-رغد وهي تدق الباب عالساعه 9 : ليال يمه منك خيشه نوووم وبصراااخ :هفففف وينك عاد؟ وتدق اقوى
-ليال قامت من صوت الدق وهي تفرك عيونها فتحت الباب : خير ؟
-رغد مصدومه من كلام ليال معها وضحكت من شافتها مغمضه عين ومفتحه عين :اقول تحركي يالله عندنا شغل لا تنسين اليوم حفلتك جدتي قامت الفجر هي وامي وحريم اعمامي وقالبين البيت تجهيز وانتي نايمه يا دب يالله ورانا سوق و كوافير وتجهيز
ليال مو معها تبي تنام..
دفتها رغد للحمام وسكرت الباب :اشوفك بعد نص ساعه الاقيك خلصتي...ونزلت قبل ما تسمع ردها
-نوره وهي تعدل نقابها :صحيتيها؟
- رغد :بطلوع الروح الاخت كيس نوم متحركك
-ملك وملاك نزلو وجاهزين
رغد :طيب اروح اكلم السواق عشان يجهز السياره تأخرنا بسببها الدبه
....
اخذت دش تحس براحه وسرحت شعرها بسرعه لبست عبايتها ونزلت شافت البنات ينتظرونها
جلسو يفطرون مع الجد لانه تأخر بالنوم هو بعد تقهوو وطلعو
بالسوق ..
نوره :انا اقول نروح للمحل اللي نشتري منه على طول فساتيننا وكذا عشان تختار ليال شي يناسبها حتى انا بعد ابغى اشتري فستان..كلشي عندي صار قديم
رغد :طيب انا باخذ معي ملك ونروح نشتري احنا الاكسسوارات عشان ما نضيع وقت الحفله بعد المغرب يا رب نلحق
ملك : لا تخافين رح نشتري لك ابيض عشان يناسب اي فستان تشتريه يا ليال
ليال بابتسامه ناظرتهم وهي تشوف الطيبه بعيونهم :فدوووه اروح لكم
ملاك :اجل انا بروح اشتري لك جوال جديد لا تخافين بيكون اخر اصداار وش تبين لونه؟ اي وكمان شريحه رح تكون على اسم جدي يعني مثل الكل جبت بطاقته معي ترى هذي قوانين البيت
ليال باعتراض :ترى جوالي جديد وماركه بعد مافي داعي
ملاك :يا غبيه حد تصح له فرصه ويرفض؟ واصلا دام كلشي على حساب جدي وش مضايقك؟
ليال : ما احب الاسراف.. وغمزت: بس دام على حساب الشايب مافي مشكله
ضحكو البنات وكل وحده راحت لوجهتها
نوره وليال بعد تعب وجهد اختاروا فستان احمر مفصل قصير وكتوفه طويله ومفتوحه باخرها وصندل بكعب عالي نفس لون الفستان .. نوره اختارت فستان اسود ساده وشوز بنفس اللون
جلسوو بالكافييه ينتظرون باقي البنات
شوي ووصل الكل طلبت كل وحده شي تشربه .. وقضوها ضحك ووناسه لين قامو يرجعون
..
عند الجده :ام قاسي ما يامر عليك ظالم شيكي عالحلا وشوفي لو ناقص شي
هزت راسها ناديه وطلعت تنفذ كلام الجده
فرح : يمه عزمتي الكل؟
الجده وهي تطالعها : ايوه بس مدري يمكن مالك بيعزم اصحابه بالشغل.. ما ابغى اكلفك يا ام اسر تنادي روز (الخدامه) ابغاها
فرح بابتسامه :من عيوني يمه
الجده :الله يوفقكم
.
.
ايهم :بس يبه ماله داعي
الحد : ولا كلمه ماحد قالك تتزوج بنتهم انا جالس اعدل وراك ولا مافي حد عاقل يتزوج بنت اعداءه
ايهم مهموم :تراني مطلقها من 14 سنه وشهوله تعزم ابوها
الجد بدهاء : صح انه عدوي بس يبقى راس كبير بالسوق وشركته مرره كبيره ما اقدر اتجنبه وما اعزمه رح يلومني الكل
.
.
بمكان ثاني
رضا وهو يكلم ولد ولده :سمعتني؟!! ابغى تجيبها تراني داري بكل خطط مالك اللي يبقى يسويها
الجارح :ما عاش من يبغى يلوي ذراعك يا جدي وانا موجود
الجد :يبغى يدرسهااا تحت يده ويرسلها تجسس علينا بس علي الوعد الا اكسر راسه خاصه انه البنت بنتهم وترجع لابوها وانا بنتي متزوجه ومتبريه من بنتها
الجراح مو عاجبه بس مضطر ينفذ : لا توصي حريص يبه بكرهه اروح فيها لمكان ماحد بيعرفه
ضحك الجد بقسااوه:رح نشوف مين بينتصر ياا يا مالك
..
عند البنات خلصو مع الكوافيره ..
نوره تطالعها باعجاب واضح : ما شاءالله ليال حصني نفسك
رغد والبنات التفتو لها وذكرو الله بداخلهم
ليال :والله انه الجمال بيشع منكم بس مانكم خابرين يا بنات العم
دقت الجده الباب ومن فتحو لها سمت الله عليهم وحصنتهم :بسم الله ماشاء الله تجننون يا احفاد مالك
خجلو البنات ونزلو يساعدون تحت وشوي شوي امتلت الصاله الضخمه باصوات الحريم يسلمون على الجده وهي مبسوطه وتعرفهم على ليال والكل مصدوم بجمالها
ام مازن : ما كنت ادري يا مروه انه ابنك ايهم عنده هالغزال ويننا عنها.. بس لا تكون مخطوبه
الجده :لا ماهيب مخطوبه كانت تدرس باسبانيا والحين بس رجعت
ان مازن :ما شاءالله ما شاءالله وشافت مع الجده :ترى يمكن يصير بييننا نصيب لا تعطون كلمه لاحد وضحكت :حجزت قبلهم
ضحكت الجده وهي تطالع ليال ومبسوطه فيها مرره
عند البنات..
يرقصون وزهو وهي جالسه تتفرج فيهم مو متعوده ترقص قدام النااس رزانتها ما تسمح لها لفت على الحرمه اللي تكلمها
الحرمه :يا بنتي ولدي من نص ساعه وهو يدق وماقدرت اكلمه من صوت الحريم ما عليك كلافه توصليني عالمطبخ عشان اقدر اكلمه
قامت معها برحابه صدر وماتدري وش ينتظرها وصلو المطبخ وطلبت منها الحرمه تنتظرها شوي لانها ماتدل طريق الروعه
قعدت فوق الكرسي تنتظرها تتكلم
الحرمه :ايوه يا ولدي الحين وطلبت من بنت ايهم توصلني
فهم عليها :ان شاءالله خير وسكرت
قبل ما تطلع من المطبخ شافت الباب اللي يفتح عالحديقه الخارجيه انفتح وطلع شاب معضل ومغطي وجهه مسكها قبل ما تطلع وحط على انفها مخدر شوي ودخلت عالم الاحلام
..
الجارح :روحي يا حرمه طريقك امان وطلع من القصر من الباب الخلفي متوجه لطريق مجهول
.
.
.
شوي وارتفع صوت الحريم مين اكتشفوا غياب ليال اللي اخر مره شافوها فيها البنات كانت مع الحرمه اللي اختفت معها
انتهى الحفل بسرعه ودخل الجد والاعمام ومعهم ايهم وقاسي واسر بعد ما عرفو باختفاء ليال..
العمه تبكي بحرقه :ما ابغى شي رجعولي بنتي لا والله العظيم بسوي اللي ما يعجبكم
-ايهم منزل راسه والهم كاسيه نطق بغضب اعمى : اخسس.. انا تنزل راسي انا ؟ انا اللي الكل يحسبلي الف حساب والله احرقهاااا والله خلي ترجع بسس
-آسر بغيييره عمياء وقلبه يوجعه ما يدري ليه :انا بطلع اشوف معارفي مستحيل نسكت ونخليه يفلتت
-انزل الجد عصاااه عالارض بغضب زلزل القصر وعيونه ما تشوف قدامه :قاسي.. آسر بتجيبوه من تحت الارض تفهمووون ما ابغى اشوف حد فيكم لين القاها قدامي وهي حسابها بعدين
الجده وهي تبكي : حسابها ؟!! خافو الله فالبنت تراها ما سووت شي هو اللي خطفهااا وبسبب مين يا مالك بسبب مين !! لفت براسها وقالت :يا رب احميها بسس
نوره والبنات ودموعهم شلالات خايفين على ليال مرره وخربت الحفله انقلب كلشي
...
بمكان ثاني..
في بيت الغابه وقف سيارته نزل وحملها معه حطها فوق الكنبه اللي بالصاله وراح يشرب كاس مويه يحس انه تصرفه مرره غلط بس وش يسوي ما يقدر يرفض لجده طلب رجع وبيده كاس المويه ورش عليها شوي عشان تصحى
تململت شوي وبدت تفتح عيونها
ليال قامت وهي تفرك عيونه وبدت الصوره توضح والذكريات ترجع لها
فتحت فمها تصرخ بس كان الجارح اسرع منها وكمم لها فمها
الجارح :مارح اسويلك شي بس ما ابغى اسمع صوتك
نزلو دموعها بدون حساااب وهي تطالعه بخوف
الجراح
ماقدرت اطالعها اكثر من كذا عيونها تسسحر ولونههم الغريب شي ثاني صحيت على حالي مو وقت الغزل استغفر الله بعدت عنها بسرعه واخذت نفس بدون ما اطالع فيها :ترى لو تصرخين من الحين لباكر مارح يسمعك احد احنا بمكان معزوول مستحيل احد يوصله يا بنت ايهم
هزت راسها وهي تناظره بس ما اهتزت فيه شعره
.
.
بمكان ثاني
آسر وقلبه نار ما يدري ليه : والله لاشرب من دمه الحقير والله مين يتجرأ ويسوي فينا كذاا
قاسي بغضب بس بنفس الوقت متفاجئ من حده آسر :خلينا نروح نشوف كاميرات المراقبه اكيد رح نوصل لشي
بغرفه المراقبه ..
كاتم نفسه وهو يشوف شخص غريب مغطي وجهه حاملها بيدينه وهي فاقده الوعي ركب بسيااره وطار بسرعه بس اللي ما حسب حسابه الجراح هو كاميرات المراقبه اللي تارسه البيت ترس واللي صادت رقم السياره
قاسي وهو يطالعه:الحين بتصل براكان يطلع ام السياره من تحت الارض
آسر ساكت وينتظر الاتصال يخلص بسرعه
راكان :خلاص اوعدك يا قاسي اردلك خبر بأسرع وقت
.....
عند الجراح..
طلع له اكل و شافها ما تحركت من مكانها راح جلس قدامها
:شوفي يا بنت العمه بفك بس اوعديني ما تصرخي
هزت رأسها بخوف
فك فمها وقرب لها الاكل بس ما لمست شي
الجراح :افهم منك يعني مارح تاكلين!
ليال : انت ماتعرف انا مين
الجراح بنفسه ليتك ظليتي بسكوتك احسن صوتها دمار خاصه البحه اللي فيه
:ادري انتي مين بس اللي متأكد منه انك ماتعرفين مين اكون
هزت راسها دليل على جهلها الاجابه
زفر بضيق :ترى ماكنت ابغى يكون تعارفنا بهذي الطريقه انا اكون ولد خالك رماح واسمي الجارح
فتحت عيونها على اخرهم : ولد خالي؟ و بحزن :ليه سويت كذاا؟
الجراح مو متحمل يشوف حزنها :لا تسوين بنفسك كذا يا بنت العمه ترى مارح يجيك مني ضر كل اللي ابغاه تجلسين عاقله يومين بس وارجعك لاهلك
ضحكت باستهزاء :اهل؟؟ اذا الاهل سوون فيني كذا وش انتظر من الغريب ونزلت راسها :وين غرفتي ابغى انام
الجراح :رح تنامين هنا ما اضمن انك ما تهربين؟
ضحكت : اهرب كذا ورفعت يدينها عشان يشوفها
وقف وطلب منها تلحقه طلعو لاحدى الغرف ودخلها :رح تنامين هنا بس يا ويلك لو فكرتي بس مجرد فكره انك تهربين
ليال :طيب اعطيني المفتاح وانا وش يضمن لي انك ما تحاول تفتح الغرفه وانا نايمه
رفع حاجب :رح توثقين بوعد الجارح
ليال :ماعندي ثقه باحد حتى بنفسي اعطيني المفتاح خليني انام مرتاحه مع اني اشك اني برتاح بعد اليوم من الكوابيس لي رح تجيني بسببك
عطاها المفتاح ورجع لتحت يشرب عصير يبرد حريق قلبه اللي ما يعرف سببه
......
عند قاسي وآسر ركبو السياره بعد ما ارسل لهم راكان العنوان
قاسي وهو عارف جنون آسر :انا رح اسوق
آسر ركب مقعد السوااق بغضب :لو ما ركبت الحين ترى بروح وخليك هنا
ركب قاسي وهو يوفر الوقت يعرف عناااده اللي مستحيل يتراجع عنه غمض عيونه شوي الا وهو يحس حاله يطير مع سرعه آسر
قاسي :صلي ع النبي يا رجال وخفض السرعه رح نوصل لا تخاف
آسر و افكاره السوداء توديه وتجيبه:وش يضمن لي انه ما سوااا لها شي
قاسي غمض عيونه بغضب هو بعد مو متحمل اللي صار مهما يكون ليال تبقى من عرضهم وشرفهم و بنت عمه وغصب عنه الزعل واضح بوجهه
......
عند ليال سكرت الباب بالمفتاح تعبت وهي تدور شي حاد تفتح فيه رباط يدينها واخيرا لقت ضالتها سكين صغيره موجوده بغرفه الملابس فتحت الرباااط واخذت السكينه احتياااط فتحت الشباك وضرب بوجهها قساوه الشتاء والريح تلثمت بشمااغه لانه جابها بدون عبايه الغبي .. شافت المسافه من الشباك للارض شوي بعيده بس مستحيل تضل هنا رح تغامر بكلشي قفزت وهي تدعي بقلبها ودوووت صرختها بالمكان بعد ما وقعت على رجلها..
وقامت تجري على رجل وحده بالظلام وهي تبكي
عند الجراح رفع راسه فوق يتحكم بغضبهه بعد ما سمع صوتها وعرف انها هربت
طلع يلحقها بسرررعه
...
عندها ..
تجري وتطالع وراها وهي تشوفه يقتررب منها تعبت حيل واللي زاد عليها الم رجلها.. سرع خطواته و شوي وهو يمسك يدها بس ما توازنت وطاحت وطاح فوقها ضربت جبهته بفمها ونزفت من شفتها السفليه وقف وسحبها معه بس مادرى الا بالضرب اللي ينزل عليه من كل جهه قاسي وآسر نزلو فيه ضرب بعد ما شافو المشهد
اتصدمت وهي تشوووف جنون ولاد عمها بس انبسطت اخيرا رح يينقذونها منه بالرغم انه ما سوى لها شي بس يبقى شعور الخطف اسوء شي صار معها هزت راسها على قاسي اللي سألها وهو يمسح يدينه من الدم :انتي بخير يا بنت العم؟
آسر ومازال يضرب فيه بالغصب ابعده قاسي عنه التفت لها بجنون وهو يشوفها بدون عبايه قدام قاسي نزل شمماغه وغطاها فيه : سوالك شي هالحقير
قاسي اللي ما كان منتبه انتبه لشعرها وعيونها وانها بدون غطا وكأنهزآسر نبهه لشي ما كان داري عنه الا نقول فتح على قلبه ابواب هو ما يبي يفتحها صد عنها هو واسر اللي بعده يبغى يضرب الجراااح .. مسكها من يدها وشدها بقوه تلحقه للسياره
قاسي وقفه وابعد يده عنها بغيره مو واضحه :وش تسوي انت جنيت نسيت انها ما تحل لك تمسك يدها
اسر وكانه حد صحاه تركها وكأنه ملسووع وركبو السياره ثلاثتهم واللي ما ينسمع فيها الا صوت ليال الباكي مو مستوعبه شي كلشي صار بسرعه
حرك بس ماهي الا خطوتين وتوقفت السيااااره
نزلو يشوفون وش صار وانصدمو وقت شافو الشرخ الكبير اللي في العجله صارو يتلفتون عشان يعرفون صاحب العمله.. شوي ويطلع الجراح وكله دم من ضربهم له ويطلع معه ابن عمه أثير (بيكون ابن خال ليال بعد مثل الجراح) وهم يبتسمووون وبيدهم اسلحه بيضاء
الجراح :سلم البنت يا حفيد مالك ولا ما تلوم الا نفسك
قاسي :الواضح جلدك يحكك ما كفاك الضرب اللي اخذته مننا تبي بعد؟
آسر : لا والله ماحد بيفكك مني اليوم
أثير : بدون مهايطه اقول يالله سلمو البنت او مارح تطلعون من هنا الا وانتم مكسرين تكسير
الجراح :الا قول تطلع جثثهم
آسر اللي ما تحمل كلامهم هجم على أثير ونزل فيه ضرب لين حس عضامه تكسرت
قاسي وقت شاف آسر هاجم الولد الثاني ما استنى وما صار يشوف قدامه من الغضب
جالسه تتفرج من شباك السياره وكل مالها تخاف منهم اكثر نزلت بسرعه وهم منشغلين وحاولت تهربب
... يتبع ليوم الجمعه..
••تراه فجر وانا جالسه اكتب يالله بس اخلص التعديلات انزله بالوقت المحدد (نزلته قبل الوقت) ، ولعيونكم البارت طويل مثل ما طلبتم 🌱
اتمنى اشوف تفاعلكم وردودكم الحلوه لاني تعبت جد وانا اكتب .. لا تنسون طيب تصوتون بنجمه عشان اتحفز واكمل لكم 💗🫀
واليوم عندي اختبار تمنوا لي التوفيق فيه ولكم بالمثل 🤍
