباب وقفت وفتحت بس تصنمت وقت شافت نادر واخوانها رمت نفسها على ابوها بدون تفكير ودموعها على وشك الهطول رفعت راسها وكلمته بغصه: يبه تأخرت كنت خايفه انزف ومافي اب ولا ام جنبي
نادر وهو يرجعها لحضنه نره ثانيه وهو يتذكر زوجته اللي توفت من خمس سنوات :مستحيل اتركك يا ابوك وهذاني جبت معي هالحلوين
ناظرت ورا ابوها شافت اخوها احمد واختها رقيه اشتااقت لهم مرهه حضنتهم بشوق
جات رغد تجري قبل ما تضيع عليها التجمع العائلي ذا ورمت نفسها على ابوها :يبببه اشتقت لكككك
رفعها ناددر وهو يدور فيها اصغر عياله ومدللته الصغيره
جات ليال عشان كانت تبغى روج حق رغد بس لما شافتهم كذا تحسست مره حتى لو ما بينت للناس بس هالموضوع يجرحها مرره لفت ترجع لغرفتها خلاص ماتبغى روج ولا شي بس شافت جدها وابوها واقفين يشوفون المشهد وينتظرون عشان يسلمون على نادر
ايهم ناظرها وهو يحس بنظراتها سكاكين تقطعه بس ما يقدر يقرب منها وكأنه شي واقف بينه وبينها وما يسمح له يكسر الحواجز اللي بينهم
نزلت راسها بخذلان وقت شافتهم ومشت لغرفتها وهي ناويه بس يخلص العرس رح تزور امها ما تبغى يكون بينها وبين ورود نفس الحواجز اللي بينها وبين ايهم ومتردده من رده فعلها.. 💗
-المفروض انزله يوم الجمعه بس بما انه خميس وكذا لعيونكم اطول بارت بس ترى جالسه اتعب عالفاضي ما اشوف تفاعل ولا ردود وحتى نجوم مافي والمشاهدات بعد منخفضه ليش؟! 🖤🥺
