مسكت يده وطالعت بعيونه :آسر
آسر :عيونه ونبضه
ليال : انا خليت قلبي بأمانتك لو صنته وحافظت عليه بكون لك نعم الزوجه ورفيقه بترجع لها دايما وبكون لك كلشي لكن لو حاولت بس لو حاولت انك تخليني اندم على ثقتي فيك صدقني
قاطعها بيده : مستحيل اخون ثقتك فيني ارتاحي يا ليلي
ليال بضحكه :اسمي ليال مو ليل
آسر :الا انا بسميك ليل ومو اي ليل.. ليلي انا وبس
دق الباب ودخلت ورود والجده
قام يسلم عليهم
الجده :آسر جدك يبغاك يقول جا ضيوف مهمين ويبغاك تسلم عليهم
لف لجهه ليال وابتسم وردت له الابتسامه
بعدها نطق وعيونه عليها :العرس بيكون الشهر الجاي كونوا مجهزين كلشي واضن شهر بيكفي وزياده
كانت ورود رح تعترض بس فاجئها وقت طلع قبل ما يتكلمون
.
.
.
بالليل دقت عليها الجده الباب ودخلت..
ليال قامت تحييها :يا هلا وغلا نورتي غرفتي
الجده ضحكت : يا زين اللي تعرف تتكلم بس
وجلست قدامها على السرير وبيدها كيس اعطته لها
ليال :يمه وش ذا؟
الجده :ارسله لك آسر ويقول انه سجل عليه رقمه ورقمك الجديد بعد حفظه عنده ورح يتصل عليك بعد شوي
ليال بحياء: بس يمه جوالي لساته جديد انا مستحيل اقبل ذا رجعيه له وقولي
قاطعتها الجده وقت قامت وطلعت بدون ماترد عليها و بنفسها تضحك عليها
اخذته بهدوء و شغلته بعدها قامت تغسل وجهها من المايكاب حق الملكه وتاخذ دش
آسر كان سهران مع الشباب مسووين له حفله من غير قاسي اللي تحجج بالمرض وهو فعلا كان مسخن
عند قاسي اللي كان فعلا مزكم قام وفتح الشباك يجدد هواء الغرفه هو واعد نفسه نا يضعف مر عليه الاكثر من كذا وما ضعف مستحيل يسمح لشي كذا يهزه وهو حفيد المالك قام واخذ دش يحس نفسه افضل مره طلع ودق باب امه
ناديه فتحت الباب وهي مستغربه وجود ابنها بالوقت ذا
قاسي :يمه ما ابغى اطول عليك ولا آخذ من وقتك بس ابغاك تخطبين لي و بأسرع وقت
ناديه بصوت منخفض :كلولولوووووووووش واخيرا يا يمه رح تخليني افرح فيك من بكره ادور لك عروس تقول للقمر زيح وانا بجلس مكانك وترى ببالي بنت لو وافقت عليها بكره بكلم امها
رفع حاجب باستفهام:مين!
ناديه :ملاك بنت اخت جدتك وبتكون بنت عم ليال انا شفت البنت وماشاء الله عليها جميله حيل وبسيطه مارح تلاقي افضل منها
قاسي بنفسه 'يعني اقول ابعد واتزوج بعيد عنها الاقي نفسي خاطب قريبتها ':الله الله اتوكلي وكلمي امها بكره لو فيه نصيب ندخل جدي وابوي
ناديه والارض مو سايعتها من فرحتها حضنتك ولدها وهي تدعي له
.
.
.
في بيت العمه...
ملاك وهي تتعشى مع امها :يمه ترى ليال اكيد زعلانه مننا لاننا ماحضرنا ملكتها
العمه بتعب واضح :ليال بنتي و مستحيل تزعل مني
ملاك :لانها بنتك رح تزعل مافي بنت ترضى تملك وامها بعيده عنها
العمه :ملاك روحي نامي ما ابغى اتكلم
انصاعت لامر امها وصعدت لغرفتها تنام
العمه وهي تتذكر احداث اليوم طلعت تشتري هديه لليال عشان الملكه وعشان تروح وتوقف معها هي ملاك بس وقعت بالسوق واغمى عليها صحت على نفسها بالمشفى
