قامت الصباح وهي ناويه تفتح مع عمتها موضوع انتقالها لبيت ابوها بنظرها هذا هو الصح ماتبي تعيش حياتها كلها ثقل على عمتها مثل ما جابوها على ذي الدنيا هم اللي يتكفلون فيها..بس بنفس الوقت ماتبي تبعد عن عمتها و ملاك تحسهم عيلتها الحقيقيه
نزلت لتحت شافت عمتها تتقهوى
العمه :تعالي يمه تقهوي
جلست ليال بنفس الوقت نزلت ملاك وجلست معهم
ليال : عمتي بقولك شي
طالعتها العمه وهي حاسه بالموضوع
ليال :امس وقت كنا ببيت جدي.. فتح معي موضوع ومارديت عليه لين استشيرك انتي
العمه بحزن وااضح : يبيك تعيشين عنده صح؟
فتحت عيونها : خبرك انتي بعد؟
العمه :ما يحتاج يخبرني الموضوع واضح ببس مستحيل اسمحله وينهم عنك كل هالسنين وينهم؟؟ ما اسمح لهم ياخذونك مني بعد ما حبيتك وصرتي اغلى من بنتي مستحيلل
ملاك تناظرهم ودموعها شلالات بدون ما تنطق
ليال بدموع :يمه! والله جيت استشيرك بس ولو ماترضين كنسلت الموضوع غلاوتك عندي بعيلتهم كلها ترى ما يهموني وانتي عندي الكل بالكل والحين اتصل عليه وابلغه برفضي
مسكت يدها العمه قبل ما تقوم وهي تفكر انه هذا حقها تعيش بين اسرتها الحقيقيه هي مستحيل تمنعها تعيش مثل باقي البنات بجو اسري
العمه :لا يمه لا تتصلين ولا شي انا مارح اوقف بطريقك يا غلاي وترى انفعالي قبل شوي كان من حزني لاني بفارقك بس
حظنتها وكملت :وبعدين حقك انك تعيشين بين اسرتك الحقيقيه حتى لو اعتبرتينا عيلتك رح يبقى شعور الغربه بداخلك .. انا رح اكون معك بكل خطوه تخطينها مستحيل اتخلى عنك وانا بنفسي رح اوصلك لقصر مالك وبحكي معهم عشان ماحد يزعلك بكلمه
ليال وهي تبكي :والله انك اغلى من روحي يا امي.. صحيح امي تخلت عني وانا ما كملت الشهر بس لقيت حنانها فيك انتي.. كنتي كلشي ورح تبقين انا مستحيل انساااك انتي وملاك بعدت عنها وراحت تحظن ملاك اللي تناظرهم بسكوت ودموعها تنززل
ملاك :ليال صحيح هالكلام؟ يعني من اليوم مارح نصبح بوجه بعض؟ ولا رح نسهر مع بعض؟ واكيد رح تحبين بنات اعمامك اكثر مني؟ وبكت بصوووت عالي
ضحكت ليال وسط دموعها ياخي احبهم والله :يمممه عالغيره وبعدين وش هالكلام اللي يسمعك يقول اني رح اهاجر لبلد ثاني كلها اثنين كيلومتر وانتي عندي ترى مارح تخلصين مني بسهوله وضحكت
ضحكت معها ملاك وجلسو يودعون بعض بحزن وااضح عليهم
.
.
.
بعد ما خلصت من جمع اغراضها بمساعده عمتها وملاك نزلت للصاله شافت عمها ينتظرها هي تعرفه بس نست اسمه سلمت عليه وودعت اهلها وطلعت معه كلامها معه كان رسمي كثير لين وصلو
دخلو ونادى الشغاله عشان تاخذ اغراض ليال وتوصلهم لغرفتها الجديده
دخلو للمجلس وكانو كلهم فيه ردت السلام بهدوء
وقف الجد يحييها والكل مستغرب تغيره معها هالفتره سلمت عليهم واستأذنتهم ترتاح بغرفتها
لحقوها البنات عشان يساعدونها بترتيب اغراضها
..
ليال
دخلت الغرفه كان يغلب عليها اللون البني والبيج كانت كبيره ومرتبه حلووه بنوتيه
جلست على السرير بتعب شوي ودق الباب فتحت شفت البنات دخلو بدينا نرتبط الاغراض وكانت الجلسه ما تخلو من الضحك والوناسه من خلالها عرفت عقول البنات وجوه حبيتهم مره جا ببالي طيف ملاك وعمتي اشتقت لهم بسرعه دعيت لهم بسري وجلست مع البنات نكمل حكي
قامت رغد واتصلت بالخدامه عشان تجيب اشياء للسهره وكذا
نوره :ليال احكيلنا عن حياتك باسبانيا.. صحيح البنات هناك حلوات ؟
رغد :ماشالله ترى حتى ليال حلوه والله اللي يشوفك اول مره يحسبك اجنبيه خصوصا لون عيونك غريب مرره وحلو
ليال ضحكت بخجل من مدح بنت عمها وردت : عيونكم احلى وبعدين صحيح البنات هناك حلوين بس تحسين ما فيهم سر.. البنات هنا جميلين مره وعندهم قبول ما شاءالله
ملك ابتسمت :احسك تقولين كذاا مجامله فينا بسس ما شاءالله عليك كلام رغد عنك صحيح
ضحكت ليال :يمه ترى لا مجامله ولا شي حتى ملاك بنت عمتي تقول عنكم حلوين
نوره : اي صحيح تذكرت.. ليش تقولين لها عمتي وهي مو عمتك تراها اخت جدتي
ليال :صح كلامك هي اخت جدتي بس من انا وصغيره اقول لها عمتي عشان كذا تعودت عالكلمه .. واحيانا اقول لها يمه
ملاك (اخت ملك) حزنت عليها قامت بتغير الموضوع: ايوه صحيح انتي الحين كيف بتفرقين بيني وبين ملاك بنت عمتك اثنيننا اسمنا ملاك
ليال : خلاص انتي من اليوم بناديك ملوك شرايك هاا؟
ملاك :حبيت خلاص موافقه
نوره غيرت الموضوع :ليال انتي مخطوبه او بتحبين احد؟
ليال شردت شوي
مدري ليه جا ببالي طيف آسر مع اني شفته مره وحده بس .. رفعت راسي على كلام نوره
نوره :يممممه عالحب اللي خلاك تتوهين كذا
ليال : يخسسى انا ما احد يوقعني ويخليني اشرد فيه وافكر
رغد :نشوووف ههههه
ملك :يمه منك يا نوره مسكتي البنت اسئله اكيد رح تهج
ليال : عادي والله
وكملو سوالييف
.. >>>> وهذا البارت السادس خليتو يكون طويل ونزلتو لعيونكم اتمنى الاقي دعم و ردود حلوه عشان اتحفزز واكمل الروايه 💗💗
لاتنسون التصويت والمتابعه في امان الله
ادري الوقت بدري بس مشوها + تذكرت ترى نزلت نبذه عن روايتي الجديده ( رجفه من نوع خاص 💗) شوفوها بطريقكم ترى موجوده بصفحتي يالله اشوفكم على خير
