هاي نبدا بسم الله ...💗🐍
بلندن.. الساعه ٤ الصباح
قامت مفجووعه وهي تسمي وتقرا الاذكاار
قام اسر وهو خايف عليها : اسم الله عليك وش فيك يا ليلي
ليال و دموعها ينزلون بدون توقف : شفت كابوس كانت عمتي تغرق بالوحل وتنادي على جدتي.. كنت رح اساعدها لكن شفت افعى تلدغ فيني بس الافعى ذيك كان عليها وجه زوجه ابووي.. اسر ان انا انا مو متطمنه الحين بتصل على ملاك اشوف احوالهم
اسر مسك يدها :لا تفجعينها بكره الصباح نتصل عليهم ويطمنونا
ليال برعشه :انا خايفه
ضمها اسر ورجعو ينامو....
_____
الصباح ..
دخلت المطبخ تسوي فطور بهدوء خلصت اخذت شاور سريع وتركت شعرها المبلول على ظهرها وراحت تصحي آسر
ليال بهدوء :آسر.. آسر اصحى جهزت فطور خلينا نفطر ونطلع نغير جو مليت كذاا
كان صاحي بس مب راضي يفتح عيونه قربت شعرها المبلول وحطته بوجهه
فتح عيونه بفجعه وضحك وقت شافها :ههههه يا صباح الجمال الطبيعي والنشااط
ابتسمت وهي تجلس على طرف السرير :صباح النور ترى صحيت قبلك وجهزت لك الفطور يالله اصحى انت بعد حطيت الفطور اغسل وتعال واعطيني رأيك بالاكل.. وسبقته لصاله الطعام
دخل يمشي بسرعه ونطق باستعجال :جاني اتصال ويقولون وفد الشركه الي بتسوي تعاون معنا بالمنتج الجديد وصل باكل شي سريع واطلع
ليال بخيبه امل :هااا؟؟ ووقفت طيب خليني اروح اكلم امي فرح بسألها عن الاحوال ملاك ماترد علي معقول شافت نفسها بعد الملكه ههههههه
بضحكه رد عليها :ههههههه الا انتي ما يحق لها تشوف نفسها عليك
جلس ياكل وهي جابت الموبايل وجلست معه اتصلت وحطت سبيكر وبعد السؤال عن الحال والاحوال..
ليال :يمه بسألك ؟
فرح وبعدت عن المكان :عيوني اسألي
ليال :وش الاحوال عندكم كنت اتصل على ملاك وعمتي ولا وحده منهم ترد وش صار امس الملكه مرت بخير؟
فرح بتوتر :اي اي كلشي بخير حبيبتي بغيتو شي ضاري ينادي؟
آسر وهو يعرف امه اكيد مخبيه شي :سلامتك يمه وسكرو.
اسر :كلهم بخير وانتي ارتاحي شوي شفتي انه مو صاير شي؟ فكري بالخير عشان يحصل خير والحين يالله افطري ما ابغى اسمع اي اعتراض
ليال بهدوء :طيب ان شاءالله.. اي تذكرت وش صار على دراستي؟
اسر :انا دفعت ملفك وانتظر الموافقه عليه. بكره يردون خبر ولو تم القبول الاسبوع الجاي تبدين الدراسه.
ليال :طيب وش احوال شغلك انت؟
آسر :والله ما ادري بس فيه شوي تحسن يالله عيوني انا طالع تبغين شي؟
طالعته بهدوء كان لابس طقم الشركه وطالع فيه رزه :سلامتك.. اااه صحيح اسر ابغى اطلع بعدين اروح اعمل شوبينغ او اي شي مليت
آسر :استنيني المساء واخذك انا؟
:لالا ابغى اطلع بعد الفطور الجو الحين حلو
:بس انتي ماتعرفين مكان هنا؟
:لاتخاف ادبر نفسي نسيت اني عشت حيااتي برا؟؟
آسر وهو مو عاجبه :طيب لا تتأخري وخلي جوالك مفتوح لاني كل شوي بتصل عليك
ابتسمت :ان شاءالله حبيبي
طلع وهي كملت فطورها وقامت تلبس
لبست عبايتها المطرزه بالذهبي وما حطت مايكااب
.
طلعت وشافت بنفس الوقت بنت طالعه من الشقه اللي جنبهم وواضح انها عربيه من ملامحها كانت سمرا والجمال العربي واضح من عيونها السوود تقدمت منها ليال بخجل لانها ما تعرفها :هلا
سديم : هلا هلا.... الله محييك عربيه صح!!
ليال ضحكت :اكيد دامني احكي عربي ولابس عبايه.
سديم :تسكنين هنا ؟
ليال :ايوه بالشقه اللي مقابلكم .. مشغوله شي؟ لاني ما ابغى اعطلك
سديم :لا كنت طالعه اغير جوو خنقني جو البيت
ليال :سبحان الله انا بعد والله تعالي نمشي مع بعض؟
هزت راسها ومشو مع بعض توجهوا للمول
ليال :تسكنين هنا بروحك؟
استغربت سؤالها :انا طالبه مقيمه هنا من اربع سنوات واسكن مع امي وانتي؟
ليال : انا جيت هنا مع زوجي. عشان شغله
سديم :متزوجه ؟؟!!! بس انتي صغيره مرره
حست بالضيق ما تحب احد يشكك بقراراتها :مو صغيره وغيرت الموضوع :ندخل المحل ذا؟؟!
سديم :طيب ومر الوقت بدون ما يحسوون
رن جوالها بس ما شافته
بعد ساعه ونص تعبو وجلسوو بكافيه
سبحت جوالها وشافت عشرات الاتصالات منه اخذت نفس بتوتر ودقت له
رد بعصبيه خفيفه :وينك انتي من الصباح ادق عليك؟
ليال بجمود:التقيت بنت عرييه ورحنا نتسوق وما حسيت بالوقت وبعدين ترى خبرتك اني طالعه
اسر :والجوال وينك عنه؟ من اول بتصل عليك وانتي مو فيه؟؟
ليال :بعتذر لاني اقلقتك اصلا الحين راجعه
:خليك مكانك انا جاي اخذك
ليال :طيب برسلك الموقع
.
سديم :دام زوجك جاي اسمحيلي انا راجعه الحين وانتي انتظريه
ليال بتوتر ما تبغى تجلس بروحها : اجلسي معي لين يجي
سديم :والله حبيبتي ودي بس امي لو سمعت اني بقيت معك وزوجك جاي رح تزعل مني بعتذر منك وبعدين رقمي مسجل عندك صح ؟
ليال بابتسامه مزيفه :ايه
سديم :اجل نتواصل بعدين يالله اشوفك بخير
هزت راسها وجلست تنتظره.
تقدم لها شاب وواضح انه عربي بعد :اهلين حياتي
من كلامه قدرت تخمن انه لبناني بعدت عن المكان بدون ما تكلمه وهي معصبه وبنفسها ياااليل و بس لساته مصر يزعجها :ويني انا عن هالجمال من قبل الصراحة بس سكت وقت شافها تلوح لاحد من بعيد
آسر وهو ما يشوف قدامه من العصبيه مسكه من كتفه ولفه له بغضب وشوي ويحطه تحت رجوله :تتيسر لامك او للقبر انت اختار
الشاب بعد بسرعه وقت شافه معصب
لف عليها :وش صاير هنا وبينها صاحبتك ليش لوحدك
هزت كتوفها بقله حيله :روحت قبلي، وبعدين انا بعدت عنه بس هو نشبه والله
مسك يدها : مسكت نفسي ما اكسره تكسير والحين تعالي نرجع للبيت ما ابغى اجلس هنا دقيقه وحده
