فز راح يغسل بس رجع بسرعه يتطمن على العيال وهو يضحك :نسيت وجودهم شكلي لساتني ما تعودت عليهم.
هزت راسها و راحت للصاله تدخل الاكل بس اتصدمت وقت شافت قاسي صاحي وطالع فيها رجعت على وراها للمطبه بسرعه ولبست عبايتها شافت ملاك نازله عن الدرج نبهتها عن آسر انه موجود عشان تلبس عبايتها تأففت ملاك لا تلوموني احس من وقت جا قاسي هنا انقلب كياني صرت كل شوي معصبه منه...
الوقت حملني مسؤوليه كلشي هففففف.
لبست عبايتها وراحت تفطر توجهت للصاله تشوف اذا ناقص شي للفطور وكذا بس شافته على نفس جلسته
ملاك بدون اهتمام :صباح الخير.
وقف وطلع بدون ما يرد عليها حزت بنفسها الحركه وراحت تحمل تجهيز مع ليال..
&&&
بالمطبخ..
كانت ليال تعصر الفواكه تسوي عصير وملاك كانت تاخذ الفطور للصاله..
رجعت تاخذ العصير عشان توديه بس وقفت مكانها وتصرفاته تتردد بذاكرتها نطقت بعد تفكير مطول :شكلي بتطلق منه. انا انا تعبت من تصرفاته معي . طالعتها وكملت :جالس يتصرف معه كانه مسوي معي جميل بس ما ادري وش هو متكبر ومغرور مرره لو شد حاله شوي يطق السطح من طوله وغروره مع بعض.
ما قدرت تتحمل كلامها عنه كان يضحكك مرره ضحكت بصوت عالي من زمان ما ضحكت كذا حطت يدها على قلبها وهي تحس بالراحه،
ضحكت على سوالف بنت عمتها واضح انها مقهوره منه .
لكنه تتحلف بقاسي ليش يسوي فيها كذا ، هو مو وعدها يحمي بنت عمتها ويصونها؟ وش المبزره اللي يسوي فيها الحين؟؟
رفعت راسها على صوت آسر يسأل عن الفطور كملنا تجهيز وطلعوا يفطرون بنفس الوقت اللي دخل فيه قاسي.
ماحد تكلم مع الثاني.
آسر وقت شاف الجو متكهرب نطق يلين الجو : ترى طيارتنا بعد المغرب.
ملاك وليال بنفس الوقت :ما نبغى نرجع الحين
استغربوا منهم،
قاسي :بعد كل هالمشاكل لكم عين تتكلمون؟
انزعج منه آسر مايحب احد يتكلم مع ليال كذا نطق بلعانه يقهره هو بس يحق له يتحكم فيها وما احد ثاني له دخل فيها : تبون تجلسون هنا اكثر؟
ملاك بسرعه وهي تشوف وجه زوجها انقلب :مو كذا بس انا وليال عندنا عاده كل ما جينا هنا لازم نروح لمكان ونرجع.
كانت رح تتكلم لكن بكاااء اولادها قطع عليهم الكلام :انا رايحه اشوفهم انتم كملوا فطور.
لحقتها ملاك تساعدها...
.
جالسه فوق السرير وترضع ولدها وملاك تسكت الثاني لين يخلص الاول.
ليال بهدوء وهي مركزه عيونها على ملاك :روحي انتي وقاسي للمكان اللي متعودين نروح له انا وانتي
ملاك برفض قاطع قبل ما تكمل ليال كلامها :ايش؟؟ انا وهو؟؟؟!!
لا انسي مستحيل اروح معه ،
ولو ماتبغين انتي بكيفك انت بروح بنفسي واتطمن عليهم رح أخبرهم انك ولدتي جديد وانك تعبانه عشان كذا ما جيتي معي .
ليال بخيبه هي تبي تحسن علاقتها معه لكن ملاك قطعت كل الخيوط بوجهها : اقول تعالي اضربيني كفين احسن؟ وش هالاسلوب؟!! اكلتيني بقشوري اعوذ بالله.
وبعدين يا غبيه انا اقول روحوا مع بعض يمكن تتحسن علاقتكم ويلين زوجك .
ملاك بتفكير ومكر :حتى لو تحسنت انا مستحيل اغفر له بسهوله رح اخليه يندم على تصرفاته معي واخليها يحفى عشان يراضيني قولي ملاك ما قالت.
ضحكت ليال : يمه ان كيدهن لعظيم.
وقفت ملاك : اجل خذي ولدك النتفه ذا عني بروح اكلم الحجر ذاك يروح معي
اخذت منها ولدها بحنان بعد ما حطت الثاني :نتفه بعينك يا دب انتي، حدك عيالي وروحي عند الحجر حقك لا تضيعي وقت.
ضحكت ملاك من قلب وباست الولاد قبل ما تطلع :احبهم والله، حبهم تغلغل بقلبي عشش هنا وهي تأشر على قلبها.
- طلعت وهي تدندن تحس مزاجها تعدل وهي تفكر بالمستقبل.
بعد ما طلعت ، دخل آسر عندها وباس راسها بابتسامه .. :اقول يا ليلي ابغى اسمي العيال هنا عشان ياخذون الجنسيه الاسبانيه وش رايك؟؟
ليال بابتساامه : فكره حلوه بس وش رح نسميهم؟ وكمان الاوراق العائليه ما جبناها
آسر جلس جنبها :انتي تعبتي معهم عشان كذا انتي سميهم وبعدين كل الاوراق والدفتر عندي لا تخافين
طالعته بحب :انت سمي عيالنا الذكور وانا اسمي البنات ،
وبعدها انتبهت لكلامه : وش تقول! الاوراق عندك؟؟!!!
هز راسه بعدم فهم :ايه عندي شفيك اتصدمتي.؟.
ليال بصدمه :طيب ليش ما اخذتني للمشفى وخليتني اتعذب هنا بدون ولاشي؟؟!
نطق بتوتر وهو يتذكر ليله امس كانت اسوء ليله بعمره ما يبقى يفكر فيها مره ثانيه :كنت رح اخذك لكن ملاك رفضت تقول لو اخذتك رح تولدين بالطريق .
غمضت عيونها تطرد تعبها وخوفها امس ورجعت طالعته بحنان وهي تغير الموضوع ما تبغى شي يأثر على علاقتهم مع بعض :ما رح تسميهم؟!! تراجعت؟!!
